কেন্দ্র সরকারগী পেন্সনরশিং ‘ইজ ওফ লিবিং’ হেনগৎহন্নবা দিপার্তমেন্ত ওফ পেন্সন এন্দ পেন্সনর্স ৱেল্ফিয়রনা দিজিতেল লাইফ সর্তিফিকেৎ (DLC) হায়বদি জীবন প্রমান পাকশন্না প্রমোৎ তৌখি। 2014দা বাইওমেত্রিক্স দিভাইসশিং শীজিন্নদুনা DLCশিং পীশিনবা অসি হৌখি। মতুং তারকপা ওইনা বিভাগ অসিনা এন্দ্রোইদ বেজ স্মার্ত ফোন অমা হেক্তদগী LC পীশিনবা য়াহন্দুনা আধার দেতাবেসতা য়ুম্ফম ওইবা ফেস ওথেন্তিকেসন তেক্নোলোজী সিস্তেম অমা দিবেলপ তৌনবা MeitY অমসুং UIDAIগা খুৎশম্নখি। ফেসিলিতী অসিগী মতুং ইন্না মীওই অমগী আইদেন্তিতী অসি ফেস ওথেন্তিকেসন তেক্নিক্কী খুত্থাংদা এস্তাব্লিশ তৌখি অমসুং DLCশিং জেনরেত তৌখি। নবেম্বর 2021দা হৌদোকখিবা অনৌবা তেক্নোলোজী অসিনা পেন্সনরশিংনা এক্সতর্নেল বাইও-মেত্রিক দিভাইসশিংগী মীপাল তাংলম্বা অদু হন্থহনখি অমসুং প্রোসেস অসিবু স্মার্তফোন-বেজ তেক্নোলোজী শীজিন্নদুনা মীয়ামগীদমক হেন্না লাইহনখি।

কেন্দ্র সরকারগী পেন্সনরশিং লোয়ননা পেন্সন দিসবর্জিং ওথোরিতীশিংদা দিজিতেল লাইফ সর্তিফিকেৎ পীশিন্নবা DLC/ফেস ওথেন্তিকেসন তেক্নোলোজী শীজিন্নবগী মতাংদা এৱের্নেস পীনবা ৱাখল্লোনগা লোয়ননা DoPPWনা লৈবাক শিনবা থুংবদা সহর 37দা 2022দা নবেম্বর থাদা লৈবাক শিনবা থুংবদা কেম্পেন অমা হৌদোকখি। কেম্পেন অসিদা কেন্দ্র সরকারগী পেন্সনরশিংদা DLC লাখ 35 হেন্না মাইপাক্না ইস্যু তৌখি। লৈবাক শিনবা থুংবদা কেম্পেন অসি পেন্সন দিসবর্জিং বেঙ্ক 17, মন্ত্রালয়শিং/বিভাগশিং, পেন্সনর্স ৱেল্ফিয়র এসোসিএসন, UIDAI, MeiTYগা খুৎশম্নদুনা পেন্সনর লাখ 50 তার্গেৎ তৌদুনা লৈবাক শিনবা থুংবদা লৈবা সহর 100গী মফম 500দা নবেম্বর 1 – 30, 2023দা পাঙথোক্লি।

লাইফ সর্তিফিকেৎ সবমিসনগী দিজিতেল মোদশিংগী কান্নবা অসি লৈবাক্কী মনুং হঞ্জিনবা মফমশিংদা লৈরিবা পেন্সনরশিংদা য়ৌহন্নবা অমসুং কা হেন্না অহাল ওইবা/অনাবা/ শোইনাইরবা পেন্সনরশিংদসু কান্নবা পীবগী ৱাখল্লোনগা লোয়ননা ভারত সরকারগী মন্ত্রালয়শিং/বিভাগশিং য়াওবা স্তেকহোল্দর পুম্নমক্কী থৌদাংশিং য়াওবা গাইদলাইনশিংগী অকুপ্পা ৱারোল য়াওবা কমপ্রিহেন্সিব সর্ক্যুলর অমা থোকখি। গাইদলাইনশিং অসিদা স্তেকহোল্দরশিংনা নোদেল ওফিসরশিং খনবা, কেম্পেনগীদমক ওফিসশিং অমসুং বেঙ্ক ব্রাঞ্চশিং/ATMশিংদা স্ত্রেতেজিক ওইবা মওংদা বেন্নরশিং/পোস্তরশিং থেৎতুনা DLC-ফেস ওথেন্তিকেসন তেক্নিক্কী এৱের্নেস শন্দোকপা/ মথৌ তাবা পব্লিসিতী পীবা, দোরস্তেপ বেঙ্কিং সর্ভিসশিং ফংবা মফমদা য়ারিবা মখৈ DLC/ফেস ওথেন্তিকেসন তেক্নিক শীজিন্নবা, লাইফ সর্তিফিকেস পীশিন্নবা পেন্সনরশিংনা ব্রাঞ্চতা লাকপা মতমদা তেক্নোলোজী অসি শীজিন্ননবা বেঙ্ক ব্রাঞ্চশিংগী দেদিকেতেদ স্তাফশিংদা এন্দ্রোইদ ফোন পাইহনবা, থেংথবা তৌদনা পেন্সনরশিংনা মখোয়গী DLCশিং পীশিনবা য়াহন্নবা কেম্পশিং পাঙথোকপা অমসুং ফমুংদা তাদুনা লৈরবা পেন্সনরশিংগীদমক হোম বিজিৎ চৎপা য়াওরি।

পেন্সনর্স ৱেল্ফিয়র এসোসিএসনশিংনা DLC সবমিসনগীদমক পেন্সনরশিংগীদমক কেম্পশিং পাঙথোক্নবা সেন্সিতাইজ তৌখি। দিপার্তমেন্ত ওফ পেন্সন এন্দ পেন্সনর্স ৱেল্ফিয়রগী ওফিসিএলশিংনা পেন্সনরশিংবু মখোয়গী লাইফ সর্তিফিকেৎশিং পীশিন্নবা তোঙান-তোঙানবা দিজিতেল মোদশিং শীজিন্নবদা মখোয়গী মতেং পাংনবা লৈবাক শিনবা থুংবদা লৈবা মরু ওইবা মফমশিংদা চৎকনি।

দিপার্তমেন্ত ওফ পেন্সন এন্দ পেন্সনর্স ৱেল্ফিয়রনা লৈবাক শিনবা থুংবদা কেম্পেন অসি চাউনা মাইপাক ওইহন্নবা খোঙথাং পুম্নমক পাইখৎকনি।

*****