প্রধানমন্ত্রীগী লোইশঙ
প্রধান মন্ত্রীনা মধ্য প্রদেসকী চিত্রকুত্তা লৈখিদ্রবা শ্রী অর্বিন্দ ভাই মফাতলালগী ১০০শুবা মপোক কুমওন থৌরমদা ৱা ঙাংখ্রে
লৈখিদ্রবা শ্রী অর্বিন্দ ভাই মফাতলাল ইকায়খুম্নবা উৎতুনা কম্মেমোরেতিপ স্তাম্প ফোঙখ্রে
“চিত্রাকুত্তা লাকপা অসিদা ঐ য়াম্না হরাওই”
“সাধুশিংগী থবকশিনা চিত্রাকুতকী ফজবা অমসুং মরুওইবা লোম্বা নাইদনা লৈহল্লে”
“ঐখোয়গী লৈবাক অসি মখোয় মশাগী ওইজবা থাদোকখিবা অমসুং অফবা থবক পাংথোকখিবা অচৌবা মীওই কয়াগী লমদম অমনি”
“কৎথোকপা হায়বসি কনাগুম্বা অমগী মাইপাকপা নত্ত্রগা লন-থুম লেংদনা থম্নবা খ্বাইদগী ফবা লম্বীনি”
“ঐনা অর্বিন্দ ভাইগী থবক অমসুং মগুন খঙলকপদা মহাক্কী পান্দমগা ঐগা থম্মোয়গী ওইবা মরী অমা লৈনহল্লে”
“ত্রাইবেল ফুরুপশিং য়াইফনবা ঙসি লৈবাক অসিনা অফবা থবকশিং পায়খৎলি”
Posted On:
27 OCT 2023 4:10PM by PIB Imphal
ঙসি প্রধান মন্ত্রী শ্রী নরেন্দ্র মোদীনা মধ্য প্রদেসকী চিত্রকুত্তা লৈখিদ্রবা শ্রী অর্বিন্দ ভাই মফাতলালগী ১০০শুবা মপোক কুমওন থৌরমদা ৱা ঙাংখ্রে। ইং ১৯৬৮তা পরম পুজ্য রনছোরদাসজি মহারাজনা শ্রী সাধগুরু সেবা সঙ্ঘ ত্রস্ত লিংখৎখি। শ্রী অর্বিন্দ ভাই মফাতলাল পরম পুজ্য রনছোরদাসজি মহারাজনা ইথিল পীখি অমসুং ত্রস্ত অসি লিংখৎপদা অচৌবা থৌদাং অমা লৌখি। শ্রী অর্বিন্দ ভাই মফাতলাল নিংতম্বা ফংলবা মতুংদা লৈবাক অসি চাউখৎনবা মরুওইবা থৌদাং অমা লৌখিবা ভারতকী মাঙজিল থাবা ওন্ত্রেপ্রেনিউয়রশিংগী মনুংদা অমনি।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি সাধুশিংনা চিত্রকুত অসি ভাগবান রাম, লাইরেম্বী সিতা অমসুং ভাগবান লক্ষমনগী লৈফম্নি হায়না ফোঙদোক্লি। ঙাইহাক্কী মমাংদা শ্রী রঘুবির লাইশঙ অমসুং শ্রী রাম জনকি লাইশঙদা মহাক্না দর্শন অমসুং পুজা পাংথোকখিবা অদু শ্রী মোদীনা পনখি। মহাক্না হায়খি হেলিকোপ্তর তোংদুনা চিত্রকুত্তা লাকপদা লম্বীদা মহাক্না কামতগিরি চীঙশাং খুরুমখি অমসুং পরম পুজ্য রনছোরদাসজি মহারাজগী মীতমদা লৈ কৎখি। শ্রী রাম অমসুং জনকি দর্শন তৌবদা প্রধান মন্ত্রীনা অপেনবা ফোঙদোকখি অমসুং থৌরম অদুদা সাধুশিংনা লমজিং-লমতাকখিবা অমসুং শ্রী রাম সংস্কৃত মহাবিদ্যলয়গী মহৈরোয়শিংনা উৎখিবা থৌরম অদু শিংথাখি অমসুং মসি হায়নিঙাই লৈতনা অপেনবা ওইখি অমসুং ৱাহৈশিংনা ফোঙদোকপা ঙম্বগী ৱাংমদনি হায়খি।
নৈহৎপীরবশিং, তোল্লবশিং, অদিবাসি অমসুং লায়রবগী মহুৎশীন্দুনা লৈখিদ্রবা শ্রী অর্বিন্দ ভাই মফাতলালগী ১০০শুবা মপোক কুমওন থৌরম পাংথোকপগীদমক মহাক্না শ্রী সাধগুরু সেবা সঙ্ঘ ত্রস্ত থাগৎপা ফোঙদোকখি। শ্রী মোদীনা হায়খি জনকিকুন্দ চিকিতসলয়াগী নৌনা শঙ্গারিবা ৱিং অসিনা লায়রবা লাখ কয়াদা পুন্সিগী অনৌবা মপোক পীরগনি অমসুং তুংদা লায়রবশিংগী সেবা তৌনবা থৌরমশিং নিংথিনা পাংথোকপা য়ারগনি। লৈখিদ্রবা শ্রী অর্বিন্দ ভাই মফাতলাল ইকায়খুম্নবা উৎতুনা কম্মেমোরেতিপ স্তাম্প ফোঙবা অসি অপেনবা পোকপা অমসুং চাউথোকচবা মিকুপ অমনি।
শ্রী অর্বিন্দ মফাতলালগী থবক মখোয়গী ইমুং-মনুংনা মখা তানা পায়খৎপদা প্রধান মন্ত্রীনা হরাওবা ফোঙদোকখি। তোঙান-তোঙানবা মফম কয়া লৈরবসু ১০০শুবা মপোক নুমিৎ থৌরম পাংথোক্নবা চিত্রকুত খনবদা প্রধান মন্ত্রীনা অপেনবা ফোঙদোকখি।
প্রধান মন্ত্রীনা হায়খি সাধুশিংগী থবকশিনা চিত্রাকুতকী ফজবা অমসুং মরুওইবা লোম্বা নাইদনা লৈহল্লে। প্রধান মন্ত্রীনা পরম পুজ্য রনছোরদাসজি মহারাজগী মফমদা ইকায়খুম্নবা উৎখি অমসুং মহাক্কী পুন্সিদা মহাক্না ইথিল পীখিবা অদু নিংশিংখি। পরম পুজ্য রনছোরদাসজি মহারাজগী নুংঙাইরবা খোঙচৎ অদু প্রধান মন্ত্রীনা নিংশিংখি। মফম অসি উমং ওইনা লৈরিঙৈদা চহি ৭০গী মমাঙদা মহাক্না মীয়ামগীদমক পাংথোকখিবা থবকশিং প্রধান মন্ত্রীনা থাগৎপা ফোঙদোকখি। প্রধান মন্ত্রীনা হায়খি পরম পুজ্য রনছোরদাসজি মহারাজনা লিংখৎলম্বা লোইশঙ কয়ানা হৌজিক ফাওবা মীওইবা খুন্নাইগী থবক তৌরি। মহৌশাগী অমাং-অতা থোকপা মতমদা পরম পুজ্য রনছোরদাসজি মহারাজনা পাংথোকখিবা থবকশিং প্রধান মন্ত্রীনা নিংশিংখি। প্রধান মন্ত্রীনা হায়খি মশাগী ওইজবা থাদোক্তুনা মীয়ামগী থবক তৌখিবা শক্নাইরবা মীওইশিং পোকপা অসি ঐখোয়গী লৈবাক্কী মগুন্নি।
শ্রী মোদীনা হায়খি অর্বিন্দ মফাতলালগী পুন্সি অসি সাধুশিংগী মাইপাকপগী ময়েক লারবা খুদম অমনি অমসুং মহাক্না মহাক্কী পুন্সি কৎথোকখি অমসুং পরম পুজ্য রনছোরদাসজি মহারাজগী লমজিং মখাদা মীয়ামগী সেবা তৌনবা ৱারেপ লৌখি। থৌরম অসিদা ঐখোয়না অর্বিন্দ ভাইনা পীরম্বা ইথিল লৌশিনগদবনি। মহাক্না লৈবাক অসিগী অহানবা পেত্রোকেমিকেল প্রোজেক লিংখৎখি। মহাক্না উদোগ অমসুং লৌউ-শিংউদা অচৌবা থবক কয়া পাংথোকখি। মমাঙঙৈগী তেক্সতাইল উদোগকী ফজবা অমুক হিঙ্গৎহনবদা শ্রী মফাতলালনা মরুওইবা থৌদাং অমা লৌখি অমসুং মহাক্না পাংথোক্লম্বা থবকশিংগীদমক মহাক মালেম শীনবা থুংনা খঙনখি।
প্রধান মন্ত্রীনা হায়খি কৎথোকপা হায়বসি কনাগুম্বা অমগী মাইপাকপা নত্ত্রগা লন-থুম লেংদনা থম্নবা খ্বাইদগী ফবা লম্বীনি অমসুং অর্বিন্দ মফাতলালনা মসি মিসন অমা ওইহনখি অমসুং মহাক্কী পুন্সি চুপ্পা থবক তৌখি। শ্রী সাধগুরু সঙ্ঘ ত্রস্ত, মফাতলাল ফাউন্দেসন, রঘুবির মন্দির ত্রস্ত, শ্রী রামদাস হনুমান জি ত্রস্ত, জে.জে গ্রুপ ওফ হোস্পিতালস, ব্লাইন্দ পিপল এসোসিএসন, চারু তারা অরোগ্যা মন্দলনচিংবা লোয়শঙ কয়ানা মসিগী ফিদম অসিদা থবক তৌরি অমসুং সেবাগী অচুম্বা ৱাখল্লোনশিং খুমাঙচাউশিনহল্লি।
মহাক্না হায়খি শ্রী রঘুবির মন্দিরনা মীওই লাখ কয়াগী চানবা পীখি অমসুং সাধু লাখ কয়াগী থাগী চানবা পীখি। অঙাং লিশিং কয়া লাইরিক তমহন্নবা গুরুকুলনা মতেং পাংখি অমসুং জনকি চিকিতসলয়াদা অনাবা মীওই লাখ কয়া লায়য়েংখি। চোকথবা নাইদনা থবক তৌনবা থৌনা পীবা হায়বসি ভারতকী শক্তিগী খুদম্নি। খুঙ্গংগী উদোগ চাউখৎনবা নুপীশিংদা ত্রেনিং পীরি।
লৈবাক অসিদা অমসুং মপান লৈবাকশিংগী মকোক থোংবা হোস্পিতালশিংগী মনুংদা সাধগুরু নেত্রা চিকিতসলয়া য়াওরকপদা প্রধান মন্ত্রীনা হরাওবা ফোঙদোকখি অমসুং ফমুং ১২ লৈবা হোস্পিতাল অমা ওইরম্বদগী চহি অমদা অনাবা মীওই লাখ ১৫ লায়য়েংবা হোস্পিতাল অমা ওইরকপগী মতাংদা পাউদমখি। কাসিদা লৈবা লুপনা চলাইবা শ্বাস্থা দ্রিস্তি সমরুদ্ধ কাসি কেম্পেনগী মতাংদা প্রধান মন্ত্রীনা হায়খি সর্জরিশিং অমসুং মীৎ লায়য়েংবা য়াওনা বারানসী অমসুং মসিগী অকোয়বগী মীওই লাখ ৬ হেন্না য়ুমথোং-য়ুমথোং চঙদুনা স্কৃন্নিং তৌখি। লায়য়েংবগী খুদোংচাবা ফংখ্রবশিংগী মহুৎশীন্দুনা শ্রী মোদীনা সাধগুরু নেত্রা চিকিতসলয়া থাগৎপা ফোঙদোকখি।
প্রধান মন্ত্রীনা হায়খি মীয়ামগী থবক তৌনবা শেন-থুম দরকার ওই অদুবু কৎথোকপনা মসিদগী হেন্না দরকার ওই। শ্রী অর্বিন্দনা ভিলোদা অমসুং দাহোদকী ত্রাইবেলশিংগী লমদা থবক তৌখি। ঐনা অর্বিন্দ ভাইগী থবক অমসুং মগুন খঙলকপদা মহাক্কী পান্দমগা ঐগা থম্মোয়গী ওইবা মরী অমা লৈনহল্লে।
প্রধান মন্ত্রীনা হায়খি চিত্রকুত অসি নানাজি দেসমুখকী থবক মফম্নি অমসুং ত্রাইবেলশিংগী য়াইফনবা মহাক্না পাংথোকখিবা থবকশিংনা মীওই খুদিংমক ইথিল পীখি। হায়রিবা ফিদমশিং ইন্দুনা ত্রাইবেল খুন্নাইগী য়াইফনবা লৈবাক অসিনা অপুনবা থবক পায়খৎলি অমসুং ভাগবান বিরসা মুন্দাগী মপোক নুমিত্তা জন জাতিয়া গৌরব দিৱস পাংথোক্লি। ত্রাইবেল খুন্নগী হেরিতেচ অমসুং মখোয়না পাংথোকখিবা থবকশিং উৎনবা ত্রাইবেল মিউজমশিং লিংখৎলে, ত্রাইবেল অঙাংশিং লাইরিক তম্নবা এক্লাব্যা রেসিদেন্সিএল স্কুলশিং লিংখৎলে অমসুং বন সম্পদা এক্ত চৎনরে। ত্রাইবেল খুন্নাই হরাও-তয়াম্না লোয়নখিবা ভাগবান রামগী থৌজালশিং ঐখোয়না পায়খৎলিবা থবকশিংদা ফংলে। মসিগী থৌজাল অসিনা পুন্না হিংমিন্নবা অমসুং চাউখৎলবা ভারত অমগী পান্দম ফংনবা মাইকৈদা ঐখোয় লমজিংগনি।
থৌরম অদুদা মধ্য প্রদেসকী রাজ্যপাল শ্রী মঙ্গুভাই পতেল, মধ্য প্রদেসকী চীফ মিনিস্তর শ্রী সিবরাজ সিংহ চৌহান, শ্রী সাধগুরু সেবা সঙ্ঘ ত্রস্তকী চিয়ারমেন শ্রী বিসাদ পি মফাতলাল অমসুং শ্রী রঘুবির মন্দির ত্রস্তকী ত্রস্তি শ্রী রুপাল মফাতলাল শরুক য়াখি।
****
(Release ID: 1972595)
Visitor Counter : 73
Read this release in:
Bengali
,
Odia
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Tamil
,
Telugu
,
Malayalam