প্রধানমন্ত্রীগী লোইশঙ
পি.এম.না গোৱাদা 37শুবা নেস্নেল গেম্স হৌদোকখ্রে
“নেস্নেল গেম্সনা মীয়ামদগী থোইদোক হেন্দোক্লবা ভারতকী শান্ন-খোৎনবগী মতিক-মপাঙ্গলগী নুংঙাইবা ফোংদোক্লি”
“ভারতকী কাচিন কোয়া খুদিংদা তেলেন্ত লৈ। অদুনা, ইং 2014গী মতুংদা ঐখোয়না শান্ন-খোৎনবগী চৎনবী খুমাং চাউশিলহন্নবা লৈবাক্কী থাক্তা খোঙফম চেৎনা থবক পায়খৎপা হৌখি”
“গোৱাগী মশেল মঙালগা চাংদম্ননীংঙাই অমত্তা লৈত্রে”
“শান্ন-খোৎনবগী মালেমদা উবা ফংখিবা ভারতকী হন্দক্কী মায় পাকপশিংনা নহা ওইবা শান্নরোই খুদিংগী ইথিল ওইরি”
“খেলো ইন্দিয়াগী খুত্থাংদগী তেলেন্ত থীদোকপা, TOPSকী মতেংদগী মখোয়বু ওলিম্পিক্সকী পোদিয়ম ফাওবা য়ৌহন্নবগীদমক্তা মখোয়বু শেমগৎপীবা অমসুং ত্রেনিং পীবা অমসুং মতিক-মপাঙ্গল হেনগৎহনবা হায়বসি ঐখোয়গী মায় পাকপগী থৌরাংনি”
“ভারতনা হীরম কয়াদা খুমাং চাউশিল্লি, অদুগা ঙসিদি, মমাংদা তৌরমদবা মওংদা বেঞ্চমার্ক কয়া শেম্লি”
“ভারতকী স্পীদ অমসুং স্কেলগা মান্নবা হোৎবসি য়াম্না ৱারগনি”
“ইন্দিয়াগী নহাগী পাঙ্গলবু চাউখৎপা ভারত অমগী নহাগী পাঙ্গল ওইহনবা ঙম্বা পাম্বৈ অদুদি মাই ভারতনি”
“ভারতনা ইং 2030দা য়ুথ ওলিম্পিক্স অমসুং ইং 2036তা ওলিম্পিক্স শীন্নবা শেম শেবা লোইরে। ঐখোয়গী ওলিম্পিক্স য়ুম্বু ওইবগী
Posted On:
26 OCT 2023 8:52PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি গোৱাগী মারগাওদা লৈবা পন্দিত জৱাহর্লাল নেহরু স্তেদিয়মদা 37শুবা নেস্নেল গেম্স হৌদোকখ্রে। গেম্স অসি ওক্তোবর 26তগী নবেম্বর 9 ফাওবদা পাংথোক্কনি অমসুং মসিদা লৈবাক শিনবা থুংবগী শান্নরোই 10,000 হেনবনা শরুক য়াদুনা শান্নফম 28দা তোঙান-তোঙানবা মশান্না 43দা চাংদম্নগনি।
প্রধান মন্ত্রীনা ঙসি তিনখিবা মীয়ামদা ৱা ঙাঙবদা, ভারতকী শান্ন-খোৎনবগী মহাকুম্ভ অসি গোৱাদা য়ৌরক্লে অমসুং অকোয়বগী মাইকৈ খুদিংমক মচু, ইথক, থৱাই য়াওবা অমসুং এদভেঞ্চরনা পুম্থন থল্লে। “গোৱাগী মশেক মঙালগা চাংদম্ননীংঙাই অমত্তা লৈত্রে”, শ্রী মোদীনা মিৎয়েং চঙখি। মহাক্না গোৱাগী মীয়াম্বু থাগৎলদুনা 37শুবা নেস্নেল গেম্স অসি মায় পাক্না পাংথোকপা ওইসনু হায়বগী য়াইফ পাউজেল পীখ্রে। গোৱানা লৈবাক্কী শান্ন-খোৎনবদা শরুক তম্লিবা অসিদা মীয়ামগী পুক্নিং চীংশিল্লদুনা গোৱানা ফুতবোলবু পামজবগী ৱাফম ফোংদোকখি। শান্নববু পামজবা গোৱাদা নেস্নেল গেম্স পাংথোক্লিবা অসিমক ইথিল পীবা থৌওং অমনি হায়না মহাক্না মখা তাখি।
প্রধান মন্ত্রী মোদীনা নেস্নেল গেম্স অসি লৈবাক অসিনা শান্নবগী লমদা অৱাংবা থাক্কী মায় পাকপা ফংলিবা মতমদা পাংথোক্লিবনি হায়না ফোংদোকখি। এসিয়ন গেম্সতা মায় পাকপা কয়া ফংদুনা চহি 70গী রেকোর্দ থুগাইখিবা অমসুং হৌজিক চত্থরিবা এসিয়ন পেরা গেম্সতা মেদল 70 হেন্না ফংদুনা মমাংগী রেকোর্দ কয়া থুগাইরিবা অসিগী মতাংদসু মহাক্না পনখি। ভারতনা পুৱারী শেমখিবগা লোয়ননা হন্দক্তা লোইশিনখিবা ৱর্ল্দ য়ুনিভর্সিতী গেম্সকী মতাংদসু মহাক্না ৱাফম থমখি। “ভারতনা শান্নবগী মালেমদা হন্দক ফংলিবা মায় পাকপশিংনা নহা ওইরিবা শান্নরোই খুদিংদা ইথিল পীরি”, শ্রী মোদীনা হায়খি। নেস্নেল গেম্স অসিদি নহা ওইরিবা শান্নরোই খুদিংগী অচৌবা লোঞ্চপেদ অমনি হায়না পল্লদুনা, প্রধান মন্ত্রীনা মসিনা পীরিবা চাউরবা খুদোংচাবা কয়া অসি লৌদুনা মশাগী খ্বাইদগী ফবা পরফোর্মেন্স উৎলসি হায়না ফোংদোকখি।
ভারত্তা তেলেন্তকী অৱাৎপা অমত্তা লৈতে অমসুং লৈবাক অসিনা খুদোংচাদবা কয়া মাইয়োক্নরবসু চেম্পিয়ন কয়া পুথোকখ্রে, অদুবু মেদল তেল্লীদা অফবা পরফোর্মেন্স উৎপা ঙমদবনা লৈবাক মীয়াম্বু মতম পুম্বদা নিংবা কাইহন্দুনা লাক্লি হায়না প্রধান মন্ত্রীনা হায়খি। হীরম অসিগা মরী লৈননা, প্রধান মন্ত্রীনা ইং 2014গী মতুংদা স্পোর্ত ইনফ্রাস্ত্রকচর, শান্নরোই খনবগী থৌওং, শান্নরোইশিংদা শেলগী তেংবাং পীবা স্কিম, ত্রেনিং স্কিম অমসুং খুন্নাইগী ৱাখল্লোন্দা অওনবা পুরকখিবা, অমসুং মসিনা মরম ওইরগা, স্পোর্ত ইকোসীস্তেমদগী অয়েৎপা কয়াবু অমমম ওইনা লৌথোকখিবগী ৱাফম মীয়ামদা থমখি। তেলেন্ত থীদোকপদগী হৌরগা, মখোয়বু খুৎশমদুনা লমজিংদুনা ওলিম্পিক্সকী পোদিয়ম ফাওবা পুবগী রোদমেপ অমসু সরকারনা শেমখ্রবনি।
হন্দক্কী চহিগী স্পোর্ত বজেৎ অসিনা চহি মাপন মমাংগী চজেত্তগী শরুক অহুম হেল্লি হায়না প্রধান মন্ত্রীনা পাউদমখি। খেলো ইন্দিয়া, TOPSকুম্বা খোঙথাং কয়াগী অনৌবা ইকোসীস্তেম্না স্কুল, কোলেজ অমসুং য়ুনিভর্সিতীশিংদগী তেলেন্ত লৈরবা শান্নরোই কয়া থিদোক্লি হায়না মহাক্না হায়খি। TOPS খোঙথাং অসিদা, খ্বাইদগী মকোক্তা লৈবা শান্নরোইশিংনা মালেমগী খ্বাইদগী ফবা ত্রেনিং ফংলি, অমসুং শান্নরোই 3000না খেলো ইন্দিয়াগী মখাদা ত্রেনিং লৌরি হায়না মহাক্না হায়খি। শান্নরোইশিংনা চহিদা লুপা লাখ 6কী স্কোলার্শিপ ফংনরি। খেলো ইন্দিয়াগী মখাদাগী ফংবা ঙমখিবা চাউরাকপা শান্নরোই 125না এসিয়ন গেম্সতা শরুক য়াখি অমসুং মেদল 36 লৌবা ঙমখি। “খেলো ইন্দিয়াগী খুত্থাংদগী তেলেন্ত থীদোকপা, TOPSকী মতেংদগী মখোয়বু ওলিম্পিক্সকী পোদিয়ম ফাওবা য়ৌহন্নবগীদমক্তা মখোয়বু শেমগৎপীবা অমসুং ত্রেনিং পীবা অমসুং মতিক-মপাঙ্গল হেনগৎহনবা হায়বসি ঐখোয়গী মায় পাকপগী থৌরাংনি”, হায়না মহাক্না মখা তাখি।
“লৈবাক অমা হেক্তগী স্পোর্ত সেক্তরদা চাউখৎপগা মদুগী শেন্মিৎলোনগা হকথেংননা মরী লৈনৈ”, প্রধান মন্ত্রীনা হায়খি। শান্ন-খোৎনবগা লোয়ননা নোংমগী পুন্সিদা লৈবাক অসিদা পামদবা অকোয়বগী ফিভম অমা লৈবগী মমি তারি, অদুগা শান্নবগী মালেমদা ভারতনা ফংখিবা ইকুই কুইদবা মায় পাকপশিংগা মখোয়গী মায় পাকপগী মপুং ওইবা ৱারিগা মান্নবা খরা লৈরি হায়বা ৱাফম মহাক্না পুথোকখি। ভারতনা সেক্তর খুদিংদা অনৌবা রেকোর্দ কয়া থুগাইরি অমসুং তুংলমচত্তা চঙশিল্লি হায়না শ্রী মোদীনা হায়খি। “ভারতকী স্পীদ অমসুং স্কেলগা মান্নবা ঙম্বা হায়বসি য়াম্না লুগনি”, মহাক্না হায়খি। হৌখিবা নুমিৎ 30নিদা ভারতনা ফংখিবা মায় পাকপশিংদা মীয়ামগী পুক্নিং চীংশিল্লদুনা, প্রধান মন্ত্রীনা লৈবাক অসিনা চপ মান্নবা স্পীদ অমসুং স্কেলগা লোয়ননা তুংলমচত্তা লেপ্তনা চঙশিল্লবদি, নহাশিংগী অফবা ফ্যুচর অমগী গেরেন্তী পীবা ঙমগদৌরিবা অসিদি মোদীনি হায়না পাউদমখি। প্রধান মন্ত্রীনা খুদম ওইনা পল্লদুনা, নারী শক্তি বন্দন আধিনিয়মগী খোঙচৎ, গগনয়ান মায় পাক্না চাংয়েং তৌখিবা, ভারতকী অহানবা রেপিদ রেল ‘নমো ভারত’ হৌদোকখিবা, বেঙ্গাকুরু মেত্রো পাকথোক চাউথোকপা, জম্মু অমসুং কশ্মিরগী অহানবা ভিস্তা দোম ত্রেন সেবা, দিল্লী-বদোদরা এক্সপ্রেসৱে শঙ্গাখিবা, G20 সম্মিত মায় পাক্না শীন-লাঙখিবা, লুপা করোর লাখ 6কী য়ানবা পুরকখিবা গ্লোবেল মেরিতাইম সম্মিত, ইজরেলদগী ভারত মচা কয়া লৌথোকখিবা ওপরেসন অজয়, ভারত অমসুং শ্রী লঙ্কাগী মরক্তা ফেরী সর্ভিস হৌদোকখিবা, 5G য়ুজর বেজকী মতুং ইন্না মকোক্তা লৈরিবা লৈবাক 3গী মনুং চনখিবা, এপলগী মতুংদা গুগলনা স্মার্তফোন শারগনি লাউথোকখিবা, অমসুং লৈবাক অসিদা মনা-মশিং অমসুং উহৈ পুথোকপগী মতাংদা অনৌবা রেকোর্দ থমখিবগী ৱাফম কয়া মীয়ামদা পাউদমখি। “মসিদি লিস্তকী তংখাইখক্তনি”, মহাক্না মখা তানা হায়খি।
লৈবাক অসিদা পাংথোক্লিবা থবক খুদিংগী ফম্বাক্তা লৈবাক্কী নহাশিং লৈরি হায়না প্রধান মন্ত্রীনা হায়খি। নহাশিংবু মখোয় মশেলগী মরক্তা অমসুং লৈবাক্কী স্কিমশিংগা অমত্তা ওইনা শম্নহনগদবা ৱান-স্তোপ সেন্তর ওইরিবা অনৌবা প্লেতফোর্ম, ‘MY ভারত’কী মতাংদা মহাক্না ৱাফম কয়া থমখি। মসিনা মশাগী মতিক খঙহনবদা মখোয়দা তেংবাংগনি অমসুং লৈবাক শেমগৎপদা মশাগী থৌদাং য়াবসু ঙমহনগনি। ভারতকী য়ুবা শক্তিবু বিকশিৎ ভারতকী য়ুবা শক্তি ওইহনবা ঙম্বা পাম্বৈদি মসিনা ওইগনি হায়না মহাক্না হায়খি। প্রধান মন্ত্রীনা কেম্পেন অসিবু লাক্কদৌরিবা এক্তা দিবস নুমিত্তা হৌদোক্কনি। নুমিৎ অসিদা রন ফোর য়ুনিতীগী অচৌবা থৌরম অমসু পাংথোকপা য়াইনা হায়না মহাক্না হায়খি।
প্রধান মন্ত্রী মোদীনা হায়খি, “ঙসি, ভারতকী ৱারেপ অমসুং হোৎনজমন কয়ানা অশুক চাউরবা মতমসিদা, ভারতকী অপাম্বগী থাক ৱাংবা হায়বসিদি মশানা তাবনি। মরম অদুনা, IOC সেসন মনুংদা, ঐহাক্না ভারত মচা করোর 140গী অপাম্বশিং পাউদম্লিবনি। ভারতনা ইং 2030গী য়ুথ ওলিম্পিক্স অমসুং ইং 2036কী ওলিম্পিক্স য়ুম্বু ওইনবা শেম শেয়ার হায়না ওলিম্পিক্সকী সুপ্রীম কম্মিতীগী মফমদা থাজবা পীখিবনি। ঐখোয়না ওলিম্পিক্সকী য়ুম্বু ওইনিংলিবা অসিদি ৱাখলগী অপাম্বখক্তা অকক্নবা নত্তে। মসিগী মরুমদা, অচৌবা মরম কয়া অমা লৈরি”। প্রধান মন্ত্রীনা হায়খিবদা, ইং 2036কী মতমদা, ভারতকী শেন্মিৎলোন অমসুং ইনফ্রাস্ত্রকচরনা ওলিম্পিক্স লায়না শিনবা ঙম্বগী থাক্তা লৈরগনি।
“ঐখোয়গী নেস্নেল গেম্স অসিদি এক ভারত, শ্রেস্থ ভারতকী খুদম অমসু ওইরিবনি”, ভারতকী রাজ্য খুদিংনা মশাগী তৌবা-ঙম্বগী মতিক উৎচবা ঙম্বগী অচৌবা পাম্বৈ কয়া লৈ খঙলদুনা প্রধান মন্ত্রীনা হায়খি। গোৱা সরকার অমসুং গোৱাগী মীয়াম্না নেস্নেল গেম্স শিন্নবগীদমক্তা শেম শাখিবশিংবু মহাক্না থাগৎখি। মফমসিদা শেমখ্রবা স্পোর্ত ইনফ্রাস্ত্রকচরশিং অসিনা গোৱাগী নহাশিংদা লাক্কদৌরিবা দিকেদ কয়াদা কান্নবা পীগনি, লমদম অসিনা লৈবাক্কী অনৌবা শান্নরোই কয়া পুথোক্কনি, অমসুং ইনফ্রাস্ত্রকচরশিং অসিবুসু তুংগী মতমদা পাংথোক্কদবা লৈবাক অমসুং মালেমগী থাক্তা লৈবা শান্নবগী থৌরম কয়া শিন লাঙবদা শিজিন্নগনি হায়না মহাক্না হায়খি। “হৌখিবা চহি খরসিদা, কন্নেক্তিবিতীগা মরী লৈনবা মতমগা চুনবা ইনফ্রাস্ত্রকচর কয়া গোৱাদা শেমগৎখ্রে। নেস্নেল গেম্স অসিনা গোৱাগী শেন্মিৎলোন অমসুং তুরিজমদা য়াম্না চাউনা কান্নবা পীগনি”, মহাক্না মখা তাখি।
প্রধান মন্ত্রীনা গোৱা অসিদি হরাও-নুংঙাইবা ফোংদোকপগী লমদম্নি হায়না শকখঙখিবগা লোয়ননা অমসুং গোৱা ইন্তর্নেস্নেল ফিল্ম ফেস্তিবেল অমসুং মালেমগী কনফরেন্স অমসুং সম্মিত পাংথোকফমগী হব অমা ওইনা রাজ্যসিনা চাউখৎলক্লিবা অসিগী মতাংদসু মহাক্না পনখি। ইং 2016গী BRICS কনফরেন্স অমসুং G20গী কনফরেন্স কয়াগী মতাংদা পল্লদুনা, প্রধান মন্ত্রীনা ‘গোৱা রোদমেপ ফোর সস্তেনেবল তুরিজম’ অসিবু G20না য়াখিবা অসিদসু নুংঙাইবা ফাওই হায়না হায়খি।
প্রধান মন্ত্রীনা মহাক্কী ৱারোল লোইশিনবা ওইনা, শান্নরোইশিংনা তাঞ্জা, অকোয়বগী ফিভম অমসুং শিংনবগী মখা পোন্দনা মশাগী খ্বাইদগী ফজবা পরফোর্মেন্স উৎকদবনি হায়না ফোংদোকখি। “ঐখোয়না তাঞ্জা অসি মাংহল্লোইদবনি। খোল্লাও অসিগা লোয়ননা, ঐহাক্না 37শুবা নেস্নেল গেম্স হৌদোক্লে হায়না লাউথোকচরি। অদোম শান্নরোই খুদিংগী মফমদা য়াইফ পাউজেল পীজরি। গোৱা অসি শেম শাবা লোইরে”, মহাক্না ৱাফম অসিগা লোয়ননা মহাক্কী ৱারোল লোইশিনখি।
গোৱাগী রাজ্যপাল, শ্রী PS শ্রীধরন পিল্লাই; মুখ্য মন্ত্রী, শ্রী প্রমোদ সাৱন্ত; স্পোর্ত অমসুং য়ুথ এফিয়র্সকী কেন্দ্র মন্ত্রী, শ্রী অনুরাগ থাকুর অমসুং ইন্দিয়ন ওলিম্পিক্স এসোসিএসনগী প্রসিদেন্ত, দাঃ PT উশানা অতোপ্পা মীথুংলেন কয়াগা লোয়ননা ঙসিগী থৌরমদা শরুক য়াখি।
বেকগ্রাউন্দ
প্রধান মন্ত্রীগী লুচিং থৌদাং মখাদা, লৈবাক্কী শান্ন-খোৎনবগী চৎনবীনা অচৌবা অহোংবা অমা উখি। সরকারগী লেপ্তবা তেংবাংনা মরম ওইদুনা, ঐখোয়গী শান্নরোইশিংনা মালেমগী থাক্তা চাংয়েংনবদা থাক ৱাংনা ফগৎখিবগী মতৌ উবা ঙমখি। তোপ পরফোর্মর মশক খঙদোক্নবা অমসুং শান্ন-খোৎনববু মমিং হেন্না চৎহন্নবা পান্দমগা লোয়ননা লৈবাক্কী থাক্তা লৈবা তুর্নামেন্ত শিনবগী মরু ওইবা কয়াবু শকখঙলবা মতুংদা লৈবাক অসিদা নেস্নেল গেম্স পাংথোকপা হৌখিবনি।
নেস্নেল গেম্স অসি গোৱাদা হন্দক্না অহানবা ওইনা পাংথোকপনি। গেম্স অসি ওক্তোবর 26তগী নবেম্বর 9 ফাওবা পাংথোক্কনি। মসিদা শান্নরোই 10,000 হেনবনা শরুক য়াগনি অমসুং শান্নফম 28 শিনবা থুংবদা মশান্না 43 হেনবদা শান্নরোইশিংনা চাংদম্নগনি।
***
(Release ID: 1972056)
Visitor Counter : 71
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada