কেন্দ্রগী গৃহ অমসুং কোওপরেসন মন্ত্রী শ্রী অমিত শাহনা নই দিল্লীদা ওক্তোবর 26, 2023(শগোলশেন)দা ভারতীয় বীজ সহাকারি সমিতি লিমিতেদ (BBSSL)না শিনবা ‘নেস্নেল সিম্পোজিয়ম ওন প্রদক্সন ওফ ইমপ্রুব এন্দ ত্রেদিস্নেল সীদস থ্রু কোওপরেতিব সেক্তর”দা ৱা ঙাংগনি। শ্রী অমিত শাহনা BBSSLগী লোগো, ৱেবসাইৎ অমসুং ব্রোচরসু ফোঙগনি অমদি BBSSL মেম্বরশিংদা মেম্বরশিপ সর্তিফিকেৎশিং য়েন্থোক্কনি। সিম্পোজিয়ম অসিদা BBSSLগী পান্দমশিং, PACSকী খুত্থাংদা মরু পুথোকপগী মরু ওইবা অমসুং মহৈ-মরোংগী পোত্থোক অমসুং ন্যুত্রিসন্দা মরুশিংগী থৌদাং, লোয়ননা স্মোল অমসুং মর্জিনেল ফার্মরশিং চাউখৎহনবদা কোওপরেতিব সোসাইতীশিংগী থৌদাংগী মতাংদা খন্নগনি

BBSSL অসি কেন্দ্রগী গৃহ অমসুং কোওপরেসন মন্ত্রীনা কোওপরেতিব সেক্তরগী খুত্থাংদা প্রোসেসিং অমসুং মার্কেতিংগা লোয়ননা এদভান্স অমসুং ত্রেদিস্নেল সীদ রিসর্চ অমসুং প্রদক্সনগীদমক অমব্রেল্লা ওর্গনাইজেসন অমা ওইনা মথৌ তৌনবা নেস্নেল লেবেল মলতি-স্তেৎ কোওপরেতিব সোসাইতী অমা থম্বগী মথৌ তাবগীদমক শাহৌ পীবনা লিংখৎপা ঙমহনখি। মসিনা লৈবাক শিনবা থুংবদা দিমান্দ-বেজ সীদ প্রদক্সন, মরুশিংগী স্তোরেজ, প্রোসেসিং অমসুং পেকেজিংগীদমক ইনফ্রাস্ত্রকচর শেমগৎপা, লোজিস্তিক্স সপ্পোর্ত, ক্বালিতী হেনগৎহনবা অমসুং স্তেন্দর্দাইজেসন তৌবা, মথৌ তাবা সর্তিফিকেসন অমসুং পুথোক্লিবা মরুশিংগী মার্কেতিংদা মতেং পীগনি। BBSSLনা তোঙান-তোঙানবা মহৈ-মরোং অমসুং ময়াৎ কয়াগী ত্রেদিস্নেল সীদশিং মল্তিপ্লিকেসন অমসুং কঞ্জর্বেসনদসু মতেং পীগনি।

প্রধান মন্ত্রী শ্রী নরেন্দ্র মোদীগী “সহাকার সে সমৃদ্ধি”গী পান্দমগী মাইকৈদা চংশিনবা মরু ওইবা খোঙথাং অমা ওইনা ক্বালিতী লৈবা মরু পুথোকপা অমসুং BBSSLগী খুত্থাংদা মখোয়বু য়েন্থোকপনা লৈবাক অসিদা লৌউ-শিংউগী পোত্থোক হেনগৎহনগনি। মসিনা এগ্রিকলচর অমসুং কোওপরেতিব সেক্তরদা থবক্কী খুদোংচাবশিং হেন্না পীরগনি, মপালদগী পুশিল্লকপা মরুশিংদা মীপাল তাংবা হন্থহনগনি, খুঙ্গংগী শেন্মীৎলোন্দা শাহৌ পীগনি, “মেক ইন ইন্দিয়া” প্রমোৎ তৌগনি অমসুং ‘আত্মনির্ভর ভারত’কী লম্বী য়াৎকনি।

সিম্পোজিয়ম অসি কোওপরেসন মন্ত্রালয়গী ওফিসিএলশিংনা কোওপরেতিব সেক্তর মপাঙ্গল কনখৎহন্নবা হৌখিবা থা 27তা পাইখৎখিবা অনৌবা থৌশিল 54গী মতাংদা প্রজেন্তেসন অমা উৎলগা হৌগনি। লৈবাক শিনবা থুংবদগী শরুক য়ারিবা মীওই 2000গী মথক্তা ভর্চুএল মেদিয়মগী খুত্থাংদা নোংমগী পাঙথোকপা সিম্পোজিয়ম অসিদা মীওই লিশিং কয়ানা শরুক য়াগনি।

লৈবাক্কী মরু ওইবা কোওপরেতিব সোসাইতী অহুম - ইন্দিয়ন ফার্মর্স ফর্তিলাইজর কোওপরেতিব লিমিতেদ (IFFCO), কৃশক ভারতি কোওপরেতিব লিমিতেদ (KRIBHCO) অমসুং নেস্নেল এগ্রিকলচর কোওপরেতিব মার্কেতিং ফেদরেসন ওফ ইন্দিয়া (NAFED) অমসুং ভারত সরকারগী মরু ওইবা স্তেতুররী বোদী অনি - নেস্নেল দাইরী দিবেলপমেন্ত বোর্দ (NDDB) অমসুং নেস্নেল কোওপরেতিব দিবেলপমেন্ত কোর্পোরেসন (NCDC)না পুন্না BBSSLবু প্রমোৎ তৌরি।

******