ইন্তর্নেসনেল এতোমিক এনর্জী এজেন্সীগী দিরেক্তর জেনরেল রাফেল মারিয়ানো গ্রোসিনা প্রধান মন্ত্রীগা ঙসি ৱারী শানখ্রে।

ভারতনা এতোমিক এনর্জীবু শান্তি অমসুং চাউখৎ খোঙথাংগীদমক অশোই অঙাম য়াওদনা শীজিন্ননবা লেপ্লি হায়না প্রধান মন্ত্রীনা ফোংদোকখি। প্রধান মন্ত্রীনা লৈবাক অসিগী এনর্জী মিক্সকী শরুক অমা ওইনা ন্যুক্লিয়র পাৱর শুংবগী চাং অসি অকোইবগী খল কায়হন্দবা মওংদা হেন্না মপাঙ্গল হেনগৎহন্নবা পান্দম অসিবুসু থমখি।

দিরেক্তর জেনরেল গ্রোসিনা ভারতকী থৌদাং চাউবা ন্যুক্লিয়র পাৱর অমা ওইরিবা অসিগীদমক থাগৎখি। মহাক্না ন্যুক্লিয়র সাইন্স অমসুং তেক্নোলোজীদা চাউখৎলিবা অমসুং মরুওইনা ন্যুক্লিয়র পাৱর প্লান্তশিং মশানা শাজদুনা শেমগৎলিবা অসিবুসু শীংথাখি। মহাক্না ভারতনা মালেমদা সিভিল ন্যুক্লিয়রবু খুন্নাইদা কান্নবা ফংনবগীদমক শীজিন্নবগী লুচিং পুরেল ওইরিবা অসিদা থাগৎপা ফোংদোকখি। মসিদা ভারতনা ন্যুক্লিয়র তেক্নোলোজীনা মীওইবা খুন্নাইদা থেংনরিবা হকশেল, চীঞ্জাক, ঈশিং লুহনবা, প্লাস্তিক্কী পোলুসন অমসুং অকোইবগী খল কায়রকপা অসিনচিংবা কয়া কোকহন্নবা শীজিন্নরিবা অসিদা লৈরিবা খুমাং চাউশিনবসিসু য়াওরি।

স্মোল মোদ্যুলার রিএক্তর অমসুং মাইক্রো রিএক্তরশিং শীজিন্নদুনা নেত জিরো কম্মিতমেন্ত ফংনবা ন্যুক্লিয়র এনর্জীগী থৌদাং অসিদা মখোয়গী ওইবা ৱাখল্লোন ফোংদোক্নখি।

দিরেক্তর জেনরেল গ্রোসিনা IAEA অমসুং ভারতকী মরক্তা লৈরিবা অচেৎপা মরী অসিদা পামজবা ফোংদোকখি। মহাক্না ভারতপু লৈবাক কয়াদা মতেং ওইরিবা ত্রেনিং অমসুং কেপাসিতী বিল্দিংগীদমক শীংথাখি। নাকল অনিমক্না ভারত অমসুং IAEA না গ্লোবেল সাউথতা ন্যুক্লিয়র তেক্নোলোজী শীজিন্নবা পাকথোক চাউথোক্নবা মতেং পাংনবদা অয়াবা ফোঙদোক্নখি।

Had a fruitful discussion with Director General @rafaelmgrossi on enhancing enduring partnership between India and @iaeaorg. Explored avenues for expanding the role of nuclear energy to meet our net zero commitment, and extending nuclear technology applications in areas like… pic.twitter.com/x9kSJq6cXq

— Narendra Modi (@narendramodi) October 23, 2023

*****