ভারতকী রাস্ত্রপতি, শ্রীমতি দ্রৌপদী মুর্মুনা দুর্গা পুজানা লাকপদা লৈবাক অসিগী ইরৈচাশিংদা য়াইফ পাউজেল পীখ্রে।

ৱারোল অমদা, রাস্ত্রপতিনা হায়খি, " দুর্গা পুজাগী শেংলবা থৌরম অসিদা, ঐহাক্না ভারত অমসুং ভারতকী ৱাংমদা লৈরিবা ইরৈচা খুদিংমক্কী মফমদা নুংঙাই য়াইফবগী পাউজেল পীজরি।

দুর্গা পুজাগী কুমহৈ অসিনা ফত্তবদগী অফবনা মাই পাকপা, থৌশাদবদগী চেকশিনবনা মাই পাকপা অমসুং অরানবদগী অচুম্বনা মাই পাকপা অদুবু তাক্লি। মওং কয়াদা লাৎনরিবা, ইমা দুর্গানা ঐখোয়দা তোখাই তাবা অমসুং থুগাইনবা হোৎনরকপা কয়াবু নাথৈদুনা থম্বা ঙম্নবা থৌনা পীবিরি।

ঐহাক্না ইমা দুর্গাগী মফমদা চাউখৎপা খুনাই ওইননবগীদমক্তা থবক থৌরমশিংদা হৌনা লোনচৎ খঙবা অফবা লম্বীদা ঐখোয়বু লমজিংবীনবা নিজরি। ঐখোয়না নুপী ওইবীশিংবু লৈবাক শেমগৎপদা মান্নবা অমসুং ইকাই খুম্ননিঙাই ওইবা মপাং ওইহন্দুনা থৌনা হাপকদবনি।

ঐখোয় অফবা থবক তৌদুনা অমসুং কৎথোকপগী ৱাখল্লোনগা লোয়ননা ঐখোয়গী লৈবাক অসিবু অমত্তা ওইনা পুনশিন্ননবা হোৎনগনি হায়না ৱাশক অমা লৌরসি।"

রাস্ত্রপতিগী পাউজেল অসিবু পাবীনবগীদমক মফম অসিদা নম্বীয়ু -

 ***