ওক্তোবর 10, 2023দা গেজেত্তা ওফিসিএল ওইনা খঙহনখ্রবা এয়রক্রাফ রুল্স, 1937 এমেন্দ তৌবনা ইজ ওফ দুইং বিজনেস খুমাং চাউশিলহনবা অমসুং এভিএসন সেক্তরদা সেফতী অমসুং সেক্যুরিতী হেন্না ফগৎহনবদা মশক থোকপা অওনবা অমা পুরক্লগনি। থৌওং অসিনা এভিএসন সেফতী হেনগৎহনবা অমসুং এভিএসন রেগ্যুলেসনশিংদা ইজ ওফ দুইং ব্যুজিনেস লৈহনবগী মশক নাইবা খোঙথাং অমা ওইরি।

এয়রক্রাফ রুল্স, 1937 এমেন্দ তৌবগী খোঙথাং অসিদি হৌজিক লৈরিবা সেফতী অমসুং সেক্যুরিতী ফ্রেমৱর্ক অসি মপাঙ্গল হেন্না লৈহন্নবগীদমক্তা তঙাই ফদবা রিফোর্ম পাংথোকহন্নবা পান্দমগা লোয়ননা ইন্দস্ত্রীগী স্তেকহোলদরশিংগী য়াম্না কুপ্না খন্ন-নৈনরবা মতুংদা ফংবা মহৈনি। এমেন্দমেন্তশিং অসিনা ভারতকী এভিএসন রেগ্যুলেসনশিংগা ইন্তর্নেস্নেল সিভিল এভিএসন ওর্গনাইজেসন (ICAO) স্তেন্দর্দ অমসুং রিকম্মন্দেদ প্রেক্তিস (SARP) অমসুং মালেমগী খ্বাইদগী নীংথিনা পাংথোকপা থৌওংশিংগা মরী লৈনহল্লি। রিফোর্মশিংগী অসিগী অয়াম্বা শরুক অমদি এয়রক্রাফ (উ-ৱা অমসুং বিলদিংশিংনা থোকহনবা দেমোলিসন ওফ ওবস্ত্রক্সন) রুল্স, 1994দা এমেন্দ তৌবগা লোয়ননা তাং 13.04.2023গী গেজেত নোতিফিকেসন্দা হান্ননা খঙহনখ্রবনি।

এয়রক্রাফ রুল্স, 1937 এমেন্দ তৌবা অসিগী মরু ওইবা ৱাফমশিংগী মনুংদগী অমদি মসিনা রুল 39Cগী রিভিজন ওইবা অসিনি। এমেন্দমেন্ত অসিগী মখাদা, এয়রলাইন ত্রান্সপোর্ত পাইলোত লাইসেন্স (ATPL) অমসুং কম্মর্সিএল লাইসেন্স (CPL) পায়বশিংগী লাইসেন্স চৎনবগী মতম্বু চহি মঙাদগী চহি তরাদা শাংদোকখ্রে। অহোংবা অসিনা হান্নদগী হেন্না মওং-মরিল তাবা অমসুং নীংথিজনা পাংথোকপা লাইসেন্স পীবগী থবক খুমাং চাউশিলহন্দুনা DGCAগুম্বা পাইলোত অমসুং এভিএসন ওথোরিতীশিংদগী এদমিনিস্ত্রেসন তৌবগী পোৎলুম হন্থহল্লগনি হায়বগী থাজবা থম্নরি।

এয়রক্রাফ রুল্স, 1937 এমেন্দ তৌবনা রুল 66কী মখাদা মরু ওইবা অহোংবা কয়া পুরক্লি, এরোদ্রোম মনাক্তা ‘ফাল্স লাইত’ থানবগা মরী লৈনবা শিংনবশিংবুস চুম্থোক্লি। অপদেত অসিনা “লাইত” হায়বসিদা লান্তেন লাইত, ৱিশ কাইত অমসুং লেজর লাইতশিংসু য়াওরি হায়না ময়েক শেংনা তাক্লি। মসিগুম্বা লাইত থানবগী মতাংদা সরকার পীরিবা অথাপ্পগী অয়াবা অদুসু এরোদ্রোমগী অকোয়বগী কিলোমীতর 5তগী নাউতিকেল মাইল 5তা শাংদোকখ্রে। মখা তাবা ওইনা, এয়রক্রাফ অমা নীংথিনা পায়বদা অমসুং ওপরেতিং ক্রুদা অয়েৎপা লাইত থানবা মীওইশিংগী মথক্তা ওথোরিতীনা থবক পায়খৎনবা সরকারনা খঙহনবা য়াই। করিগুম্বা মসিগুম্বা লাইত অমা পুং 24 মিৎয়েং চঙদনা লৈরকপা মতমদা, সরকারন মফমদুদা চঙদুনা লাইত অদুবু মুত্থৎলুবা য়াই। লোয়ন-লোয়ননা, মসিগুম্বা ৱাফম অসি ইন্দিয়ন পেনল কোদ (IPC)গী মখাদা লিগেলগী থবক লৌখৎনবগীদমক্তা মরী লৈনবা পুলিস স্তেসন্দা পাউ পীগদবনি। মসিগুম্বা লাইতকী হৌরকফম অসি মশক খঙবা ঙমদ্রবা মত্ত্রগা লাইতকী মফম হোংদুনা লৈরবদি, এয়রপোর্ত নত্ত্রগা এয়রলাইন ওথোরিতীনা মনাক নকপা পুলসি স্তেসন্দা খুদক্তা পাউ পীগদবনি, অমসুং ক্রিমিনেল প্রোসিদিং চত্থবা হৌহনগদবনি।

অহেনবা ওইনা, ফোরেন লাইসেন্স ভেলিদেসন তৌবগী রুল 118 অসিদি চৎনদ্রে হায়না লৌথোকখ্রে। অহোংবা অসিনা এচিএসন সেক্তরগী অহোংবা নাইবা কাঙলোনশিংগী মতুং ইল্লি হায়বা তাক্লি।

অহেনবা ৱাফম অমা ওইনা, এয়র ত্রাফিক কন্ত্রোল্লর লাইসেন্স পায়বশিংনা মথৌ নীংথিনা পাংথোকহন্নবগীদমক্তা মিৎকুপ নাহুম শিংবা অমসুং থবক নীংথিনা খঙবগী তঙাই ফদবা ৱাফমশিং লিবরেলাইজ তৌবগী ক্লোজ অমসু সেদ্যুল IIIগী মখাদা হাপচিনখ্রে।

এয়রক্রাফ রুল্স, 1937 এমেন্দ তৌরিবশিং অসিদি এভিএসন সেফতী, সেক্যুরিতী অমসুং এভিএসন সেক্তরগী ইজ ওফ দুইং বিজনেস হেনগৎহনবগী মশক নাইবা খোঙথাং অমনি। রিফোর্মশিং অসিনা এভিএসন ইন্দস্ত্রীগী গ্রোথ অমসুং সস্তেনেবিলিতী হেনগৎহনগনি, ইন্দস্ত্রী অসিবু মালেমগী এভিএসন স্তেন্দর্দশিংগী খ্বাইদগী মকোক্তা লৈহনগনি।

***