দিজিতেলগী অওনবা পুরক্নবা পোপুলেসন স্কেলদা মাইপাক্না শীজিন্নরবা দিজিতেলগী পাম্বৈশিংগী লমদা মতেং পাংননবা ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রি অমসুং ত্রিনিদাদ এন্দ তোবাগোগী দিজিতেল ত্রান্সফোর্মেসন তেক্নোলোজি মিনিস্ত্রগী মরক্তা ওগস্ত ১১,২০২৩দা এম.ও.য়ু খুৎয়েক পীনখিবা অদু ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

অকুপ্পা মরোলশিং:

লৈবাক অনিমক্তা দিজিতেলগী অওনবশিং পুরক্নবা দিজিতেলদা য়ুম্ফম ওইবা তেক্নোলোজিগী পাম্বৈশিং( খুদম ওইনা ইন্দিস স্তেক) পীথোক-পীশিন তৌনবা অমসুং মতেং পাংনবা হেন্নগৎহন্নবা এম.ও.য়ু অসিনা পান্দম থম্লি। এম.ও.য়ু অসিনা মতেং পাংনবা হেনগৎহন্দুনা আই.তিগী লমদা থবক ফংবগী খুদোংচাবশিং হেনগৎহনগনি।

লৈবাকশিংনা খুৎয়েক পীনখিবা নুমিত্তগী এম.ও.য়ু অসি চৎনবা হৌগনি অমসুং মসি চহি অহুম চৎনগনি।

কান্নবা:

মসিনা দিজিতেল পব্লিক ইনফ্রাস্ত্রকচর(দিপিআই)গী লমদা জি২জি অমসুং বি২বি নাকল অনিনা মতেং পাংনগনি। এম.ও.য়ু অসি থবক পাংথোকপা মতমদা আই.তিগী লমদা থবক ফংবগী খুদোংচাবশিং পীগনি।

নুঙগীৱারোল:

ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা আই.সি.তিগী লমদা মতেং পাংনবা হেনগৎহন্নবা লৈবাক কয়া অমসুং মালেমগী এজেন্সি কয়াগা মতেং পাংনরি। চহি কয়া অসিদা, ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা আই.সি.তিগী লমদা ই-পাউ পীথোক-পীশিন অমসুং মতেং পাংনবা হেনগৎহন্নবা তোঙান-তোঙানবা লৈবাকশিংগী লুপশিং অমসুং এজেন্সিশিংগা এম.ও.য়ুশিং/এম.ও.সিশিং খুৎয়েক পীনখ্রে।

ভারত সরকারনা পায়খৎলিবা থবকশিং হায়বদি দিজিতেল ইন্দিয়া, অত্মানির্ভর ভারত, মেক ইন ইন্দিয়া অসিনচিংবনা লৈবাক অসি দিজিতেলগী শক্তি লৈরবা খুন্নাই অমা অমসুং নোলেজ ইকোনোমি ওন্থোকপা ঙমগনি। হোংলক্লিবা ফিবম অসিদা, মতেং পাংনবা হেনগৎহন্নবা দিজিতেল সেক্তরদা শেন থাদনবা পুক্নিং থৌগৎপা অমসুং ললোন-ইতিক্কী খুদোংচাবশিং মশক খঙদোকপা অমসুং খ্বাইদগী ফবা থবকশিং পীথোক-পীশিন তৌনবা অসি তঙাইফদবনি।

হৌখিবা চহি খর অসিদা, দিজিতেল পব্লিক ইনফ্রাস্ত্রকচর(দিপিআই) পায়খৎতুনা ভারতনা মসিগী তৌবা ঙম্বা অদু উৎলে অমসুং কোবিদ লাইচৎ মনুংদা ফাওবা মীয়ামদা থবক কয়া মাইপাক্না ফংহনখ্রে। মসিগী ফল ওইনা, লৈবাক কয়ানা ভারত্তগী তম্নিংবগী অপাম্বা লৈরে অমসুং ভারতকী থবকশিং তম্নবা ভারতকা লোয়ননা এম.ও.য়ুশিং খুৎয়েক পীনরে

মীয়ামগী থবকশিং ফংহন্নবা মীয়াম খুদিংমক কোনশিন্নবা ভারতনা পুথোক্লিবা দি.পি.আইশিং অসি ভারতকী মাইপাকপনি। মসিনা মীয়ামগী থবকশিং পাংথোকপদা দিজিতেলগী খুদোংচাবশিং মীয়ামদা ফংহন্নবা পান্দম থম্লি। হায়রিবা থবকশিং অসি ইরাই লাইনা ফংবা তেক্নোলোজিশিং, ওন্থোক-ওশিন য়াবা থবকশিংদা য়ুম্ফম ওইদুনা শেমগৎপনি অমসুং ইন্দস্ত্রি অমসুং মীয়াম শরুক য়ানবা দিজাইন তৌবনি। অদুম ওইনমক, লৈবাক খুদিংমক দি.পি.আই শেমগৎনবা খুদোংচাদবা কয়া মায়োক্নরি অমসুং মসিনা মালেমগী ওইনা মতেং পাংনবা দরকার ওইরি।

*****