কেন্দ্রগী য়ুথ অমসুং স্পোর্তস এফিয়ার্স মন্ত্রীনা চাইনাদা হৌজিক চত্থরিবা 19শুবা এসিয়ান গেম্সদা মেদল 100 হেনখিবদগীদমক এথেলেৎশিংবু থাগৎপা ফোংদোকখ্রে। মহাক্না হায়খি, “ভারত মচা করোর 140গী মায়কৈদগী এথেলেৎ পুম্নমকপু ঐহাক্না য়াইফ পাউজেল পীজরি। মখোয় তুংগী স্পোর্তসপর্সনশিংগীদমক ইন্সপিরেসন অমনি।” মহাক্না হায়খি মদুদি এসিয়ান গেম্সকী চহি ৭২গী পুৱারীদা ঐখোয়গী এথেলেৎশিংনা হন্দক রেকোর্দ কয়া অমা থুগায়রে অমসুং অনৌবা এসিয়ান রেকোর্দ কয়া অমসু থম্লে। এথেলেতিক্সতা মেদল 29, শুতিংদা মেদল 22 অনৌবা রেকোর্দশিংনি। শ্রী অনুরাগ সিংহ থাকুরনা মখা তানা হায়খি “প্রধান মন্ত্রীগী মিৎয়েং অমসুং মহাক্না ফংহল্লিবা খুদোংচাবশিং, অমসুং ঐখোয়গী শান্নরোইশিংগী হোৎনবা কনবা অমসুং পুক্নিং চেৎপনা ভারতপু মেদল 100 হেন্না ফংবা ঙমহনবনি। এসিয়ান গেম্স অসিদা পুৱারী শেম্বগীদমক স্পোর্তসপর্সন পুম্নমকপু ঐহাক্না ইকায় খুম্নজরি।”

"My greetings to all the athletes on behalf of 140 crore Indians. They are an inspiration for the sportspersons of the future"

- Union Minister @ianuragthakur on India touching 100th medal mark in #AsianGames.#AsianGames2022 @Anurag_Office @Murugan_MoS @kheloindia @Media_SAI… pic.twitter.com/SIzBiJBprP

— Ministry of Information and Broadcasting (@MIB_India) October 7, 2023

মহাক্না মসিমসু হায়খি মদুদি এসিয়ান গেম্সদা হোক্কী তিমনা য়াম্না নিংথিজনা পরফোর্ম তৌখি অমসুং মসিনা তুংগী তুর্নামেন্তশিংদা থাজবগা লোয়ননা শরুক য়াবদা মতেং ওইগনি। মহাক্না হায়খি মদুদি পি.এম. মোদীনা “খেলোগে তো খিলোগে”গী স্লোগান লাউরদুনা হায়খি মদুদি ৱাখল্লোনদা অহোংবা পুরকপা অমসুং ফেসিলিতীশিং ফংহনবনা মহৈ পুরক্কনি অমসুং ঙসি মসিমক ওইরি।

****