যুৱ পৰিক্ৰমা আৰু ক্ৰীড়া মন্ত্ৰালয়

শ্ৰী অনুৰাগ ঠাকুৰে চীনত চলি থকা ১৯তম এছিয়ান গেমছত পদকৰ সংখ্যা ১০০ অতিক্ৰম কৰাৰ বাবে খেলুৱৈসকলক অভিনন্দন জনাইছে

প্ৰধানমন্ত্ৰী মোডীৰ দৃষ্টিভংগী আৰু তেওঁ প্ৰদান কৰা সুবিধাসমূহ আৰু আমাৰ খেলুৱৈসকলৰ কঠোৰ পৰিশ্ৰম আৰু সংকল্পই ভাৰতে ১০০ টা পদক জয় কৰাটো নিশ্চিত কৰিছে: শ্ৰী অনুৰাগ সিং ঠাকুৰ

Posted On: 07 OCT 2023 12:36PM by PIB Guwahati

কেন্দ্ৰীয় যুৱ আৰু ক্ৰীড়া মন্ত্ৰীয়ে চীনত চলি থকা ১৯ সংখ্যক এছিয়ান গেমছত পদকৰ সংখ্যা ১০০ অতিক্ৰম কৰাৰ বাবে খেলুৱৈসকলক অভিনন্দন জনাইছে। তেওঁ কয়, "১৪০ কোটি ভাৰতীয়ৰ হৈ সকলো খেলুৱৈক মোৰ শুভেচ্ছা। তেওঁলোক ভৱিষ্যতৰ খেলুৱৈসকলৰ বাবে এক অনুপ্ৰেৰণা"। তেওঁ কয় যে এছিয়ান গেমছৰ ৭২ বছৰৰ ইতিহাসত এইবাৰ আমাৰ খেলুৱৈসকলে বহুতো অভিলেখ ভংগ কৰিছে আৰু বহুতো নতুন এছিয়ান অভিলেখো গঢ়িছে। এথলেটিকছত ২৯ টা পদক, শ্বুটিংত ২২ টা পদক নতুন অভিলেখ। শ্ৰী অনুৰাগ সিং ঠাকুৰে লগতে কয়, "প্ৰধানমন্ত্ৰী মোডীৰ দৃষ্টিভংগী আৰু তেওঁ প্ৰদান কৰা সুবিধাসমূহ আৰু আমাৰ খেলুৱৈসকলৰ কঠোৰ পৰিশ্ৰম আৰু সংকল্পই ভাৰতে ১০০ টা পদক জয় কৰাটো নিশ্চিত কৰিছে। এই এছিয়ান গেমছত ইতিহাস ৰচনা কৰাৰ বাবে মই সকলো খেলুৱৈক অভিবাদন জনাইছো।"

তেওঁ লগতে কয় যে হকী দলে এছিয়ান গেমছত খুব ভাল প্ৰদৰ্শন কৰিছে আৰু ই ভৱিষ্যতৰ প্ৰতিযোগিতাসমূহত আত্মবিশ্বাসেৰে আগবাঢ়ি যোৱাত সহায় কৰিব। তেওঁ কয় যে প্ৰধানমন্ত্ৰী মোডীয়ে “খেলোগে তো খিলোগে” শ্লোগান দি কয় যে চিন্তা প্ৰক্ৰিয়া সলনি কৰি আৰু সুবিধা প্ৰদান কৰিলে ফলাফল আহিব আৰু আজি এনে হৈছে।

 

*****

 DS/BM



(Release ID: 1965653) Visitor Counter : 66


Read this release in: Kannada , Bengali , English , Urdu , Marathi , Hindi , Manipuri , Gujarati , Odia , Tamil , Telugu