মন্ত্রীমন্দলগী লোইশঙ
নেসনেল ক্রাইসিস মেনেজমেন্ত কম্মিতি(এন সি এম সি)না সিক্কিমগী ফিবম য়েংশিনখ্রে
থাগৎখিবা:
09 OCT 2023 4:05PM by PIB Imphal
ঙসি কেবিনেত সেক্রেতরি শ্রী রজিব গৌবানা লুচিংদুনা নেসনেল ক্রাইসিস মেনেজমেন্ত কম্মিতি(এন সি এম সি)না সিক্কিমগী ফিবম য়েংশিনখ্রে।
ভিদিও কনফরেন্সকী খুৎথাংদা পাংথোকখিবা মীফম অদুদা সিক্কিমগী চীফ সেক্রেতরিশু শরুক য়াখি। মহাক্না হায়খি মফম য়াম্বদা লম্বী চৎথোক-চৎশিন য়ারে। নোং-চিংগী ফিবম ফগৎলকপদগী পন্দুনা লৈরিবা মীওইশিং লৌথোকপা অমসুং এয়রলিফ তৌবা য়ারগনি। ঙসি অয়ুক মীওই ৮০ কনবা ঙম্লে। রিলিফ কেম্প ২৮ হাংদোক্লে অমসুং কেম্পশিং অসিদা মীওই ৬৮০০ হেন্না চঙজফম লৌরি। চানবা য়াওনা তঙাইফদবা পোৎলমশিং অমসুং এল.পি.জি অৱাবা তারবা মফমশিংদা ফংহল্লে।
ওক্তোবর ১১দগী ওক্তোবর ১৩ ফাওবা নোং-চিংগী ফিবম ফগনি হায়না আই.এম.দিগী দি.জিনা ফোঙদোকখি। এন.দি.আর.এফকী দি.জিনা হায়খি রাজ্য অসিদা মী কনবগী থবক পাংথোক্নবা তিম ৬ শীজিন্নরি। শিলিগুরিদা অহেনবা এন.দি.আর.এফকী রিজার্ব তিম ৩ লৈরে। মী কনবগী থবকশিংদা মতেং পাংনবা লান্মী অমসুং এয়ফোর্সকী তিমশিং মরাংকাইনা লৈরে।
হোম সেক্রেতরিনা হায়খি ফিবম অসি কেন্দ্রনা অৱাংবা থাক্তা 24x7 য়েংশিল্লি। ফিবম অসি য়েংশিন্নবা ইন্তর মিনিস্তরিয়েল কোওর্দিনেসন তিম(আই এম সি তি) সিক্কিমদা থুংখ্রে। দরকার ওইবা কেন্দ্রগী মতেং সিক্কিম সরকারদা পীখ্রে।
কেবিনেত সেক্রেতরিনা হায়খি সিক্কিম সরকার অমসুং কেন্দ্রগী এজেন্সিশিংনা অতেনবা মতমগী মনুংদা মী লৌথোকপগী থবক পায়খৎকদবনি। ঈশিংনা মাঙহনখ্রবা থোংশিং শেমজিনবদা মরুওইবা মীৎয়েং চঙগদবনি। রাজ্য অসিদা কেন্দ্র সরকারদগী মাইকৈদগী পীবা য়াবা মতেং পীগনি।
মীফম অদুদা য়ুনিয়ন হোম সেক্রেতরি, সিক্কিমগী চীফ সেক্রতরি, রোদ ত্রান্সপোর্ত অমসুং হায়ৱেজগী সেক্রেতরি, মিলিতরি এফেয়ার্সকী সেক্রেতরি, এন.দি.এম.এ, সি.আই.এস.সি আই.দি.এস, দি.জি এন.দি.আর.এফ, দি.জি আই.এম.দি, দি.জি বি.আর.ও অমসুং হোম এফেয়ার্স অমসুং দিফেন্স মিনিস্ত্রিগী সেনিয়র ওফিসারশিং শরুক য়াখি।
*****
(রিলিজ আই.দি.: 1965983)
ভিজিতর কাউন্তর : 131