কেবিনেত সেক্রেতরী শ্রী রজিব গৌবাগী চিয়ারমেনশিপ মখাদা নেস্নেল ক্রাইসিস মেনেজমেন্ত কমিতী (এন.সি.এম.সি.)না ঙসি মীফম ফমখি অমসুং সিক্কিমগী ফিভম য়েংশিনখি।

সিক্কিমগী চিফ সেক্রেতরীনা ভিদিও কনফরেন্সিংগী থোংদা মীফমদা শরুক য়াখি অমসুং রাজ্যদা ওইরিবা খ্বাইদগী নৌবা ফিভমগী মতাংদা কমিতীদা খংহনখি। মহাক্না রিলিফ অমসুং রেসক্যুগী খোংথাংদা রাজ্য সরকারনা হোৎনরিবশিংগী মতাংদসু কমিতীদা পাউদমখি। হোম সেক্রেতরীনা কমিতীদা খংহনখি মদুদি কেন্দ্র সরকারনা খ্বাইদগী ৱাংবা থাক্তা ফিভম অসি 24x7 মোনিতর তৌরি। মিনিস্ত্রী ওফ হোম এফিয়ার্স (এম.ঐচ.এ.)গী কন্ত্রোল রুম অনিমক্না ফিভম অসি মোনিতর তৌরি অমসুং পীবা য়াবা মতেং পুম্নমক পীরি।

নেস্নেল দিজাস্তর রেস্পোন্স ফোর্স (এন.দি.আর.এফ.)না হান্ননা তীম অহুম দিপ্লোই তৌখ্রে অমসুং অহেনবা তিমশিং গুৱাহাতি অমসুং পত্নাদা থৌরাং তৌদুনা লৈরি। রেসক্যু অমসুং রেস্তোরেসনগী হোৎনরিবশিংদা রাজ্যদা তেংবাংনবগীদমক আর্মী অমসুং এয়র ফোর্সকী তিমশিং অমসুং এসেতশিংগী মতিকচাবা মশিং দিপ্লোই তৌরে।

সেন্ত্রেল এজেন্সীশিং অমসুং সিক্কিম সরকারগী রিলিফ অমসুং রেসক্যু খোংথাংশিং য়েংশিল্লদুনা কেবিনেত সেক্রেতরী শ্রী রজিব গৌবানা চুংথাং দামগী তনেলদা পন্দুনা লৈরিবা মীওইশিং অমসুং তুরিস্তশিংবু লৌথোকপগী থবক প্রায়োরিতী বেসিসতা লৌখৎপা য়াবগী মতাংদা অকনবা ৱাফম থমখি। মহাক্না মখা তানা হায়খি মদুদি এন.দি.আর.এফ.কী অহেনবা তীমশিং দিপ্লোই তৌগদবনি অমসুং অতেনবা ওইথোকপা য়াবা মতমগী মনুংদা রোদ. তেলেকোম অমসুং পাৱর কনেক্তিবিতী হঞ্জিনহনগদবনি।

কেবিনেত সেক্রেতরীনা সিক্কিম সরকারদা থাজবা পীখি মদুদি সেন্ত্রেল এজেন্সী পুম্নমক তেংবাংগীদমক থৌরাং তৌদুনা লৈরি অমসুং ফংলগনি।

মীফম অসিদা য়ুনিয়ন হোম সেক্রেতরী, সিক্কিমগী চিফ সেক্রেতরী, পাৱর মিনিস্ত্রীগী সেক্রেতরী, সেক্রেতরী রোদ ত্রান্সপোর্ত অমসুং হায়ৱেজ মন্ত্রালয়গী সেক্রেতরী, মিলিতরী এফিয়ার্স বিভাগকী সেক্রেতরী, তেলেকমুনিকেসন বিভাগকী সেক্রেতরী, ৱাতর রিসোর্সেস, আর.দি. অমসুং জি.আর. বিভাগকী সেক্রেতরী, এন.দি.এম.এ., সি.আই.সি.এস. আই.দি.এস., দি.জি., আই.এম.দি., দি.জি., এন.দি.আর.এফ.গী মেম্বর সেক্রেতরী অমসুং মিনিস্ত্রী ওফ হোম এফিয়ার্সকী মকোকথোংবা ওফিসারশিংনা শরুক য়াখি।

*****