প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অর্থনৈতিক পৰিক্ৰমাৰ কেবিনেট কমিটীয়ে উত্তৰ কোৱেল জলাশয় প্রকল্পৰ বাকী থকা কাম সংশোধিত ২,৪৩০.৭৬ কোটি (কেন্দ্ৰীয় অংশীদাৰিত্ব: ১,৮৩৬.৪১ কোটি টকা)ৰ ব্যয়েৰে সম্পূর্ণ কৰিবলৈ জল শক্তি মন্ত্র্যালয়ৰ জলসম্পদ, নদী উন্নয়ন আৰু গংগা সংৰক্ষণ বিভাগৰ এটা প্রস্তাৱত অনুমোদন জনাইছে, ইয়াৰ বিপৰীতে আগষ্ট, ২০১৭ত বাকী থকা কামৰ বাবে পূৰ্বে স্বীকৃত ব্যয় ১,৬২২.২৭ কোটি টকা (কেন্দ্ৰীয় অংশীদাৰিত্ব: ১,৩৭৮.৬০ কোটি টকা)ৰ আছিল।

বাকী থকা কাম সম্পূর্ণ হোৱাৰ পাছত, এই প্রকল্পটোৱে ঝাৰখণ্ড আৰু বিহাৰৰ চাৰিখন খৰাং প্রৱণ জিলাত ৪২,৩০১ হেক্টৰ এলেকাত বাৰ্ষিক অতিৰিক্ত জলসিঞ্চনৰ ব্যৱস্থা কৰিব৷

উত্তৰ কোৱেল জলাশয় প্ৰকল্প হৈছে এক আন্তঃৰাজ্যিক বৃহৎ জলসিঞ্চন প্ৰকল্প যাৰ কমাণ্ড এৰিয়া বিহাৰ আৰু ঝাৰখণ্ড দুখন ৰাজ্যত। এই প্ৰকল্পটোত কুটকু গাঁৱৰ সমীপৰ উত্তৰ কোৱেল নদীত (জিলা লাতেহাৰ, ঝাৰখণ্ড) এটা মথাউৰি, মথাউৰিৰ তলত ৯৬ কিলোমিটাৰৰ এটা বেৰেজ (মহম্মদগঞ্জ, জিলা পালমু, ঝাৰখণ্ড), সোঁফালৰ মূল খাল (আৰ এম চি) আৰু বেৰেজৰ পৰা বাওঁ মূল খাল (এল এম চি) অন্তৰ্ভুক্ত। বিহাৰ চৰকাৰে নিজৰ সম্পদেৰে ১৯৭২ চনত বান্ধ নিৰ্মাণৰ লগতে অন্যান্য সহযোগী কাম-কাজ আৰম্ভ কৰিছিল। ১৯৯৩ চনলৈকে এই কাম চলি থাকিল আৰু সেই বছৰতে বিহাৰ চৰকাৰৰ বন বিভাগে বন্ধ কৰি দিয়ে। মথাউৰিটোত জমা হোৱা পানীয়ে বেতলা ৰাষ্ট্ৰীয় উদ্যান আৰু পালামু বাঘ সংৰক্ষিত বনাঞ্চলৰ বাবে ভাবুকি কঢ়িয়াই অনাৰ আশংকাত মথাউৰিটোৰ কাম বন্ধ হৈ পৰে। যেতিয়া কাম বন্ধ হৈ গ’ল, তেতিয়া প্ৰকল্পটোৱে ৭১,৭২০ হেক্টৰ মাটিত বাৰ্ষিক জলসিঞ্চনৰ ব্যৱস্থা কৰি আছিল। ২০০০ চনৰ নৱেম্বৰ মাহত বিহাৰৰ বিভাজন হোৱাৰ পিছত মথাউৰি আৰু বেৰেজৰ মূল কাম ঝাৰখণ্ডত। ইয়াৰ উপৰিও মহম্মদগঞ্জ বেৰেজত সমগ্ৰ ১১.৮৯ কিলোমিটাৰ বাওঁ মূল খাল (এল এম চি) ঝাৰখণ্ডত। অৱশ্যে, ৰাইট মেইন কেনেল (আৰ এম চি)ৰ ১১০.৪৪ কিলোমিটাৰৰ ভিতৰত প্ৰথম ৩১.৪০ কিলোমিটাৰ ঝাৰখণ্ডত আৰু বাকী ৭৯.০৪ কিলোমিটাৰ বিহাৰত। ২০১৬ চনত, ভাৰত চৰকাৰে উত্তৰ কোৱেল জলাশয় প্ৰকল্পৰ বাকী থকা কামসমূহ সম্পূৰ্ণ কৰি প্ৰকল্পটো কাৰ্যকৰী কৰি পৰিকল্পিত সুবিধাসমূহ লাভ কৰিবলৈ সাহায্য প্ৰদান কৰাৰ সিদ্ধান্ত লয়। পালামু বাঘ সংৰক্ষিত বনাঞ্চলৰ মূল অঞ্চলটো সুৰক্ষিত কৰিবলৈ জলাশয়ৰ স্তৰ হ্ৰাস কৰাৰ সিদ্ধান্ত লোৱা হৈছিল। আনুমানিক ১৬২২.২৭ কোটি টকা ব্যয়েৰে প্ৰকল্পটোৰ বাকী থকা কামসমূহ সম্পূৰ্ণ কৰাৰ প্ৰস্তাৱ ২০১৭ চনৰ আগষ্ট মাহত কেন্দ্ৰীয় কেবিনেটে অনুমোদন জনাইছিল।

পৰৱৰ্তী সময়ত, দুয়োখন ৰাজ্য চৰকাৰৰ অনুৰোধত, প্ৰকল্পটোত আন কিছুমান উপাদান অন্তৰ্ভুক্ত কৰাটো প্ৰয়োজনীয় বুলি বিবেচিত হয়। পৰিকল্পিত জলসিঞ্চনৰ ক্ষমতা লাভ কৰিবলৈ কাৰিকৰী দৃষ্টিকোণৰ পৰা আৰএমচি আৰু এলএমচিৰ সম্পূৰ্ণ লাইনিং প্ৰয়োজনীয় বুলি বিবেচিত হয়। এইদৰে গয়া বিতৰণ ব্যৱস্থা, আৰএমচি আৰু এলএমচিৰ লাইনিং, পথত আন্তঃগাঁথনিৰ ৰিমডেলিং, কিছুমান নতুন আন্তঃগাঁথনি নিৰ্মাণ আৰু প্ৰকল্পৰ পৰা প্ৰভাৱিত পৰিয়াল (পিএএফ)ৰ সাহায্য আৰু পুনৰ্বাসন (আৰ এণ্ড আৰ)ৰ কামৰ বাবে এককালীন বিশেষ পেকেজ শেহতীয়া খৰচৰ অনুমানত দিব লাগিছিল। সেই অনুসৰি, প্ৰকল্পটোৰ সংশোধিত খৰচৰ অনুমান প্ৰস্তুত কৰা হৈছিল। বাকী থকা কামৰ ব্যয় ২৪৩০.৭৬ কোটি টকাৰ ভিতৰত কেন্দ্ৰই ১৮৩৬.৪১ কোটি টকা আগবঢ়াব।

**********

DS/SKS/GS/BM