‘ফত্ত হৌদীদগী মনিং-মখা তম্লবা ভারত’ হায়বসিনা থীম ওইদুনা হৌজিক চত্থরিবা স্বচ্ছতা সি সেবা (SHS) কেম্পেন 2023গা লোয়ননা লৈবাক অসিনা হৌজিক থা মখায় চুপ্না চত্থবা লু-নানবগী কুহ্মৈ অমা পাংথোক্লি। মীয়াম পুন্না অমত্তা ওইবা অমসুং ৱাখল চেৎপগী মতৌ উত্তুনা অমসুং প্রধান মন্ত্রী, শ্রী নরেন্দ্র মোদীগী স্বচ্ছতাগী খোল্লাওদগী ইথিল লৌদুনা, হৌখিবা নুমিৎ 14নি অসিদা নোংমদা লৈবাক শিনবা থুংবগী মীওই করোর 2.3না চাংচৎ ওইনা শরুক য়াদুনা হৌজিক ফাওবদা অপুনবা মীওই করোর 32 হেনবনা লৈবাক শিনবা থুংবগী কেম্পেন্দা শরুক য়াদুনা লাক্লি। মসিগী ‘জন আন্দোলন’ অসিনা ভারতকী খুঙ্গংশিংগী 75%বু ODF প্লস, হায়বদি, ওপন দিফিকেসন স্তেতস ঙাক্তুনা চৎপগা লোয়ননা মহি নত্ত্রগা মপং ওইবা ফত্ত-হৌদীশিং নীংথিনা শেন্ননবা শেম শাবগী থৌওংশিং য়াওনা লৈবাক অসিগীদমক্তা মশক নাইবা মহৈ কয়া ফংবা ঙম্লে। মসিনা খুন্নাই অমসুং সরকারনা সেনিতেসন অমসুং নু-নানবগী মাইকৈদা খোঙফম চেৎলিবা অসিগী শক্তমসু উৎলি।

হন্দকী চহিগী কেম্পেন্সিদা, নোংমদা চাউরাকপা মীওই করোর 2.3না চাংচত্তা শরুক য়াদুনা, লৈবাক শিনবা থুংবগী অপুনবা মীওই করোর 32 হেনবনা শুপ্নগী নুমিৎ 14নিগী মনুংদা শরুক য়াবগী মতৌ উবা ফংলি। মখোয়শিংগী মনুংদগী, চাউরাকপা মীওই করোর 15না শ্রামদান্দা থৱাই য়াওনা শরুক য়ানরি অমসুং SBMগী থবক থৌরম লাখ 3.68তা মশাগী থৌদাং য়ারি। মখোয়না পাংথোক্লিবা থবকশিংগী মনুং চনবশিংদি সমুদ্র মপা চাউরাকপা 5300 শেংবা, তুরেল মপাল অমসুং ঈশিং অচৌবগী মনাক্তা লৈবা মফম 4300পু নৌনা শেমজিন শাজিনবা, লিগেসী ৱেস্ত সাইত 10,700 অমুক হন্না লৌশিনবা, লমকোয়ফম অমসুং মশক নাইবা মফম 2400 ফগৎহনবা অমসুং মীয়ামগী মফম 93,000 হেনববু নৌনা শেমজিনগী থবকশিংনি। মসিগী মথক্তা, ঈশিং লৈফম 12,000 হেন্না শেংদোকখ্রে, ইন্সতিত্যুস্নেল বিলদিং 60,000 হেনববু অনৌবা পুন্সি হাপখি, অমোৎ অকায়না পৈরবা মফম 47,000 হেন্না শেংদোকখি। মশিংশিং অসিনা ‘জন আন্দোলন’গী অথুবা মতমদা অওনবা পুরক্নবা ৱাখল চেৎপগী মতৌ অমসুং শাগোন্নরিবা মপাঙ্গলগী শক্তম উৎলি।

হন্দক্কী চহিগী থৌরমশিং অসি ওন্তোবর 1দা লোইশিনগনি। মীয়াম্না লুচিংদুনা ‘স্বচ্ছতাগীদমক্তা শ্রামদান’ পুং 1 পাংথোক্কদবা হায়বসিগীদমক্তা লাওখিবা পি.এম.গী খোল্লাও, ‘এক তারীখ, এক ঘন্তা, এক সাথ”কী শরুক অমা ওইনা, সরকার অমসুং লৈবাক মীয়াম্না তেংবাংনদুনা নুমিৎ অসিগী অয়ুক্কী পুং 10দা লৈবাক্কী তোঙান-তোঙানবা মফমশিংদা লম-তু শেংবগী থবক পাংথোক্কনি। প্রধান মন্ত্রীগী খোল্লাও অসিনা খুন্নাইগী হীরম খুদিংদা নু-নানবগী তঙাই ফদবা হায়বসিগী মরু ওইবশিং উৎলি। প্রধান মন্ত্রীনা মহাক্কী মন কী বাতকী 105শুবা তাঙ্কক্তা বাপুগী মপোক কুমওনগী নোংমা মাংওইননা, ওক্তোবর 1গী অয়ুক্কী পুং 10দা মীয়াম্না পুন্দুনা পুং 1গী স্বচ্ছতাগীদমক্তা শ্রামদান পাংথোক্তুনা মহাক্কী মফমদা ‘স্বচ্ছাঞ্জলী’ কৎসি হায়না ফোংদোকখিবনি। মহাক্না হায়খি, “ওক্তোবর 1, নোংমাইজিং নুমিৎকী অয়ুক্কী পুং 10 তাবা মতমদা লু-নাবগী অচৌবা থৌরম অমা পাংথোক্কনি। অদোমসু ইশাগী মতম কাইথোক্তুনা লু-নানবগা মরী লৈনবা কেম্পেন অসিদা শরুক য়াগদবনি। অদোমসু ইশাগী লৈরক, লৈকাই....পার্ক্তা ওইরো, তুরেল, পাৎ নত্ত্রগা মীয়ামগী মফম অমা হেক্তদা মসিগুম্বা লু-নানবগী কেম্পেন্দা শরুক য়াবা য়াগনি”।

হন্দক্কী চহিগী কেম্পেন অসিগী মরু ওইবা থৌওং অমদি প্রধান মন্ত্রী, শ্রী নরেন্দ্র মোদীনা মঙজবা মঙলান অমা ওইনা ‘স্বচ্ছ ভারত’ অমগীদমক্তা সরকারগী বিভাগ কয়ানা অমত্তা ওইনা পুনবগী শক্তম উত্তুনা কেন্দ্রগী মন্ত্রালয় অহুম্না পুন্না হৌদোকপা SHS কেম্পেন অসিনি। খোঙথাং অসি হৌদোকখিবা শুপ্নগী চয়োল অমগী মনুংদা, জল শক্তিগী কেন্দ্র মন্ত্রী, শ্রী গজেন্দ্র সিংহ সেখাৱতনা লৈবাক শিনবা থুংবগী 75% ODF প্লস খুঙ্গংগী পান্দম মায় পাক্লে লাউথোকখিবা অসিদগী মসিগী মায় পাকপগী চাং ওনবা য়াগনি।

স্বচ্ছ ভারত মিসন – রুরেল অমসুং অর্বানগী মরক্তা তেংবাংনবগী মতৌগা লোয়ননা, ‘স্বচ্ছ ভারত’ অমা ফংনবগীদমক্তা অতোপ্পা বিভাগ কয়াগী মাইকৈদগী পায়খৎলিবা খোঙথাংশিং অসি য়েংলুবদা হন্দক্কী মতাং অসিদা সরকারন অপুনবগী থৌওং অসি ময়েক শেংনা উবা ফংখি। তুরিজম মন্ত্রালয়না খনগৎলবা মফম 108তা লু-নানবগী কেম্পেন পাংথোক্নবা ত্রাভেল ফোর লাইফ হৌদোকখি; ইনফোর্মেসন অমসুং ব্রোদকাস্তিং মন্ত্রালয়না লৈবাক শিনবা থুংবগী সিনেমা স্ক্রীন খুদিংদা SHS ভিদিও শোইদনা কাপহনখি অমসুং তেলিকোম বিভাগনা মোবাইল নেতৱর্ক খুদিংদা SHS রিংতোন শন্দোক্লি। সিভিল এভিএসন বিভাগ অমসুং রেলৱে বোর্দনা এয়রপোর্ত অমসুং রেলৱেগী মফমশিংদা SHS কেম্পেনবু মীয়ামদা খঙহল্লি, ASIনা মরু ওইবা মোন্যুমেন্ত খুদিংবু SHS ব্রান্দিং তৌদুনা মৈ ঙালহল্লি। স্কুল এজুকেসন অমসুং লিতরেসী বিভাগনা লৈবাক্কী পব্লিক অমসুং প্রাইভেত স্কুলশিংদা সেনিতেসনগী থবকশিং পাংথোকহল্লি, অদুগা হাইয়র এজুকেসন বিভাগনা কোলেজ অমসুং য়ুনিভর্সিতীশিংগী মফমদা স্বচ্ছতাগী পাউজেল শন্দোক্নবা পুক্নিং থৌগৎলি। বিভাগ খুদিংনা মশাগী তোপ-তোপ্পা মওংদা SHS কেম্পেন্দা অঙম্বা মতেং পাংনরি।

সেনিতেসন হীরো – সফাই মিত্রশিংগী য়াইফ য়ুম্বালগীদমক্তা থবক তৌবা অসিসু কেম্পেন অসিগী তোপ-তোপ্পা থৌওং অমনি। মখোয়গী য়াইফ য়ুম্বালগীদমক্তা হেল্থ চেক-অপ কেম্প অমসুং য়োগ শিবিরশিং শীন-লাঙলি। SHS অসিবু চাউনা মায় পাকহন্নবগীদমক্তা খুন্নাইগী কাঙলুপ খুদিংনা মাঙ থানা থোক্নরক্লি। নুপীশিংগী SHGশিংনা মশিং য়াম্না থোক্নরক্তুনা শ্রামদান পাংথোক্নবা খুঙ্গংশিং খন্নরি। স্কুল অমসুং কোলেজকী নহাশিংনা মশাগী শহর, তাউন অমসুং খুঙ্গং শেংদোকপগী মতাংদা থৱাই য়াওবা উৎনরি, অদুগা কোলেজশিংনা শ্রামদান পাংথোক্নবা মখোয়গী খুঙ্গং খন্নরি। সেনিয়র সিতিজনশিংনা সমুদ্র তোর্বান, পার্ক, মীয়ামগী মফম শেংদোক্তুনা শ্রামদান পাংথোক্নখি অমসুং তরু-তনানবা খুন্নাই অমগীদমক্তা মশাগী থৌদাং য়ানখি। ধর্মগী লুচিংবশিংনা ধর্মগী মফমশিংদা শ্রামদান পাংথোক্নরি। চেম্বর ওফ কম্মর্স, রেদ ক্রোস, লল্লোন-ইতিক অমসুং লৌউ-শিংউগী মখল কয়াগী লুপশিংসু স্বচ্ছতাগী থবকশিংদা থৱাই য়াওনা শরুক য়ানরি।

মীয়াম পুম্না পাংথোকমিন্নবা থবকশিংগী মনুংদা স্বচ্ছতাগী ৱাশক শকপা, স্বচ্ছতাগী লমজেল চেনবা অমসুং হ্যুমেন চেন শেম্বা, ওফিস অমসুং থংনবা মফমশিং তরু-তনান্না থম্নবা শেংদোকপা (DAPRGগী অখন্নবা কেম্পেন 3.0গা পুনশিনবা), রেল লম্বী অমসুং স্তেসন, এয়রপোর্তকা থংনবা মফম, লমকোয়ফম/লাইনীংফম, ASI মোন্যুমেন্ত/হেরিতেজ সাইত, এজুকেস্নেল ইন্সতিত্যুসন, হাইৱে অমসুং থংনবা মফম, জু, সেংচুএরী, পার্ক, মী য়াম্না চৎনবা মফমশিংবু ৱর্ল্দ তুরিজম দেগা পুনশিন্দুনা শেংদোকপা; সিঙ্গল য়ুজ প্লাস্তিক থিংবা অমসুং জিরো ৱেস্ত ইভেন্তকী ৱাশক লৌবশিং য়াওরি। মীয়াম পুন্না পাংথোকমিন্নবা মসিগুম্বা থবকশিং অসিনা ঐখোয়গী অকোয়বগী ফিভম্বু ফগৎহল্লে, তরু-তনানবা, হকশেল ফবা এত্মোস্ফিয়র অমা শেম্লে। মসিদি ‘তীম ইন্দিয়া’গী ইথিলবু ইকায় খুম্নবগী থৌওংনি।

স্বচ্ছতা হি সেবা কেম্পেন 2023 অসিনা থবক অমগীদমক্তা ইশানা য়ানা চোংথোকচবা অমসুং মীয়ামগা লোয়ননা খুন্নাইনা শরুক য়াবগী ইথিলবু অমুক্কা হন্না মৈরী চুরে হায়বসি ময়েক শেংনা তাক্লে। সেনিতেসন হায়বসিবু মীপুম খুদিংগী হীরম ওইহন্নবা চহি খুদিংগী পাংথোক্কদবা কেম্পেন অসিগী পান্দমসু ফংবা ঙম্লে।

মীওই, খুন্নাই, অমসুং সরকারগী এজেন্সীশিংনা চপ মান্নবা পান্দম থমদুনা, ‘স্বচ্ছ ভারত’ মিসনগীদমক্তা হোৎনখিবগী মতৌগুম্না মিসন অমগী মাইকৈদা চঙশিন্দুনা থবক তৌবা মতমদা মশক থোকপা থবক কয়া পাংথোকপা ঙম্মি হায়বসি কেম্পেন অসিনা অমুক্কা হন্না উৎলে।

***