وزیراعظم کا دفتر

روزگار میلے کے تحت، وزیر اعظم 26 ستمبر کو سرکاری محکموں اور تنظیموں میں نئے بھرتی ہونے والوں کو تقریباً 51,000 تقرری  نامے تقسیم کریں گے


روزگار میلہ روزگار پیدا کرنے کو اولین ترجیح دینے کے وزیر اعظم کے عہد کو پورا کرنے کی جانب ایک قدم ہے

نئے تقرر پانے والے افراد آن لائن ماڈیول کرم یوگی پرارمبھ کے ذریعے خود کو تربیت بھی حاصل کریں گے

Posted On: 25 SEP 2023 2:55PM by PIB Delhi

وزیر اعظم جناب نریندر مودی 26 ستمبر 2023 کو صبح 10:30 بجے ویڈیو کانفرنسنگ کے ذریعے تقریباً 51,000 نئے بھرتی ہونے والے افراد  کو تقرری  نامے تقسیم کریں گے۔وزیراعظم اس موقع پر تقرری پانے والے افراد سے خطاب بھی کریں گے۔

ملک بھر میں 46 مقامات پر روزگار میلہ  منعقد کیا جائے گا۔بھرتیاں مرکزی حکومت کے محکموں  میں کی جارہی ہیں اورساتھ ہی ریاستی حکومتوں/ مرکز کے زیر انتظام علاقوں  بھی اس  سلسلے میں تعاون کررہے ہیں۔ ملک بھر سے منتخب ہونے والے نئے بھرتی کئے جانے والے افراد مختلف وزارتوں/محکموں میں سرکاری نوکری حاصل کریں  گے جن میں محکمہ ڈاک،انڈین آڈٹ اینڈ اکاؤنٹس ڈیپارٹمنٹ،ایٹمی توانائی کا محکمہ ، محصولات کا محکمہ ، اعلیٰ تعلیم کا محکمہ  ، وزارت دفاع،  صحت اور خاندانی بہبودکی وزارت شامل ہیں۔

روزگار میلہ وزیر اعظم کے روزگار کے مواقع پیدا کرنے کو اولین ترجیح دینے کے عزم کو پوراکرنے کی جانب  ایک قدم ہے۔توقع ہے کہ روزگار میلہ مزید روزگار پیدا کرنے میں ایک محرک کے طور پر کام کرے گا اور نوجوانوں کو بااختیار بنانے اور قومی ترقی میں ان کی شرکت کے لیے بامعنی مواقع فراہم کرے گا۔

نیا تقرر پانے والوں کوآئی گوٹ کرم یوگی پورٹل پر ایک آن لائن ماڈیول،کرم یوگی پرارمبھ کے ذریعے تربیت حاصل کرنے کا موقع بھی مل رہا ہے، جہاں 680 سے زیادہ ای لرننگ کورسز ’کہیں بھی کسی بھی ڈیوائس‘ پرآموزش کے فارمیٹ  میں  دستیاب کرائے گئے ہیں۔

***********

ش ح ۔  ا گ - م ش

U. No.9916



(Release ID: 1960415) Visitor Counter : 80


Read this release in: Kannada , English , Hindi , Marathi , Bengali , Manipuri , Assamese , Punjabi , Gujarati , Odia , Tamil , Telugu , Malayalam