প্রধানমন্ত্রীগী লোইশঙ
রোজগার মেলাগী মখাদা, প্রধান মন্ত্রীনা সেপ্তেম্বর ২৬তা লৈঙাক্কী লোইশঙশিং অমসুং ওর্গানাইজেসনশিংদা নৌনা ইন্দক্ত তৌখ্রবা রিক্রুতশিংদা এপ্পোইন্তমেন্ত লেত্তর ৫১,০০০ য়েন্থোক্কদৌরি
রোজগার মেলা অসি প্রধান মন্ত্রীনা থবক পীনবগীদমক খ্বাইদগী চাউনা থমখিবা মরুওইবা পান্দম ফংনবগী মায়কৈদা চঙশিল্লিবা খোঙথাং অমনি
নৌনা ইন্দক্ত তৌরবা এপোইন্তীশিং অসি ওনলাইন মোদ্যুল কর্ময়োগী প্ররম্বগী খুত্থাংদা মশানা মশাবু ত্রেন তৌজগনি
Posted On:
25 SEP 2023 2:55PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর ২৬, ২০২৩গী অয়ুক পুং ১০:৩০ তাবা মতমদা ভিদিও কনফরেন্সিংগী খুত্থাংদা নৌনা ইন্দক্ত তৌখ্রবা রিক্রুতশিংদা থবক এপ্পোইন্তমেন্ত লেত্তর ৫১,০০০ য়েন্থোক্কদৌরি। প্রধান মন্ত্রীনা থৌরম অসিদা এপ্পোইন্তীশিং অসিগী মফমদসু ৱা ঙাংগনি।
রোজগার মেলা অসি লৈবাক অসিদা লৈবা মফম ৪৬তা পাঙথোক্কনি। রিক্রুত্মেন্ত অসি থৌরাং অসিবু শৌগৎপা কেন্দ্র সরকারগী বিভাগ অমসুং রাজ্য সরকার/য়ু.তি.শিংদা পাক শন্না পাঙথোক্লি। লৈবাক অসিগী মফম কয়াদগী খল্লক্লবা অনৌবা রিক্রুতশিংনা দিপার্ত্মেন্ত ওব পোস্ত, ইন্দিয়ন ওদিত এন্দ একাউন্তস দিপার্ত্মেন্ত, দিপার্ত্মেন্ত ওব এতোমিক এনর্জী, দিপার্ত্মেন্ত ওব রেভিন্যু, দিপার্ত্মেন্ত ওব হাইয়র এজুকেসন, ঙাকশেল মন্ত্রালয়, হকশেল অমসুং য়াইফ-য়ুম্বাল মন্ত্রালয় অমসুং অতৈ কয়া য়াওনা তোঙান-তোঙানবা মন্ত্রালয়/বিভাগশিংদা চঙগনি।
রোজগার মেলা অসি প্রধান মন্ত্রীনা থবক পীনবগীদমক খ্বাইদগী চাউনা থমখিবা মরুওইবা পান্দম ফংনবগী মায়কৈদা চঙশিল্লিবা খোঙথাং অমনি। রোজগার মেলা অসিনা মখা তানা নহাশিংদা থবক পীনবা হোৎনবদা অমসুং মখোয়বু মশানা মশাবু শক্তি লৈহন্নবা অমসুং লৈবাক্কী চাউখৎ থৌরাংদা শরুক য়াবা ঙমজনবা মরুওইবা পোৎলম অমা ওইগনি।
নৌনা ইন্দক্ত তৌরবা এপ্পোইন্তীশিং অসিনা মখোয় মশানা মশাবু 'এনিৱেয়র এনি দিভাইস' লর্নিং ফোর্মেতকীদমক ই লর্নিং কোর্স ৬৮০ হেন্না ফংহল্লিবা আইগোত কর্ময়োগী পোর্তেলদা ওনলাইন মোদ্যুল অমা ওইরিবা কর্ময়োগী প্ররম্বগী খুত্থাংদা ত্রেন তৌজবা য়াবগী খুদোংচাবা ফংগনি।
*****
(Release ID: 1960412)
Visitor Counter : 98
Read this release in:
Kannada
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam