مارچ 2018 میں پوشن ابھیان کے آغاز کے بعد سے، ملک نے پہلی بار غذائیت پر توجہ مرکوز کرتے ہوئے ملک گیرجن آندولن کا آغاز کیا ہے۔ پوشن ابھیان کے تحت طرز عمل کی تبدیلیوں کو فروغ دینے کے لیے،خاص طور پر نچلی سطح تک ضروری غذائیت سے بھرپور کھانے کے استعمال کے حوالے سے ان سالانہ جن آندولن کو احتیاط سے تیار کیا گیا ہے۔ انہیں مخصوص فائدہ اٹھانے والوں یعنی حاملہ خواتین، دودھ پلانے والی مائیں، نوعمر لڑکیاں، اور 6 سال تک کی عمر کے بچوں کوہدف بناکر ڈیزائن کیا گیا ہے۔

جن آندولن کا انعقاد سال میں دو بار کیا جاتا ہے، ستمبر میں پوشن ماہ اور مارچ-اپریل میں پوشن پکھواڑا۔ اب تک، 10 جن آندولن  کا انعقاد کامیابی کے ساتھ کیا جا چکا ہے، جس میں 60 کروڑ سے زیادہ بیداری پیدا کرنے کی سرگرمیاں ریکارڈ کی گئی ہیں۔ یہ 2018 کے بعد سے ملک بھر میں بڑھتی ہوئی اور مستقل شراکت کو ظاہر کرتا ہے۔

ان دنوں ملک میں چھٹا راشٹریہ پوشن ماہ منایا جا رہا ہے، جس کا اہتمام خواتین اور بچوں کی ترقی کی وزارت نے کی ہے۔ یہ تقریب زیادہ سے زیادہ رسائی کے لیے مختلف اہم وزارتوں اور محکموں کے ساتھ تعاون کی طاقت کا مظاہرہ کر رہی ہے۔ ان جاری تقریبات کے پہلے 12 دنوں  کے دوران ملک بھر میں جن آندولن ڈیش بورڈ پر 6 کروڑ سے زیادہ سرگرمیاں درج کی گئی ہیں۔

اس پورے مہینے تک جاری رہنے والی تقریب کے دوران، متنوع شراکت دار زمینی سطح کی غذائیت کے نتائج کو بہتر بنانے اور طرز عمل میں تبدیلیوں کی حوصلہ افزائی کے لیے سرگرم انداز میں حصہ لے رہے ہیں۔ دیہی ترقی، صحت اور خاندانی بہبود اور پنچایتی راج جیسی وزارتیں صرف دیہی ترقی کی وزارت کے ساتھ راشٹریہ پوشن ماہ 2023 کے تحت 6 لاکھ سے زیادہ سرگرمیاں ریکارڈ کی ہیں۔

ہندوستان کے تمام خطوں میں مختلف موضوعات کے تحت متعدد سرگرمیاں منعقد کی جا رہی ہیں۔ چند مثالیں درج ذیل ہیں:

• 'خصوصی بریسٹ فیڈنگ اینڈ کمپلیمنٹری فیڈنگ'  کے موضوع پر ایک کروڑ سے زیادہ سرگرمیاں رپورٹ کی گئی ہیں۔
• اروناچل پردیش میں، 'مشن لائف کے ذریعہ غذائیت کو بہتر بنانا' کے موضوع کے تحت سرگرمیوں کا ایک سلسلہ چلایا گیا، جس کا مقصد بارش کے پانی کی ذخیرہ اندوزی، صفائی ستھرائی، اور تالابوں، کنوؤں اور پانی کے ٹینکوں جیسے اجتماعی آبی ذخائر کو صاف کرنے کے بارے میں بیداری پیدا کرنا ہے۔
• ریاست بہار میں، سماجی بہبود و انصاف کے وزیر نے پوشن ماہ منانے کے لیے ایل ای ڈی لائٹنگ کے ساتھ 'پوشن رتھ' کا آغاز کیا۔
• لیہہ کے باسگو گاؤں میں سرپنچ، صحت کے عملے، والدین اور بچوں کی موجودگی میں پوشن میلہ جوش و خروش کے ساتھ منایا گیا۔
• کرناٹک نے راشٹریہ پوشن ماہ 2023 کو مختلف اضلاع جیسے کولار، ہاسن اور چکمگلور میں بڑی تعداد میں سرگرمیوں جیسے بے بی شاور، انا پرشن تقریبات اور پوشن میلوں کے ساتھ منایا۔
• غذائی تنوع اور باجرے کے استعمال کو فروغ دینے کے لیے گوا، گجرات، اروناچل پردیش، اور آسام سمیت کئی ریاستوں نے بلاک دفاتر اور آنگن واڑی مراکز میں  مقابلوں کا انعقاد کیا۔
• میزورم کے مختلف حصوں میں فوڈ ریسورس میپنگ کی سرگرمیاں منعقد کی گئیں۔
• پوشن بھی پڑھائی بھی (پی بی پی بی) پہل کے تحت، ابتدائی بچپن کی دیکھ بھال اور تعلیم (ای سی سی ای) سے متعلق تربیت اور بیداری پیداکرنے کی نشستیں ، جو والدین اور برادریوں کو شامل کرتے ہیں، زوروں پر ہیں۔
• ملک کے مختلف حصوں سے ترقی کی پیمائش (سوستھ بالک اسپردھا) جیسی پہل کی اطلاع ملی ہے۔

موجودہ مہم کے دوران خصوصی بریسٹ فیڈنگ اور تکمیلی خوراک، سوستھ بالک اسپردھا/ نمو کی پیمائش اور جوار/مقامی خوراک/روایتی خوراک پر قبائلی برادریوں کو بیدار کرنے جیسے خون کی کمی جیسے مسائل سے نمٹنے کے لیے کلیدی موضوعات پر توجہ مرکوز کی جا رہی  ہے۔

بیداری پیدا کرنے کی مخصوص سرگرمیوں کے لحاظ سے، سوستھ بالک اسپردھا/ نمو کی پیمائش کی مہم نے سب سے زیادہ 15 لاکھ سرگرمیاں درج کی ہیں، اس کے بعد ترقی کی نگرانی اور "فوڈ ریسورس میپنگ" سے متعلق بیداری پیدا کرنے کی تقریبا 14لاکھ سرگرمیاں گاؤں کی حدود میں ہیں۔ مزید برآں، قبائلی اضلاع میں بچوں، نوعمر لڑکیوں اور خواتین کے لیے خون کی کمی کے کیمپوں میں 12 لاکھ سے زیادہ سرگرمیاں ریکارڈ کی گئیں، جن میں 11 لاکھ گھر کے دورے ای سی سی ای خاص طور پر والدین کی مشغولیت پر توجہ مرکوز کیے گئے ہیں۔

اجتماعی طور پر، ہر جن آندولن اور اس میں شرکت کرنے کے تئیں بیداری پیدا کرنے کی منفرد سرگرمیوں کے ذریعہ، غذائیت کو عوامی شراکت داری کا حصہ بنانے کے لیے مسلسل پیش رفت ہو رہی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

9579