প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা চহি ৪(২০২৩দগী হৌরগা)গী সেন্ত্রেল সেক্তর স্কিম অমা ওইনা লুপা করোর ৭২১০গী শেনফম অমা কাইথোক্তুনা ই-কোর্ত ফেজ-৩ অয়াবা পীরে।

প্রধান মন্ত্রী নরেন্দ্র মোদীগী সবকা সাথ, সবকা বিকাস অমসুং সবকা বিশ্বাসকী পান্দমগা লোয়ননা ৱায়েন-থৌদাগী থবকশিংদা তেক্নোলোজি শীজিন্নবা হেনগৎহন্নবা পান্দমদা ই-কোর্ত মিসন মোদ প্রোজেক পায়খৎপনি। ভারতকী ৱায়েন-থৌদাগী থবকশিংদা আই.সি.তি শীজিন্ননবা ২০০৭দগী থবক হৌরকখিবা নেসনেল ই-গভর্নান্স প্লানগী মখাদা ই-কোর্ত প্রোজেকশিং পায়খৎলকপনি অমসুং মসিগী ফেজ-২ অসি ২০২৩দা লোইশিল্লে। ভারত্তা ই-কোর্তকী ফেজ-৩ অসি “লাইনা ফংহনবা অমসুং পুম্নমক কোনশিনবা” হায়বা ৱাঙুলোল অসিদা য়ুম্ফম ওইবনি। 

ফেজ-১ অমসুং ফেজ-২ মথংগী থাকশিংদা পুখৎতুনা, কোর্ত খুদিংমক্তা ই-সেবা কেন্দ্রশিংগা লোয়ননা ই-ফাইলিং/ই-পেমেন্তশিং পাংথোক্তুনা কোর্তকী রেকোর্দশিং দিজিতাইজ তৌদুনা দিজিতেল, ওনলাইন অমসুং চে শীজিন্নদবা কোর্তশিং ওইহন্নবা ফেজ-৩না পান্দম থম্লি। মসিনা জর্জশিং অমসুং রেজিস্তারিশিংনা কেসশিংগী মতম লেপ্নবা দেতাদা য়ুম্ফম ওইবা ইন্তিলিজেন্স স্মার্দ সিস্তেমশিং লৈহনবা ঙমগনি। ফেজ-৩গী মরুওইবা পান্দমদি কোর্তশিং, লিতিগেন্তশিং অমসুং অতোপ্পা মরী লৈনবশিংগী মরক্তা চে শীজিন্নদনা থবক তৌনবা তেক্নোলোজিগী মফম অমা পীগনি।

ই-কোর্তস ফেজ-৩গী কেন্দ্র সরকারনা শেন পুথোকপা স্কিম অসি ভারত সরকারগী লো অমসুং জর্জতিস মিনিস্ত্রি, ই-কম্মিতি, ভারতকী সুপ্রিম কোর্তনা পায়খৎপনি। মসিনা হায়কোর্তশিংগী থবকশিং লাইনা, শেন য়াম্না চঙদনা, অরোন-অথুপ লৈহন্দনা ফংনবা খুদোংচাবশিং পীগনি।

ই-কোর্ত ফেজ-৩গী মচাকশিং মখাদা পীরে:

স্কিম অসিনা পায়খৎলকপা য়াবা থবকশিং মখাদা পীরি:

• তেক্নোলোজি শীজিন্নবা ফংদবা নাগরিকশিং ই-সেবা কেন্দ্রশিংগী খুৎথাংদা তেক্নোলোজি শীজিন্নবা ফংগনি।
• কোর্ত রেকোর্দশিং দিজিতাইজ তৌবা অসিনা অতোপ্পা দিজিতেলগী থবকশিংগী য়ুম্ফম থোনবনি। মসিনা চে শীজিন্নদনা ফাইল তৌবা হেনগৎহনগনি অমসুং চে-চাংশিং পুথোক-পুশিন তৌবা হন্থহনগনি।

• ভর্চুএল ওইনা শরুক য়াদুনা কোর্ত কাবগী চাদিং তৌবা হন্থহনগনি অমসুং শাখিশিং, জর্জশিং অমসুং অতোপ্পা মরী লৈনবশিং চৎথোক-চৎশিনগী চাদিং হন্থনগনি।
• মফম অমদগী মতম অমদা হেক্তা কোর্ত ফিশিং, ফাইনশিং অমসুং পেনালতিশিং পীবা য়াগনি।

• চে-চাংশিং পীনশিনবদা ই-ফাইলিং য়াবনা মতম চঙবা হন্থহনগনি। মসিনা চে-চাংশিং মশা মরোমদোম চেক তৌদুনা মীওইবগী অশোইবশিং হন্থহনগনি অমসুং মখা তানা চেগী রেকোর্দশিং শেম্বদগী ঙাকথোক্কনি।
• এ.আই. মেছিন লার্নিং, ওপ্তিকেল করেক্তর রিককনিসন(ওসিআর), নেচরেল লেঙ্গোইজ প্রোসেসিং(এন এল পি) শীজিন্নদুনা স্মার্দ ওইনা থবক তৌবা ঙমহনগনি। মসিনা মতম কেসকী মতম লেপ্পদা জর্জশিংনা দেতাদা য়ুম্ফম ওইরগা ৱারেপ লৌবা ঙমহনগনি।

• ভর্চুএল কোর্তশিং লৈহনবা অসিনা শাথিবা কেসশিংদা লিতিগেন্তশিং নত্ত্রগা উকিলশিং কোর্ততা লাকহন্দবা য়াগনি।
• কোর্তকী থবকশিংদা ফজনা অমসুং অরোন-অথুপ লৈতনা থবক তৌবা হেনগৎহনগনি।
• নেসনেল সর্ভিং এন্দ ত্রেক্কিং ওফ ইলেক্ত্রোনিক্স প্রোসেস পাকথোক-চাউথোকহন্দুনা কোর্ত সমোনশিং মশা মরোমদোম থাদুনা ত্রাইয়েলশিং মতম থেংদবা হন্থহনগনি।
• কোর্তকী থবকশিংদা অনৌবা তেক্নোলোজিশিং শীজিন্নবা অসিনা থবক ফজনা পাংথোক্তুনা কেসশিং পন্দুনা লৈবা হন্থহনগনি।

https://pib.gov.in/PressReleasePage.aspx?PRID=1907546

https://pib.gov.in/PressReleasePage.aspx?PRID=1910056

https://pib.gov.in/PressReleasePage.aspx?PRID=1941500

https://pib.gov.in/PressReleasePage.aspx?PRID=1945462

https://pib.gov.in/PressReleasePage.aspx?PRID=1884164

https://pib.gov.in/PressReleasePage.aspx?PRID=1848737

*****