য়োর হায়নেসেস, এক্সিলেন্সীস,

ঙরাং ঐখোয়না ৱান আর্থ অমসুং ৱান ফেমিলী সেসনশিংদা হীরম কয়ামরুম খন্নখ্রে। ঙসি G-20না ৱান আর্থ, ৱান ফেমিলী, ৱান ফ্যুচরগী বিজনগী মতাংদা লৌখৎলিবা অফবা খোঙথাংশিংগী প্লেৎফোর্ম অমা ওইরক্লিবা অসিদা ঐহাক্না অপেনবা পোকই।

 
মফম অসিদা ঐখোয়না গ্লোবেল ভিলেজকী ৱাংমদা চৎতুনা গ্লোবেল ফেমিলী মঙফাওনবা ঙমহল্লিবা অদুগুম্বা তুংলমচৎ অমগী ৱারী শারি। লৈবাকশিংগী কান্নবশিং শম্নবা খক্তনা নত্তনা থমোয়শিংসু শম্নবা অদুগুম্বা তুংলমচৎ অমা।

মরুপশিং,
 

ঐহাক্না লেপ্পা লৈতনা GDP সেন্ত্রিক এপ্রোচকী মহুৎ হ্যুমেন সেন্ত্রিক বিজনদা ময়াম মীৎয়েং চীংশিন্দুনা লাকখি। ঙসি ভারতকুম্বা লৈবাক কয়াদা অসিগুম্বা কয়া লৈ মসি ঐখোয়না মালেম পুম্বগা শিয়র তৌরি। ভারতা মীওইবা খুন্নাইগী য়াইফনবগীদমক চন্দ্রয়ান মিসনগী দেতা শীজিন্নরি। ঐখোয়না মসি মীপুম খুদিংমক্কা শিয়র তৌনবা ৱাফম ফোঙদোকখি। মসি হ্যুমেন সেন্ত্রিক গ্রোথকী মাইকৈদা থম্মিবা ঐখোয়গী কম্মিৎমেন্তগী খুদমনি।

ভারতনা তেক্নোলোজীবু ইনক্লুসিব দিবেলপমেন্ত অমসুং লাস্ত মাইল দেলিবরীগীদমক শীজিন্নখি। ঐখোয়গী খ্বাইদগী পীকপা খুঙ্গংশিংদা খ্বাইদগী পীকপা ললোনবশিংনা ফাওবা দিজিতেল পেমেন্তশিং তৌরি। ভারতকী  চিয়রমেনশিপ মখাদা দিজিতেল পব্লিক ইফ্রাস্ত্রকচরগী শক্তি লৈরিবা ফ্রেমৱার্ক অমা শেম্নবা য়ান্নবা পুরকপদা ঐহাক্না নুংঙাইবা পোকই। মতৌ অসুম্না “G20 প্রিন্সিপল্স ওন হরনেসিং দেতা ফোর দিবেলপমেন্ত”সু য়ান্নখি।

গ্লোবেল সাউথ চাউখৎহন্নবগীদমক “দাতা ফোর দিবেলপমেন্ত কেপাসিতী বিল্দিং ইনিসিএতিব” লোঞ্চ তৌনবা ৱারেপসু লৌখি। ভারতকী প্রসিদেন্সী মখাদা স্তার্তঅপ 20 এঙ্গেজমেন্ত গ্রুপ শেম্বা অসি অচৌবা খোঙথাং অমনি।

মরুপশিং,

ঙসি ঐখোয়না অনৌবা জেনরেসন তেক্নোলোজীগী লাম্বা ফংদ্রবা স্কেল অমসুং স্পীদ উবা ফংলি। আর্তিফিসিএল ইন্তেলিজেন্সকী খুদম ঐখোয়গী মাংদা লৈরে। 2019দা G20না “প্রিন্সিপল্স ওন AI” এদোপ তৌখি। ঙসি ঐখোয়না মাংদা খোঙথাং অমগা থাংজিনবা তঙাই ফদে।

ঐখোয়না রেস্পোন্সিবল হ্যুমেন-সেন্ত্রিক AI গভর্নান্সকী ফ্রেমৱার্ক শেম্নবা ঐহাক্না থমজরি। ভারতনা হীরম অসিদা মাগী সজেসনশিংসু পীজগনি। সোসিও-ইকনোমিক দিবেলপমেন্ত, গ্লোবেল ৱার্কফোর্স অমসুং R&Dগুম্বা লমশিংদা লৈবাক পুম্নমক্না AIগী কান্নবশিং ফংহনবা হায়না ঐখোয়গী পান্দম ওইগনি।

মরুপশিং,

ঙসি মালেমনা ফোঙ-ফোঙ শারিবা সমস্যা খরসু মায়োক্নরি, মসিনা ঐখোয়গী লৈবাক পুম্নমক্কী হৌজিক অমদি তুংলমচৎতা অকাইবা পীরি। ঐখোয়না সাইবর সেক্যুরিতী অমসুং ক্রিপ্তো-করেন্সীগী শীংনবশিংগী মরমদা খঙলে। ক্রিপ্তো-করেন্সী, সোসিএল ওর্দর, মোনিতরী অমসুং ফাইনান্সিএল স্তেবিলিতীগী লম অসি মীপুম খুদিংমক্কীদমক অনৌবা তোপিক ওইরক্লি। মরম অসিনা ঐখোয়না ক্রিপ্তো-করেন্সীশিং রিগ্যুলেৎ তৌনবা গ্লোবেল স্তেন্দর্দশিং দিবেলপ তৌগদবনি। ঐখোয়না বেসেল স্তেন্দর্দস ওন বেঙ্ক রিগ্যুলেসন অসি মোদেল অমা ওইহনগদবনি।

অথুবদা মাইকৈ অসিদা অকনবা খোঙথাংশিং লৌখৎপা তঙাই ফদে। মতৌ অসুম্না সাইবর সেক্যুরিতীগীদমক্তসু গ্লোবেল কোওপরেসন অমসুং ফ্রেমৱার্ক মথৌ তাই। তেরোরিজমনা সাইবর ৱর্ল্দদগী ফন্দিং তৌনবা অনৌবা মেদিয়ম অমসুং অনৌবা পাম্বৈশিং ফংলি। লৈবাক খুদিংমক্কী ঙাকশেল অমসুং চাউখৎ খোঙচৎকীদমক মসি য়াম্না মরু ওইবা হীরম অমনি।

লৈবাক খুদিংমক্কী ঙাকশেলগীদমক অমসুং লৈবাক খুদিংমক্কী সেন্সিতিবিতীগীদমক থবক পাইখৎলবা খক্তদা ৱান ফ্যুচরগী ৱাখল্লোনবু মপাঙ্গল কনখৎহনবা ঙমগনি।

মরুপশিং,

হেন্না ফবা তুংলমচৎ অমগী মাইকৈদা মালেমবু পুনবগীদমক হৌজিক ওইরিবা ফীভমশিং  অসিগী মতুং ইন্না গ্লোবেল সিস্তেমশিং শেম্বা মথৌ তাই। ঙসি “য়ুনাইতেদ নেসন্স সেক্যুরিতী কাউন্সিল” অসি মসিগী খুদম অমনি। UN লিংখৎপা মতমদা মালেমগী ওইনা UNগী ফাউন্দিং মেম্বর 51 লৈরমখি। ঙসি UNদা য়াওরিবা লৈবাকশিংগী মশিং অসি 200রোম ওইরি।

মসি ওইজরবসু UNSCদা লৈরিবা পর্মিনেন্ত মেম্বরশিংগী মশিং অসিদি অদুমক চপ মান্নরি। মতম অদুদগী হৌনা মালেম  অসি হীরম খুদিংমক্তা অহোংবা কয়া লাকখ্রে। ত্রান্সপোর্ত, কম্ম্যুনিকেসন, হেল্থ, এজুকেসন ওইরবসু সেক্তর খুদিংমক্তা অওনবা লাকখি। অনৌবা রিএলিতীশিং অসি ঐখোয়গী অনৌবা গ্লোবেলগী শরুক অমনি হায়বা অসি স্ত্রকচর অসিদা মমি তাহনগদবনি।

মতমগা লোয়ননা হোংবা নাইদ্রবা মীওই অমসুং সংস্থান অদু মাগী মরু ওইবা মাংথরকপা হায়বা অসি মহৌশানি। ঐখোয়না হৌখিবা চহি খরা অসিদা রিজনেল ফোরম কয়া থোরক্লিবা অসিগী মরম করিনো হায়বা ওপন মাইন অমগা লোয়ননা খনবা তাই অমসুং মসি ইফেক্তিবসু ওই তাক্লি।

মরুপশিং,
 

ঙসি গ্লোবেল ওর্গনাইজেসন খুদিংমক্না মখোয়গী মরু ওইবা হেনগৎহন্নবা রিফোর্ম তৌবা তঙাই ফদে। মসি খঙনবা ঐখোয়না ঙরাং অফ্রিকন য়ুনিয়নবু G-20গী পর্মিনেন্ত মেম্বর অমা ওইহন্নবা পুৱারী ওইরবা খোঙথাং লৌখি। মতৌ অসুম্না ঐখোয়না মলতিলেতরেল দিবেলপমেন্ত বেঙ্কশিংগী মেন্দেৎ হেনগৎহনবসু মথৌ তাই। ঐখোয়না মসি তৌগদবনি। মাইকৈ অসিদা ঐখোয়গী ৱারেপশিং অসি থুনা লৌদুনা মসি ইফেক্তিব ওইহনগদবনি।

মরুপশিং,

খোঙজেল য়াংনা হোংলক্লিবা মালেম অসিদা ঐখোয়না অওনবা পুরকপগা লোয়ননা সস্তেনেবিলিতী অমসুং স্তেবিলিতী মথৌ তাই। লাকপীয়ু! ঐখোয়না গ্রীন দিবেলপমেন্ত পেক্ত, SDGশিংগী এক্সন প্লান, এন্তি-করেপ্সনগী হায় লেবেল প্রিন্সিপলশিং, দিজিতেল পব্লিক ইনফ্রাস্ত্রকচর, অমসুং MDB রিফোর্মশিংবু মহৈ য়ালহন্নবা ঐখোয়গী ৱারেপশিং লৌরসি।

য়োর হায়নেসেস, এক্সিলেন্সীস,

হৌজিক ঐহাক্না ময়ামগী ৱাখল্লোন তাজনীংই।

***