হোলমার্কিং ওফ গোল্দ জেৱেল্লরী এন্দ গোল্দ আর্তিফেক্তস (থর্দ এমেন্দমেন্ত) ওর্দর, ২০২৩গী মতুং ইন্না শোয়দনা হোলমার্কিং তৌবগী অহুমশুব তাঙ্কক সেপ্তেম্বর ৮, ২০২৩দগী চৎনবা হৌরে‍।

শোয়দনা হোলমার্কিং তৌবগী অহুমশুবা তাঙ্কক অসিনা অনিশুবা তাঙ্কক চৎনবা হৌখ্রবা মতুংদা হোলমার্কিং সেন্তর লিংখৎখ্রবা অহেনবা অনৌবা দিস্ত্রিক্ত ৫৫বু মেন্দেতরী হোলমার্কিং সিস্তেমগী মখাদা কোনশিন্দুনা, মেন্দেতরী হোলমার্কিংগী মখাদা কোনশিল্লবা দিস্ত্রিক্ত পুন্না ৩৪৩ শুহল্লগনি‍। মেন্দেতরী হোলমার্কিংগী মখাদা নৌনা হাপচিল্লবা দিস্ত্রিক্ত ৫৫ অসিগী স্তেত-স্তেতশিংগী ওইবা লিস্ত ব্যুরো ওফ ইন্দিয়ন স্তেন্দর্দস (বি.আই.এস.)কী ৱেবসাইত www.bis.gov.in দা হোলমার্কিং সেক্সনগী মখাদা ফংগনি‍।

য়াথং অসি ভারত লৈঙাক্না সেপ্তেম্বর ৮, ২০২৩দা থোকখিবনি‍।

বি.আই.এস.না অহানবা তাঙ্কক্তা জুন ২৩, ২০২১দগী হৌরগা লৈবাকসিগী দিস্ত্রিক্ত ২৫৬তা অদুগা অনিশুবা তাঙ্কক্তা এপ্রিল ০৪, ২০২২দগী হৌরগা অহেনবা দিস্ত্রিক্ত ৩২দা মেন্দেতরী হোলমার্কিং মায় পাক্না চৎনহন্দুনা নুমিৎ খুদিংগী সনাগী পোৎলঢ় লাখ ৪ হেনববু ঐচ.য়ু.আই.দি.গী হোলমার্ক তৌরি‍।

মেন্দেতরী হোলমার্কিং চৎনবা হৌখিবদগী, রেজিস্তর তৌরবা জেৱেল্লর মশিংসু ৩৪,৬৪৭ দগী ১,৮১,৫৯০দা হেনগৎলক্লে, অদুগা এসেয়িং এন্দ হোলমার্কিং সেন্তর (এ.ঐচ.সি.) মশিংসু ৯৪৫দগী ১৪৭১ দা হেনগৎলক্লে‍। হৌজিক ফাওবদা সনাগী লৈতেংগী পোৎলম করোর ২৬ হেনববু ঐচ.য়ু.আই.দি.গী হোলমার্ক তৌখ্র‍ে‍।

কঞ্জুমরশিংগী মফমদা মখোয়না লৈরুরিবা সনাগী লৈতেংগী পোৎলমশিংগী অশেংবা শেংদবা খঙদোক্নবগীদমক য়াওরিবা ঐচ.য়ু.আই.দি. নম্বর অদুবু প্লে স্তোরদগী দাউনলোদ তৌবা য়াবা বি.আই.এস. কেয়র এপতা চঙলগা ‘ভেরিফাই ঐচ.য়ু.আই.দি.’ শীজিন্নদুনা য়েংথোকপিয়ু‍।

বি.আই.এস. কেয়র এপ দাউনলোদ তৌবগী মশিং ২০২১-২২দা লাখ ২.৩ ওইরম্বদগী চৎলিবা শেনবা চহিসিদা লাখ ১২.১৪ য়ৌরে‍। মখা তানা, হৌখিবা চহি ২ অসিদা বি.আই.এস. কেয়র এপ্তা ‘ভেরিফাই ঐচ.য়ু.আই.দি.’ চঙলকপা মশিং করোর অমা হেল্লে‍।

অনিশুবা তাঙ্কক মতুংদা এ.ঐচ.সি./ও.এস.সি. লৈবা ৱাৎহৌরিবা দিস্ত্রিক্ত ৫৫গী লিস্ত

*****