ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਸ਼੍ਰੀ ਅਨੁਰਾਗ ਠਾਕੁਰ ਨੇ ਅੱਜ ਜੀ-20 ਨੇਤਾਵਾਂ ਦੇ ਸੰਮੇਲਨ ਤੋਂ ਪਹਿਲਾਂ ਤਿਆਰੀਆਂ ਅਤੇ ਪ੍ਰਬੰਧਾਂ ਦੀ ਸਮੀਖਿਆ ਕਰਨ ਲਈ ਇੰਟਰਨੈਸ਼ਨਲ ਮੀਡੀਆ ਸੈਂਟਰ ਦਾ ਦੌਰਾ ਕੀਤਾ। 9-10 ਸਤੰਬਰ 2023 ਦਰਮਿਆਨ ਸੰਮੇਲਨ ਨਵੀਂ ਦਿੱਲੀ ਵਿੱਚ ਭਾਰਤ ਮੰਡਪਮ ਵਿਖੇ ਹੋਵੇਗਾ। ਇਸ ਦੌਰੇ ਦੌਰਾਨ, ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਨੇ ਇਸ ਸਥਾਨ 'ਤੇ ਐੱਮਸੀਆਰ, ਸਟੂਡੀਓ, ਪੀਸੀਆਰ, ਪੀਕਿਊਆਰ ਅਤੇ ਸੋਸ਼ਲ ਮੀਡੀਆ ਰੂਮ ਦਾ ਜਾਇਜ਼ਾ ਲਿਆ।

ਇਸ ਦੌਰਾਨ 'ਤੇ ਬੋਲਦਿਆਂ ਸ਼੍ਰੀ ਠਾਕੁਰ ਨੇ ਕਿਹਾ ਕਿ ਭਾਰਤ ਜੀ-20 ਨੇਤਾਵਾਂ ਦੇ ਸੰਮੇਲਨ ਦੀ ਮੇਜ਼ਬਾਨੀ ਕਰਨ ਲਈ ਉਤਸ਼ਾਹਿਤ ਹੈ। ਉਨ੍ਹਾਂ ਦੱਸਿਆ ਕਿ ਭਾਰਤ ਭਰ ਦੇ 60 ਤੋਂ ਵੱਧ ਸ਼ਹਿਰਾਂ ਵਿੱਚ 200 ਤੋਂ ਵੱਧ ਮੀਟਿੰਗਾਂ ਹੋ ਚੁੱਕੀਆਂ ਹਨ, ਜਿਸ ਦੌਰਾਨ ਭਰਵਾਂ ਹੁੰਗਾਰਾ ਮਿਲਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਕਿਸੇ ਸਮਾਗਮ ਦੇ ਆਯੋਜਨ ਦਾ ਇਤਿਹਾਸਕ ਪੈਮਾਨਾ ਹੈ ਅਤੇ ਉਮੀਦ ਹੈ ਕਿ ਰਾਸ਼ਟਰ ਮੁਖੀਆਂ ਦਾ ਇਹ ਸਿਖਰ ਸੰਮੇਲਨ ਇਤਿਹਾਸ ਰਚੇਗਾ।

ਇੰਟਰਨੈਸ਼ਨਲ ਮੀਡੀਆ ਸੈਂਟਰ ਦੇ ਪ੍ਰਬੰਧਾਂ ਬਾਰੇ ਬੋਲਦਿਆਂ, ਮੰਤਰੀ ਨੇ ਕਿਹਾ ਕਿ ਇਸ ਵਿੱਚ ਵਿਸ਼ਵ ਪੱਧਰੀ ਸਹੂਲਤਾਂ ਹਨ ਅਤੇ ਇਹ ਨਿਊ ਇੰਡੀਆ ਦੀ ਸ਼ਕਤੀ ਨੂੰ ਦਰਸਾਉਂਦਾ ਹੈ। ਸਮੁੱਚੇ ਭਾਰਤ ਤੋਂ ਕਲਾ ਅਤੇ ਸੰਸਕ੍ਰਿਤੀ ਦੇ ਟੁਕੜੇ ਇਸ ਦੀਆਂ ਕੰਧਾਂ ਨੂੰ ਸ਼ਿੰਗਾਰਦੇ ਹਨ। ਮੀਡੀਆ ਸੈਂਟਰ ਭਾਰਤ ਮੰਡਪਮ ਦੇ ਨੇੜੇ ਹੈ, ਜਿੱਥੇ ਸੰਮੇਲਨ ਹੋਵੇਗਾ।

ਉਨ੍ਹਾਂ ਅੱਗੇ ਕਿਹਾ ਕਿ ਪ੍ਰੈਸ ਕਾਨਫਰੰਸ ਸਥਾਨ ਮੁੱਖ ਮੀਡੀਆ ਕੇਂਦਰ ਦਾ ਨਾਮ ਹਿਮਾਲਿਆ ਹੈ ਅਤੇ ਇਸ ਵਿੱਚ 300 ਤੋਂ ਵੱਧ ਪੱਤਰਕਾਰ ਮੌਜੂਦ ਰਹਿ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਭਾਰਤ ਨੂੰ ਇਸਦੀ ਡਿਜੀਟਲ ਭੁਗਤਾਨ ਪ੍ਰਣਾਲੀ ਲਈ ਵਿਸ਼ਵ ਪੱਧਰ 'ਤੇ ਮਾਨਤਾ ਪ੍ਰਾਪਤ ਹੈ ਅਤੇ ਇਸ ਤਕਨੀਕੀ ਹੁਨਰ ਨੂੰ ਇੱਥੇ ਮੰਡਪਾਂ ਵਿੱਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ।

ਮੰਤਰੀ ਨੇ ਸੰਮੇਲਨ ਦੌਰਾਨ ਭਾਰਤ ਦੇ ਅਨੁਮਾਨਾਂ ਬਾਰੇ ਬੋਲਦਿਆਂ ਕਿਹਾ, “ਭਾਰਤ ਸਿਖਰ ਸੰਮੇਲਨ ਦੌਰਾਨ ਆਪਣੀ ਅਮੀਰ ਸੰਸਕ੍ਰਿਤੀ ਅਤੇ ਵਿਰਾਸਤ ਦਾ ਪ੍ਰਦਰਸ਼ਨ ਕਰੇਗਾ ਅਤੇ ਇਸ ਦੇ ਨਾਲ ਹੀ ਇੱਕ ਨਿਊ ਇੰਡੀਆ ਦੀ ਇੱਕ ਉੱਤਮ ਤਸਵੀਰ ਪੇਸ਼ ਕਰੇਗਾ”।

ਇਹ ਦੱਸਦੇ ਹੋਏ ਕਿ ਜੀ-20 ਵਿੱਚ ਦੁਨੀਆ ਭਰ ਦੇ ਮੀਡੀਆ ਕਰਮਚਾਰੀਆਂ ਦਾ ਸਭ ਤੋਂ ਵੱਡਾ ਇਕੱਠ ਦੇਖਣ ਨੂੰ ਮਿਲੇਗਾ, ਮੰਤਰੀ ਨੇ ਦੁਨੀਆ ਭਰ ਦੇ ਮੀਡੀਆ ਭਾਈਚਾਰੇ ਦਾ ਨਿੱਘਾ ਸਵਾਗਤ ਕਰਨ ਦੀ ਗੱਲ ਆਖੀ।

ਸਮਾਗਮ ਦੇ ਪ੍ਰਸਾਰਣ ਲਈ ਇੱਕ ਵਿਸਤ੍ਰਿਤ ਸੈੱਟ ਸਥਾਪਤ ਕਰਨ ਲਈ ਦੂਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ, ਉਨ੍ਹਾਂ ਕਿਹਾ ਕਿ ਦੂਰਦਰਸ਼ਨ ਹਵਾਈ ਅੱਡੇ ਤੋਂ ਭਾਰਤ ਮੰਡਪਮ ਤੱਕ ਵੱਖ-ਵੱਖ ਸਥਾਨਾਂ 'ਤੇ 78 ਤੋਂ ਵੱਧ ਯੂਐੱਚਡੀ ਅਤੇ 4ਕੇ ਕੈਮਰਿਆਂ ਨਾਲ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸਾਰੇ ਮੀਡੀਆ ਨੂੰ ਕਲੀਨ ਫੀਡ ਮੁਹੱਈਆ ਕਰਵਾਈ ਜਾਵੇਗੀ।

ਪਿਛੋਕੜ

ਸਮਾਗਮ ਵਾਲੀ ਥਾਂ 'ਤੇ ਮੀਡੀਆ ਦੀ ਸਹੂਲਤ ਲਈ ਵਿਆਪਕ ਪ੍ਰਬੰਧ ਕੀਤੇ ਗਏ ਹਨ

• ਮੁੱਖ ਸੰਮੇਲਨ ਭਾਰਤ ਮੰਡਪਮ ਵਿੱਚ ਹੋਣ ਜਾ ਰਿਹਾ ਹੈ ਅਤੇ ਅੰਤਰਰਾਸ਼ਟਰੀ ਵਪਾਰ ਪ੍ਰੋਤਸਾਹਨ ਸੰਗਠਨ (ਆਈਟੀਪੀਓ) ਕੰਪਲੈਕਸ, ਨਵੀਂ ਦਿੱਲੀ ਦੇ ਹਾਲ ਨੰਬਰ 4 ਅਤੇ 5 ਵਿੱਚ ਇਸ ਦੇ ਨੇੜੇ ਇੰਟਰਨੈਸ਼ਨਲ ਮੀਡੀਆ ਸੈਂਟਰ (ਆਈਐੱਮਸੀ) ਤਿਆਰ ਕੀਤਾ ਜਾ ਰਿਹਾ ਹੈ।

• ਅਧਿਕਾਰਤ ਪ੍ਰੋਗਰਾਮ ਜਿਵੇਂ ਕਿ ਆਗਮਨ, ਰਵਾਨਗੀ, ਉਦਘਾਟਨੀ ਅਤੇ ਸਮਾਪਤੀ ਸਮਾਰੋਹ, ਦੁਵੱਲੀ ਮੀਟਿੰਗਾਂ, (ਐੱਨਜੀਐੱਮਏ ਅਤੇ ਆਈਸੀਏਆਰ) ਸਪਾਊਜ਼ ਪ੍ਰੋਗਰਾਮ ਅਤੇ ਰਾਜ ਘਾਟ 'ਤੇ ਗਤੀਵਿਧੀਆਂ ਆਦਿ ਨੂੰ ਸਿਰਫ਼ ਡੀਡੀ ਅਤੇ ਅਧਿਕਾਰਤ ਵਿਦੇਸ਼ੀ ਮੀਡੀਆ ਦੁਆਰਾ ਕਵਰ ਕੀਤਾ ਜਾਵੇਗਾ। ਸਾਰਿਆਂ ਨੂੰ ਕਲੀਨ ਫੀਡ ਦਿੱਤੀ ਜਾਵੇਗੀ।

• ਆਈਐੱਮਸੀ ਕੋਲ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਦੇ ਨਾਲ 2000 ਤੋਂ ਵੱਧ ਮੀਡੀਆ ਡੈਲੀਗੇਟਾਂ ਦੀ ਮੇਜ਼ਬਾਨੀ ਕਰਨ ਦੀ ਸਮਰੱਥਾ ਹੈ।

• ਆਈਐੱਮਸੀ ਸਰਕਾਰੀ ਮੀਡੀਆ ਸਮੇਤ ਸਾਰੇ ਘਰੇਲੂ ਅਤੇ ਵਿਦੇਸ਼ੀ ਮੀਡੀਆ ਦੀ ਮੇਜ਼ਬਾਨੀ ਕਰੇਗਾ।

• ਸਿਰਫ਼ ਮਾਨਤਾ ਪ੍ਰਾਪਤ (ਰਜਿਸਟਰਡ ਕੀਤੇ ਗਏ ਸਾਰੇ ਲੋਕਾਂ ਦੀ ਪੜਤਾਲ ਤੋਂ ਬਾਅਦ ਪ੍ਰਦਾਨ ਕੀਤੀ ਗਈ ਔਨਲਾਈਨ ਮਾਨਤਾ) ਮੀਡੀਆ ਕਰਮਚਾਰੀਆਂ ਨੂੰ ਆਈਐੱਮਸੀ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।

ਸਾਰੇ ਮੀਡੀਆ ਕਰਮੀਆਂ ਲਈ ਆਈਐੱਮਸੀ ਵਿਖੇ ਹੇਠ ਲਿਖੀਆਂ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ

1. ਇੰਟਰਨੈੱਟ ਕਨੈਕਟੀਵਿਟੀ ਅਤੇ ਪ੍ਰਿੰਟਰ ਦੇ ਨਾਲ 1300 ਤੋਂ ਵੱਧ ਵਰਕ ਸਟੇਸ਼ਨ

2. ਹਾਈ ਸਪੀਡ ਵਾਈਫਾਈ 

3. ਅੰਤਰਰਾਸ਼ਟਰੀ ਪ੍ਰਸਾਰਣ ਕੇਂਦਰ (ਆਈਬੀਸੀ): ਭਾਰਤ ਮੰਡਪਮ ਤੋਂ ਕਲੀਨ ਫੀਡ ਲਈ, ਪ੍ਰਸਾਰ ਭਾਰਤੀ ਵਲੋਂ ਰਿਕਾਰਡ ਕੀਤਾ ਜਾਵੇਗਾ 

4. ਛੋਟੇ ਮੀਡੀਆ ਬੂਥ, ਵਨ ਟੂ ਵਨ ਇੰਟਰਵਿਊ ਕਮਰੇ 

5. ਮੀਡੀਆ ਬ੍ਰੀਫਿੰਗ ਰੂਮ (ਦੂਤਾਵਾਸਾਂ ਅਤੇ ਅਧਿਕਾਰਤ ਮੀਡੀਆ ਲਈ 100/50 ਦੀ ਸਮਰੱਥਾ): ਜਿੱਥੇ ਵਿਦੇਸ਼ੀ ਡੈਲੀਗੇਟ ਬ੍ਰੀਫਿੰਗ ਆਯੋਜਿਤ ਕਰਨਗੇ

6. ਮੀਡੀਆ ਲਈ ਰਿਪੋਰਟਿੰਗ ਲਈ ਲਾਈਵ ਸਟੈਂਡ-ਅੱਪ ਸਹੂਲਤਾਂ ਉਪਲਬਧ ਹਨ

7. ਮੀਡੀਆ ਆਰਾਮਘਰ 

8. ਇੰਫਰਮੇਸ਼ਨ ਕਿਓਸਕ

9. ਹੈਲਪ ਡੈਸਕ

10. ਮੈਡੀਕਲ ਕਮਰਾ

11. ਭੋਜਨ ਦੇ ਕਈ ਵਿਕਲਪ ਉਪਲਬਧ ਹੋਣਗੇ

12. ਜੇਐੱਲਐੱਨ ਅਤੇ ਆਈਐੱਮਸੀ ਵਿਚਕਾਰ 1400 ਪਾਰਕਿੰਗ ਸੁਵਿਧਾਵਾਂ ਅਤੇ 80 ਤੋਂ ਵੱਧ ਸ਼ਟਲ ਬੱਸਾਂ ਚੱਲਣਗੀਆਂ। 

ਇਸ ਤੋਂ ਇਲਾਵਾ, ਹੇਠ ਲਿਖੀਆਂ ਪ੍ਰਦਰਸ਼ਨੀਆਂ ਮੀਡੀਆ ਲਈ ਖੁੱਲ੍ਹੀਆਂ ਹੋਣਗੀਆਂ

• ਹਾਲ 3 ਦੇ ਫੋਅਰ ਵਿੱਚ ਆਰਬੀਆਈ ਦਾ ਡਿਜੀਟਲ ਇਨੋਵੇਸ਼ਨ ਪੈਵੇਲੀਅਨ

• ਹਾਲ 5 ਦੇ ਫੋਅਰ ਵਿੱਚ ਮਦਰ ਆਫ ਡੈਮੋਕਰੇਸੀ (ਵੀਡੀਓ) ਪ੍ਰਦਰਸ਼ਨੀ

• ਹਾਲ 4 ਦੇ ਫੋਅਰ ਵਿੱਚ ਐੱਮਈਆਈਟੀਵਾਈ ਵਲੋਂ ਡਿਜੀਟਲ ਇੰਡੀਆ ਇਮਰਸਿਵ ਐਕਸਪੀਰੀਐਂਸ 

• ਹਾਲ 3 ਦੀ ਹੇਠਲੀ ਮੰਜ਼ਿਲ ਦੇ ਅੰਦਰ ਇੱਕ ਓਡੀਓਪੀ ਪ੍ਰਦਰਸ਼ਨੀ 

ਭਾਰਤ 1 ਦਸੰਬਰ 2022 ਤੋਂ "ਵਸੁਧੈਵ ਕੁਟੁੰਬਕਮ" ਜਾਂ "ਇੱਕ ਪ੍ਰਿਥਵੀ, ਇੱਕ ਪਰਿਵਾਰ, ਇੱਕ ਭਵਿੱਖ" ਦੇ ਥੀਮ ਹੇਠ ਜੀ-20 ਦੀ ਪ੍ਰਧਾਨਗੀ ਸੰਭਾਲ ਰਿਹਾ ਹੈ।

ਉਦੋਂ ਤੋਂ, ਮੈਂਬਰ ਦੇਸ਼ਾਂ, ਮਹਿਮਾਨ ਦੇਸ਼ਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਸਮੇਤ ਦੁਨੀਆ ਭਰ ਦੇ 1000 ਡੈਲੀਗੇਟਾਂ ਦੀ ਭਾਗੀਦਾਰੀ ਨਾਲ ਪੂਰੇ ਭਾਰਤ ਦੇ 60 ਤੋਂ ਵੱਧ ਸ਼ਹਿਰਾਂ ਵਿੱਚ ਲਗਭਗ 220 ਮੀਟਿੰਗਾਂ ਹੋ ਚੁੱਕੀਆਂ ਹਨ।

ਭਾਰਤ ਦੀ ਜੀ-20 ਪ੍ਰਧਾਨਗੀ ਬਹੁਤ ਖਾਸ ਰਹੀ ਹੈ ਕਿਉਂਕਿ ਅਸੀਂ ਜਨਭਾਗੀਦਾਰੀ ਦੇ ਰੂਪ ਵਿੱਚ ਦੇਸ਼ ਦੇ ਹਰ ਕੋਨੇ ਅਤੇ ਕੋਨੇ ਵਿੱਚ ਇਸ ਵਿਸ਼ਾਲ ਸੰਗਮ ਦੇ ਫੈਲਣ ਦੇ ਗਵਾਹ ਹਾਂ। ਭਾਰਤ ਵਿੱਚ ਸਿਰਫ਼ ਸਰਕਾਰ ਹੀ ਨਹੀਂ ਬਲਕਿ ਸਾਰੇ 140 ਕਰੋੜ ਲੋਕ ਇਸ ਦੇ ਮੇਜ਼ਬਾਨ ਹਨ।

ਇਸ ਸਮਾਗਮ ਵਿੱਚ ਆਲਮੀ ਅਤੇ ਘਰੇਲੂ ਮੀਡੀਆ ਦੇ ਸਭ ਤੋਂ ਵੱਡੇ ਇਕੱਠਾਂ ਵਿੱਚੋਂ ਇੱਕ ਨੂੰ ਦੇਖਿਆ ਜਾਵੇਗਾ। 

****

ਸੌਰਭ ਸਿੰਘ