প্রধান মন্ত্রীগী প্রিন্সিপল সেক্রেতরী দা. পি কে মিশ্রানা দিল্লীগী LG, শ্রী বিনয় কুমার সক্সেনাগা লোয়ননা পাঙথোক্কদৌরিবা G20 সম্মিৎকী শেম-শারিবা য়েংশিন্নবা দিল্লীদা লৈরিবা মফম কয়ামরুমদা পাকশন্না সাইৎ বিজিৎ অমা চৎখ্রে।

প্রিন্সিপল সেক্রেতরীনা G20 সম্মিৎকীদমক শেম শাবগা মরী লৈনবা কোওর্দিনেসন কম্মিতিগী চিয়রমেন ওইরি। মহাক্কী অঙম্বা থাক্তা নীংশিংহৌরগদবা সম্মিৎ অসিগী য়ুম্বু ওইনা থৌরাং তৌরিবা অসি নীংথিনা শেম শাবা ঙম্নবা দা. পি কে মিশ্রানা য়েংশিন খোঙথাং অসি পাইখৎখিবনি। সম্মিৎ অসি য়াওবা লাক্কদৌরিবা লৈবাকশিংগী মকোক পুম্নমক অমসুং অতোপ্পা ইন্তর্নেস্নেল দিগনিতরীশিংনা মখোয়গী খোঙচৎ অসিদা ভারতকী নাৎকী শক্তমশিং উবা ফংহন্নবা অমসুং মালেমগী থাক্কী এক্সপরিয়েন্স ফংহন্নবা য়েংশিনবা চৎখিবনি।

ভারত মন্দপমগা লোয়ননা রাজঘাত, সি হেক্সাগোন – ইন্দিয়া গেৎ, এয়রপোর্তকী তর্মিনেল 3 অমসুং মাগী VIP লোঞ্জ, এরোসিতী এরিয়া, মরু ওইবা লম্বীশিংগী মরু ওইবা শরুকশিং অমদি অতোপ্পা কয়া য়াওনা মফম 20রোমদা প্রিন্সিপল সেক্রেতরীনা চৎতুনা য়েংশিনখি।

রাজঘাতকী মপান থংবা শরুকশিং অমদি দিল্লীগী মরু ওইবা মফমশিং অমসুং রাউনঅবাউৎশিংসু শেমজিনখি। ভারত মন্দপমদা ‘শিব-নতরাজা’গী মীতম খিনখি। তন 20রোম ওইবা 27-ft নতরাজাগী মীতম অসি আশ্তা-ধাতুনা নাৎকী ওইবা মওংদা হৈদুনা শেমখিবনি। শিব নতরাজা, জগোইগী ইশ্বর অসি G20 প্রসিদেন্সী মনুংদা ভারত মন্দপমগী মমাংদা খিনখি, মসি নতরাজাগী খ্বাইদগী ৱাংবা শেঞ্জেংগী মীতম ওইরি।

প্রিন্সিপল সেক্রেতরীনা ত্রাফিক্কী ফীভমসু য়েংশিনখি অমসুং মীয়াম্না খুদোংচাদবা মায়োক্নদনবা থৈদোক্তুনা চৎহনগদবা অতোপ্পা লম্বেলশিংগী মরমদা ই-পাউ মতিক চানা ফংহন্নবা এদমিনিস্ত্রেসন্দসু খঙহনখি। দিল্লী এয়রপোর্ততা শেম-শারিবা মরু ওইনা মীথুংলেনশিং ওক্নবগীদমক লৈরিবা ফেসিলিতীশিং অদুসু য়েংশিনখি।

দা. মিশ্রানা লৈবাকশিংগী মকোকশিংনা তোংলকপা এয়রক্রাফশিং তাগদৌরিবা পালমগী এয়রফোর্স স্তেসনগী তেক্নিকেল এরিয়াদসু চৎখি। মকোক থোংবা এয়র ফোর্স ওফিসিএলশিংনা দা. মিশ্রাদা এয়রক্রাফশিংগী পার্কিং তৌফম, লৈবাক্কী মকোকশিং তরাম্না ওকপা, লোঞ্জ অমসুং অতোপ্পা ফেসিলিতীশিংগী মরমদা দা. মিশ্রাদা পাউদমখি। তেক্নিকেল এয়রপোর্ত্তা ইমর্জেন্সী মেদিকেল ফেসিলিতীশিংসু থমখি।

দিল্লীগী LGনা পাক্তক্ননা শেমজিনবগী থবক পাইখৎখি মসিনা সহর অসিগী মওং মতৌ ফগৎহনখি। য়েংশিনবদনা লৈরিবা স্ত্রকচরশিং নৌনা শেমজিনখি। লুনানবগী দ্রাইব চত্থবগী মথক্তা ঈশিং চাইবী কয়াসু ইন্সতোল তৌখি। লৈবাক্কী দাইভর্সিতী উৎনবা সহর শিনবা থুংবদা মীতম অমসুং পোস্তর কয়ামরুম G-20 লৈবাকশিংগী জাতিগী শাগী মীতমশিং ফাওবা খিনখি। পি.এম.গী প্রিন্সিপল সেক্রেতরীনা ওফিসিএলশিংগী তীমশিংনা তৌরিবা থবক অদুবু থাগৎখি।

মীয়ামদা খুদোংচাদবা থোকহনদনবা পি.এম.গী প্রিন্সিপল সেক্রেতরীনা অতোপ্পা মকোক থোংবা ওফিসরশিংগা লোয়ননা মিনিবস অমদা চৎখি। য়েংশিন খোঙচৎ অদু 5 PM দগী 8:30 PM ফাওবা চৎখি।

মহাক্কা লোয়ননা প্রধান মন্ত্রীগী এদভাইজরশিং, শ্রী অমিত খারে অমসুং শ্রী তরুক কাপুর, চীফ সেক্রতরী, কম্মিসনর ওফ পুলিস লোয়ননা অতোপ্পা মকোক থোংবা ওফিসিএল কয়ামরুমনা য়েংশিন খোঙচৎ অদুদা শরুক য়াখি।

*****