কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা ‘মেরী মাতি-মেরা দেশ’কী মখাদা অমৃত কলশ য়াত্রা হৌদোকখ্রে। ইনফোর্মেসন এন্দ ব্রোদকাস্তিংগী কেন্দ্র মন্ত্রী, শ্রী অনুরাগ থাকুর, লো এন্দ জস্তিসকী কেন্দ্র মন্ত্রী, শ্রী অর্জুন রাম মেঘৱাল, মপাল থৌরমগী রাজ্য মন্ত্রী, শ্রীমতি মীনাক্ষি লেখি অমসুং কলচর মন্ত্রালগী সেক্রেতরী য়াওনা থৌরম অসিদা দিগনিতরী কয়ানা শরুক য়াখি।

মহাক্কী ৱারোলদা শ্রী অমিত শাহনা হায়খি ঙসিগী থৌরম অসি নুমিদাং ৱাইরম অমগা পাঙ্খক ওই রমদি মসি ভারতনা নীংতম্বগী চহি 75 মপুং ফারকপা মতমদা পাঙথোক্লি। মহাক্না হায়খি লাক্কদৌরিবা অমৃতকাল অমসুং “সঙ্কল্প সে সিদ্ধি” অসিনা ভারতপু ওগস্ত 15, 2047 ফাওবদা মালেমদা লম খুদিংমক্তা মাংজিল থাহনবা ঙম্লগনি। শ্রী শাহনা হায়খি ঐখোয়গী নীংতম লান্মীশিংনা পামজরম্বা ভারত অদু মথংগী চহি 25দা শেম্বা ঙম্লগনি। মহাক্না মখা তারদুনা হায় হৌখিবা চহি 75 অসিদা ভারতনা মাইপাকপা কয়ামরুম ফংবা ঙমখি অদুবু মসিনা লোইবদি য়ারোই। শ্রী শাহনা হায় মতম শাংনা মীখা পোন্দুনা অমসুং মীওই কয়ানা কত্থোকখ্রবা মতুংদা ঐখোয়না নীংতম্বা ফংলকখি অমসুং প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহি 10 অসিদা ভারত মচা খুদিংমক্তা অমত্তা ওইনা পুনশিন্নবা অমসুং অথোইবা ভারত অমা শেম্নবা খুদোংচাবা পীখি।

কেন্দ্রগী গৃহ অমসুং কোওপরেসন মন্ত্রীনা হাব মেরী মাতি – মেরা দেশ প্রোগ্রামনা মাগী মমিং অসিগী খুত্থাংদা মসিগী ৱাহন্থোকসু ফোঙদোক্লি। মহাক্না হায় হৌজিক ঐখোয়না নীংতম্বা ফংলবা ভারত অমদা হিংলি অমসুং মসিগীদমক মীওই কয়ানা কত্থোকখি। মহাক্না মখা তারদুনা হায় 1857 দগী 1947 ফাওবা চহি 90 অসিদা নীংতম্বা ফংনবা মতম শাংনা লান্থেংনখি অমসুং মশক খঙবা অমসুং মশক খঙবীদ্রবা নীংতম লান্মী কয়ানা নীংতম্বা ফংনবা মখোয়গী থৱায় থাখি। মহাক্না হায়খি প্রধান মন্ত্রী শ্রী নরেন্দ্র মোদীগুম্বা থমোয়দা লৈবাক নীংবগী ৱাখল্লোন্না থনবা মীওই খক্তনা মহাক্কী মখুৎতা ‘মিত্তি” পাইদুনা ৱাশক্তুনা অমসুং থৱায়না পোন্থা পীখ্রবা মীওইশিংদা ইকাই খুম্নবা উৎতুনা ‘সঙ্কল্প সে সিদ্ধি’গী খোঙচৎ অসি হৌবগী ৱাখল পুথোকপা ঙমগনি। শ্রী শাহনা হায় প্রোগ্রাম অসিগী নুংদা লৈরিবা ৱাখল্লোন অসি মীপুম খুদিংমক, ইমুং খুদিংমক, প্রজা খুদিংমক অমসুং অঙাং খুদিংমক অথোইবা ভারত অমা শেম্নবা ৱাখল্লোনগা লোয়ননা পুক্নিংগী ওইবা মরী অমা থম্বনি। মহাক্না হায় সেপ্তেম্বর 1-30 অসি য়ুম খুদিং, ৱার্দ খুদিং অমসুং খুঙ্গং খুদিংদা চফু অমদা ‘মিতী’ নত্ত্রগা লৈপাক খোমজিনগনি, মতুং তারকপদা ওক্তোবর 1-13দা ব্লোক্তা অমসুং মসিগী মরুং রাজ্যগী থাক্তা ওক্তোবর 22-27দা অমসুং অরোইবদা ওক্তোবর 28-30দা চফু 7,500 অসি লৈবাক্কী কোনুং নই দিল্লীদা থুংলগনি। শ্রী শাহনা হায় প্রধান মন্ত্রী শ্রী নরেন্দ্র মোদীনা অমৃত কলশতগী লৈপাকশিং অসিু ঐখোয়গী অথৌবশিংবু ইকাই খুম্নবা ওইনা দিল্লীদা শেমখিবা অমৃত বাতিকাদা হাপচিনগনি, মসিনা প্রজা খুদিংমক্তা অমৃতকাল মনুংদা ঐখোয়না ভারতপু চাউখৎপা লৈবাক অমা ওইহনগদবনি হায়বা অদু নীংশিংহনগনি।

শ্রী অমিত শাহনা হায় প্রধান মন্ত্রী শ্রী নরেন্দ্র মোদীনা ইনিসিএতিব অসিদা প্রোগ্রম কয়ামরুম ইন্তিগ্রেৎ তৌখি অমসুং ভারত মচা খুদিংমক্তা ইনিসিএতিব অসিগী শরুক অমা ওইনবা খুদোংচাবা পীরি। মহাক্না হায় প্রোগ্রাম মঙানা শেমখিবা অনৌবা সিরিজ অমনা লৈবাক্কীদমক ইশাবু অমুক হন্না কত্থোক্নবা পান্দম থমখি। প্রোগ্রামশিং অসিগী মখাদা লৈবাক্কী খুঙ্গং খুদিংদা ইনস্ক্রিপ্সন খিনখি, লৈবাক্কী প্রজা করোর কয়ানা চাউখৎপা ভারত ওইহন্নবা লম্বী য়াৎলিবা ‘পঞ্চ প্রান’গী ৱাশক লৌখি, বসুধা বন্দন প্রোগ্রামগী মখাদা অমৃত মহোৎসব পালন তৌবদা উ চারা 75 থাই অমসুং অথৌবশিংবু ইকাই খুম্নরিবা অমসুং জাতিগী ফিরাল চীংখৎখি।

কেন্দ্রগী গৃহ মন্ত্রীনা হায় প্রধান মন্ত্রী শ্রী নরেন্দ্র মোদীগী লুচিং মখাদা আজাদী কা অমৃত মহোৎসব মনুংদা প্রোগ্রাম লাখ 2 হেন্না পাঙথোক্তুনা লৈবাক পুম্বদা লৈবাক নীংবগী ইথিল অমুক হন্না য়কাইহনখি অমসুং প্রোগ্রামশিং অসি মেরী মাতি – মেরা দেশ প্রোগ্রামগা লোয়ননা লোইশিনগনি। মহাক্না হায়খি প্রধান মন্ত্রী শ্রী নরেন্দ্র মোদীনা ইরৈবাকচাশিংদা লাল কিলাগী লানবনদগী ‘পঞ্চ প্রান’ লৌনবা হায়খি – চাউখৎপা ভারত অমগী পান্দম, মীখা পোনবগী ৱাখল কোকহনবা, ঐখোয়গী চৎনবীগীদমক চাউথোকচবা পোকপা, অপুনবগী শক্তমগীদমক পুন্সি কত্থোকপা অমসুং প্রজা খুদিংমক্তা থৌদাং য়াবগী ৱাখল্লোন পোকহনবা। শ্রী শাহনা হায় ‘পঞ্চ প্রান’ অসি চাউখৎপা ভারত অমা শেম্নবা হায়ৱেনি। মহাক্না হায় প্রধান মন্ত্রী শ্রী নরেন্দ্র মোদীগী ‘হর ঘর তিরঙ্গা অভিয়ান’গী মতুংদা লৈবাক্কী য়ুম, লোইশঙ অমসুং বিল্দিং করোর 23 তিরঙ্গানা লৈতেংখি। শ্রী শাহনা হাব লৈবাক পুম্বনা প্রধান মন্ত্রী শ্রী নরেন্দ্র মোদীনা হায়খিবা অদুবু ইকাই খুম্নদুনা হর ঘর তিরঙ্গা অভিয়ানদা শরুক য়াখি অমসুং মসিগী লৈবাক নীংবগী ইথিলগী ফল ওইনা হন্দক্তা ঐখোয়গী চন্দ্রয়ান্না থাদা শিবশক্তি পোইন্ত য়ৌবা ঙমখি, মসি ইরৈবাকচা পুম্নমক্কীদমক য়াম্না চাউথোকচনীংঙাই ওইবা মীকুপ অমনি। মহাক্না হায় চাউথোকচবগী ইথিল অসি য়ুম খুদিংমক্তা তিরঙ্গা কেম্পেন চত্থবগা লোয়ননা লৈবাক্কী মীওই খুদিংমক্কী ৱাখলদা য়কাইহনখি।

শ্রী অমিত শাহনা হায় লৈবাক্কী তুংলমচৎকা লোয়ননা মীপুম খুদিংমক্কা শম্নহনবা, লৈবাক্না খুমাং চাউশিনবগা মখোয়গী ইথিলগা শম্নহনবা অমসুং মীপুম খুদিংমক্না হোৎনরিবা অসিগী লৈবাক্কী চাউখৎ-থৌরাংগা শম্নহল্লিবা অসি লুচিংবা অমসুং থৌদাং লৈবগী চাংয়েং অমনি। মহাক্না হায়খি মতম শাংলবা মতুংদা ঐখোয়না আজাদী কা অমৃত মহোৎসব মনুংদা মালেমদা লৈবাক অসিবু মকোক ওইহন্নবা লম্বী য়াৎলিবা প্রধান মন্ত্রী শ্রী নরেন্দ্র মোদীগুম্বা লুচিংবা অমা ফংজবা অসি লৈবাক পুম্বগী লাইবক ফবনি। শ্রী শাহনা হায়খি ঙসি ঐখোয়গী শেন্মীৎলোন অসি মালেমদা 11শুবদগী 5শুবদা হাইগৎলকপা ঙমহনখি অমসুং অথুবদা 3শুবা খ্বাইদগী চাউবা ইকনোমী ওইবা ঙম্লগনি। মহাক্না হায় অসিগুম্বা প্রোগ্রামশিং অসিগী খুত্থাংদা ভারতকী প্রজা খুদিংমক্কী ৱাখলদা মশানা মশাদা থাজবা পোকহনখি। শ্রী শাহনা হায়খি অসিগুম্বা প্রোগ্রামশিংগী খুত্থাংদা ভারতকী প্রজা খুদিংমক্কী ৱাখলদা থাজবা পোকহনখিবা অসিনা সর্জিকেল স্ত্রাইকশিং চত্থনবা ঐখোয়গী থৌনা লৈরবা লান্মীশিংদা ইথিল পীখি, COVID-19 ভেক্সিন পুথোক্নবা বিজ্ঞানিকশিংদা শক্তি পীখি অসুং থা অমসুং নুমিৎকী ওর্বিৎ য়ৌনবা ISROগী বিজ্ঞানিকশিংদা থৌনা পীখি।

গৃহ মন্ত্রীনা হায় মেরী মাতি – মেরা দেশ’ অসি শুপ্নগী প্রোগ্রাম অমা ওইবতা নত্তনা মসিনা লৈবাক্কী তুংলমচৎকা ইশাগা শম্নহন্নবা অমসুং লৈবাক অসিবু খুমাং চাউশিনহনবগী থৌওংগী শরুক অমা ওইনবা মেদিয়ম অমনি। শ্রী শাহনা হায়খি প্রোগ্রাম অসিনা লৈবাক অসিবু চাউখৎপা ওইহন্নবা থৌওংদা ইশাবু শরুক অমা ওইহন্নবা মেদিয়ম অমা ওইখি অমসুং চহি 25গী মতুংদা হৌরক্লিবা মীরোল অসিনা চাউখৎপা ভারত অমগী মাইকৈদা লমজিংবা মতমদা মখোয়না মমাংগী মীরোলনা য়াম্না শক্তি লৈবা ভারত অমা শেম্বদা মতেং পাংলমখি হায়না মখোয়গী ৱাখলদা অপেনবা পোক্কনি।

থৌরম অসিদা কলচরগী কেন্দ্র মন্ত্রী শ্রী অর্জুন মেঘাৱলনা হায়খি মেরী মাতি মেরা দেশ কেম্পেন অসি ভারতকী অপুনবগী পুৱারী, নাৎ, অমসুং অথৌবশিংনা কত্থোকপা অসি নীংশিংনবা তানফম অমনি। মসি ঐখোয়গী অপুনবগী শক্তমবু পালন তৌবনি। মহাক্না হায় ভারত অসি দাইভর্সিতী লৈ, তোঙান-তোঙানবা দাইলেক্ত, লোল অমসুং তোঙান-তোঙানবা ফিজেৎ চাকচা, লমদম লৈরবসু ঐখোয়গী অপুনবা হেরিতেজ অমা লৈজৈ। মরম অসিনা ঐখোয়না ‘য়ুনিতী ইন দাইভর্সিতী অসি ভারতকী স্পেসিএলিতী’নি হায়নরিবনি। ভারত অসি ইমা হায়না কৌবা মালেমগী অমত্তা ঙাইরবা লৈবাক অমনি। ভারত মচা পুম্নমক্না হায় লমদম অসি ঐগী ইমানি অমসুং ঐহাক্না মাগী মচানি মরম অসিনা প্রোগ্রাম অসিগী মরু ওইবসু হেনগৎহল্লি। শ্রী মেঘাৱলনা হায়খি ঙসি প্রধান মন্ত্রী নরেন্দ্র মোদীগী লুচিং মখাদা লৈবাক অসিনা চাউখৎপগী অনৌবা অহোংবা পুরকপা ঙমখি। ইকনোমীসু মালেমগী মঙাশুবা খ্বাইদগী চাউবা ওইবা ঙম্লে। হৌজিক ঐখোয়না ত্রিলিয়ন মঙাগী ইকনোমী ওইনবা মাইকৈদা চংশিল্লি। প্রধান মন্ত্রীনা হায়রকপদগী ঐখোয়না আজাদী কা অমৃত মহোৎসব পাঙথোকখি অমসুং 2047 ফাওবগী মতমবু অমৃত কাল হায়না লাউথোকখি। মসিগী মখা চত্থরকপা ওইনা ঐখোয়না মেরী মাতি মেরা দেশ কেম্পেন হৌদোক্লি। মহাক্না মখা তারদুনা হায়খি ঐখোয়গী নাৎতা পৃথিবী ইমাগী লৈপাক অসি ইমা ওইনা লৌনৈ মরম অসিনা স্বামি বিবেকানন্দনা চিকাগোদা ভারতকী ফিরাল চীংখৎলবা মতুংদা মফম অসিদা লাক্তুনা ইমা ভারত্তা সলাম কোৎখি।

আজাদী কা অমৃত মহোৎসকী হৌজিক চত্থরিবা থৌমশিং অসিগী চৈরক্তা ঐখোয়গী থৱায়না পোন্থা পীখ্রবা অথৌবা নুপা অমসুং নুপীশিংবু ইকাই খুম্নবা উৎনবা অচৌবা কেম্পেন ‘মেরী মাতি মেরা দেশ’ হৌদোকখি।

*****