محنت اور روزگار اور ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو نے آج نئی دہلی میں ای ایس آئی سی  ہیڈکوارٹر میں ای ایس آئی کارپوریشن کی 191ویں میٹنگ کے دوران ملک بھر کے 30 ای ایس آئی سی  ہسپتالوں میں کیموتھراپی  علاج معالجے سے متعلق  خدمات کا آغاز کیا۔

جناب یادو نے کہا  ان خدمات کاآغاز ،وزیر اعظم جناب نریندر مودی جی کے ہندوستان کے امرت کال مںو ہمارے شرم یوگورں کی ہمہ جہت بہبود کے وژن کو پورا کرنے کی سمت مںر ایک قدم ہے۔اسپتالوں کے کیموتھیراپی خدمات کے آغاز کے ساتھ ہی بیمہ شدہ کارکنان اوران لواحقین کو آسانی سے  کینسرکے علاج کی بہترخدمات حاصل ہوسکیں گی ۔

 مرکزی وزیر نے ای ایس آئی سی کے ڈیش بورڈ کے ساتھ ایک کنٹرول روم کا بھی افتتاح کیا۔ ڈیش بورڈ  ای ایس آئی سی ہسپتالوں میں وسائل اور بستروں کی بہتر نگرانی، اورجاری تعمیراتی پروجیکٹوں کی موجودہ صورتحال وغیرہ کی نگرانی کو یقینی بنائیں گے۔

جناب یادو نے کہا کہاای ایس آئی کارپوریشن نے فیصلہ کیاہے کہ وہ ای ایس آئی سی اسپتالوں میں  ہنرمند، طبی پیشہ ورافراد کی دستیابی کو یقینی بنائے گی ۔انھوں نےکہاکہ نئے ای ایس آئی سی میڈیکل کالجوں اوراسپتالوں کو ضروریات کا جائزہ لینے کے بعد قائم کیاجائے گا۔ ابھی تک 8میڈیکل کالج ، دوڈینٹل کالج ، دونرسنگ کالج اورایک پیرمیڈیکل کالج قائم کئے جاچکےہیں ، جن کا انتظام وانصرام ای ایس آئی سی کررہاہے ۔

میٹنگ میں میڈیکل کیئر سروسز، ایڈمنسٹریشن، مالیاتی معاملات میں بہتری سے متعلق ایجنڈے کے مختلف امور پر غور کیا گیا اور  اس کے ساتھ ساتھ جاری تعمیراتی منصوبوں کا جائزہ لینے کا فیصلہ کیا گیا۔

اجلاس کے دوران 15نئے ای ایس آئی اسپتال، 78 ای ایس آئی ڈسپنسریاں، ای ایس آئی سی اسپتال بیلٹولا، آسام، ای ایس آئی سی میڈیکل کالج اینڈ اسپتال، کے کے نگر، چنئی، تمل ناڈو اور ای ایس آئی سی میڈیکل کالج اینڈ اسپتال، فرید آباد، ہریانہ میں بستروں کی تعداد میں اضافہ کی اصولی منظوری دی گئی ۔

جناب  یادو نے پروگرام کے دوران سٹیزن چارٹر، ای ایس آئی سی کے آڈٹ اور اکاؤنٹس کا مینوئل، ریفرل پالیسی اور آلات  وغیرہ سے متعلق  پالیسی کا اجراکیا۔

جناب یادو نے ای ایس آئی سی  کے آئی جی اوٹی  سیکھنے والے پانچ افراد کو بھی مبارکباد دی ،جنہوں نے راجستھان، کیرالہ اور بنگلورو کے ای ایس آئی سی  دفاتر سے آئی جی اوٹی (کرمیوگی بھارت) سیکھنے کے پلیٹ فارم پراعلیٰ  مقام حاصل  کیا ہے۔ اس پلیٹ فارم کا مقصد  شہری خدمات  کے درمیان صلاحیت کی ترقی کو فروغ دینا ہے۔

اس میٹنگ میں ممبرپارلیمنٹ محترمہ ڈولا سین، ممبر پارلیمنٹ، جناب  رام کرپال یادو،  سکریٹری (ایل اینڈ ای) محترمہ آرتی آہوجا اور، ڈائرکٹر جنرل ڈاکٹر راجندر کمار، کے ساتھ ریاستی حکومتوں کے پرنسپل سکریٹریز/ سکریٹریز، آجروں اور ملازمین کے نمائندوں اور ای ایس آئی کارپوریشن کے دیگر اراکین نے  بھی شرکت کی۔

************

U-9022

(ش ح۔ ع م۔ع  آ)