প্ৰধানমন্ত্ৰী, শ্ৰী নৰেন্দ্ৰ মোদীয়ে আজি ভিডিঅ’ লিংকৰ জৰিয়তে মধ্যপ্ৰদেশত আয়োজন কৰা বৃহৎ ৰোজগাৰ মেলা সম্বোধন কৰে।

এই ৰোজগাৰ মেলাত ভাষণ প্ৰদান কৰি প্ৰধানমন্ত্ৰীয়ে কয় যে আজি নিযুক্তি পত্ৰ লাভ কৰাসকলে এই ঐতিহাসিক সময়ছোৱাত শিক্ষকতাৰ গুৰুত্বপূৰ্ণ দায়িত্বত যোগদান কৰিছে। উল্লেখ্য যে জাতিৰ বিকাশত জাতীয় চৰিত্ৰৰ অতি গুৰুত্বপূৰ্ণ ভূমিকা সম্পৰ্কে বিশদভাৱে উল্লেখ কৰি লালকিল্লাৰ পৰা দিয়া ভাষণৰ প্ৰসঙ্গ উল্লেখ কৰি প্ৰধানমন্ত্ৰীয়ে আলোকপাত কৰে যে আজি চাকৰি পোৱাসকলে ভাৰতৰ ভৱিষ্যত প্ৰজন্মক গঢ় দিয়াৰ, আধুনিকীকৰণ কৰাৰ, আৰু দান দিয়াৰ দায়িত্ব ল’ব লাগিব, আৰু ইয়েই তেওঁলোকক দিব এক নতুন দিশৰ সন্ধান। আজি এই ৰোজগাৰ মেলাৰ সময়ত মধ্যপ্ৰদেশৰ প্ৰাথমিক বিদ্যালয়সমূহত নিযুক্তি লাভ কৰা চাৰে পাঁচ হাজাৰৰো অধিক শিক্ষকলৈ তেওঁ শুভেচ্ছা জ্ঞাপন কৰে। লগতে প্ৰধানমন্ত্ৰীয়ে মধ্যপ্ৰদেশত বিগত ৩ বছৰত প্ৰায় ৫০ হাজাৰ শিক্ষক নিযুক্তি লাভ কৰা বুলিও উল্লেখ কৰি, এই কৃতিত্বৰ বাবে ৰাজ্য চৰকাৰক অভিনন্দন জনায়।

উন্নত ভাৰতৰ সংকল্প প্ৰাপ্ত কৰাৰ ক্ষেত্ৰত নৱনিযুক্ত শিক্ষকসকলে এক গুৰুত্বপূৰ্ণ ভূমিকা পালন কৰিব বুলি উল্লেখ কৰি প্ৰধানমন্ত্ৰীয়ে পৰম্পৰাগত জ্ঞানৰ লগতে ভৱিষ্যতপ্ৰযুক্তিক সমান গুৰুত্ব প্ৰদান কৰে বুলি উল্লেখ কৰে। তেওঁ কয় যে প্ৰাথমিক শিক্ষাৰ ক্ষেত্ৰত এক নতুন পাঠ্যক্ৰম প্ৰস্তুত কৰা হৈছে আনহাতে মাতৃভাষাত শিক্ষাৰ ক্ষেত্ৰত অগ্ৰগতি হৈছে। ইংৰাজী নজনা শিক্ষাৰ্থীসকলক মাতৃভাষাত শিক্ষা প্ৰদান নকৰাৰ ফলত হোৱা ঘোৰ অন্যায়ৰ কথা উল্লেখ কৰি প্ৰধানমন্ত্ৰীয়ে কয় যে বৰ্তমানৰ চৰকাৰে এতিয়া পাঠ্যক্ৰমত আঞ্চলিক ভাষাৰ কিতাপসমূহৰ ওপৰত গুৰুত্ব আৰোপ কৰিছে, যিটো দেশৰ শিক্ষা ব্যৱস্থাৰ এক ডাঙৰ পৰিৱৰ্তনৰ আধাৰ হ’ব।

অমৃতকালৰ প্ৰথম বৰ্ষত লাভ কৰা দুটা ইতিবাচক বাতৰিৰ কথা উল্লেখ কৰি প্ৰধানমন্ত্ৰীয়ে কয় যে যেতিয়া ইতিবাচক চিন্তা, সঠিক অভিপ্ৰায় আৰু সততাৰে সিদ্ধান্ত লোৱা হয়, তেতিয়া সমগ্ৰ পৰিৱেশ ইতিবাচকতাৰে ভৰি পৰে। প্ৰধানমন্ত্ৰীয়ে কয় যে নীতি আয়োগৰ প্ৰতিবেদনত প্ৰথমবাৰৰ বাবে প্ৰকাশ পাইছে যে যোৱা পাঁচ বছৰত ভাৰতত ১৩.৫ কোটি ভাৰতীয় দৰিদ্ৰসীমাৰ ওপৰলৈ পৰিছে। দ্বিতীয়তে, প্ৰধানমন্ত্ৰীয়ে এই বছৰ দাখিল কৰা আয়কৰ ৰিটাৰ্ণৰ সংখ্যাসম্পৰ্কে আন এক প্ৰতিবেদনৰ ওপৰত আলোকপাত কৰে, যিয়ে যোৱা ন বছৰত জনসাধাৰণৰ গড় উপাৰ্জন বৃদ্ধিহোৱাৰ এক বৃহৎ ইঙ্গিত দিয়ে। প্ৰধানমন্ত্ৰীয়ে কয় যে আইটিআৰতথ্য অনুসৰি, ২০১৪ চনত গড় উপাৰ্জন আছিল ৪ লাখ টকা আৰু ২০২৩ চনত ই ১৩ লাখ টকালৈ বৃদ্ধি পাইছে। তেওঁ কৈছিল যে নিম্ন উপাৰ্জন গোটৰ পৰা উচ্চ উপাৰ্জন গোটলৈ যোৱা লোকৰ সংখ্যাও বৃদ্ধি পাইছে। প্ৰধানমন্ত্ৰীয়ে গুৰুত্ব আৰোপ কৰে যে এই পৰিসংখ্যাই দেশৰ প্ৰতিটো খণ্ডৰ শক্তিৰ লগতে নিযুক্তিৰ সুযোগ বৃদ্ধি, বিকাশ আৰু উৎসাহৰ আশ্বাস দিয়ে।

আয়কৰ ৰিটাৰ্ণৰ নতুন তথ্যৰ কথা উল্লেখ কৰি প্ৰধানমন্ত্ৰীয়ে কয় যে এয়া হৈছে চৰকাৰৰ ওপৰত দেশৰ নাগৰিকৰ ক্ৰমান্বয়ে বৰ্ধিত বিশ্বাস। প্ৰধানমন্ত্ৰীয়ে কয় যে বহু সংখ্যক লোকে সততাৰে কৰ পৰিশোধ কৰিবলৈ আগবাঢ়ি আহিছে কিয়নো তেওঁলোকে জানে যে তেওঁলোকৰ কৰৰ প্ৰতিটো পইচা দেশৰ উন্নয়নৰ বাবে ব্যয় কৰা হৈছে আৰু তেওঁলোকে দেখিছে যে ২০১৪ চনত দশম স্থানত থকা অৰ্থনীতি এতিয়া পঞ্চম স্থানলৈ নামি আহিছে। প্ৰধানমন্ত্ৰীয়ে লগতে কয় যে দেশৰ নাগৰিকসকলে ২০১৪ চনৰ আগৰ সময়খিনি পাহৰিব নোৱাৰে যেতিয়া কেলেংকাৰী আৰু দুৰ্নীতি ব্যাপকভাৱে চলি আছিল, য’ত দৰিদ্ৰ লোকসকলৰ অধিকাৰ তেওঁলোকৰ ওচৰপোৱাৰ আগতে লুণ্ঠন কৰা হৈছিল। প্ৰধানমন্ত্ৰীয়ে কয় যে আজি দৰিদ্ৰলোকৰ অধিকাৰৰ সকলো ধন পোনপটীয়াকৈ তেওঁলোকৰ একাউণ্টলৈ গৈ আছে।

প্ৰধানমন্ত্ৰীয়ে কয় যে ব্যৱস্থাটোৰ পৰা চুৰি প্ৰতিৰোধ কৰাৰ ফলস্বৰূপে চৰকাৰে দৰিদ্ৰ লোকসকলৰ কল্যাণৰ বাবে ব্যয় বৃদ্ধি কৰিবলৈ সক্ষম হৈছে। তেওঁ কয় যে এনে বৃহৎ পৰিমাণৰ বিনিয়োগে দেশৰ প্ৰতিটো কোণত নিযুক্তিৰ সৃষ্টি কৰিছে। তেওঁ উমৈহতীয়া সেৱা কেন্দ্ৰৰ উদাহৰণ দাংকা কৰিছিল। তেওঁ কয় যে ২০১৪ চনৰ পৰা গাওঁসমূহত ৫ লাখ নতুন উমৈহতীয়া সেৱা কেন্দ্ৰ স্থাপন কৰা হৈছে আৰু এনে প্ৰতিটো কেন্দ্ৰই আজি বহু লোকক নিযুক্তি প্ৰদান কৰিছে। তেওঁ কয় যে ইয়াৰ অৰ্থ হৈছে দৰিদ্ৰ আৰু গাওঁসমূহৰ কল্যাণ আৰু নিযুক্তিৰ সুযোগ সৃষ্টি কৰা।

প্ৰধানমন্ত্ৰীয়ে কয় যে শিক্ষা, দক্ষতা বিকাশ আৰু নিযুক্তিৰ ক্ষেত্ৰত সুদূৰপ্ৰসাৰী নীতি আৰু সিদ্ধান্তৰ সৈতে কাম কৰা হৈছে। লালকিল্লাৰ প্ৰাচীৰৰ পৰা স্বাধীনতা দিৱসৰ ভাষণত প্ৰধানমন্ত্ৰী বিশ্বকৰ্মা যোজনাৰ ঘোষণাৰ কথা উল্লেখ কৰি প্ৰধানমন্ত্ৰীয়ে কয় যে এই আঁচনিখন এই দৃষ্টিভংগীৰ প্ৰতিফলন। তেওঁ কয় যে একবিংশ শতিকাৰ প্ৰয়োজনীয়তা অনুসৰি বিশ্বকৰ্মাৰ দ্বাৰা পৰম্পৰাগত দক্ষতা গ্ৰহণ ৰখাৰ বাবে প্ৰধানমন্ত্ৰী বিশ্বকৰ্মা যোজনা সৃষ্টি কৰা হৈছে। শ্ৰী মোদীয়ে কয়, এই আঁচনিখনত প্ৰায় ১৩,০০০ কোটি টকা ব্যয় কৰা হ’ব আৰু ই ১৮ টা বিভিন্ন ধৰণৰ দক্ষতাৰ সৈতে জড়িত লোকসকলক উপকৃত কৰিব। প্ৰধানমন্ত্ৰীয়ে কয় যে এই আঁচনিয়ে সমাজৰ সেই শ্ৰেণীসমূহক লাভান্বিত কৰিব, যাৰ গুৰুত্বৰ বিষয়ে আলোচনা কৰা হৈছিল, কিন্তু তেওঁলোকৰ অৱস্থা উন্নত কৰাৰ বাবে কেতিয়াও কোনো দৃঢ় প্ৰচেষ্টা কৰা হোৱা নাছিল। প্ৰধানমন্ত্ৰীয়ে কয় যে বিশ্বকৰ্মা যোজনাৰ অধীনত প্ৰশিক্ষণৰ লগতে আধুনিক সঁজুলি ক্ৰয়ৰ বাবে হিতাধিকাৰীসকলক ভাউচাৰপ্ৰদান কৰা হ’ব। “প্ৰধানমন্ত্ৰী বিশ্বকৰ্মা যোজনাৰ জৰিয়তে যুৱপ্ৰজন্মই তেওঁলোকৰ দক্ষতা বৃদ্ধিৰ অধিক সুযোগ লাভ কৰিব।”

প্ৰধানমন্ত্ৰীয়ে কয় যে যিসকল আজি শিক্ষক হৈ উঠিছে তেওঁলোকে কঠোৰ পৰিশ্ৰমৰ বলত ইয়ালৈ আহিছে। তেওঁ তেওঁলোকক শিকাৰ প্ৰক্ৰিয়া অব্যাহত ৰাখিবলৈ আহ্বান জনায়। তেওঁ চৰকাৰৰ দ্বাৰা সৃষ্টি কৰা অনলাইন শিক্ষণ মঞ্চ – IGoT  কৰ্মযোগীৰ বিষয়ে উল্লেখ কৰে আৰু নৱনিযুক্ত শিক্ষকসকলক এই সুবিধাৰ সৰ্বাধিক সদ্ব্যৱহাৰ কৰিবলৈ আহ্বান জনায়।

मध्य प्रदेश रोजगार मेले को संबोधित कर रहा हूं। नवनियुक्त साथियों को बहुत-बहुत शुभकामनाएं। https://t.co/InJQ2Y5BtA

— Narendra Modi (@narendramodi) August 21, 2023

*****