আয়ুশ
কেন্দ্র মন্ত্রী সর্বনন্দ সোনোৱালনা অৱাং নোংপোক লমদমগী মকোকথোংবা রাজ্যগী হোস্পিতালশিংদা ইন্তেগ্রেতেদ অয়ুশ মেদিসিন দিপার্তমেন্তশিংগীদমক ফোংদোকখ্রে
হিমালয়ান রিজনগী ইনাক খুল্লবা ফ্লোরানা অয়ুশ সেক্তরদা পোতেন্সিয়েল হেনগৎহনবা য়াই, এমপ্লোইমেন্ত জেনরেত তৌবা য়াই: সর্বনন্দ সোনোৱাল
Posted On:
26 AUG 2023 2:14PM by PIB Imphal
* অৱাং নোংপোক লমদমগী রাজ্য পুম্নমকনা নেস্নেল অয়ুশ মিসনদা রিজনেল রিভ্যু মীফমদা শরুক য়াখি
* “পুন্সীগী ক্বালিতী হেন্না ফগৎহন্নবগী পান্দমদা হেল্থকেয়র সোলুসনগী হোলিস্তিক লাইন অমা দিবলপ তৌনবা মোদর্ন মেদিসিনগা লোয়ননা ত্রেদিস্নেল মেদিসিন ইনভেস্ত, ইনোবেত অমসুং ইন্তিগ্রেত তৌগদবনি”: সর্বনন্দ সোনোৱাল
* অরুনাচল প্রদেশনা অথুবা মতমদা অয়ুশ হেল্থ সর্বিসকী দাইরেক্তোরেত লিংখৎলগনি: অলো লিবাং
* লোক্তাক পাৎকী ইয়াইদা অখন্নবা পঞ্চকর্ম সেন্তর শেমগৎপা: দা. সাপম রঞ্জন সিংহ
কেন্দ্রগী পোর্তস, শিপ্পিং অমসুং ৱাতরৱেজ অমসুং অসুশ মন্ত্রী শ্রী সর্বনন্দ সোনোৱালনা অসামগী মুখ্য মন্ত্রী দা. হিমন্ত বিস্ব সরমগা ঙসি মফম অসিদা অৱাং নোংপোক লমদমগী রাজ্যশিংগী রিজনেল রিভ্যু মীফম হৌদোকখ্রে। থৌরম অসিদা অসাম, অরুনাচল প্রদেশ, মনিপুর, মিজোরাম, সিক্কিম, ত্রিপুরাগী হেল্থ মিনিস্তরশিংনা মেঘলায়া, নগালেন্দ লোয়ননা রিজন অসিগী অতোপ্পা অতোপ্পা রাজ্যশিংগী মকোকথোংবা ওফিসিয়েলশিংসু শরুক য়াখি। থৌরম অসিদা অয়ুশ অমসুং ৱুমেন & চাইল্দ দিবলপমেন্তকী কেন্দ্র রাজ্য মন্ত্রী দা. মহেন্দ্রভাই মুনজাপারা, অয়ুশ মন্ত্রালয়গী সেক্রেতরী বৈদ্য রাজেশ কোতেচা অমসুং মন্ত্রালয়, রাজ্য সরকারশিংদগী অতোপ্পা মকোকথোংবা ওফিসিয়েলশিংসু শরুক য়াখি।
![](https://static.pib.gov.in/WriteReadData/userfiles/image/image003T5RI.jpg)
কেন্দ্রগী অয়ুশ মন্ত্রী সর্বনন্দ সোনোৱালনা ঙসি মফম অসিদা অৱাং নোংপোক রাজ্যশিংগী রিজনেল রিভ্যু মীফম চিয়র লৌখি। মীফম পাংথোক্লিঙৈ মনুংদা শরুক য়ারিবা রাজ্য পুম্নমক – অসাম, অরুনাচল প্রদেশ, মনিপুর মেঘলায়া, মিজোরাম, নগালেন্দ, সিক্কিম অমসুং ত্রিপুরানা অয়ুশকী ফিভম অমসুং ইমপ্লিমেন্তেসনগী মখাদা মরুওইবা অয়ুশ প্রোগ্রামশিংগী প্রোগ্রেসতা মচা নাইবা প্রজেন্তেসনশিং লান্থোকখি। ব্রেনস্ত্রোমিং সেসনদা শরুক য়াখিবা অমসুং ৱা ঙাংখিবা রাজ্যশিংগী হকশেল মন্ত্রীশিংদা অরুনাচল প্রদেশকী অলো লিবাং, মনিপুরগী দা. সাপম রঞ্জন সিংহ, মিজোরামগী দা. আর. লালথাংলিয়ানা, সিক্কিমগী কুনগা নিমা লেপচা অমসুং ত্রিপুরাগী ফাইনান্স মিনিস্তর প্রনাজিত সিংহ রোইনি।
![](https://static.pib.gov.in/WriteReadData/userfiles/image/image004DAUG.jpg)
থৌরমদা ৱা ঙাংলদুনা কেন্দ্র মন্ত্রী সর্বনন্দ সোনোৱালনা হায়খি, “ঙসি ঐখোয়না লৈবাক অসিদা অয়ুশ সিস্তেম ওফ মেদিসিনগী প্রমোসন অমসুং প্রোপাগেসনদা য়াম্না মহৈয়ানবা খন্ন-নৈনবা অমা পাংথোকখ্রে। মালেমগী লেমহৌরিবা মফমশিংগা লোয়ননা ঐখোয়গী ফজরবা হিমালয়ন রিজনদা ত্রেদিস্নেল সিস্তেম ওফ মেদিসিনগী মরুওইবা অমসুং পাম্নবা হেনগৎলক্লি। প্রধান মন্ত্রী শ্রী নরেন্দ্র মোদীগী লীচিং মখাদা ভারতনা মীয়ামগী পুন্সীগী ক্বালিতী ফগৎহন্নবগীদমক ত্রেদিস্নেল সিস্তেম ওফ মেদিসিনগী চহী কয়া কুইরবা অমসুং পীরিবা কানবশিং নৌনা পুথোকপদা মরুওইবা প্রোগ্রেস পুরক্লে। মোদী জীনা ভারত খক্তদা ত্রেদিস্নেল মেদিসিন শিজিন্নবা পুক্নিং থৌগৎপদা নত্তনা হেল্থকেয়র সোলুসনগী হোলিস্তিক লাইন অমা দিবলপ তৌনবা মোদর্ন মেদিসিনগা লোয়ননা ত্রেদিস্নেল মেদিসিন ইনভেস্ত, ইনোবেত অমসুং ইন্তিগ্রেত তৌবদা মালেমগী খোংজং অমসুং লুচিংলি। স্পিরিত অসিদা ঐহাক্না অৱাং নোংপোক ভারতকী রাজ্য পুম্নমক্তা হায়নিংবদি মোদী জীগী লুচিং মখাদা এইমস ১৯মক্তা অসিগুম্বা দিপার্তমেন্তশিং শেমগৎপগী পরিংদা মকোকথোংবা রাজ্য হোস্পিতাল পুম্নমক্তা ইন্তিগ্রেতেদ অয়ুশ দিপার্তমেন্ত অমা শেমগৎপগী ওইথোকপা য়াবশিং থিগদবনি।
খন্ন-নৈনখিবগী মনুংদা অরুনাচল প্রদেশকী হকশেল মন্ত্রী অলো লিবাংনা হায়খি মদুদি হিমালয়ান স্তেততা ত্রেদিস্নেল মেদিসিন প্রমোত তৌনবা অয়ুশ হেল্থকেয়র সর্বিসকী মপুংফানা মথৌ তৌবা দাইরেক্তোরেত অমা লিংখৎনবা রাজ্যনা থৌরাং তৌরি। অখন্নবা পঞ্চকর্ম সেন্তর অমা লোক্তাক পাৎকী ইয়াইদা শেমগৎনবা ৱাফম পুথোক্লে হায়না মনিপুরগী হকশেল মন্ত্রী দা. সাপম রঞ্জন সিংহনা কনফার্ম তৌখি। মিজোরামগী হকশেল মন্ত্রী দা. আর. লালথাংলিয়ানানা ত্রেদিস্নেল মেদিসিনগী কানবা অদু থাগৎখি অমসুং মতৌ করম্না অয়ুশ গ্রাম ইনিসিয়েতিব অমসুং জন অরোগ্য সমিতিনা রাজ্যদা অয়ুশ সিস্তেম ওফ মেদিসিন পাম্নহনবগে হায়বদু ফোংদোকখি।
অয়ুশ মন্ত্রালয়না নেস্নেল অয়ুশ মিসন (এন.এ.এম.)গী সেন্ত্রেল্লি স্পোন্সর স্কিম (সি.এস.এস.)গী খুত্থাংদা মখোয়গী মরী লৈনবা স্তেত এনুয়েল এক্সন প্লান (এস.এ.এ.পি.)শিংগী খুত্থাংদা রাজ্যশিংনা প্রপোজ তৌরকপা তোঙান তোঙানবা এক্তিবিতীশিংগী ইমপ্লিমেন্তেসনগীদমক রাজ্য/ য়ু.তি. সরকারশিংনা হোৎনরিবশিং সপোর্ত তৌরি। এন.এ.এম. অসি অয়ুশ মন্ত্রালয়, ভারত সরকারগী ফ্লেগশিপ স্কিমনি।
***
(Release ID: 1953374)
Visitor Counter : 87