প্রধান মন্ত্রী জন ধন য়োজনা (PMJDY) –নেস্নেল মিসন ফোর ফাইনান্সিএল ইনক্লুজন -  মাইপাক্না ইমপ্লিমেন্ত তৌখিবা ঙসি চহি মাপন মপুং ফাখ্রে।

PMJDY অসি প্রধান মন্ত্রী, শ্রী নরেন্দ্র মোদীনা 2014গী ওগস্ত 15গী নীংতম নুমিৎকী ৱারোল পীবদা লাউথোকখি। ওগস্ত 28দা প্রোগ্রাম অসি হৌদোকপদা প্রধান মন্ত্রীনা থৌরম অসিবু তমথিরবা অৱাবগী লোইনাইদ্রবা ইরোলনুংদগী লায়রবশিংবু নীংতম্বা ফংবগী নুংঙাইবা ফোঙদোক্লিবা কুহ্মৈ অমনি হায়না ফোঙদোকখি।

মালেমগী খ্বাইদগী চাউবা ফাইনান্সিএল ইনক্লুজন ইনিসিএতিবশিংগী মনুংদা অমা ওইনা শেল-থুম মন্ত্রালয়না মাগী ফাইনান্সিএল ইনক্লুজনগী খোঙথাংশিংগী খুত্থাংদা শোত্থরবা অমসুং সামাজিক-শেন্মীৎলোন্দা শোত্থরবা কাংলুপশিংদা ফাইনান্সিএল ইনক্লুসিবনেস ফংহন্নবা অমসুং মতেং পীনবা মখা তানা হোৎনখি। ফাইনান্সিএল ইনক্লুজন (FI)না খ্বাইদগী বেসিক ওইবা বেঙ্কিং সর্ভিসশিং ফাওবা এক্সেস তৌবা ফংদবা শেন্থোক নেম্না লাকপা কাংলুপ অমসুং শোত্থরবা শরুকশিংগুম্বা ভলনরেবল ওইবা কাংলুপশিংদা ইক্বিতেবল অমসুং ইনক্লুসিব গ্রোথ লৈহল্লি অমসুং অহোংবা মমলদা মতম চানা মতিক চাবা ফাইনান্সিএল সর্ভিসশিং দেলিবর তৌরি।

ফাইনান্সিএল ইনক্লুজন্না লায়রবশিংগী সেভিংস অদুবু ফোর্মেল ফাইনান্সিএল সিস্তেমদা পুরকপসু ঙমহনখি অমসুং মখোয়বু শেন্দোই চাউনা লৌবা শেল শাল্লিবা মীওইশিংগী খয়াত্তগী কনবীবগী মথক্তা খুঙ্গংদা লৈরিবা মখোয়গী ইমুং-মনুংশিংদা শেল থাবা ঙমহন্নবা এভেন্যু অমা পীরি।

PMJDY 9শুবা কুমওন্না লাকপদা শেল-থুম মন্ত্রী, শ্রীমতি নির্মলা সিতারামন্না মহাক্কী ৱারোলদা হায়খি, “PMJDYনা চহি 9 লমজিংবা খোঙথাংশিং অমসুং দিজিতেল ত্রান্সফোর্মেসন্না ভারত্তা ফাইনান্সিএল ইনক্লুজনবু রিভোল্যুস্নাইজ তৌখি। জন ধন একাউন্তশিং হাংদুনা মীওই করোর 50 হেন্না ফোর্মেল বেঙ্কিং সিস্তেমদা পুশিনবা ঙমখিবা অসি য়াম্না নুংঙাইবা পোকই। একাউন্তশিং অসিগী মনুংদা চাউরাক্না 55.5%না নুপীশিংনা অমসুং 67%না খুঙ্গং/সেমি-অর্বানগী মফমশিংদা হাংখিবা ওইরি। একাউন্তশিং অসিদা তৌখিবা অপুনবা দিপোজিৎ লুপা করোর লাখ 2 হেনখ্রে। মখা তানা চার্জ অমত্তা লৌদনা একাউন্তশিং অসিদা রুপে কার্দ করোর 34 ইস্যু তৌখ্রে, মসিনা এক্সিদেন্ত ইন্সুরেন্স কবর লুপা লাখ 2সু পীরি”।

“স্তেকহোল্দরশিং, বেঙ্কশিং, ইন্সুরেন্স কম্পনীশিং অমসুং সরকারগী ওফিসিএলশিংগী অপুনবা খোঙথাংশিংগা লোয়ননা PMJDYনা ইকাই খুম্নরবা প্রধান মন্ত্রী শ্রী নরেন্দ্র মোদীনা লৈবাক অসিদা ফাইনান্সিএল ইনক্লুজনগী লেন্দস্কেপতা অওনবা পুরক্নবা মঙখিবা মঙলান অদুগী মরু ওইবা থৌশিল অমা ওইরি” হায়না শ্রীমতি সিতারামন্না ফোঙদোকখি।

থৌরম অসিদা PMJDYগী মতাংদা শেল-থুমগী কেন্দ্রগী রাজ্য মন্ত্রী, দা. ভগৱত কিসনরাও করাদনসু মহাক্কী ৱাখল্লোনশিং ফোঙদোকখি। মহাক্না হায়, “PMJDY স্কিমনা খুন্নাইগী শোত্থরবা শরুকশিংবু ফোর্মেল বেঙ্কিংদা পুশিন্দুনা ফাইনান্সিএল অনতচেবিলিতী হন্থহনকি। খুন্নাইগী ভলনরেবল ওইবা শরুকশিংদা বেঙ্কিংগী খুদোংচাবা এক্সেস তৌহন্দুনা, ক্রেদিৎ লৌবা য়াহন্দুনা, ইন্সুরেন্স অমসুং পেন্সন কবরেজ পীদুনা অমসুং ফাইনান্সিএল এৱের্নেস লৈহন্দুনা স্কিম অসিগী ফলশিং চাউনা পীবা ঙমহনখি অমসুং শেন্মীৎলোন্দা মলতিপ্লায়র ইফেক্ত পীবা ঙমহনখি। মখা তানা জন ধন-আধার-মোবাইল (JAM) আর্কিতেকচরনা মীচম মীয়ামগী একাউন্তশিংদা অপনবা লৈতনা সরকারগী কান্নবশিং মাইপাক্না ত্রান্সফর তৌবা ঙমহনখি। PMJDY একাউন্তশিংনা DBT গুম্বা পিপল-সেন্ত্রিক ইনিসিএতিবশিংগীদমক মরু ওইবা থৌদাং লৌখি অমসুং খুন্নাইগী শরুক পুম্নমক মরু ওইনা শোত্থরবশিংগী ইনক্লুসিব গ্রোথকী মাইকৈদা শরুক তম্মি”।

স্কিম অসিবু মাইপাক্না ইমপ্লিমেন্ত তৌখিবা চহি 9 মপুং ফারকপদা ঐখোয়না হৌজিক ফাওবদা স্কিম অসিগী মরু ওইবা হীরমশিং অমদি মাইপাকখিবশিং অদু খঙমিন্নসি।

বেকগ্রাউন্দ

প্রধান মন্ত্রী জন ধন য়োজনা (PMJDY) অসি ফাইনান্সিএল সর্ভিসশিং মমিং ওইনা পল্লবদা বেঙ্কিং/সেভিংস অমসুং দিপোজিৎ একাউন্তশিং, রেমিতেন্স, ক্রেদিৎ, ইন্সুরেন্স, পেন্সন অসি শেল চংদবা মওংদা এক্সেস তৌবা ঙমহন্নবা ফাইনান্সিএল ইনক্লুজনগী নেস্নেল মিসন অমনি।

পান্দমশিং:

• • শেল চংদনা ফাইনান্সিএল প্রদক্তশিং অমসুং সর্ভিসশিং এক্সেস তৌবা ফংহনবা
  • শেল চংবা হন্থহন্নবা অমসুং পাক শন্না য়ৌশিনবা ঙম্নবা তেক্নোলোজী শীজিন্নবা

স্কীম অসিগী মরু ওইবা য়ুম্ফম ওইরিবা মচাকশিং

• • বেঙ্কিং দি অনবেঙ্ক – চে-চাং য়াম্না চংদনা, KYC, e-KYCদা কোমথোকপা, কেম্প মোদতা, জিরো বেলেন্সতা অমসুং জিরো চার্জতা একাউন্ত হাংবা য়াহনদুনা বেসিক সেভিংস বেঙ্ক দিপোজিত (BSBD) একাউন্ত হাংবা
  • সেক্যুরিং দি অনসেক্যুর্দ - লুপা লাখ 2গী এক্সিদেন্ত ইন্সুরেন্স কবরেজ লেম্না ফংবগা লোয়ননা মর্চেন্ত লোকেসনশিংদা শেল কাইবা অমসুং থিবা য়াবা ইন্দিজিনস দেবিত কার্দ পীবা
  • ফন্দিং দি অনফন্দেদ - মাইক্রো-ইন্সুরেন্স, কঞ্জুম্পসনগী ওভরদ্রাফ, মাইক্রো-পেন্সন অমসুং মাইক্রো-ক্রেদিতকুম্বা অতোপ্পা ফাইনান্সিএল প্রদক্তশিং

PMJDYগী অহৌবদা ওইরম্বা মওং-মতৌ

স্কীম অসি পীরিবা য়ুম্বী 6 অসিদা য়ুম্ফম ওইরগা হৌদোকখি:

• বেঙ্কিং সর্ভিসশিংদা য়ুনিভর্সেল এক্সেস ফংহনবা – ব্রাঞ্চ অমসুং BC
• ইলিজিবল ওইবা নহা খুদিংমক্তা লুপা 10,000/-গী ওভরদ্রাফকী খুদোংচাবগা লোয়ননা বেসিক সেভিংস বেঙ্ক একাউন্তশিং
• ফাইনান্সিএল লিতরেসী প্রোগ্রাম– সেভিংস তৌনবা থৌগৎপা, ATMশিং শীজিন্নবা, ক্রেদিৎকীদমক শেম শাদুনা লৈহনবা, ইন্সুরেন্স অমসুং পেন্সনশিং ফংহনবা, বেঙ্কিংগীদমক বেসিক মোবাইল ফোনশিং শীজিন্নহনবা
• ক্রেদিৎ গরেন্তী ফন্দ শেম্বা – বেঙ্কশিংদা দিফোল্তকী ওইনা গরেন্তী খরা পীবা
• ইন্সুরেন্স –ইং কুমজা 2014গী ওগস্ত 15দগী 2015গী জনুৱারী 31 ফাওবগী মনুংদা হাংখিবা একাউন্তদা লুপা 1,00,000 ফাওবগী এক্সিদেন্ত কবর অমসুং লুপা 30,000গী লাইফ কবর পীরি
• অনওর্গনাইজ সেক্তরগী পেন্সন স্কীম

মমাংগী এক্সপরিয়েন্সতা য়ুম্ফম ওইরগা PMJDY দা মরু ওইবা এপ্রোচ শীজিন্নবা:

• • মমাংঙৈদা ভেন্দর অদুগা তেক্নোলোজী লোক-ইন শীজিন্নদুনা ওফলাইন একাউন্তশিং হাংলম্বগী পাম্বৈ অদুগী মহুৎতা বেঙ্কশিংগী কোর বেঙ্কিং সিস্তেমদা ওনলাইন একাউন্তশিং ওইনা একাউন্তশিং হাংহনখ্রে
  • রুপে দেবিত কার্দ নত্ত্রগা আধার ইনেবল্দ পেমেন্ত সিস্তেম (AePS)কী খুত্থাংদা ইন্তর-ওপরেবিলিতী লৈহনবা
  • ফিক্স-পোইন্ত বিজিনেস কোরেস্পোন্দেন্তশিং
  • অরুবা KYC গী ফোর্মেলিতীশিংগী মহুৎতা অরায়বা KYC / e-KYC ওইহনবা

অনৌবা মওং-মতৌশিংগা লোয়ননা PMJDY শাংদোকহনবা – সরকারনা খরা শেমদোক-শেমজিন তৌবগা লোয়ননা কম্প্রিহেনসিব PMJDY প্রোগ্রাম অসি 28.8.2018 দগী মখা তানা শাংদোক্নবা ৱারেপ লৌখি।

• • ‘য়ুমথোং খুদিংমক’ ওইরম্বদগী ‘অনবেঙ্ক এদল্ত খুদিংমক’ হায়না ফোকস হোংদোকপা
  • রুপে কার্দ ইন্সুরেন্স – 28.8.2018গী মতুংদা হাংবা PMJDY একাউন্তশিংগী ওইনা রুপে কার্দশিংদা লেম্না ফংবা এক্সিদেন্তেল ইন্সুরেন্স কবর অসি লুপা লাখ 1দগী লুপা লাখ 2দা হেনগৎপা।
  • ওভরদ্রাফকী খুদোংচাবশিং হেনগৎহনবা : OD লিমিত অসি লুপা 5,000/-দগী লুপা 10,000/-দা শরুক অনি ওইহনবা; OD লুপা 2,000/- ফাওবা (কন্দিসনশিং য়াওদনা) লোয়ননা OD গী অপ্পর এজ লিমিত চহি 60 দগী 65 দা হেনগৎপা।

PMJDYগী কান্নবা

PMJDY অসি পিপল-সেন্ত্রিক ইকনোমিক্কী থৌরাংশিংগী য়ুম্ফম ওইখি। দাইরেক্ত বেনিফিৎ ত্রান্সফরশিং, কোবিদ-19গী শেলগী তেংবাং, PM-KISAN, MGNREGA গী মখাদা খুৎশুমল হেনগৎপা, লাইফ অমসুং হেল্থ ইন্সুরেন্স কবর ওইরবসু থৌরাং পুম্নমক অসিগী অহানবা খোঙথাং অসি নহা খুদিংমক্কী বেঙ্ক একাউন্ত অমা লৈহনবনি হায়রিবা অসি PMJDY গী খুত্থাংদা মপুং ফাবা ঙমহল্লি।

মার্চ 2014দগী মার্চ 2020গী মরক্তা হাংখিবা একাউন্ত 2দা অমদি PMJDY একাউন্ত ওইখি। লৈবাক শিনবা থুংবদা থমখিবা লোকদাউনগী নুমিৎ 10নিগী মনুংদা নুপীগী PMJDY একাউন্ত করোর 20রোমদা ক্ষেত্রিপুরন পীখি। লোয়ননা নুপী অমমমগী PMJDY একাউন্তশিংদা DBTগী খুত্থাংদা থা অহুমগী ওইনা থাদা লুপা 500গী ফাইনান্সিএল এসিস্তেন্স পীখি।

ঙসিগী কোবিদ-19গী মতম অসিদা ঐখোয়না খুন্নাইগী শোত্থরবা শরুকশিংদা য়াম্না লায়না অমসুং অপনবা লৈতনা দাইরেক্ত বেনিফিৎ ত্রান্সফর (DBTশিং)না শক্তি পীবা অমসুং ফাইনান্সিএল সেক্যুরিতী ফংহনখিবা উবা ফংখি। মরু ওইবা ৱাফম অমদি DBTগী থোংদা পি.এম. জন ধন একাউন্তশিংনা শেল খুদিংমক অচুম্বা বেনিফিসিয়রীদা য়ৌহনবা ঙমহনখি অমসুং সিস্তেমেতিক লীকেজ লৈহনদে।.

PMJDY না অনবেঙ্কশিং বেঙ্কিং সিস্তেমদা পুশিল্লকখি, ভারতকী ফাইনান্সিএল আর্কিতেকচর চাউথোকহনখি অমসুং নহা খুদিংমক্তা ফাইনান্সিএল ইনক্লুজন ফংহনখি।

1. PMJDY গী মখাদা মাইপাকখিবশিং – ওগস্ত 16, 2023 ফাওবদা

• ওগস্ত 9, 2023 ফাওবদা লৈরিবা অপুনবা PMJDY একাউন্তশিং: করোর 50.09; জন-ধন একাউন্ত হোল্দর 55.6% (করোর 27.82) দি নুপীশিং ওইখি অমসুং জন ধন একাউন্তশিংগী 66.7% (করোর 33.45)না খুঙ্গং অমসুং সেমি-অর্বানগী মফমশিংগী ওইখি।
• স্কীম অসিগী অহানবা চহিগী মনুংদা PMJDY একাউন্ত করোর 17.90 হাংখি
• PMJDY গী মখাদা একাউন্তশিংগী মশিং লেপ্তনা হেনগৎলকখি
• PMJDY একাউন্তশিং অসি মার্চ 15দা করোর 14.72 ওইরম্বদগী 16-08-2023ফাওবদা করোর 50.09 ওইদুনা শরুক-অহুম হেনগৎখি। ফাইনান্সিএল ইনক্লুজন প্রোগ্রামগী শীংথানীংঙাই ওইবা খোঙচৎ অমা ওইখি।

 PMJDY একাউন্তশিংগী মখাদা তৌখিবা দিপোজিৎ  –

PMJDY একাউন্তশিংগী মখাদা পুন্না দিপোজিৎ তৌখিবা বেলেন্সশিং অসি লুপা করোর 2,03,505 ওইখি।

• একাউন্তশিংদা শরুক 3.34 ওইবগা লোয়ননা দিপোজিৎ তৌবদা শরুক 13 হেনগৎলকখি(ওগস্ত’23 / ওগস্ত’15)

PMJDY একাউন্ত অমদা তৌবা এভরেজ দিপোজিৎ –

16.08.2023 ফাওবদা একাউন্ত অমদা তৌবা এভরেজ দিপোজিৎ অসি লুপা 4,063  ওইখি।

• একাউন্ত অমদা চাংচৎ ওইনা তৌবা দিপোজিৎ অসি ওগস্ত 15দগী শরুক 3.8 হেন্না হেনগৎখি।
• চাংচৎ ওইনা তৌবা দিপোজিৎশিংদা হেনগৎলক্লিবা অসিনা একাউন্তশিং শীজিন্নবা হেনগৎখি অমসুং একাউন্ত হোল্দরশিংগী মরক্তা সেভিং তৌবগী হৈনবী লৈবা হেনগৎখি হায়না তাক্লি।

5. PMJDY একাউন্ত হোল্দরশিংদা ইসু তৌখিবা রুপে কার্দ

• PMJDY একাউন্ত হোল্দরশিংদা পুন্না ইসু তৌখিবা রুপে কার্দ: করোর 33.98
• রুপে কার্দকী মশিং অমসুং মসি শীজিন্নবা মতমগা ইরোইননা হেনগৎলকখ্রে।

জন ধন দর্শক এপ (JDD এপ)

লৈবাক অসিদা বেঙ্ক ব্রাঞ্চশিং, ATMশিং, বেঙ্ক মিত্রাশিং, পোস্ত ওফিসশিং অসিগুম্বা বেঙ্কিং তচ পোইন্তশিং লোকেৎ তৌনবগী সিতিজেন সেন্ত্রিক প্লেৎফোর্ম অমা ফংহন্নবা মোবাইল এপ্লিকেসন অমা হৌদোকখি। JDD এপতা বেঙ্কিং তচপোইন্ত লাখ 13 হেন্না মেপ তৌখি। জন ধন দর্শক এপকী মখাদা ফংলিবা খুদোংচাবশিং অসি মীচম মীয়ামগী মথৌ তাবা অমসুং খুদোংচাবগী মতুং ইন্না ফংগনি। এপ্লিকেসন অসিগী ৱেব ভর্জন অসি লিঙ্ক অসিদা এক্সেস তৌবা য়াগনি http://findmybank.gov.in.

এপ অসিনা বেঙ্কিং তচপোইন্তশিংনা কি.মি. 5কী মনুংদা লৈবা খুদোংচাবা ফংদ্রিবা খুঙ্গংশিং খঙদোকপদসু শীজিন্নরি। খঙদোক্লবা খুঙ্গংশিং অসিদা বেঙ্কিং আউতলেতশিং হাংনবা মরী লৈনবা SLBSশিংনা তোঙান-তোঙানবা বেঙ্কশিংদা এল্লোকেৎ তৌখি। খোঙথাংশিং অসিনা অসিগুম্বা খুঙ্গংশিংগী মশিং চাউনা হন্থহনবা ঙমখি।

জুলাই 2023 ফাওবদা JDD এপতা খুঙ্গং পুন্না লাখ 6.01 মেপ তৌখি। মসিগী মনুংদা পুন্না মেপ তৌখিবা খুঙ্গংশিংগী 5,99,468 (99.7%) দি বেঙ্কিং আউৎলেৎশিংনা কবর তৌখি (কিমি 5গী রেদিয়স মনুংদা লৈবাবেঙ্ক ব্রাঞ্চ, বেঙ্কিং কোর্নর নত্ত্রগা ইন্দিয়ন পোস্ত পেমেন্ত বেঙ্কশিং (IPPB))

DBT ত্রাঞ্জেকসনশিং নীংথিনা তৌবা ঙম্নবা মাইকৈ অমদা:

বেঙ্কশিংনা খঙহল্লকপগী মতুং ইন্না PMJDY একাউন্ত হোল্দর করোর 6.26 রোমনা তোঙান তোঙানবা স্কীমশিংগী মখাদা সরকারদগী দাইরেক্ত বেনিফিৎ ত্রান্সফর (DBT) ফংখি। ইলিজিবল ওইবা বেনিফিসরীশিংনা মখোয়গী DBT মতম চানা ফংনবা বিভাগশিংনা DBT মিসন, NPCI, বেঙ্কশিং অমসুং তোঙান-তোঙানবা অতোপ্পা মন্ত্রালয়শিংগা লোয়ননা তান্নদুনা DBT দা অশোইবশিং থোক্লিবা ঙাকথোকপা য়াবা মরমশিং খঙদোকপদা অচৌবা থৌদাং লৌরি।

দিজিতেল ত্রাঞ্জেক্সনশিং: PMJDY গী মখাদা রুপে দেবিত কার্দ করোর 33.98 হেন্না ইসু তৌখিবা অমসুং PoS/mPoS মেছিন লাখ 79.61 ইন্সতোল তৌখিবা অমসুং UPI গুম্বা মোবাইল বেজ পেমেন্ত সিস্তেমশিং পুথোরকপগা লোয়ননা দিজিতেল ত্রাঞ্জেক্সনশিংগী অপুনবা মশিং FY 17-18দা করোর 1,471  ওইরম্বদগী FY 22-23দা করোর 11,394 য়ৌখি। য়ু.পি.আই. ফাইনান্সিএল ত্রাঞ্জেক্সনশিংগী অপুনবা মশিং অসি FY 2017-18 দা করোর 92ওইরম্বদগী FY 2022-23দা করোর 8,371 দা হেনগৎলকখি। মসিগা মান্ননা PoS অমসুং ই-কম্মর্সকী রুপে কার্দ ত্রাঞ্জেক্সনশিংগী অপুনবা মশিং অসি FY 2017-18 দা করোর 67ওইরম্বদগী FY 2022-23দা করোর 126দা হেনগৎলকখি।

মাংদা লৈরিবা লম্বেল

1. মাইক্রো ইন্সুরেন্স স্কীমশিংগী মখাদা PMJDY একাউন্ত হোল্দরশিংগী কবরেজ হেনগৎহন্নবা হোৎনবা। ইলিজিবল ওইবা PMJDY একাউন্ত হোল্দরশিং PMJJBY অমসুং PMSBY গী মখাদা কবর তৌনবা হোৎনবা। হীরম অসিগী মতাংদা বেঙ্কশিংদা মমাংদা খঙহনবা লৈখ্রে।
2. ভারত শিনবা থুংবদা এসেপ্তেন্স ইনফ্রাস্ত্রকচর শেমদুনা PMJDY হোল্দরশিংগী মরক্তা রুপে দেবিত কার্দ শীজিন্নবা য়াওনা দিজিতেল পেমেন্তশিং তৌনবা পুক্নীং থৌগৎপা।
3. PMJDY একাউন্ত হোল্দরশিংবু ফ্লেক্সি-রিকরিং দিপোজিৎ অসিগুম্বা মাইক্রো-ক্রেদিত অমসুং মাইক্রো ইনভেস্তমেন্তগী এক্সেস ফংবা হেনগৎহনবা।

****