ઓણમ, રક્ષાબંધન અને કૃષ્ણ જન્માષ્ટમીના આગામી તહેવારો માટે ખાંડની મજબૂત માંગને ધ્યાનમાં રાખીને, 2 LMT નો વધારાનો ક્વોટા (ઓગસ્ટ, 2023 મહિના માટે અગાઉથી ફાળવેલ 23.5 LMT થી વધુ) ઓગસ્ટ, 2023 મહિના માટે ફાળવવામાં આવી રહ્યો છે. સ્થાનિક બજારમાં વધારાની ખાંડ સમગ્ર દેશમાં વાજબી ભાવો સુનિશ્ચિત કરશે.

છેલ્લા એક વર્ષમાં આંતરરાષ્ટ્રીય ખાંડના ભાવમાં 25%નો વધારો થયો હોવા છતાં, દેશમાં ખાંડની સરેરાશ છૂટક કિંમત આશરે ₹43.30 પ્રતિ કિલો છે અને તે એ જ રેન્જમાં જ રહેવાની શક્યતા છે. છેલ્લા 10 વર્ષોમાં દેશમાં ખાંડના ભાવમાં વાર્ષિક 2%થી ઓછો ફુગાવો રહ્યો છે.

વર્તમાન સુગર સિઝન (ઓક્ટો-સપ્ટેમ્બર) 2022-23 દરમિયાન, ભારતમાં ઇથેનોલ ઉત્પાદન માટે લગભગ 43 LMTના ડાયવર્ઝન પછી 330 LMT ખાંડનું ઉત્પાદન થવાનો અંદાજ છે. સ્થાનિક વપરાશ લગભગ 275 LMT રહેવાની ધારણા છે.

વર્તમાન તબક્કે, ભારત પાસે વર્તમાન SS 2022-23ના બાકીના મહિનાઓ માટે તેની સ્થાનિક માંગને પહોંચી વળવા માટે પૂરતો ખાંડનો સ્ટોક છે અને આ સિઝનના અંતે એટલે કે 30.09.2023માં 60 LMT (2 ½ મહિના માટે ખાંડના વપરાશને પહોંચી વળવા માટે પર્યાપ્ત) નો મહત્તમ બંધ સ્ટોક ઉપલબ્ધ થશે.

ખાંડના ભાવમાં તાજેતરનો વધારો દર વર્ષે જુલાઇ-સપ્ટેમ્બર દરમિયાન ટૂંક સમયમાં જ ઠંડો પડી જશે, આગલી સીઝન પહેલા ભાવ વધે છે અને પછી શેરડી પિલાણ શરૂ થતાં નીચે આવે છે. આમ, ખાંડના ભાવમાં વધારો ખૂબ જ નજીવો અને ટૂંકા ગાળા માટે છે.

CB/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com