রোদ ত্রান্সপোর্ত অমসুং হাইৱে মন্ত্রালয়
শ্রী নিতিন গারকরীনা ভারত এনকেপ (নিউ কার এসেসমেন্ত প্রোগ্রাম) হৌদোকখ্রে
মসি ঐখোয়গী কঞ্জ্যুমরশিংদা হেন্না শাফগদবা কারশিং লৈবদা হেন্না ফবা মওংদা খঞ্জবা ঙমহন্নবগীদমক মপাঙ্গল হাপ্পগী মায়কৈদা থাংজিনবা মরুওইবা খোঙথাঙ অমনি: শ্রী গারকরী
ভারত এনকেপ অমদি এ.আই.এস.-১৯৭গী মখাদা শেমগৎলিবা অনৌবা সেফ্তী রেজিম অসি মেনুফেকচররশিং অমদি কঞ্জ্যুমরশিং অনিমক্তা কান্নহল্লি: শ্রী গারকরী
প্রোগ্রাম অসি ওক্তোবর ১, ২০২৩দগী চৎনবা হৌগনি
Posted On:
22 AUG 2023 2:30PM by PIB Imphal
রোদ ত্রান্সপপোর্ত অমদি হায়ৱেজকী কেন্দ্র মন্ত্রী শ্রী নিতিন গারকরীনা ভারত্তা তন ৩.৫ ফাওবগী গারীশিংগী ভেহিকল সেফ্তী স্তেন্দর্দ থাক ৱাংখৎহন্দুনা লম্বী চত্থোক চৎশিন্দা শাফবা ফীভম হেনগৎহন্নবগী পান্দমদা ঙসি নই দিল্লীদা ভারত নিউ কার এসেসমেন্ত প্রোগ্রাম (ভারত এনকেপ) হৌদোকখ্রে।
তিল্লিবা মীয়ামগী মফমদা ৱা ঙাঙলদুনা, মহাক্না হায়রিবা অসি ঐখোয়গী কঞ্জ্যুমরশিংদা হেন্না শাফগদবা কার লৈবদা হেন্না ফবা মওংদা খঞ্জবা ঙমহন্নবগীদমক মপাঙ্গল হাপ্পগী মায়কৈদা থাংজিনবা মরুওইবা খোঙথাঙ অমনি হায়খি।
শ্রী গারকরীনা ভারত এনকেপনা ভারত্তা গারীশিংগী সেফ্তী অমদি ক্বালিতী চাউনা হেনগৎহনবগা লোয়ননা ও.ই.এম.শিংদা হেন্না শাফগদবা গারীশিং পুথোকপগী লমদা অফবা মওংগী হিদান্নবগী ফীভম য়োকখৎকনি হায়খি। ভারত এনকেপ অমদি এ.আই.এস.-১৯৭গী মখাদা শেমগৎলিবা অনৌবা সেফ্তী রেজিম অসি গারী পুথোক্লিবা অমদি গারী লৈদুনা শীজিন্নরিবা অনিমক্তা কান্নহনগনি অমদি ঐখোয়গী মীয়ামগী পুন্সি কনবদা মরুওইবা খোঙথাঙ ওইগনি অমসুং ঐখোয়গী ওতোমোবাইল ইন্দস্ত্রীবু মালেমগী খ্বায়দগী মকোক থোংবা ওতো মেনুফেকচরিং হব ওইহনবদা মতেঙ ওইগনি হায়না মহাক্না হায়খি।
প্রোগ্রাম অসি জি.ভি.দব্লিউ. ৩.৫তিদগী হন্থবা এম.১ কাঙলুপকী অয়াবা পীরবা ইঞ্জিন পানবা গারীশিং মখলশিংদা চৎনগনি। মসি অপীবা গারী মোদেল অমগী খ্বায়দগী মখা থংবা ভেরিএন্ত অদুদা চাংয়েং তৌগদবা ভলুন্তরী প্রোগ্রাম অমনি।
প্রোগ্রাম অসি ওক্তোবর ১, ২০২৩দগী হৌজনি অমদি ওতোমোতিব ইন্দস্ত্রী স্তেন্দর্দ (এ.আই.এস.) ১৯৭দা য়ুম্ফম ওইগনি। প্রোগ্রাম অসিনা সেফ্তী এনহেন্সমেন্তকী লমদা হিদান্নবগী ফীভম অমা শেমগত্তুনা কঞ্জ্যুমরশিংদা খঙবা হেনগৎহন্নবা পান্দম থম্লি। কঞ্জ্যুমরশিংনা ক্রাস তেস্ত কন্দিসনশিংদা গারীশিংনা পীখিবা পর্ফোর্মেন্স চাংদম্নদুনা গারী লৈবদা মরম খঙনা লৈবা ঙমহল্লগনি।
এনকেপনা ও.ই.এম.শিংদা মালেমগী সেফ্তী স্তেন্দর্দকা চুনবা গারীশিং পুথোক্নবা তাঞ্জা অমা পুরক্লি। প্রোগ্রাম অসি সেন্ত্রেল ইন্সতিত্যুৎ ওফ রোদ ত্রান্সপোর্ত (সি.আই.আর.তি.)না পায়খৎকদবনি। প্রোগ্রাম অসি স্তেকহোল্দরশিংগা তানরবা মতুংদা অওনবা কয়া পুরকখ্রে।
*****
(Release ID: 1951043)
Visitor Counter : 90