শেনমিৎলোন্দা মন্ত্রীমন্দলগী মীফম (সি.সি.ই.এ.)
ভারতকী খুঙ্গং অমসুং সহরগী খুৎহৈবশিং মতেং পাংনবা কেন্দ্রগী অনৌবা স্কিম ‘পি.এম বিশ্বকর্মা’ কেন্দ্রগী মন্ত্রীমন্দলনা অয়াবা পীরে
স্কিম অসিগী লুপা করোর ১৩,০০০গী শেনফম অমা কাইথোক্লে
প্রধান মন্ত্রী বিশ্বকর্মা স্কিমগী মখাদা অহানবা ওইনা মমাঙঙৈদগী লৈরক্লবা শীনফম ১৮ কোনশিল্লে
Posted On:
16 AUG 2023 4:21PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা কেন্দ্রগী অনৌবা স্কিম ‘পি.এম বিশ্বকর্মা’ কেন্দ্রগী অয়াবা পীরে, মসিগীদমক চহি ৫ ( শেনবা চহি ২০২৩-২৪ দগী শেনবা চহি ২০২৭-২৮)গী ওইনা লুপা করোর ১৩,০০০ কাইথোক্লে। স্কিম অসিনা মখোয়গী খুৎ অমসুং খুৎলায়শিংনা থবক শুরিবা খুৎহৈবশিংগী গুরু-সিস্যা পরম্পরা নত্ত্রগা ইমুং-মনুংগী মীওইশিংনা শুবা থবকশিং ফগৎহন্নবা পান্দম থম্লি। খুৎহৈবশিংগী থবকশিং অমসুং পোৎথোকশিং মগুন হেনগৎহন্নবা অমসুং লৈবাক মনুংগী অমসুং মালেমগী ভেলু চেনশিংদা বিশ্বকর্মাশিং শরুক য়াবা ঙমহনগনি।
প্রধান মন্ত্রী বিশ্বকর্মা স্কিমগী মখাদা, খুৎহৈবশিং প্রধান মন্ত্রী বিশ্বকর্মা সর্তিফিকেদ অমসুং আই.দি কার্দ পীদুনা শক খঙগনি, শেন্দোয় চাদা ৫গী চাংদা অহানবা তাঙ্কক্তা লুপা লাখ ১ অমসুং অনিশুবা তাঙ্কক্তা লুপা লাখ ২ পীগনি। স্কিম অসিনা মখা তানা স্কিল হেনগৎহনগনি, খুৎলায় লৈনবা মতেং পীগনি, দিজিতেল ত্রান্সসেক্সনগী মতেং পীগনি অমসুং য়োনফমগী মতেং পাংগনি।
স্কিম অসিনা ভারতকী খুঙ্গং অমসুং সহরগী খুৎহৈবশিং মতেং পাংগনি। অহানবা ওইনা প্রধান মন্ত্রী বিশ্বকর্মা স্কিমগী মখাদা, মমাঙঙৈদগী লৈরক্লবা শীনফম ১৮ কোনশিল্লে। হায়রিবা শীনফমশিং অদুদি (১) উ শুবা; (২) হি শাবা; (৩) লালগী খুৎলায় শাবা;(৪) য়োৎ শুবা;(৫) নুংথং অমসুং খুৎলায় শাবা;(৬) শো শাবা;(৭) সনা শাবা;(৮) চফু শাবা;(৯) মুর্ত শাবা;(১০) নুঙ থুগায়বা;(১১) খোঙউপ শাবা;(১২) লাইধি শাবা;(১৩) শম ককপা;(১৪) লৈ পরেং লেংবা;(১৫) ফি শুবা;(১৬) ফি তুবা;(১৭) লাং লোনবা; (১৮) চেক শুবা অসিনি।
****
(Release ID: 1949744)
Visitor Counter : 110
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam