প্রধানমন্ত্রীগী লোইশঙ
ভারতকী অনৌবা লাল্লোংগী থৌনা লৈরে; হান্নদগী হেন্না ঙমখৈশিং চেকশিল্লে: লাল কিলাদগী নিংতম্বা নুমিৎ থৌরমগী ৱা ঙাংবদা প্রধান মন্ত্রী শ্রী নরেন্দ্র মোদী
“আর্মদ ফোর্সশিং মতমগা চুনবা মওংদা শেমগৎলে; নহা কয়া শরুক য়াহল্লে অমসুং তুংদা লাকপা শিংনবশিং থেংননবা লানগী থৌরাং তৌদুনা লৈরি”
Posted On:
15 AUG 2023 2:00PM by PIB Imphal
ওগস্ত ১৫, ২০২৩ ৭৭শুবা নিংতম্বা নুমিৎ থৌরমগী লাল কিলাদগী মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা হায়খি চহি খর অসিদা ভারতকী অনৌবা লাল্লোংগী থৌনা অমা লৈরে অমসুং ঙসি, হান্নদগী হেন্না ঙমখৈশিং চেকশিল্লে। মহাক্না হায়খি হৌজিক মালেমগী সেকুরিতিগী ওইরিবা ফিবম অসিদা লৈবাক্কী ঙাক-শেনগী তঙাইফদবা থবকশিং সরকারনা চোকথবা লৈতনা পায়খৎলি। আর্মদ ফোর্সশিং মতমগা চুনবা মওংদা শেমগৎনবা অমসুং মখোয় নহা কয়া শরুক য়াহন্নবা মিলিতরিগী অওনবা কয়া পায়খৎলে অমসুং তুংদা লাকপা শিংনবশিং থেংননবা লানগী থৌরাং তৌদুনা লৈরি।
প্রধান মন্ত্রীনা হায়খি ঙসি লৈবাক অসিগী মীয়াম অশোই-অঙাম থোক্ত্রে, তেরোরিস্তশিংগী এক্তেকশিং মশিং হন্থরে। লৈবাক অসি শান্তি লৈরবা অমসুং অশোই-অঙাম থোক্ত্রবা মতমদা, চাউখৎপগী অনৌবা পান্দমশিং ফংবা ঙমগনি।
প্রধান মন্ত্রীনা হায়খি দিফেন্স পেন্সন্নরশিংনা মতম কয়াগী মমাঙদগী তান্দুনা লাকপা ৱান রেঙ্ক ৱান পেন্সন স্কিম সরকারনা থবক ওইনা পায়খৎলে।ৱান রেঙ্ক ৱান পেন্সন অসি ঐখোয়গী লৈবাক্কী লান্মীশিংগী ইকায়খুম্নবগা মরী লৈনবা ৱাফম্নি। ঐখোয়না সরকার পায়রকপগা মসি চৎনবা হৌখি। এক্স-সর্বিসমেন অমসুং মখোয়গী ইমুং-মনুংদা লুপা করোর ৭০,০০০ য়ৌখ্রে।
লৈবাক অসি ঙাক্নবা ঙমখৈশিংদা লৈরিবা লান্মীশিংদা প্রধান মন্ত্রীনা নিংতম্বা নুমিৎকী য়াইফ-পাউজেল পীখি।
*****
(Release ID: 1949361)
Visitor Counter : 85
Read this release in:
Tamil
,
Kannada
,
English
,
Khasi
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Telugu
,
Malayalam