Ka Ophis jong u Myntri Rangbah duh ka ri

Ka India ka la ioh ia ka bor ba thymmai; ki jaka khappud ki long kiba la kham shngain: U Myntri Rangbah Duh, u Narendra Modi ha ka jingai jingkren na Red Fort ha ka lyngkhuh sngi ioh jinglaitluid

“Ki kynhun pahara ki dei kiba dang pynthymmai; Ka jingpynthikna ia ka jingdon kiba samla bad kiba khreh ban iakhun na ka bynta ki jingeh kiba lah ban wan ka dei ka jingpeit bniah jong ngi”

Posted On: 15 AUG 2023 2:00PM by PIB Shillong

“Ka India ha kine ki snem ba la dep ka la ioh ia ka bor kaba thymmai bad mynta ki jaka khappud ki dei kiba la kham shngain,” la ong u Myntri Rangbah Duh, u Narendra Modi ha ka jingai jingkren jong u sha ka ri na ka Red Fort, Delhi ha ka lyngkhuh sngi ioh jinglaitluid kaba 77 ha ka 15 tarik u Nailar, 2023. U la kren shaphang ka jingkut jingmut ka Sorkar ban pynthikna ia ka jingshngain jong ka ri hapdeng ki jingeh ha ka jingiadei hapdeng kiwei kiwei ki ri bad u la ong ba ki jingpynkylla ki iadei bad ki kam pahara ban pynthymmai ia ki kynhun pahara bad pynthikna ia ka jingdon ki samla kiba la khreh ban iakhun pyrshah ki jingeh kiba lah ban wan.

U Myntri Rangbah Duh u la ong ruh ba ki briew jong ka ri ki sngew shngain mynta namar ki jingjia pyntriem jong ki nongkieng atiar ki la duna bha mynta. Haba ka ri ka long kaba shongsuk shongsain, ngi lah ban pynurlong ia ki thong kiba thymmai, u la ong.

U Myntri Rangbah Duh u la kren ruh shaphang ka skhim One Rank One Pension, ka jingdawa kaba la sah teng na kito kiba la shongthait na ki kam pahara bad u la ong ba ka Sorkar Modi ka la pyntreikam ia kane mar syn wan ha ka bor. “Ka OROP ka dei ka jingburom ia ki shipai jong ka ri jong ngi. Ngi la pyntreikam ia ka mar syn wan ha ka bor. La pynpoi T. 70,000 klur sha kito kiba la shongthait na ki kam pahara bad kiba haiing jong ki mynta,” u la ong.

U Myntri Rangbah Duh u la ai khublei Sngi Ioh Jinglaitluid sha ki dkhot jong ki kynhun pahara kiba don ha ki jaka khappud kiba pynthikna ba ka ri ka long kaba shngain bad kiba iada ia ka bha ka miat jong ka India.



(Release ID: 1949028) Visitor Counter : 93


Read this release in: Tamil , Kannada , English , Urdu , Hindi , Marathi , Bengali , Manipuri , Assamese , Punjabi , Gujarati , Odia , Telugu , Malayalam