ইনফোর্মেসন অমসুং ব্রোদকাস্তিং মন্ত্রালয়

প্রসার ভার্তিনা ইন্দিপেন্দেন্স দে ২০২৩গী লাইব কবরেজগীদমক মপুং ফানা থৌরাং তৌরে


থৌরম অসি এঙ্গল খুদিংমক্তগী কবর তৌনবগীদমক অপুনবা কেমেরা ৪০গী মনুংদা রোবোতিক কেমেরা ৫ অমসুং ৩৬০-দিগ্রী কেমেরা ২ শিজিন্নগনি

লাইব কবরেজ ওগস্ত ১৫দা অয়ুক পুং ৬:১৫দা হৌগনি

Posted On: 14 AUG 2023 3:39PM by PIB Imphal

৭৭শুবা ইন্দিপেন্দেন্স দেগী মাংওইননা প্রসার ভার্তিনা লাল কিলাদগী থৌরমশিং লাইব কবরেজ তৌনবগীদমক পাক চাউনা শিন লাংলি। প্রধান মন্ত্রী শ্রী নরেন্দ্র মোদীনা ২০২৩গী ওগস্ত ১৫দা দিল্লীগী পুৱারী ওইরবা লাল কিলাদগী ৭৭শুবা ইন্দিপেন্দেন্স দে পাংথোকপদা লৈবাকপু লমজিংগনি। মহাক্না জাতিগী ফিরাল পাইহনগনি অমসুং পুৱারী ওইরবা মোনুমেন্ত অসিগী লানবনদগী জাতিদা ৱা ঙাংগনি।

চহি অসিগী ইন্দিপেন্দেন্স দেদা ‘আজাদি কা অমৃৎ মহোৎসব’ সেলেব্রেসন লোইশিনগনি, মদু প্রধান মন্ত্রীনা ২০২১গী মার্চ ২১দা গুজরাতকী অহমেদাবাদতা সাবরমতি আশ্রমদগী হৌদোকখি অমসুং ভারতপু ২০৪৭ ফাওবদা চাউখৎপা লৈবাক অমা ওইহনবগী শ্রী নরেন্দ্র মোদীগী মংলানবু মংফাওনহন্নবা অমুক হন্না লৈবাক অসিনা অনৌবা ইনোৎকা লোয়ননা ‘অমৃৎ কাল’দা খোং থাংজিল্লগনি। ৭৭শুবা ইন্দিপেন্দেন্স দে পাংথোক্নবগীদমক অনৌবা খোংথাং কয়া অমা লৌখৎলে। মমাং চহিগা চাংদম্নবদা মশিং য়াম্লবা মীথুংলেন কয়া অমা বার্তন তৌখ্রে।

ইন্দিপেন্দেন্স দে সেলেব্রেসনগী দি.দি. অমসুং এ.আই.আর.গী কবরেজ ইন্দিপেন্দেন্স দেগী মাংওইননা ওগস্ত ১৪গী নুমিদাং পুং ৭ তাবদা ভারতকী রাস্ত্রপতি শ্রীমতী দ্রৌপদি মুর্মুগী জাতিদা পীবা পাউজেল ব্রোদকাস্ত তৌবগা লোয়ননা হৌদোক্কনি।

হন্দক্কী ওগস্ত ১৫দা পাংথোক্কদৌরিবা ইন্দিপেন্দেন্স দে থৌরমগী দুরদর্শনগী লাইব কবরেজ কেমেরা ৪০ হেনবনা কবর তৌদুনা প্রধান মন্ত্রী মোদীনা লাল কিলাদা মচু অহুমগী ফিরাল পাইহনবা মতমদা পুৱারী ওইবা মীকুপ অদুগী রিচ অমসুং ৱাইদ পর্সপেক্তিব পীগনি।

মীৎয়েং তারিবশিংবু পুক্নিং হুরবা এক্সপরিয়েন্স পীনবগীদমক দুরদর্শন্না কেমেরা ৪১ দিপ্লোই তৌরি। মসিগী মনুংদা ৩৬ লাল কিলাদা দিপ্লোই তৌরি অমসুং ৫না রাজঘাৎতা দিপ্লোই তৌরি। মসিদা রোবোতিক অনমেন কেমেরা ৫ য়াওরি। সেৎঅপ অসিদা ৩৬০-দিগ্রী কেমেরা অনিসু য়াওরি। থৌরম অসিদা দাইনামিক কেমেরা এঙ্গল পীনবগীদমক জিম্মী জিবসতা কেমেরা ৪ অমসুং সিজর ক্রেনদা কেমেরা অমা খিনলি।

ওগস্ত ১৫দা প্রধান মন্ত্রীগী স্পীস লাইব কবর তৌনবগীদমক অচেৎপা অমসুং এক্সপরিয়েন্স লৈরবা তিম অমা দিপ্লোই তৌরে। থৌরমগী লাইব সেদ্যুল অয়ুক পুং ৬:১৫দা হৌগনি। দিপ্লোই তৌরিবা কেমেরা তিমদা নুপী কেমেরাপর্সন অনি য়াওরি। লাইব কবরেজ দুরদর্শনগী নেতৱার্ক পুম্নমক্তা শন্দোক্কনি। মসিগা লোয়ননসু দুরদর্শন ন্যুজদা সাইন লেঙ্গোইজ ত্রান্সলেসনগী খুদোংচাবসু লৈগনি। য়ুত্যুবতা থৌরম অসিগী লাইব স্ত্রিমসু তৌগনি।

ওল ইন্দিয়া রেদিওগী নেস্নেল চেনেলশিংনা ইংলিস অমসুং হিন্দী লোনদা থৌরম পুম্বা লাইব ব্রোদকাস্ত তৌগনি। ওল ইন্দিয়া রেদিওনা নুমিৎচুপ্পা তোঙান তোঙানবা লৈবাক নিংবা অমসুং কলচরেল প্রোগ্রামশিং শন্দোক্কনি।

তোঙান তোঙানবা রাজ্যশিংদা দুরদর্শন অমসুং অকাশৱানিগী রিজনেস স্তেসনশিংনা মখোয় মখোয়গী রাজ্যশিংদা পাংথোকপা লোকেল ইন্দিপেন্দেন্স দে থৌরম শন্দোক্কনি।

*****



(Release ID: 1949277) Visitor Counter : 78