“মিসন মোদ, মলতি পার্তনর, মলতি সেক্তর তার্গেতেদ দ্রাইবকী খুত্থাংদা গ্লোবেল তার্গেৎকী চহি অহুম মাংওইননা 2027ফাওবদা লম্ফাতিক ফিলরায়াসিস মুত্থৎনবা ভারতনা ফিরেপ লৌখি”। হকশেল অমসুং য়াইফ-য়ুম্বাল মন্ত্রালয়গী রাজ্য মন্ত্রী, দা. ভারতী প্রবিন পাৱর, হকশেল অমসুং য়াইফ-য়ুম্বাল মন্ত্রালয়গী রাজ্য মন্ত্রী, প্রোফেসর এস পি সিংহ ভেগেল য়াওনা ঙসি চহিগী ওইনা লৈবাক শিনবা থুংবদা পাঙথোকপা মাস দ্রগ এদমিনিস্ত্রেসন (MDA) ইনিসিএতিবকী অনিশুবা তাঙ্কক হৌদোকপদা ৱাফম অসি  পাঙথোকখিবা হকশেল অমসুং য়াইফ-য়ুম্বালগী কেন্দ্র মন্ত্রী দা. মনসুখ মন্দাবিয়ানা ফোঙদোকখিবনি।

কেন্দ্র মন্ত্রীনা মখা তারদুনা হায়খি মদুদি “জন  ভাগীদারি অমসুং ‘হোল ওফ গভর্নমেন্ত’ অমসুং ‘হোল ওফ সোসাইতী’ এপ্রোচকী খুত্থাংদা ঐখোয়না লৈবাক অসিদগী লাইনা অসিবু মুত্থৎপা ঙমগনি” । ওগস্ত 10, 2023দা হৌদোকখিবা অনিশুবা তাঙ্কক অসিনা এন্দেমিক স্তেৎ 9গী জিলা 81দা কোনশিনগনি (অসাম, বিহার, ছত্তিসগর, ঝারখন্দ, কর্নাতকা, মহারাস্ত্র, ওরিশা, তেলঙ্গানা অমসুং উত্তর প্রদেশ)।

ভর্চুএল মোদতা ছত্তিসগরগী উপ মুখ্য মন্ত্রী, শ্রী তি এস সিংহ দিও, উত্তর প্রদেশকী উপ মুখ্য মন্ত্রী, শ্রী ব্রিজেশ পথক, ওরিশাগী হকশেল মন্ত্রী, শ্রী নিরঞ্জন পুজারি, অসামগী হকশেল মন্ত্রী শ্রী কেশব মহন্তা, ঝারখন্দগী হকশেল মন্ত্রী শ্রী বন্না গুপ্তানা হৌদোকপগী থৌরমদা শরুক য়াখি।

দা. মন্দবিয়ানা থৌরম অদুদা ৱা ঙাংবদা হায়খি মদুদি “হীদাক চাবা খক্তা নত্তনা কাংশিংগী খুত্থাংদা লাইনাশিং শন্দোকপা থিংবদা মতেং পাংগদবনি মসি খক্তদা ঐখোয়গী পান্দম অসি চাউনা মাইপাকপা ঙমগনি”।

কেন্দ্রগী হকশেল মন্ত্রীনা হায়খি পুম্নমক্কীদমক মশা মউ ফবা লৈবাক অমা ওইহন্নবা রাজ্য অমসুং কেন্দ্র সরকারশিংগী মরক্তা সিনর্জী লৈবা হেনগৎহনগদবনি। নিক্ষয় মিত্রাগী খুদম পীরদুনা হকশেলদা জন অন্দোলনগী ইহৌশিংনা মাইপাকহনখিবা অদু পল্লদুনা দা. মন্দাবিয়ানা হায়খি, “কম্ম্যুনিতী এঙ্গেজমেন্তনা গ্রাসরুৎ লেবেলশিংদগী হৌরগা স্তেকহোল্দর পুম্নমক য়াওহন্দুনা মিসন অসি চাউনা মাইপাকপদা শরুক তমগনি”। মাস মুফমেন্তগী মরু ওইবা অদু থম্লদুনা হকশেল মন্ত্রীনা মখা তারদুনা হায়, “খুঙ্গংশিং, পঞ্চায়ৎশিংদা এৱের্নেস পীবদা মতেং পাংবা অমসুং কম্ম্যুনিকেসন কেম্পেনশিং পাঙথোকপনা ইহৌ অসিবু শাহৌ পীদুনা লৈবাক শিনবা থুংবদা য়ৌহনবা ঙমগনি”। খোঙথাংশিং অসি মপাঙ্গল কনখৎহন্নবা দা. মন্দাবিয়ানা লাইনা অসি মুত্থৎনবা হেল্থকিয়র ৱার্করশিং নত্ত্রগা প্রোফেস্নেলশিংগী মমাংদা হীদাক চাবদা মরু ওইবা মীৎয়েং চংগদবনি হায়না ফোঙদোকখি।

থৌরম অসিদা দা. মন্দাবিয়ানা নেস্নেল গাইদলাইন্স ফোর ক্লিনিকেল মেনেজমেন্ত ওফ দেঙ্গি ফিবর 2023 অমসুং চিকনগুনিয়া ফিবর লোঞ্চ তৌখি।

হকশেল অমসুং য়াইফ-য়ুম্বাল মন্ত্রালয়গী সেক্রেতরী, শ্রী সুধান্স পন্তনা হায়খি, “ফিলরায়াসিসকী মায়োক্তা মাস দ্রগ এদমিনিস্ত্রেসন কেম্পেন হৌদোকপা অসিনা ঐখোয়গী লৈবাক্কী হেল্থ এজেন্দাদা মরু ওইবা ইহৌ অমা ওইরি। লম্ফাতিক ফিলরায়াসিস মুত্থৎনবা এন্দেমিক দিস্ত্রিক্তনা লেপ্পা লৈতনা MDA কবরেজ চাউনা ফংবা হায়বা অসি মরু ওই। ঐখোয়গী অপুনবা ফিরেপ অসিনা লম্ফাতিক ফিলরায়াসিস মুত্থৎতুনা এন্দেমিক রিজনশিংদা লৈরিবা পুন্সিশিংদা অওনবা পুরক্কনি”।

মীফম অসিদা দিরেক্তর জেনরেল হেল্থ সর্ভিসেস, দা. অতুল গোয়ল, রাজ্য 9গী প্রিন্সিপল সেক্রেতরীশিং অমসুং মিসন দিরেক্তর, মিস লামচোংহোই স্বিতী চাংসন, এদিস্নেল সেক্রেতরী অমসুং মিসন দিরেক্তর (NHM), হকশেল অমসুং য়াইফ য়ুম্বাল মন্ত্রালয়, শ্রী রাজিব মনঝি, জোইন্ত সেক্রেতরী, হকশেল অমসুং য়াইফ য়ুম্বাল মন্ত্রালয়, দা তনু জেন, দিরেক্তর, নেস্নেল সেন্তর ফোর ভেক্তর-বোর্ন দিজিস কন্ত্রোল, হকশেল অমসুং য়াইফ য়ুম্বাল মন্ত্রালয়, দা. এম ইন্দুমতি, দিরেক্তর, দিরেক্তোরেৎ ওফ হেল্থ এন্দ ফেমিলী ৱেল্ফিয়র সর্ভিসেস, কর্নাতকা, রাজ্য 9গী মকোক থোংবা রিজনেল দিরেক্তরশিং অমসুং রিজনেল দিরেক্তরশিং অমসুং মকোক থোং সরকারগী ওফিসিএলশিংনা শরুক য়াখি।

****