দুরান্দ কপকী ১৩২শুবা এদিসন অসামগী কোক্রঝারদা ২০২৩গী ওগস্ত ০৫দা হৌখ্রে। রক্ষা মন্ত্রী শ্রী রাজনাথ সিংহনা থৌরম অসি হৌদোকখি, মদুনা অসামগী শহরদা অহানবা ওইনা চহিগী পাংথোকপা ফুতবোল চাউনা পাংথোকপা ওইখি। তুর্নামেন্ত অসি আর্ম ফোর্সেসনা ওর্গনাইজ তৌবনি অমসুং অসাম সরকারনা মতেং পাংবনি।

সাই স্তেদিয়মদা তিনখিবা মীয়ামদা ৱা ঙাংলদুনা রক্ষা মন্ত্রীনা কোক্রঝারদা পোজিতিব এনভাইরনমেন্ত শেমগৎনবগীদমক আর্ম ফোর্সেস অমসুং বোদোলেন্দ তেরিতরিয়েল কাউন্সিল (বি.তি.সি.)না হোৎনখিবশিংবু থাগৎখি মদুগী মহৈ ওইনা অহানবা ওইনা শহর অসিদা থৌরম অসি পাংথোক্লি। মহাক্না অৱাং নোংপোক্কী মীয়াম্বু ফুতবোলগীদমক মখোয়গী এক্সাইতমেন্ত অমসুং পামজবা অদুগীদমক থাগৎখি অমসুং ‘ফজরবা মশান্না অসিবু’ শান্ন-খোৎনবা খক্তা নত্তনা ইমোসন অমা ওইনা ফোংদোকখি। হৌখিবা মতম খরদা অসামনা ফুতবোল তেলেন্ত কয়া অমা পুথোকখ্রে ফোংদোক্লদুনা শ্রী রাজনাথ সিংহনা থাজবা থমখি মদুদি দুরান কপ অসিনা নহাশিংবু অনৌবা ইনোৎকা লোয়ননা স্পোর্তসকা শম্নহনবদা পুক্নিং থৌগৎলগনি।

অসামগী মুখ্যমন্ত্রী শ্রী হিমন্ত বিস্বা শর্মনা রিজনগী ইনাক খুল্লবা স্পোর্তস কলচরগী মতাংদা মমুত তানা ৱা ঙাংখি অমসুং শরুক য়ারিবা তিম পুম্নমকপু মহাক্কী ওইবা য়াইপ পাউজেল পীখি। মহাক্না কোক্রঝারদা তুর্নামেন্ত অসি পাংথোকপগীদমক ইন্দিয়ন আর্মীবু থাগৎপা ফোংদোকখি অমসুং বি.তি.সি.না তেংবাংনবা হোৎনখিবশিংবু থাগৎখি।

হৌদোকপগী থৌরম অসিদা রাজ্য অমসুং রিজনদগী ফুতবোলবু পামজবা মীওই ১২,০০০না শরুক য়াখি। থৌরম অসিগী মরুওইবা পুক্নিং চিংশিন্নিংঙাইশিংগী মনুংদা সুখোই-৩০ এম.কে.আই. এয়রক্রাফ অমসুং এম.আই.-১৭ হেলিকোপতরগী ফ্লাইপাস্ত, মার্সিয়েল দিসপ্লেশিং, লোকেল ত্রুপশিংগী বোদো কলচরেল দান্স উৎপগা লোয়ননা গতখা অমসুং ভাঙ্গরা য়াওখি।

অসামগী পাৱর, স্পোর্তস অমসুং য়ুথ এফিয়র্স, কোওপরেসন & আই.তি.এফ.সি. (আর্কিওলোজী) মন্ত্রী শ্রীমতী নন্দিতা গোর্লোসা; হেন্দলুম & তেক্সতাইল, সোইল কঞ্জার্বেসন & ৱেলফেয়র ওফ বোদোলেন্দগী মন্ত্রী শ্রী উর্খাও গ্বরা ব্রহমা; চিফ একজিক্যুতিব মেম্বর, বি.তি.সি. শ্রী প্রমোদ বোরো; চিফ ওফ দি আর্মী স্তাফ জেনরেল মনোজ পান্দে; জি.ও.সি.-ইন-সি ইস্তর্ন কমান্দ লেফতনেন্ত জেনরেল আর.পি. কলিতা; এ.ও.সি.-ইন-সি ইস্তর্ন এয়র কমান্দএয়র মার্সল এস.পি. ধনকর; জেনরেল ওফিসর কমান্দিং, গজরাজ কোর্পস লেফতনেন্ত জেনরেল মনিশ ইর্রে; জেনরেল ওফিসর কমান্দিং, রেদ হোর্নস দিভিজন মেজর জেনরেল এস মুরুগেসন অমসুং প্রসিদেন্ত, ওল ইন্দিয়া ফুতবোল ফেদরেসন শ্রী কল্যান চৌবেসু থৌরম অদুদা শরুক য়াখি।

ঙৌদোকপগী থৌরম মতুং বোদোলেন্দ এফ.সি. অমসুং রাজস্থান য়ুনাইতেদ এফ.সি.গী মরক্তা তুর্নামেন্তকী অহানবা মেচ শান্নখি। কোক্রঝারদা গ্রুপ মেচ নিপাল অমসুং ২০২৩গী ওগস্ত ২৪দা ক্বাতর ফাইনেল শান্নগনি। নেপাল অমসুং বঙ্গলাদেশতগী ফোরেন তিম অনি, ইন্দিয়ন আর্ম ফোর্সেসকী তিম অহুম অমসুং বোদোলেন্দ এফ.সি.গী লোকেল তিম য়াওনা অপুনবা তিম ২৪না তুর্নামেন্ত মনুংদা কোলকতা, গুৱাহাতি অমসুং কোক্রঝারদা থেংনগনি।

******