ঙসি নিউ দিল্লিদা য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা লুচিংদুনা কম্মিতি ওফ পর্লিয়ামেন্ত ওন ওফিসিএল লেঙ্গোইজগী ৩৮শুবা মীফম পাংথোকখ্রে। মীফম মনুংদা, কম্মিতি ওফ পর্লিয়ামেন্ত ওন ওফিসিএল লেঙ্গোইজগী রিপোর্তকী ১২শুবা ভোলুম অয়াবা পীখ্রে অমসুং মসি রাস্ত্রপতিদা খুদোল তমগনি।

য়ুনিয়ন হোম মিনিস্তরনা হায়খি অজাদি কা অমৃত মহোৎসব চহিদা প্রধান মন্ত্রী শ্রী নরেন্দ্র মোদীনা লৈবাক মমাঙদা “পঞ্চ প্রান” থমখ্রে, মখোয়গী মনুংদা প্রান অনিদি- হেরিতেচ ইকায়খুম্নবা অমসুং মীনাই ওইরিঙৈদগী খুদমশিং মুৎথৎপা অসিনি। হায়রিবা প্রান অনি অসি চাদা ১০০ থবক ওইনা পাংথোকপা মতমদা, ভারতকী লোলশিং অমসুং ওফিসিএল লোল মখোয়গী থৌনা উৎলক্কনি। লোল ইকায়খুম্নদনা হেরিতেচ ইকায়খুম্নবা অসি মপুংফাদে অমসুং  ঐখোয়না লমদম অমগী লোলশিং ইকায়খুম্নবা উৎপা হৌরকপা মতমদা ওফিসিএল লোল অয়াবা পীরক্কনি। লমদম অমগী লোলশিংগা হিন্দীগা চাংদম্নবা নত্তে, ভারতকী লোলশিং য়োকখৎলবা মতমদা লৈবাক অসি চাউখৎকনি। মখল অমতগী অথিংবা পীদনা ওফিসিএল লোল অয়াবা পীবা দরকার ওই।

য়ুনিয়ন হোম মিনিস্তরনা হায়খি ইঞ্জিনিয়ারিং অমসুং মেদিকেল কোর্সশিং লোল ১০দা তম্বা হৌনবা প্রধান মন্ত্রী শ্রী নরেন্দ্র মোদীনা থবক পায়খৎলে অমসুং অথুবা মতমদা হায়রিবা কোর্সশিং অসি ভারতকী লোলশিংদা ফংলগনি অমসুং তাঞ্জা অসি লমদম অমগী লোলশিং অমসুং ওফিসিএল লোল চাউখৎপা হৌরগনি। প্রধান মন্ত্রী শ্রী নরেন্দ্র মোদীনা মালেমগী থৌরমশিংদা হিন্দী অমসুং অতোপ্পা ভারতকী লোলশিং চাউথোকচনা ঙাংখিবা অদুদগী হেনবা ভারতকী লোলশিং য়োকখৎনবা অতোপ্পা খুদোংচাবা লৈতে। প্রধান মন্ত্রী মোদীনা কৈদৌঙৈদা ইংলিসতা পর্লিয়ামেন্তদা ৱা অমতা ঙাংদ্রি অমসুং সরকারগী মিনিস্তরশিংসু ভারতকী ললোলশিং ৱা ঙাংনবা হোৎনরিব, মসিনা তোঙান-তোঙানবা লোলশিং খঙনবা ইহৌদা থৌনা অমা পীরে।

শ্রী অমিত সাহনা হায়খি ওফিসিএল লোল মীয়াম্না য়াবা অসি আইন নত্ত্রগা সর্কুলারনা ওইহনগদবা নত্তে, মসি নুংশিনবা, ইথিল অমসুং হোৎনবদগী ওইগদবনি। ঐখোয়গী লৈবাক অসি ফাউন্নবা লোল খুদিংমক্না থবক তৌরে, ভারতকী ললোশিং অমসুং মখোয়গী দিক্সনারিশিং মীখা পোনবগী মতম মতুংদা ফাওবা লেংদনা লৈখি, মসি অচৌবা মাইপাকপা অমনি।

য়ুনিয়ন হোম মিনিস্তরনা হায়খি নিংতম্বদগী ২০১৪ ফাওবদা, কম্মিতি ওফ পর্লিয়ামেন্ত ওন ওফিসিএল লেঙ্গোইজগী রিপোর্তকী ভোলুম ৯ পীশিনখ্রে অমসুং ২০১৯দগী ভোলুম অহুম অয়াবা পীখ্রে। হায়রিবা ভোলুমশিং অসি হিরম অমমমগী ওইনা শেম্বনি অমসুং ১২শুবা ভোলুম অসি ‘সিমপ্লিফিকেসন’ থিমদা শেম্বনি। কম্মিতি ওফ পর্লিয়ামেন্ত ওন ওফিসিএল লেঙ্গোইজগী মেম্বর খুদিংমক থাগৎপা ফোঙদোক্লদুনা শ্রী অমিত সাহনা হায়খি তুংদা ওফিসিএল লোল চাউখৎনবা অমসুং মীয়ামদা খঙহন্নবা কম্মিতিনা মখা তানা থবক তৌগনি হায়বগী থাজবা থম্লি। মীফম অদুদা কম্মিতি ওফ পর্লিয়ামেন্ত ওন ওফিসিএল লেঙ্গোইজগী দিপুতি চিয়ারমেন শ্রী ভারত্রুহারি মহাতাব, হোম এফেয়ার্সগী রাজ্য মন্ত্রী শ্রী অজয় কুমার মিশ্রা অমসুং শ্রী নিসিথ প্রামানিক অমসুং কম্মিতিগী মেম্বরশিং শরুক য়াখি।

******