2023-24 நிதியாண்டின் முதல் காலாண்டில் இந்தியாவின் நிலக்கரித் துறை 223.36  மில்லியன் டன் (எம்.டி) என்ற மிக உயர்ந்த நிலக்கரி உற்பத்தியைப் பதிவு செய்வதன் மூலம் ஒரு குறிப்பிடத்தக்க மைல்கல்லை எட்டியது, இது 2022-23 நிதியாண்டின் இதே காலகட்டத்தில்  205.76 மெட்ரிக் டன் உற்பத்தியுடன் ஒப்பிடும்போது 8.55% என்னும் கணிசமான வளர்ச்சியைக் குறிக்கிறது  .

கோல் இந்தியா லிமிடெட் (சிஐஎல்) நிறுவனம்,   2023 ஏப்ரல் முதல் ஜூன் வரை 175.48 மெட்ரிக் டன் உற்பத்தியைப் பதிவு செய்துள்ளது, இது முந்தைய ஆண்டின் இதே காலகட்டத்தில் 159.75 மெட்ரிக் டன்னுடன் ஒப்பிடும்போது 9.85% என்னும் பாராட்டத்தக்க வளர்ச்சி விகிதத்தைக் குறிக்கிறது. நிலக்கரி உற்பத்தியில் நிலையான மேல்நோக்கிய வளர்ச்சி,  எரிசக்தி தேவைகளைப் பூர்த்தி செய்வதுடன்  நிலையான பொருளாதார வளர்ச்சியை ஊக்குவிக்கும்  இந்தியாவின் உறுதிப்பாட்டை எடுத்துக்காட்டுகிறது.

ஏப்ரல் 2023 முதல் மே 2023 வரை நிலக்கரி இறக்குமதி 16.76% அதிகரித்திருந்தாலும், முந்தைய ஆண்டின் இதே காலகட்டத்துடன் ஒப்பிடும்போது, இந்த உயர்வு முதன்மையாக நிலக்கரி இறக்குமதி விலைகளில் கணிசமான சரிவுக்கு காரணம் என்பதை கவனத்தில் கொள்ள வேண்டும். 2022-23 நிதியாண்டின் முதல் காலாண்டுடன் ஒப்பிடும்போது, 2023-24 நிதியாண்டின் முதல் காலாண்டில் நிலக்கரிக்கான இறக்குமதி விலை 60% க்கும் அதிகமாக சரிந்துள்ளது.

இதன் விளைவாக, சி.ஐ.எல் இன் அறிவிக்கப்பட்ட விலைகள் மீதான மின்-ஏல பிரீமியம் கணிசமான குறைப்பைக் கண்டுள்ளது, இது ஜூன் 2022 இல் 357% இலிருந்து, முக்கியமாக இறக்குமதி விலைகளின் கூர்மையான வீழ்ச்சி காரணமாக,  ஜூன் 2023 இல் 54% ஆக குறைந்துள்ளது, நிலக்கரி ஏலத்தின் பிரீமியம் தொழில்துறையின் நாடித்துடிப்பைப் பேசுகிறது. நிலக்கரி ஏல பிரீமியத்தின் கூர்மையான சரிவு உள்நாட்டு சந்தையில் போதுமான நிலக்கரி கிடைப்பதைக் குறிக்கிறது. இந்த இறக்குமதி விலை சரிவு நிலக்கரிக்கான இறக்குமதி நிலப்பரப்பை வடிவமைப்பதில் முக்கிய பங்கு வகிக்கிறது.

நிலக்கரி கிடைப்பதைப் பொறுத்தவரை, ஜூன் 23 ஆம் தேதி நிலவரப்படி, நாட்டில் போதுமான அளவு நிலக்கரி கையிருப்பு உள்ளது, இது 107.15 மெட்ரிக் டன் (நிலக்கரி நிறுவனங்களுடன் 67 மெட்ரிக் டன், டிபிபி (டிசிபி) உடன் 33.61 மெட்ரிக் டன் மற்றும் தனியார்  ஆலைகள் / குட் ஷெட் சைடிங் / துறைமுகங்களில் 6.54 மெட்ரிக் டன்) ஆகும், இது கடந்த ஆண்டின் இதே காலத்துடன் ஒப்பிடும்போது 37.62% வளர்ச்சியைக் குறிக்கிறது. கணிசமான நிலக்கரி இருப்பு கிடைப்பது நிலக்கரியை சார்ந்துள்ள பல்வேறு துறைகளுக்கு நிலையான விநியோகத்தை உறுதி செய்கிறது, இதன் மூலம் நாட்டின் ஒட்டுமொத்த எரிசக்தி பாதுகாப்பிற்கு பங்களிக்கிறது.

நிலக்கரி உற்பத்தியில் இந்தியாவின் சாதனை நிலக்கரித் துறையின் ஒருங்கிணைந்த முயற்சிகளையும், நாட்டின் வளர்ந்து வரும் எரிசக்தித் தேவைகளைப் பூர்த்தி செய்வதற்கான அதன் உறுதிப்பாட்டையும் பிரதிபலிக்கிறது. சாதனை புள்ளிவிவரங்கள் தொழில்துறையின் மீள்திறனை மட்டுமல்லாமல், நிலையான வளர்ச்சிக்காக முயற்சிக்கும் போது சந்தை நிலைமைகளுக்கு ஏற்ப மாற்றியமைக்கும் திறனையும் நிரூபிக்கின்றன.

***

ANU/PLM/KPG