কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা CRCS – সহারা রিফন্দ পোর্তেল https://mocrefund.crcs.gov.in/ লোঞ্চ তৌখ্রে। মসিগী পোর্তেল অসিনা কোওপরেতিব সোসাইতীজ ওফ সআরা গ্রুপ – সহারা ক্রেদিৎ কোওপরেতিব সোসাইতী লিমিতেদ, সআরায়ান য়ুনিভর্সেল মল্তিপর্পজ সোসাইতী লিমিতেদ, হমারা ইন্দিয়া ক্রেদিৎ কোওপরেতিব সোসাইতী লিমিতেদ অমসুং স্তার্স মল্তিপর্পজ সোসাইতী লিমিতেদকী জেনুইন দিপোজিতরশিংনা ক্লেমশিং সবমিসন তৌনবা শেমখিবনি। থৌরম অসিদা কোওপরেসন মন্ত্রালয়গী কেন্দ্রগী রাজ্য মন্ত্রী শ্রী বি.এল. ভর্মা, জস্তিস আর. সুভাশ রেদ্দী, সুপ্রীম কোর্তকী হান্নগী জজ অমসুং কোওপরেসন মন্ত্রালয়গী সেক্রেতরী, শ্রী গ্যানেশ কুমারগা লোয়ননা সহারা গ্রুপকী কোওপরেতিব সোসাইতী মরী অসিগী ইনভেস্তরশিংসু শরুক য়াখি। 

মহাক্কী ৱারোলদা শ্রী অমিত শাহনা হায় মসিগী প্রোগ্রাম অসি য়াম্না মরুওই মরমদি মসিগী কোওপরেতিব সোসাইতী 4 অসিদা ৱানা তানজবা শেল পন্দুনা লৈখ্রবা মীয়াম অদুগী অপাম্বা অদু কনামত্তনা থৌশাদনা লাকখি। মসিগুম্বা কেসশিং অসিদা মহৌশানা মল্তি-এজেন্সী সিজর থৌকই অদুবু এজেন্সী অমত্তনা ইনভেস্তরশিংগী খন্দে। মহাক্না মখা তারদুনা মসিনা মরম ওইদুনা কোওপরেতিব সোসাইতীশিংদা কনাগুম্বশিংনা চাউনা ইনসিক্যুর ওইবা অমসুং থাজবা লৈরক্তবা থোকহল্লি। শ্রী শাহনা হায় লৈবাক অসিগী মীওই করোর কয়ানা মখোয়গী কেপিতেল লৈতে অদুবু মখোয়না লৈবাক অসি চাউখৎ থৌরাংদা শরুক তম্বা পাম্মি অমসুং মরম অদুনা কোওপরেতিবকী ইহৌ নত্তনা পাম্বৈ অমত্তা লৈতে। মসিগী লম্বেল অসিদা প্রধান মন্ত্রী শ্রী নরেন্দ্র মোদীনা কোওপরেসনগী তোঙানবা মন্ত্রালয় অমা শেম্নবা ৱারেপ অমা লৌখি। মহাক্না হায় কোওপরেতিব অসি অপীকপা কেপিতেলশিং পুনশিন্দুনা অচৌবা কেপিতেল অমা শাদুনা অচৌবা থবকশিং পাইকৎপা বাবা অমত্তা ঙাইরবা ইহৌনি। 

শ্রী অমিত শাহনা হায় স্কেমগী এলিগেসন কয়ামরুম লাকখ্রে অমসুং ইনভেস্ত তৌখিবা মীওইশিং অদুগী কেপিতেল অদু খুদম ওইনা ঐখোয়গী মাংদা উরিবা সহারাগুম্না পন্দুনা লৈরি। অদুগা কেস অসি সুপ্রীম কোর্ততা চহি কয়া চংনা থেংনৈ অদুগা এজেন্সী অসিনা মখোয়গী লনথুম অমসুং একাউন্তশিং সীল তোখি অমসুং মসিদগী কোওপরেতিব সোসাইতীশিংগী ক্রেদিবিলিতী অদুসু মাংখি। প্রধান মন্ত্রী শ্রী নরেন্দ্র মোদীনা তোঙানবা মন্ত্রালয় অমা শেমদুনা মসিগী মরমদা খোঙথাং অসি লৌখৎতুনা অপীকপা ইনভেস্তরশিংগী য়াইফনবা পোরম কয়া য়াৎনবা স্তেকহোল্দর খুদিংমক্কা খন্ন-নৈনখি। মীওই খুদিংমক্না মখোয়গী ক্লেম তৌবা য়াবা অমসুং অপীকপা ইনভেস্তরশিংগী খনবা সিস্তেম অমা শেমগৎনবা হোৎনখি হায়না মহাক্না ফোঙদোকখি। শ্রী শাহনা হায় এজেন্সী খুদিংমক্না পুনশিন্দুনা সুপ্রীম কোর্ত্তা পিতিসন অমা ফাইল তৌখি অমসুং সুপ্রীম কোর্তনা ত্রান্সপেরেন্ত ওইবা মওং অমদা পেমেন্ত তৌবা হৌনবা হান্নগী সুপ্রীম কোর্তকী জজকী চিয়রমেনশীপকী মখাদা কম্মিতী অমা শেম্নবা পুৱারী ওইরবা ৱারেপ অমা লৌখি। মহাক্না হায় ত্রাইএল বেসিস্তা ত্রন্সপেরেন্ত ওইবা মওং অমদা লুপা করোর 5,000 হন্দোকপগী থবক ঙসিদগী হৌরগনি। মহাক্না হায় লুপা করোর 5,000 হন্দোকপগী থবক লোইরবা মতুংদা লেমহৌরিবা ইনভেস্তরশিংগী শেনফম অদু হন্দোক্নবা সুপ্রীম কোর্ত্তা অতোপ্পা আপীল অমা অমুক তৌগনি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায় মসিগী পোর্তেল অসিগী খুত্থাংদা লুপা 10,000 নত্রগা মসিগী হেন্না দিপোজিত তৌখিবা ইনভেস্তর করোর অমা হেনবদা লুপা 10,000 ফাওবগী অহানবা পেমেন্ত পীগনি। মসিগী পোর্তেল অসিদা এপ্লাই তৌনবা সোসাইতী মরীগী অপুনবা দেতা অদু ওনলাইন্দা ফংলে। মসিগী থৌওং অসিদা অসিগুম্বা প্রোভিজন খুদিংমক পাইখৎকনি মরমদি জেনুইন ইনভেস্তর অমহেক্তদা মেনিপ্যুলেসন নত্রগা ইনজস্তিস মখল অমহেক্তা চত্থবা য়াবগী স্কোম অমত্তা লৈহন্দনবনি।

শ্রী অমিত শাহনা হায় ইনভেস্তমেন্ত অমফাওবা তৌখিদবা মীওইশিংনা মসিগী পোর্তেল অসিদগী করিগুম্বা মখল অমত্তগী রিফন্দ ফংবা ঙম্লোই অদুবু ইনভেস্ত তৌখিবা মীওইশিং অদুদি শোইদনা রিফন্দ ফংগনি। কোওপরেসনগী মন্ত্রী অসিনা কম্মন সর্ভিস সেন্তর (CSC)গী খুত্থাংদা এপ্লিকেসনশিং ফাইল তৌনবা শিল লাংগদবনি হায়না পাউতাক পীখি। মহাক্না CSCগী ফেসিলিতীগী খুত্থাংদা ইনভেস্তর খুদিংমক্না ওনলাইন্দা রেজিস্তর তৌনবা আপীল তৌখি। শ্রী শাহনা হায় মসিগী প্রোসেস অসিগা মরী লৈনবা মরুওইবা কন্দিসন অনি লৈ: অহানবদা, ইনভেস্তরগী আধার কার্দ অদু মখোয়গী মোবাইল নম্বরগা শোইদনা লিঙ্ক তৌগদবি অমসুং অনিশুবদা মখোয়গী আধার কার্দ অদু বেঙ্ক একাউন্তকা শোইদনা লিঙ্ক তৌগদবনি। শেনফম অসি মখোবগী বেঙ্ক একাউন্ততা নুমিৎ 45গী মনুংদা শোইদনা দিপোজিৎ তৌগনি হায়না মহাক্না ইনভেস্তরশিংদা থাজবা পীখি।

কোওপরেসনগী কেন্দ্রগী মন্ত্রীনা হায় ঙসি অসি শিংথানীংঙাই ওইরবা নুমিৎ অমনি। মহাক্না হায় প্রধান মন্ত্রী শ্রী নরেন্দ্র মোদীগী লুচিং মখাদা অহানবা ওইনা ইনভেস্তরশিংনা স্কেম্না মরম ওইদুনা পন্দুনা লৈরুরবা ৱানা তানজবা শেল অদু ত্রান্সপরেন্ত ওইবা মওং অমদা ফংলগনি অমসুং মসি অচৌবা মাই পাকপা অমনি। মহাক্না মখা তারদুনা মীওই করোর কয়ানা স্কেম্না মরম ওইদুনা পন্দুনা লৈরুরবা ৱানা তানজবা শেল ফংলগনি। শ্রী শাহনা হায় লুপা 30,000 ফাওবা পন্দুনা লৈরিবা চাউরাক্না অপীকপা ইনভেস্তর করোর 1.78 হেনবনা মখোয় শেল ফংলগনি অমসুং মসি অচৌবা মাই পাকপা অমনি।   

হোনরেবল সুপ্রীম কোর্তকী মার্চ 2023গী তাং 29দা থোকখিবা ওর্দর অমগী মতুং ইন্না “সহারা-SEBI রিফন্দ একাউন্ত”তগী সেন্ত্রেল রেজিস্তর ওফ কোওপরেতিব সোসাইতিজ (CRCS)দা লুপা করোর 5000 সহারা গ্রুপ ওফ কোওপরেতিব সোসাইতিজগী জিনুইন ওইবা দিপোজিতরশিংদা মখোয়গী লেজিতিমেত দ্যুশিং অদু পীথোক্নবা ত্রান্সফর তৌখ্রে। দিসভর্সমেন্তগী অপুনবা প্রোসেস অসি হোনরেবল সুপ্রীম কোর্তকী দিরেক্সনগী মতুং ইন্না লর্ন্দ এভোকেত শ্রী গৌরব অগ্রৱালগী মতেংগা লোয়ননা সুপ্রীম কোর্তকী হান্নগী জজ জস্তিস আর. সুভাশ রেদ্দীনা সুপর্ভাইস অমসুং মোনিতর তৌগনি।  

ত্রান্সপরেন্ত ওই। প্রোসেস পুম্বা দিজিতেল ওই। জিনুইন দিপোজিতরশিংগী লেজিতিমেত ওইবা দিপোজিতশিং খক্তা রিফন্দ তৌনবা পোর্তেল অসিদা মথৌতাবা চেক অমসুং বেলেন্সশিং য়েংশিনগনি। মসিগী পোর্তেল অসি কোওপরেসন মন্ত্রালয়গী ৱেবসাইতকী খুত্থাংদা এক্সেস তৌবা য়াগনি। মসিগী সোসাইতী অসিগী জিনুইন দিপোজিতরশিংনা পোর্তেলদা ফংলিবা ওনলাইন এপ্লিকেসন ফোর্ম অসি মেনশিল্লবা মতুংদা অমসুং মথৌ তাবা দোক্যুমেন্তশিং অপলোদ তৌগদবনি। দিপোজিতরশিং অসি মখোয়গী আইদেন্তিতী মশক খংনবা আধার কার্দকী খুত্থাংদা ভেরিফাই তৌগনি। দিপোজিতরশিংগী ক্লেম ভেরিফিকেসন তৌরবা অমসুং দোক্যুমেন্তশিং অপলোদ তৌরবা মতুংদা ওনলাইন ক্লেম সবমিসনগী নুমিৎ 45গী মনুংদা শেনফম অদু দিপোজিতরগী আধারগা লিঙ্ক তৌবা বেঙ্ক একাউন্ততা হকথেংননা ত্রান্সফর তৌগনি। সোসাইতী অসিগী জিনুইন দিপোজিতরশিংনা মখোয়গী আধার অদু মোবাইল নম্বর অমসুং বেঙ্ক একাউন্তকা লোয়ননা লিঙ্ক তৌনবা অমসুং মথৌতাবা দোক্যুমেন্তশিং থম্নবা আপীল তৌরি।

*****