প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা ঙসি পোর্ত ব্লেয়রদা ভীর সাৱর্কর ইন্তরনেস্নেল এয়র্পোর্তকী অনৌবা ইন্তিগ্রেতেদ তর্মিনেল বিল্দিং শঙ্গাখ্রে। লুপা করোর 710 মুক চংনা শাখিবা অনৌবা তর্মিনেল বিল্দিং অসিনা চহিগী ওইনা পেসেঞ্জর লাখ 50 মুক হেন্দল তৌবা ঙমগনি।

তিনখিবা মীয়ামদা ৱা ঙাংলদুনা প্রধান মন্ত্রীনা হায় ঙসি প্রোগ্রাম অসি পোর্ত ব্লেয়রদা পাংথোক্লবসু লৈবাক পুম্বনা ভীর সাৱর্কর ইন্তরনেস্নেল এয়র্পোর্তকী পেসেঞ্জর হেন্দলিং কেপাসিতী হেনগৎহনবগী দিমান্দ অদু মপুং ফাহল্লে হায়না পুক্নিং চংনা মীৎয়েং চংলি। প্রধান মন্ত্রীনা নাগরিকশিংনা অপেনবা ফোঙদোকপা অমসুং হরাধ তয়াম্বগী মাইথোংশিং অদু উবদা মহাকসু থৌরম অদুদা হকথেংননা শরুক য়ানীংবগী অপাম্বা ফোঙদোকখি। “অন্দামান্দা চৎনীংবা মীওইশিং অদুনা অচৌবা কেপাসিতীগী এয়রপোর্ত অমসু দিমান্দ তৌরি” হায়না মহাক্না মখা তাখি।

মখাতানা পোর্ত ব্লেয়রদা এয়রপোর্তকী খুদোংচাবশিং চাউথোক্নবা অপাম্বশিংগী মতাংদা ফোঙদোক্লদুনা প্রধান মন্ত্রীনা হায়, হৌজিক লৈরিবা তর্মিনেল অসিনা হৌজিক ফাওবদা লমকোইবা 4000 হেন্দল তৌবা ঙম্মি অমসুং অনৌবা তর্মিনেল অসিনা মসিগী মশিং অসি 11,000দা হেনগৎখ্রে অমসুং এয়রপোর্ত অসিদা হৌজিক্তি মতম অমহেক্তদা প্লেন ১০ খাম্বা য়ারে। অহেনবা প্লেন অমসুং লমকোইবশিংনা মফম অসিদা অহেনবা থবকশিং পীরগনি হায়না মহাক্না ফোঙদোকখি। পোর্ত ব্লেয়র অনৌবা তর্মিনেল বিল্দিং অসিনা চৎথোক চৎশিন্দা অপনবা লৈতবা, করবার তৌবদা অপনবা লৈতবা অমসুং কন্নেক্তিবিতী হেনগৎহল্লগনি হায়না প্রধান মন্ত্রীনা ফোঙদোকখি।

“ভারত্তা চাউখৎ থৌরাংগী স্কোপ অসি মতম শাংনা অচৌবা শহরশিং খক্তদা লৈরম্মি” হায়না প্রধান মন্ত্রীনা হায়রদুনা ভারতকী অদিবাসি অমসুং ইথৎকী মফমশিংদা মতম শাংনা চাউখৎ-থৌরাংগী থবকশিং পাইখৎতনা লাকখি হায়না মহাক্না ফোঙদোকখি। হৌখিবা চহি 9 অসিদা হৌখিবা সরকারশিংনা তৌরম্বা অশোইবশিং অদু পুকচেল শেংনা শেমদোকপদা নত্তনা অনৌবা সিস্তেম অমা পুরক্লে হায়না মহাক্না ফোঙদোকখি। “ ভারত্তা পুক্নমক্কী ওইবা চাউখৎ-থৌরাংগী অনৌবা মোদেল অমা লাকখ্রে। মসিগী মোদেল অদুদি ‘সবকা সাথ সবকা বিকাস’নি হায়না প্রধান মন্ত্রীনা ফোঙদোকখি। মসিগী চাউখৎ থৌরাংগী মোদেল অসি য়াম্না কম্প্রিহেন্সিব ওই অমসুং মফম খুদিংমক্কী অমসুং সমাজগী সেক্সন খুদিংমক্কী অমসুং পুন্সিগী তাঙ্কক খুদিংমক হায়বদি এজুকেসন, হেকশেল অমসুং কন্নেক্তিবিতিগী চাউখৎ থৌরাং য়াওরি হায়না মহাক্না মখা তাখি।

হৌখিবা চহি 9 অসিদা অন্দামান্দা অনৌবা চাউখৎ থৌরাংগী পুৱারী অমা শেমখ্রে হায়না প্রধান মন্ত্রীনা ফোঙদোকখি। মমাংগী সরকারগী চহি 9দা অন্দামান অমসুং নিকোবারনা লুপা করোর 23,000গী বজেদ অমা ফংখি অদুবু হৌখিবা চহি মাপন অসিদা লৈরিবা সরকার অসিনা লুপা করোর 48,000গী বজেদ অমা অন্দামান অমসুং নিকোবারদা থাদখ্রে। মসিগা মান্ননা, হৌখিবা সরকারনা হৌখিবা চহি 9অসিদা য়ুমথোং 28,000দা তোশিং ঈশিং পীখি অদুগা মসিগী মশিং অসি হৌখিবা চহি 9 অসিদা 50,000 শুখ্রে। প্রধান মন্ত্রীনা মখা তারদুনা ঙসি অন্দামান অমসুং নিকোবারদা লৈবা মীওই খুদিংমক্কী বেঙ্ক একাউন্ত অমা লৈরে অমসুং ৱান নেসন অমসুং ৱান রেসন কার্দকী খুদোংচাবা ফংলে হায়না ফোঙদোকখি। হৌজিক লৈরিবা সরকার অসিনা পোর্ত ব্লেয়রদা লৈরিবা মেদিকেল কোলেজ অসি লিংখৎখিবনি অদুবু মমাংগী সরকারগী মতমদা য়ুনিয়ন তেরিতোরী অসিদা মেদিকেল কোলেজ অমত্তা লৈরমদে। মমাংদা ইন্তরনেত অসি সেতেলাইত্তা মপুং ওইনা তাংদুনা লৈরম্মি অদুবু হৌজিক্তি লৈরিবা সরকার অসিনা কিলোমীতর লিশিং কয়া সমুদ্র মনুংদা ওপ্তিকেল ফাইবর তিংবা হৌখ্রে।

মসিগী ফেসিলিতীশিং পাকথোক চাউথোরকপা অসিনামফম অসিগী তুরিজমদা শাহৌ অমা পীরি হায়না প্রধান মন্ত্রীনা ফোঙদোকখি। মোবাইল কন্নেক্তিবিতী, হকশেলগী ইনফ্রস্ত্রকচর, এয়রপোর্তকী খুদোংচাবশিং অমসুং লম্বী থোংনা লমকোইবশিং লাকহননীংই। মসিনা মরম ওইদুনা 2014 গা চাংদম্নবদা মফম অসিদা লমকোইবশিং লাকপগী মশিং অসি শরুক অনি হেনগৎখ্রে হায়না শ্রী

“অন্দামান অসিখুৎকা খুৎকা খুৎশম্নদুনা চৎমিন্নরিবা চাউখৎ থৌরাং অমসুং হেরিতেজগী মহা-মন্ত্রগী হৌজিক মীৎনা উরিবা অমসুং চৎনরিবা খুদম অমনি” হায়না প্রধান মন্ত্রীনা ফোঙদোকখি। অন্দামান্দা মচু অহুমগী ফিরাল অসি লাল কিলাদা চিংখৎত্রিঙৈ চহি কবাগী মমাংদা চিংখৎখি অদুবু কনাগুম্বা অমনা ইথৎ অসিদা মীনাই নাইথাংগী খুদম খক্তা ফংবা ঙমগনি। নেতাজি সুভাস চন্দ্র বোসনা মচু অহুমগী ফিরাল ইংখৎখিবা চপ মান্নবা মফম অসিদা মহাক্না জাতিগী ফিরাল চিংখৎপগী খুদোংচাবা অমা ফংজবদা মহাক্না নুঙাইবা ফোঙদোকখি। রোস ইথৎপু নেতাজি সুভাস ইথৎ, হেভলোক ইথৎপু স্বারাজ ইথৎ হায়না অমসুং নিল ইথৎপু শহীদ ইথৎ হায়না মমিং ওনখিবা অসি হৌজিক লৈরিবা সরকার অসিননি হায়না প্রধান মন্ত্রীনা ফোঙদোকখি। পরম ভীর চক্র এৱাদীশিংগী মমিংদা ইথৎ 21গী মমিং ওনখিবা অদুগী মতাংদসু ফোঙদোকখি। “অন্দামান অমসুং নিকোবার ইথৎতা চাউখৎ থৌরাং পুরকপা অসিনা লৈবাক অসিগী নআরোলশিংদা ইথিল অমা পীরগনি” হায়না মহাক্না ফোঙদোকখি। 

ভারতমচাশিংগী তৌবা ঙম্বদা চিংনবা লৈতবনা ভারত নীংখা তম্বগী চহি 75 শুবা অসিদা অনৌবা পনখৈ অমা ফংবা ঙম্লগনি হায়না প্রধান মন্ত্রীনা ফোঙদোকখি। অদুম ওইনমক করপ্সন অমসুং মপা মপু হাক্তক্কী রাজনিতীনা মীচম প্রজাগী মপাঙ্গল মতম পুম্বদা শোন্থহল্লি হায়না প্রধান মন্ত্রীনা ফোঙদোকখি। প্রধান মন্ত্রীনা রাজনিতী দল খরগী খুদোংচাবা খক্তা পাম্বগী মতাংদসু ফোঙদোকখি। মহাক্না কাস্ততা অমসুং করপ্সন্দা য়ুম্ফম ওইবা রাজনিতীগী মতাংদা পামদবা ফোঙদোকখি। মহাক্না করপ্সনগী মমরুমদা খুদোংচাবা লৌরিবা মীওইশিং অদুগী মায়োক্তা পামদবা ফোঙদোকখি অমসুং মীওই খরদি মরালগী মতুং ইন্না দন্দি ফংলবসু বেলদা লৈরি হায়না ফোঙদোকখি। মহাক্না কন্সতিত্যুসনবু হোসতেজ ওইনা পাইশিন্দুনা থম্বগী ৱাখল্লোন অদুবু য়ানিংদবা ফোঙদোকখি। মসিগুম্বা ফোর্সশিং অসিনা মখোয়গী ইমুং মনুং কান্ননবা মীৎয়েং থম্মি অমসুং মীচম মীয়ামগী কান্ননবা কৈদৌনুংদা খন্দে। শ্রী মোদীনা ঙাকশেল অমসুং স্তার্তঅপকী লমশিংদা ভারতকী নহারোলশিংগী মথৌনাগী মতাংদা ফোঙদোকখি অমসুং মসিগী নহারোলশিংগী মথৌনা অসি মতম কয়া মীরাইদুনা লৈরকখিবা অসিগী মতাংদা ফোঙদোকখি।

ৱারোল অসিবু তেনশিল্লদুনা প্রধান মন্ত্রীনা ঐখোয়না লৈবাক অসিগী চাউকৎ থৌরাংদা কত্থোকপগী তঙাইফদবগী মতাংদা ফোঙদোকখি। ঙসি মালেমদা মাংজিল থানা চাউখৎ লমজেলদা শরুক য়ারিবা ইথৎশিং অমসুং অপীবা সমুদ্র মপানগী লৈবাকশিংগী খুদম কয়ামরুম লৈ হায়না প্রধান মন্ত্রীনা ফোঙদোকখি। খুমাং চাউশিনবগী লম্বীশিং অসি শিংনবশিংনা থল্লবসু চাউখৎ থৌরাংদি সোলুসন খুদিংমক্কা লোয়ননা লাকখি হায়না মহাক্না ফোঙদোকখি। অন্দামান অমসুং নিকোবারদা পাইখৎলিবা চাউখৎ থৌরাংগী থবক অসিনা মফম অসি শিনবা থুংনা মপাঙ্গল কনখৎহল্লগনি হায়না প্রধান মন্ত্রীনা থাজবা ফোঙদোকখি।

বেকগ্রাউন্দ:

কন্নেক্তিবিতী ইনফ্রাস্ত্রকচর ফগৎহনবনা হৌজিক্কী সরকারগী মরু ওইবা মিৎয়েং ওইদুনা লাক্লি। চাউরাকপা লুপা করোর 710 চঙদুনা শাবা অনৌবা ইন্তিগ্রেতেদ তর্মিনেল বিলদিং শঙ্গাবা অসিনা ইথৎ UT অসিগী কন্নেক্তিবিতী হেনগৎহনবদা অচৌবা থৌদাং লৌগনি। চাউরাক্না স্ক্বার কিমি.40,800গী পাক চাউবা অনৌবা তর্মিনেল বিলদিং অসিনা চহিদা পেসেঞ্জর চাউরাক্না লাক্ষ 50 শেন্নবা ঙমগনি। বোইং 767-400 অনি অমসুং এয়রবস তাইপ 321 অনি খাম্বা য়াবগী কেপাসিতী লৈবা এপ্রোন অমসু করোর ₹80 চঙনা পোর্ত ব্লেয়র এয়রপোর্তা শারে। মসিনা এয়রপোর্ত অসিবু মতম অমত্তদা প্লেন তরা খাম্বা য়াহল্লে।

মহৌশাগী মতৌদগী ইথিল লৌবা আর্কিতেকচর দিজাইন অসিনা সমুদ্র অমসুং ইথৎকী মওং তাক্তুনা কোংগ্রেনগী মওং মাল্লি। অনৌবা এয়রপোর্ত তর্মিনেল বিলদিং অসিদা মৈশা শাজিল্লকপা হন্থহন্নবা দবল ইন্স্যুলেতেদ রুফিং, অয়ুক-নুংথিলগী মতমদা নুংশা মঙাল নীংথিনা চঙহন্নবা অমসুং খুৎশেমগী মৈ থানবগী চাং হন্থহন্নবা স্কাইলাইত, LED লাইতিং, লো হিত গেন গ্লেজিংনচিংবা সস্তেনেবল ওইহন্নবা মওং-মতৌ কয়া য়াওরি। অন্দরগ্রাউন্দ ৱাতর তেঙ্কতা নোংগী ঈশিং য়োকশিন্নবা, মসিগী 100% চাংবু লেন্দস্কেপিং তৌনবা নৌনা অমুক শিজিন্নবা য়াহনগদবা ওন-সাইত সিৱেজ ত্রিতমেন্ত প্লান্ত অমসুং 500 KW কেপাসিতীগী সোলর পাৱর প্লান্ত অসিসু এয়রপোর্ত অসিদা য়াওরিবা অমসুং ইথৎ অসিগী অকোয়বগী ফিভমদা কা হেন্না অকায়বা লৈহন্দনবা হাপ্পা তর্মিনেল বিলদিং অসিগী মওং-মতৌ খরনি।

নীংথিরবা অন্দমান অমসুং নিকোবর ইথৎকী গেতৱে ওইরিবা পোর্ত ব্লেয়র অসি লমকোয়বশিংগী পাম্নবা পন্থুংফম অমনি। মতিক চানা চাউবা অনৌবা ইন্তিগ্রেতেদ তর্মিনেল বিলদিং অসিনা এয়র ত্রাফিক হেনগৎহনগনি অমসুং ইথৎ অসিদা লমকোয়বা হেন্না লাকহনবদা তেংবাংগনি। মসিনা লোকেল খুন্নাইগী মীওইশিংগী থবক্কী অহেনবা খুদোংচাবা পীবগা লোয়ননা লমদম অসিগী শেন্মিৎলোন্দসু তেংবাংগনি।

Inaugurating the new integrated terminal building of Veer Savarkar International Airport in Port Blair. It will boost tourism and strengthen the region's economy. https://t.co/Gbey9gseAT

— Narendra Modi (@narendramodi) July 18, 2023

The New Integrated Terminal Building of Veer Savarkar International Airport in Port Blair will enhance ease of travel and ease of doing business as well as strengthen connectivity. pic.twitter.com/tswaI1s8ZG

— PMO India (@PMOIndia) July 18, 2023

Sabka Saath, Sabka Vikas. pic.twitter.com/KAD1RK7mgi

— PMO India (@PMOIndia) July 18, 2023

आज अंडमान-निकोबार, विरासत भी और विकास भी के मंत्र का जीवंत उदाहरण बन रहा है: PM @narendramodi pic.twitter.com/D5KYfDAmcq

— PMO India (@PMOIndia) July 18, 2023

आज अंडमान-निकोबार के ये द्वीप पूरे देश के युवाओं को देश के विकास की एक नई प्रेरणा दे रहे हैं। pic.twitter.com/jZzrav6pH5

— PMO India (@PMOIndia) July 18, 2023

***