ইং 2015-16 অমসুং 2019-21গী রেকোর্দ মনুংদা ওইরবা মীওই মশিং করোর 13.5না মলতিদাইমেনস্নেল পোভর্তীদগী থোকখি হায়না নিতি আয়োগকী রিপোর্ত ‘নেস্নেল মলতিদাইমেনস্নেল পোভর্তী ইন্দেক্সঃ এ প্রোগ্রেস রিভিয়ু 2023’গী মতুং ইন্না হায়খি। রিপোর্ত অসি নিতি আয়োগকী মেম্বর, দাঃ ভি.কে. পাউল অমসুং দাঃ অর্বিন্দ বিরমনীগা লোয়ননা নিতি আয়োগকী সি.ই.ও., শ্রী বি.ভি.আর. সুব্রহ্মনিয়মগী মমাংদা নিতি আয়োগকী ভাইস চেয়রমেন, শ্রী সুমন বেরীনা ফোঙখি।

খ্বাইদগী নৌবা নেস্নেল ফেমিলী হেল্থ সর্ভে [NFHS-5 (2019-21)]দা য়ুম্ফম ওইবা মসিগী নেস্নেল মলতিদাইমেনস্নেল পোভর্তী ইন্দেক্স (MPI)গী অনিশুবা খুৎফোঙ অসিনা NFHS-4 (2015-16) অমসুং NFHS-5 (2019-21) হায়রিবা সর্ভে অনিসিগী মনুংদা মলতিদাইমেনস্নেল পোভর্তী হন্থহনবদা ভারতনা ফংখিবা মায় পাকপগী মতৌ উৎলি। মসিনা নবেম্বর 2021দা হৌদোকখিবা ভারতকী নেস্নেল MPIগী বেজলাইন রিপোর্ত্তা য়ুম্ফম ওইরি। থৌওং অসিদা তুং ইন্দুনা পাংথোকখিবা পাক চাউরবা ৱাখল্লোনগা মালেমগী থৌওংগা মান্নৈ।

SDGগা মরী লৈনবা ইন্দিকেতর 12না মহুত শিল্লিবা হকশেল, মহৈ-মশিং অমসুং পুন্সি মহিংগী থাক্কী চপ মান্নবা অরুম্বা লৈবা দাইমেন্সন অহুম অসি মতম অমত্তদা ফংদবগী ফিভম্বু নেস্নেল MPIনা চাং ওল্লি। ইন্দিকেতরশিং অসিগী মনুং চনবশিংদি ন্যুত্রিসন, চাইল্দ অমসুং এদোলেসসেন্ত মোর্তেলিতী, মেতর্নেল হেল্থ, স্কুল তম্বগী চহি, স্কুল কাবগী চাং, কুকিং ফুএল, সেনিতেসন, থক্নবা ঈশিং, মৈ, হাউজিং, এসেত অমসুং বেঙ্ক একাউন্তনি। ইন্দিকেতর 12 মক্তা মশক থোক্না ফগৎপগী ফিভম উখি।

রিপোর্ত অসিগী মতুং ইন্না, ভারতকী মলতিদাইমেনস্নেল ওইনা লাইরবা মশিংনা 2015-16দা 24.85% ওইরম্বদগী ইং 2019-21দা 14.96% ওইদুনা চাদা পোইন্ত 9.89 হন্থখি। লাইরবগী চাংনা 32.59% দগী 19.28% ফাওবদা হন্থদুনা খুঙ্গংগী মফমশিংনা লাইরবগী চাংদা খ্বাইদগী য়াঙনা হন্থবা ওইখি। চপ মান্নবা মতমগী মনুংসিদা, অর্বান মফমশিংদা লাইরবা চাংনা 8.65%দগী 5.27% ফাওবদা হন্থখি। উত্তর প্রদেশতা মীওই করোর 3.43না মলতিদাইমেনস্নেল ওইনা লাইরবগী খয়াত্তগী নান্থোক্তুনা লাইরবগী মশিং খ্বাইদগী য়াম্না হন্থবা ওইখি। রাজ্য 36 অমসুং য়ুনিয়ন তেরিতোরী অমদি এদমিনিস্ত্রেতিব দিস্ত্রিক্ত 707গী মলতিদাইমেনস্নেল পোভর্তী ইস্তিমেত পীরদুনা, রিপোর্ত অসিনা মলতিদাইমেনস্নেল ওইনা লাইরবা মশিং খ্বাইদগী য়াম্না হন্থখিবসি উত্তর প্রদেশ, বিহার, মধ্য প্রদেশ, ওরিশা অমসুং রাজস্থান্দা উবা ফংখি হায়না ফোংদোকখি।

ইং 2015-16 অমসুং 2019-21গী মনুংদা, MPI ভেল্যুনা 0.117দগী 0.066তা চাউরাক্না তংখায়গী চাংদা হন্থখি অমসুং পোভর্তীগী ইন্তেন্সিতীনা 47%দগী 44%দা হন্থরক্তুনা ভারতপু SDG তার্গেত 1.2 (মলতিদাইমেনস্নেল পোভর্তীবু য়ামদ্রবদা তংখায়গী চাংদা হন্থহনবা) ফংবগী লম্বীদা পান্দম চহি 2030দগী মতম য়াম্না মাংজৌননা মফম চানা থমখি। ইং 2030 ফাওবগী মনুংদা সস্তেনেবল ওইবা অমসুং ইকুইতেবল দিভেলপমেন্ত লৈহনবগা লোয়ননা SDG ফংনবা মিৎয়েং চঙলদুনা সরকারনা মরী লৈনবা থৌরাং য়াৎপগী মতৌবু থৌওং অসিনা ময়েক শেংনা উৎলি।

সেনিতেসন, ন্যুত্রিসন, কুকিং ফুএল, ফাইনেন্সিএল ইনক্লুজন, থক্নবা ঈশিং অমসুং মৈ ফংহন্নবা সরকারনা খোঙফম চেৎপগা লোয়ননা মিৎয়েং চঙবনা মরম ওইরগা হীরমশিং অসিদা মশক থোকপা মায় পাকপা ফংবা ঙম্লিবনি। MPIগী পেরামীতর 12 খুদিংমক্তা মশক থোক্না ফগৎপগী ফিভম উবা ফংখি। পোশন অভিয়ান অমসুং এনেমিয়া মুক্ত ভারতকুম্বা ফ্লেগশিপ প্রোগ্রামশিংনা হকশেলগী ফিভমদা থওইবীরমদবগী ফিভম হন্থহল্লে। স্বচ্ছ ভারত মিসন (SBM) অমসুং জল জীবন মিসন (JJM)গুম্বা খোঙথাংশিংনা লৈবাক শিনবা থুংবগী সেনিতেসন ফগৎহল্লে। হোৎনজমনশিং অসিগী শাফু অসি সেনিতেসন ফংলমদবগী থৌওংদা চাদা পোইন্ত 21.8 হন্থবগী ফিভমদা উবা ফংই। প্রধান মন্ত্রী উজ্বালা য়োজনা (PMUY)গী খুত্থাংদা সবসিদাইজ ওইরবা কুকিং ফুএল পীবদগী পুন্সিদা অচৌবা কান্নবা লাকহনবা ঙমখি, অমসুং ফুএল ফংলমদবগী ফিভমদা পোইন্ত চাদা 14.6 হন্থখি। সৌভাগ্যা, প্রধান মন্ত্রী অৱস য়োজনা (PMAY), প্রধান মন্ত্রী জন ধন য়োজনা (PMJDY) অমসুং সামগ্র সিক্সাগুম্বা খোঙথাংশিংনা লৈবাক অসিদগী মলতিদাইমেনস্নেল পোভর্তী মুত্থৎপদা মশক থোকপা থৌদাং য়াখি। অখন্নবা ওইনা মৈ ফংলমদবগী চাংদা মশক থোক্না হন্থরকখিবা, বেঙ্ক একাউন্ত লৈহনবা, থক্নবা ঈশিং ফংহনবগী খুত্থাংদা ফংখিবা মশক থোকপা মায় পাকপশিংনা সরকারনা মীয়ামগী পুন্সি নুংঙাইহন্নবা অমসুং পুম্নমক্কী ওইবা অফবা তুংগী মতম লৈহন্নবা হোৎনরিবা অসি ময়েক শেংনা তাক্লি। তোঙান-তোঙানবা অমসুং অমগা অমগা মরী লৈনবা প্রোগ্রাম অমসুং খোঙথাং কয়া লেপ্তনা পায়খৎলকপনা ইন্দিকেতর খুদিংদা লৈরম্বা দিপ্রাইভেসন কয়া মশক থোক্না হন্থহনবা ঙমখি।

রিপোর্ত অসি www.niti.gov.inদা য়েংবা য়াগনি।

*****