য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা কোওপরেতিপ সেক্তরদা এফ.পি.ওগী জাতিগী অচৌবা মীফম অমা ঙসি নিউ দিল্লিদা হৌদোকখ্রে অমসুং পি.এ.সি.এসনা অনৌবা এফ.পি.ও ১১০০ শেম্নবা এক্সন প্লান ফোঙখ্রে। থৌরম অদুদা এগ্রিকলচর অমসুং ফারমর্স ৱেলিফয়ারগী য়ুনিয়ন মিনিস্তর শ্রী নরেন্দ্র সিংহ তোমার, কোওপরেসনগী রাজ্য মন্ত্রী শ্রী বি.এল ভর্মা, কোওপরেসন মিনিস্ত্রিগী সেক্রেতরি শ্রী গ্যানেস কুমার অমসুং এগ্রিকলচর অমসুং ফারমর্স ৱেলিফয়ার মিনিস্ত্রিগী সেক্রেতরি শ্রী মনোজ অহুজা শরুক য়াখি।

মহাক্কী ৱারোলদা শ্রী অমিত সাহনা হায়খি তোখাইবা পান্দম অমগা লোয়ন্না তোঙানবা কোওপরেসন মিনিস্ত্রি অমা লিংখৎনবা প্রধান মন্ত্রী নরেন্দ্র মোদীনা ৱারেপ লৌখি। ঐখোয়গী লৈবাক্তা কোওপরেতিপ ইহৌ অসি য়াম্না কুইরে অমসুং নিংতম্লবা চহি ৭৫গী মতুংদা ঐখোয়না হনগৎনা য়েংবা মতমদা, লৈবাক অসিদা কোওপরেতিপ ইহৌ শরুক কয়া থোক্না খায়দোকপা উখি। কোওপরেতিপশিংগী মীৎয়েংদা লৈবাক অসি কাংলুপ অহুম থোক্না খায়দোক্লে-কোওপরেতিপ ইহৌ মাইপাক্না চঙশিল্লিবা রাজ্যশিং, হৌজিক কোওপরেতিপ ইহৌ চৎথরিবা রাজ্যশিং, অমসুং কোওপরেতিপ ইহৌ মপুংফানা শিরবা রাজ্যশিংনি।

শ্রী সাহনা হায়খি মীওই করোর ৬৫ রোম লৌউ-শিংউগী থবক তৌবা অচৌবা লৈবাক অমদা কোওপরেতিপ ইহৌ অমুক হিঙ্গৎহনবা হায়বসি তঙাইফদে অমসুং মসি অনৌবা থাক অমদা পুখৎনবা পান্দম থমগদবনি। লৌউ-শিংউ অমসুং খুঙ্গং চাউখৎহনবগী লমদা কোওপরেতিপ ইহৌগী খুৎথাংদা মীওই খুদিংমক নুংঙাইহনবা ঙমগনি, মসি শেন লৈজদবা মীওই খুদিংমক নুংঙাইহনবা ঙম্বা অচৌবা পাম্বৈ অমা ওইরক্লে। লৌউ-শিংউগী থবক তৌরিবা লৈবাক অসিগী মীওই করোর ৬৫ না কোওপরেতিপ ইহৌ মপাঙ্গল কনখৎহনবদা অচৌবা থৌদাং লৌবা ঙমগনি অমসুং মখোয়গী অপীকপা শেনফম অদু কোওপরেতিপশিংগী খুৎথাংদা অচৌবা শেনফম অমা ওন্থোক্তুনা মখোয় নুংঙাইহনবা ঙমগনি।

শ্রী অমিত সাহনা হায়খি প্রধান মন্ত্রীগী লমজিং মখাদা হৌখিবা চহি ২ অসিদা কোওপরেসন মিনিস্ত্রিনা থবক কয়া পায়খৎলে। প্রধান মন্ত্রীগী লমজিং মখাদা এগ্রিকলচর মিনিস্তর শ্রী নরেন্দ্র সিংহ তোমারনা লৈবাক অসিদা এফ.পি.ওশিং শেম্নবা ৱারেপ লৌখি। লৌউ-শিংউ ফগৎনবা অমসুং লৌমীশিং নুংঙাইনবা প্রধান মন্ত্রীনা থবক কয়া পায়খৎখি অমসুং থবকশিং অদুগী মনুংদা এফ.পি.ও অমনি। হায়রিবা এফ.পি.ওশিং অসিদগী লৌমীশিং কান্নবা কয়া ফংলে, অদুবু কোওপরেতিপ সেক্তরদা, এফ.পি.ও অমসুং মসিগী খুদোংচাবশিং অকক্নবা শেনফম খর খক্তা ফংই অমসুং মসিনা চপ চাবা পান্দম থমদবদগী ওইবনি।

শ্রী সাহনা হায়খি করিগুম্বা পি.এ.সি.এস অসি এফ.পি.ও অমা ওইরবদি, এফ.পি.ওগী কান্নবশিং অদু পি.এ.সি.এসকী লৌমী খুদিংমক্তা য়ৌগনি। পি.এ.সি.এসগী খুৎথাংদা শেম্বা এফ.পি.ওশিংনা লৌমীশিং নুংঙাইহনবা ঙমগনি। পি.এ.সি.এস, এফ.পি.ওশিং অমসুং এস.ঐচ.জিশিংগী খুৎথাংদা খুঙ্গং চাউখৎনবা অমসুং নুংঙাইনবা মাইকৈ অহুম ফাংবা লাইৱাগা লোয়ননা এগ্রিকলচর মিনিস্ত্রি অমসুং কোওপরেসন মিনিস্ত্রিনা থবক তৌগনি। করিগুম্বা পি.এ.সি.এসনা এফ.পি.ও ওইবা পাম্লবদি মখোয় এন.দি.সিনা মতেং পাংগনি অমসুং মসিগী ঙমখৈ লৈতে অমসুং মসিগী মীফম অসিদা লৈবাক অসিদা কোওপরেতিপকী ইহৌ মখা তানা ফগৎহনগনি।

শ্রী অমি সাহনা হায়খি লৌউ-শিংউ, শা-ষন লোইবা অমসুং ঙাক য়োকপদা য়ুম্ফম ওইবা শেন-থুম তানবগী থবকশিং অসি ভারতকী শেন্মিৎলোনগী য়াংলেন শরুনি, হায়রিবা হিরম অহুম অসিনা ঙসিদা ভারতকী জি.দি.পিদা চাদা ১৮ মতেং পাংলি, মখোয় মপাঙ্গল কনখৎহনবা হায়বসি লৈবাক্কী শেন্মিৎলোন ফগৎহনবনি। মখোয় মপাঙ্গল কনখৎহনবা অসিনা লৈবাক অসিগী শেন্মিৎলোন মপাঙ্গল কনখৎহনগনি। করিগুম্বা মেনুফেকচরিংদা জি.দি.পি হেনগৎলবদি, থবক ফংবগী চাং য়াম্না হেনগৎতে, করিগুম্বা কোওপরেতিপশিংগী খুৎথাংদা লৌউ-শিংউ, শা-ষন লোইবা অমসুং ঙাক য়োকপা ফগৎলবদি, জি.দি.পি হেনগৎপগা লোয়ননা থবক ফংবগী খুদোংচাবশু হেনগৎকনি।

য়ুনিয়ন কোওপরেসন মিনিস্তরনা হায়খি ভারতকী অপুনবা মীশিংগী চাদা ৬৫ লৌউ-শিংউ অমসুং মসিগী মরী লৈনবা থবকশিংদা হকথেংননা থবক তৌরি। অতোপ্পা থবকশিংদা লৌউ-শিংউদা নাকোয়ননা মখা পোল্লি। লৈবাক অসিগী লৌমীশিংগী চাদা ৮৫ দি লায়রবা লম হেক্ত ১ ফানা লৈতবা লৌমীশিংনি। লৈবাক অসিগী লায়রবা লৌমীশিং নুংঙাই-য়াইফনবা ঐখোয়গী অরিবা লৌউ-পথাপশিং থাদোক্কদবনি অমসুং অনৌবা লৌউ পথাপশিং শীজিন্নগদবনি অমসুং পি.এ.সি.এস অমসুং এফ.পি.ওনা মসি পাংথোকপা হৌগদবনি।

শ্রী অমিত সাহনা হায়খি লৌউ-শিংউ অমসুং সর্বিস সেক্তরদা থবক তৌরিবা মীওই পুম্নমক নুংঙাইহনবা হায়বসি সরকারগী থৌদাংনি। শ্রী অতল বিহারি বাজপায়ীনা প্রধান মন্ত্রী ওইরিঙৈদা য়োগেন্দ্র কম্মিতিনা ২০০৩দা এফ.পি.ও শেম্নবা খন্নখি। শ্রী নরেন্দ্র মোদীনা লৈবাক্কী প্রধান মন্ত্রী ওইরকপা মতমদা, এফ.পি.ও শেম্নবা ৱাফম অদু থবক্তা ওন্থোকখি। হৌজিক লৈবাক অসিদা এফ.পি.ও ১১,৭৭০ থবক তৌরি অমসুং মখোয়গী খুৎথাংদা লৈবাক অসিগী লৌমী লাখ কয়াগী শেন্থোক হেনগৎলক্লে। বজেত্তা এফ.পি.ও ১০,০০০ লিংখৎনবা লাউথোকখি অমসুং ২০২৭ ফাওবগী মনুংদা মদুগী পান্দম ফংবা ঙমগনি। মসিগী পান্দম অসি ফংনবা ভারত সরকারনা লুপা করোর ৬৯০০ খাক্তুনা থম্লে।

শ্রী সাহনা হায়খি লৌউ-শিংউগী পোৎথোকশিং পুথোকপদগী হৌরগা য়োনবা ফাওবগী থবকশিং এফ.পি.ওশিংগী খুৎথাংদা পাংথোক্নবা অসিগুম্বা ৱাখল্লোন অমা প্রধান মন্ত্রী মোদীনা পুথোরকখি। লৌউ উবদা চঙবা পোৎলমশিং লৈবা, কৈথেলগী ই-পাউ লৌবা, তেক্নোলোজি অমসুং অনৌবা থবকশিং খঙহনবা, লীদুনা থম্নবগী খুদোংচাবশিং, কংহনবা, মনথোকপগী থবকশিং এফ.পি.ওশিংনা পাংথোক্লে। ব্রান্দ শেমগৎপা, য়োম্বা, লেভেল তৌবা অমসুং মগুন লৈহনবগী থবকশিং লৌমীশিংনা কোর্পোরেত হাওসশিংগা লোয়ন্না পাংথোকপদগী লৌমীশিংনা মমল হেন্না য়োনবা ঙম্লে। সরকারগী স্কিমশিংগী মতাংদা লৌমীশিংদা খঙহন্দুনা স্কিমশিং পায়খৎনবগী পাম্বৈ অমা এফ.পি.ওশিংসু ওইরক্লে।

শ্রী অমিত সাহনা হায়খি লৈবাক অসিগী এফ.প.ওশিংনা মখা তানা মসিগা চপ মান্নবা ম ওংদা থবক তৌগদবনি অমসুং পি.এ.সি.এসগা লোয়ননা থবক তৌগদবনি। পি.এ.সি.এস অমসুং এফ.পি.ওগী মরক্তা ই-পাউ পীথোক-পীশিন, শন্দোং য়েন্নবা অমসুং য়োনবগী থবকশিং পাংথোক্নবা মপুংফাবা থবক অমগীদমক অনৌবা হায়ব্রিদ নমুনা অমা শেমগদবনি। হৌজিক ফাওবদা এফ.পি.ওশিংদা লুপা করোর ৬,৯০০ লোন পীখ্রবা মতুংদা মখা তানা লুপা করোর ১২৭ লোন পীখ্রে। ত্রাইবেল জিলাশিংদ উমংগী পোৎথোকশিংগী এফ.পি.ও ৯২২ শেমখ্রে। গুজরাত, মহারাস্ত্রা, উত্তর প্রদেস, রাজস্থান অমসুং পঞ্জাব রাজ্যশিং এফ.প.ওগী লমদা শিংথাবা য়াবা থবকশিং পাংথোক্লে।

শ্রী অমিত সাহনা হায়খি লৌউ-শিংউ অসি শেন্দোং লৈবা ললোন-ইতিক অমনি হায়বা নহারোলশিংগী মরক্তা খঙহনগদবনি অমসুং মসি অনৌবা মওং অমদা অমসুং য়োনফম মতিক চানা ফংহন্দুনা পায়খৎকদবনি। লৈবাক অসিগী লৌমী করোর ১২দা অসিগুম্বা থাজবা অসি লৈহল্লবদি, মতম অদুদা লৈবাক অসিগী লৌউ-শিংউগী পোৎথোকশিং হেনগৎলকপতা নত্তনা জি.দি.পিশু হেনগৎলক্কনি। মসিনা লৌমী করোর ১২ মশা মরোমদোম লেপচবা ঙমহনবদা নত্তনা লৈবাক অসিসু মশা মরোমদোম লেপচবা ঙমহনগনি। হিরম অসিগী মতাংদা প্রধান মন্ত্রীনা থবক কয়া পায়খৎলে অমসুং লৌমীশিং ললোনবা অমসুং ওন্ত্রেপ্রেনিউয়রশিং ওইহন্নবা মাইকৈদা মোদী সরকারনা খোঙ থাংজিনগনি।

য়ুনিয়ন মিনিস্তরনা হায়খি প্রধান মন্ত্রী নরেন্দ্র মোদীগী মতমদা লৌউ-শিংউগী বজেত শরুক ৫.৬ হেনগৎলে। প্রধান মন্ত্রী অমসুং সরকারনা লৌউ-শিংউদা থৱায় য়াওরে হায়বা মসিনা তাক্লে।

শ্রী অমিত সাহনা হায়খি লৈবাক অসিনা ২০১৩-১৪ চীঞ্জাক মিল্লিয়ন তন ২৬৫ পুথোকখি অমসুং ২০২২-২৩দা মিল্লিয়ন তন ৩২৪ পুথোকখি। হৌখিবা চহি ১০দা ফৌগী এম.এস.পি চাদা ৫৫ অমসুং গেহুগী এম.এস.পি চাদা ৫১ হেনগৎলে, মোদী সরকার অসি নিংতম্বা ফংলবা মতুংদা লৌমীশিংনা লৌ উবদা চঙবা শেনফমগী য়ামদ্রবদা চাদা ৫০ হেন্না শেন্দেং লৈহন্নবা ৱারেপ লৌবা অহানবা সরকারনি। নিংতম্বা ফংলবা মতুংদা অহানবা ওইনা হৌজিক পাল্লিবা মোদী সরকারনা লৌমীশিংনা লৌ উবদা চঙবা শেনফমগী চাদা ৫০ হেন্না শেন্দোং ওইনা লেপ্লে। মোদী সরকারনা ফৌ লৈবা চাদা ৮৮ হেনগৎহল্লে অমসুং গেহু লৈবা চাদা ৭২ হেনগৎলে।

মহাক্না হায়খি সরকারনা গেহু মেত্রিক তন লাখ ২৫১ লৈনবা থবক পায়খৎলে অমসুং মসিনা বেনিফিসরি মশিং শরুক অনি হেন্না কান্নবা ফংলগনি। লুপা করোর ২৪০০০গী লৌউ-শিংউগী ইনফ্রাস্ত্রকচর শেমগৎনবা ফন্দ শেম্লে অমসুং ই-নামগী খুৎথাংদা মন্দি ১২৬০ রোমগা শম্নরে। লম হেক্তর লাখ ৭২দা ইথৈ পীদুনা লৌমী লাখ ৬০ রোম কান্নবা ফংহল্লে।

শ্রী অমিত সাহনা হায়খি কোওপরেতিপ সেক্তর চাউখৎনবা মোদী সরকারনা থবক কয়া পায়খৎলে। পি.এ.সি.এসকী বাইলোশিং হৌজিক রাজ্য ২৬ না য়ারে। হৌজিক পি.এ.এস.সিশিং দাইরি অমসুং ঙামীগী কম্মিতি অমগুম থবক তৌবা য়ারে, পেত্রোল পম্পশিং, গ্যাস এজেন্সি, সি.এস.সি, মমল হোঙবা হিদাক য়োনফমশিং অমসুং চেং-হৱায় য়োনফমশিং হাংদোকপা য়ারে। মসি খক নত্তনা পি.এ.এস.সিশিং ললোন-ইতিক ওইনা ঈশিং য়োনবা য়ানবা খুঙ্গংগী হর ঘর জল কম্মিতিগী মখাদা থবক তৌবা য়ারে। পি.এ.এস.সিশিংগা তোঙান-তোঙানবা থবক ২৫ গা শম্ননবা সরকারনা ৱারেপ লৌরে। করিগুম্বা পি.এ.এস.সিশিং মপাঙ্গল কনহলদ্রবদি, এ.পি.এ.সি.এস কৈদৌঙৈদা মপাঙ্গল কনহনবা ঙম্লোই। করিগুম্বা এফ.পি.ওশিং, পি.এ.সি.এস অমসুং এস.ঐচ.জিশিং অমনা অমগী মতেং পাংনরবদি খুঙ্গং চাউখৎপা অমসুং লৌউ-শিংউ চাউখৎপগী অনৌবা তাঙ্কক অমা লাক্লগনি।

****