কল্চর মন্ত্রালয়
ভারতকী জি২০ প্রেসিদেন্সীগী মখাদা অহুমশুবা কলচর ৱর্কিং গ্রুপকী মীফম কর্নাতকাগী হাম্পিদা লোইশিনখ্রে
৩শুবা সি.দব্লিউ.জি.না মমাঙগী সি.দব্লিউ.জি. মীফম অনিদা খন্নখিবা রিকম্মেন্দেসনদা য়ানবা অমা পুরকপদা মীৎয়েঙ থম্লি
Posted On:
12 JUL 2023 12:37PM by PIB Imphal
ভারতকী জি২০ প্রেসিদেন্সীগী মখাদা পাঙথোকপা অহুমসুবা কল্চর ৱর্কিং গ্রুপকী মীফম ঙসি কর্নাতকাগী হম্পিদা লোইশিনখ্রে। ভারতকী জি২০ প্রেসিদেন্সীগী মখাদা পাঙথোকপা ৩শুবা কল্চর ৱর্কিং গ্রুপকী খন্ন-নৈনবা অদু জুলাই ১১, ২০২৩দা লোইশিনখি। ৩শুবা সি.দব্লিউ.জি.গী অরোইবা সেসন ওগস্ত ২৬, ২০২৩দা বরানসীদা পাঙথোক্কদবা জি২০ কলচর মন্ত্রীশিংগী মীফমগী মতাঙদা লৈরিবা অপদেৎশিং অমদি ওইরক্লিবা ফীভম নৈনদুনা লোইশিনখি।
ভারতকী জি২০ প্রেসিদেন্সীগী মখাদা, সি.দব্লিউ.জি.না কলচরবু খুজিল থৌরাং য়াৎপগী ময়ায়দা থম্নবা হোৎনরি। ৩শুবা সি.দব্লিউ.জি.না খজুরাহো অমদি ভুবনেস্বরদা মথঙশিৎনা পাঙথোকখিবা সি.দব্লিউ.জি.গী মমাঙগী মীফম অনিদা খন্নখিবা রিকম্মেন্দেসনশিংগী মতাঙদা য়ানবা অমা পুরক্নবা মীৎয়েঙ থম্লি।
জি২০ দেলিগেৎশিংনা ঙসি কর্নাতকাগী হম্পীদা লৈবা হজারা রামা তেম্পলদা পাঙথোকখিবা য়োগ য়েসন অমদসু শরুক য়াখি।
![https://static.pib.gov.in/WriteReadData/userfiles/image/image0025CBW.jpg](https://static.pib.gov.in/WriteReadData/userfiles/image/image0025CBW.jpg)
![https://static.pib.gov.in/WriteReadData/userfiles/image/image003REQ6.jpg](https://static.pib.gov.in/WriteReadData/userfiles/image/image003REQ6.jpg)
ঙরাং, কল্চরেল ইমর্সন এক্সপিরিএন্সকী শরুক অমা ওইনা, হম্পীদা লৈবা পুৱারীগা শাগোন্নরিবা ক্বীন্স বাথতা উ থাবগী থৌরম পাঙথোকখি। দেলিগেৎশিংগী রোয়েল এনক্লোজরগী গাইদেদ তুর অমা শিন্দুনা লমদম অদুগী ইনাক খুল্লবা পারী পুরীগী লন অমদি অর্কিতেকচরেল মার্বেলশিংবু হকথেংননা য়েংনবগী তাঞ্জা অমা ফংহনখি। তুর অদুগী তুংদা, দেলিগেতশিংনা বিরুপক্সা তেম্পলগী মায়োক্নবদা লৈবা য়েদুরু বাসবন্না কমপ্লেক্সতা চৎখি। ফজবনা থল্লবা মফমদুদা, শ্রীমতী কৌসল্য রেদ্দীনা কোরিওগ্রাফ তৌবা গুরুস রাধা অমদি রাজা রেদ্দীগী ত্রুপশিংনা শান্নবা মীৎফম হোংবা য়াদ্রবা নাৎকী থৌরম অমসু পাঙথোকখি। মখোয়না খা ভারতকী তোপ তোপ্পা জগোয় মখল মরী, মমিং ওইনা পল্লবদা, তামিল নাদুগী ভারত নাত্যম, কেরলাগী মোহিনিয়াত্তম, অন্ধ্র প্রদেশগী কুচিপুরী অমদি ওরিসাগী ওরিসী উৎখি। মোনুমেন্ত অদুদা শাখিবা পুক্নিং হুরবা জগোয় অদুনা দেলিগেৎশিংগী পুক্নিংবু শুমহৎহনখি।
জুলাই ১০দা, অহুমশুবা জি২০ কল্চর ৱর্কিং গ্রুপ (সি.দব্লিউ.জি.)গী মীফম হৌদোকপগী থৌরম কর্নাতকাগী হম্পীদা পাঙথোকখি। পার্লিয়ামেন্তরী এফ্যার্স অমদি কোল অমসুং মাইন্সকী কেন্দ্র মন্ত্রী, শ্রী প্রহলাদ জোসীনা মীফমদুদা ৱা ঙাংখি।
তিল্লিবা মীয়ামদা ৱা ঙাংলদুনা, মহাক্না হায়খি, “কলচরবু পোলিসীমেকিংগী ময়ায়দা থম্নবগী মরুওইবা খোঙথাঙ ওইগদবা এক্সন-ওরিএন্তেদ রিকম্মেন্দেসনশিংদা য়ানবা অমা পুরক্নবা মরুওইবা ৱাফম মরিবু খঙদোকপা অমদি খন্নবদগী ঐখোয়না মাঙদা চঙশিল্লক্লে।” মরুওইবা ৱাফম ৪ অদুদি: কল্চরেল প্রোপর্তীশিং ঙাকশেনবা অমদি হান্নগী ফীভমদা হঞ্জিলহনবা; তুং কোইগদবা তুংলমচৎ অমগীদমক লিভিহ হেরিতেজশিংবু লোকশিনবা; কল্চরেল অমদি ক্রিএতিব ইন্দস্ত্রীশিং অমদি ক্রিএতিব ইকনমীবু য়োকখৎপা; অমদি কল্চর ঙাক শেন্নবা অমদি য়োকখৎনবা দিজিতেল তেক্নোলোজীশিং শীজিন্নবা হায়বসিনি।
তুংদা, জুলাই ১০গী নুমিদাংৱাইরমদা, দেলিগেতশিংনা বিজয় ভিত্তলা তেম্পল, রোয়েল এনক্লোজর, অমদি য়ুনেস্কো ৱর্ল্দ হেরিতেজ সাইত অমা ওইরিবা হম্পী গ্রুপ ওফ মোনুমেন্তকী য়েদুরু বাসবন্ন কম্প্লেক্সনচিংবা মফমশিংদা এক্সকর্সন অমা চৎখি। দেলিগেতশিংবু তুঙ্গভদ্র তুরেলদা কোরেকল রাইদ অমদসু পুখি।
![https://static.pib.gov.in/WriteReadData/userfiles/image/image004I54M.jpg](https://static.pib.gov.in/WriteReadData/userfiles/image/image004I54M.jpg)
![https://static.pib.gov.in/WriteReadData/userfiles/image/image005O0SM.jpg](https://static.pib.gov.in/WriteReadData/userfiles/image/image005O0SM.jpg)
![https://static.pib.gov.in/WriteReadData/userfiles/image/image006FFMR.jpg](https://static.pib.gov.in/WriteReadData/userfiles/image/image006FFMR.jpg)
দেলিগেতশিংনা ঘাতমবু ঐখোয়গী ক্লাসিকেল ঈশৈগী চৎনবীগী মরুওইবা শরুক অমা ওইহনখিবা অমদি মালেমগী ম্যুজিক্সি্রনশিংগা লোয়ননা শেম্বা ফ্যুজন ম্যুজিক প্রোগ্রামশিংগী খুত্থাঙদা মালেমগী ফম্পাক্তা পুখৎলিবা মমিং লৈরবা ম্যুজিক্সি্রন বিক্কু বিনয়ক্রমগী পর্ক্যুজন রিজাইতেল মীৎয়েঙ তাখি। মিনৎ ৩০গী ইন্তরেক্তিব প্রজেন্তেসন অদুদা বিজয় বিথলা তেম্পল কমপ্লেক্সকী অতেক অকায়শিংগী মরক্তা নীংথিরবা মীতমগুম্লবা শাথুপশিং য়াওবা ভারতনাত্যমগা পুনশিন্দুনা বিজয়নগর এম্পাইয়রগী মতিংবু অমুক হিঙ্গৎহনখি।
![https://static.pib.gov.in/WriteReadData/userfiles/image/image007XNTB.jpg](https://static.pib.gov.in/WriteReadData/userfiles/image/image007XNTB.jpg)
![https://static.pib.gov.in/WriteReadData/userfiles/image/image0086AM5.jpg](https://static.pib.gov.in/WriteReadData/userfiles/image/image0086AM5.jpg)
![https://static.pib.gov.in/WriteReadData/userfiles/image/image010V7Y0.jpg](https://static.pib.gov.in/WriteReadData/userfiles/image/image010V7Y0.jpg)
*****
(Release ID: 1938925)
Visitor Counter : 123