নুপী অমসুং অঙাংশিংগী চাউখৎ থৌরাং মন্ত্রালয়
ঙমখৈগী মফমশিংদা চাইল্দ ত্রাফিক্কিং থেংননবা ইনফ্রাস্ত্রকচর শেমগৎপদা লৈঙাক্না মতেঙ পাংগদৌরি
ঙমখৈ ঙাক্লিবা লান্মীশিংগী মরক্তা লৈবা য়ুনিৎ ৩০ য়াওনা এন্তি হ্যুমেন ত্রাফিক্কিং য়ুনিৎ (এ.ঐচ.তি.য়ু.) ৭৮৮ মথৌ তৌরি
Posted On:
11 JUL 2023 2:00PM by PIB Imphal
ঙমখৈদা লৈবা স্তেত/য়ু.তি.শিংদা ত্রাফিক্কিংগী ভিক্তিমশিংদা, মরুওইনা অঙাং নুপীমচাশিং অমদি নহা ওইরিবা নুপীশিংদা ঙাকশেল অমদি রিহেবিলিতেসন হোমশিং শেমগৎনবগীদমক শেলগী তেঙবাং পীননবা লৈঙাক্না ফিরেপ লৌরে। হোমশিং অসিনা লৈফম চাফম, চীঞ্জাক, ফি-রোল, কাউন্সেল্লিং, প্রাইমারী হেল্থ ফেসিলিতীশিং অমদি অতৈ নোংমগী চঙদ্রবা য়াদ্রবা মচাকশিং ফংহনগনি।
ভিক্তিম নুপীমচাশিং মিসন বতসল্য স্কীমগী চৎন-পথাপশিংগী মতুং ইন্না স্পোন্সরসিপ পীননবগীদমক ফিৎ ফেসিলিতী লাউথোক্নবা সি.দব্লিউ.সি.দা পুথোক্কনি অমদি মদুগী মতুং ইন্না, স্তেত.য়ু.তি.শিংদা মথৌ তাবশিং পায়খৎনবা ৱাফম থমগনি।
লৈবাকসিগী দিস্ত্রিক্ত খুদিংদা এন্তি হ্যুমেন ত্রাফিক্কিং য়ুনিৎ (এ.ঐচ.তি.য়ু.)শিং লিংখৎনবা/মপাঙ্গল কনখৎহন্নবা নিরভয়া ফন্দগী মখাদা স্তেত/য়ু.তি. পুম্নমক্তা লৈঙাক্না শেল থাদরি। মসিগী মথক্তা, বি.এস.এফ. অমদি এস.এস.বি.নচিংবা ঙমখৈ ঙাক্লিবা লান্মীশিংদসু এ.ঐচ.তি.য়ু.শিংগীদমক শেল থাদরি। ঙসি ফাওবদা, ঙমখৈ ঙাক্লিবা লান্মীশিংগী মরক্তা লৈবা য়ুনিৎ ৩০ য়াওরগা এ.ঐচ.তি.য়ু. ৭৮৮ মথৌ তৌরি।
ভারত অসি মী ফাদুনা য়োন্থোক য়োনশিন তৌবগী হৌরকফমসু অমদি লমথুংফমসু ওইরি। হৌরকফম লৈবাক নেপাল, বঙ্গলাদেশ অমদি ম্যান্মারনচিংবদগী নুপীমচাশিংবু হেন্না ফবা পুন্সি মরেল, থবক অমদি অফবা ফীভম ফংহন্নবগী মিংদা ভারত্তা পুশিল্লকই। মখোয়গী মরক্তা অয়াম্বদি অঙাং নুপীমচা/নহা ওইরিবা নুপীশিংনি, অমদি মখোয়বু ভারত্তা য়ৌরক্লগা য়োন্থোকই অমদি কম্মর্সিএল সেক্স ৱর্কতা নমদুনা পুশিল্লি।
হায়রিবা নুপীমচাশিং অসি মুম্বাই, দিল্লী, হায়দরবাদনচিংবা অচৌবা ময়োল্লমশিংদা য়ৌরক্লগা মফমশিংসিদগী মপান লৈবাকশিংদা, মরুওইনা মিদ্দল ইস্ত অমদি খা নোংপোক এসিয়া লৈবাকশিংদা পুথোকখি। মরম অসিনা হায়রিবা লৈবাকশিং অসিগা য়ুমলোন্নরিবা স্তেতশিংদা হেন্না মীৎকুপ নাহুম শিংনা লৈবা অমদি ত্রাফিক্কিংগী ভিক্তিমশিংদা তেঙবাং অমদি রিহেবিলিতেসন সর্ভিসশিং পীননবা মতিক চাবা ফেসিলিতীশিং লৈহনবা মথৌ তাহল্লি।
মখা তানা, জে.জে. এক্ত, ২০১৫গী (২০১১দা শেমদোকখিবগী মতুং ইন্ন) সেক্সন ৫১গী মতুং ইন্না, (১) বোর্দ নৎত্রগা কম্মিতীনা লৈঙাক্কী লুপ অমনা নৎত্রগা মতমদুদা চৎনরিবা লো অমা হেক্তগী মখাদা রেজিস্তর তৌরবা ভলুন্তরী নৎত্রগা নন-গভর্নমেন্তেল ওর্গনাইজেসন অমনা চলাইবা ফেসিলিতী অমবু, অপীবা মওং মতৌগী মখা পোন্না অঙশং অদু নীংথিনা য়েংশিলহনবদা ফেসিলিতী অমদি ওর্গনাইজেসন অদুগী চুনবা ফীভমশিং নীংথিনা থিজিল্লবা মতুংদা অকক্নবা মরম অমগীদমক অঙাং অদুগী থৌদাং মতম খরগী ওইনা লৌননবা ফিৎ ওইরে হায়না শকখঙগনি অমদি (২) বোর্দ নৎত্রগা কম্মিতী অদুনা অইবা ওইনা রেকোর্দ তৌরবা মরমগীদমক সব-সেক্সন (১)গী মখাদা পীখিবা রিকোগনিসন লৌথোকপা য়াই।
****
(Release ID: 1938906)
Visitor Counter : 74