কল্চর মন্ত্রালয়
কর্নাতকাগী হাম্পীদা ঙসি শিনখিবা কলচর ৱর্কিং গ্রুপ (CWG)কী অহুমশুবা কলচরগী মীফম হৌদোকপগী সেসন
কলচরনা ঐখোয়গী শক্তাক্কী শরুক অমখক ওইদবা, অদুবু সস্তেনেবল দিভেলপমেন্ত, সোসিএল ইনক্লুজন অমসুং গ্লোবেল হার্মোনীগী শাফু অমসু ওইবা তুংগী মতম অমগী লম্বী য়াৎনবা ঐখোয়না হোৎনরসিঃ শ্রী প্রহলাদ জোশী
CWGনা লম্বানী ইম্ব্রোইদরী পেৎচ খ্বাইদগী চাউবা অমা শেমদুনা উত্তুনা গিনেজ বুক ওফ ৱর্ল্দ রেকোর্দতা চনবগী পান্দম থম্লি
Posted On:
10 JUL 2023 12:45PM by PIB Imphal
কলচর ৱর্কিং গ্রুপ (CWG)কী অহুমশুবা কলচরগী মীফমগী সেসন অমা কর্নাতকাগী হাম্পীদা ঙসি শিনখ্রে। পার্লিয়ামেন্তরী এফিয়র্স অমসুং কোল অমদি মাইনগী কেন্দ্র মন্ত্রী, শ্রী প্রহলাদ জোশীনা সেসন অসিদা ৱা ঙাঙখি।
মীফমদা তিনখিবা মীয়ামদা ৱা ঙাঙবদা মহাক্না হায়খি, “কলচরবু পোলিসী শেম্বগী খ্বাইদগী ময়াইদা থমগদবা মশক থোক্লবা খোঙথাং অমা ওইগদৌরিবা এক্সন ওরিএন্তেদ রিকম্মেন্দেসন পুরক্নবা প্রাইওরিতী মরি মশক খঙদোক্তুনা ঐখোয়না ঙসিদি থাক য়াম্না লানশিল্লে”। প্রাইওরিতী এরিয়া 4 অদুদিঃ কলচরেল প্রোপর্তী ঙাক শেনবা অমসুং অশেংবা মপুদা হঞ্জিনবা; সস্তেনেবল ফ্যুচর অমগীদমক্তা লিভিং হেরিতেজ য়োকখৎপা; কলচরেল, ক্রিএতিব ইন্দস্ত্রী অমসুং ক্রিএতিব ইকোনোমী হেন্না চাউখৎহনবা; অমসুং কলচর ঙাক শেনবা অমসুং খুমাং চাউশিলহন্নবা দিজিতেল তেক্নোলোজী শিজিন্নবা হায়বসিনি।
মহাক্না মখা তানা হায়খিবদা, “ঐখোয় অসি মীফমসিদা শরুক য়াবা মীওই খক নত্তে, ঐখোয় অসিদি মালেমগী কলচরেল শিফতা থৱাই য়াওনা শরুক য়াবশিংনি”।
শ্রী প্রহালদা জোশীনা মখা তাখি, “ঐখোয়গী ইনক্লুসিব অমসুং সস্তেনেবল ফ্যুচরগী পান্দম অসিগী ফম্বাক ওইরিবা প্রাইওরিতী এরিয়া মরি অসিদা মিনিস্তরশিংগী ওইবা য়ানবা পুরক্নবা হোৎনরি”।
মথক্তা পনখ্রিবা প্রাইওরিতী এরিয়া মরি অসিগী মতাংদা পল্লদুনা, প্রাইওরিতীশিং অসিনা কলচরগী হীরমদা তোঙানবা অদুবু অমত্তা ওইবা মালেম অমা উৎলি, হৌখিবা মতমশিংগী য়ুম্বী অমসুং তুংগী মতমগী লম্বী ওইবা কলচরেল হেরিতেজ লৈবা মালেম অমা উৎলি হায়খি।
G20 মেম্বরশিংনা পাংখিবা মমল নাইদ্রবা তেংবাংশিংগী মতাংদা পল্লদুনা, মহাক্না হায়খি, “মিনিস্তরশিংগী দিক্লারেসনগী অহানবগী দ্রফা অসিগী মতাংদা থমখিবা অদোমগী ৱাখল্লোন, কম্মেন্ত অমসুং ফীদবেক্না ঐখোয়গী মান্নবা পান্দম শেম্বদা মতেং পাংখি”। দাইভর্সিতীনা থল্লনা মালেম অসিদা ঐখোয়গী মান্নবা কলচরেল হেরিতেজ অসিনা ঐখোয়বু অমত্তা ওইনা পুনশিনবীরি হায়না মহাক্না মখা তাখি।
![](https://static.pib.gov.in/WriteReadData/userfiles/image/image001Q580.jpg)
![](https://static.pib.gov.in/WriteReadData/userfiles/image/image002JAV6.jpg)
![](https://static.pib.gov.in/WriteReadData/userfiles/image/image003AFSX.jpg)
![](https://static.pib.gov.in/WriteReadData/userfiles/image/image004JC6P.jpg)
কলচরনা পুম্নমকপু অমত্তা ওইহল্লি, মীনুংশি অমসুং অমনা অমবু খঙবা হেনগৎহল্লি, ঐখোয়গী অশোইবশিংগী ৱাংমা লান্না উবা ঙমহল্লি অমসুং ঐখোয়গী মীওইবা খুন্নাইগী মান্নবা খোঙচৎ অসিবু মশক খঙহল্লি হায়না মহাক্না হায়খি।
অমত্তা ওইবগী পাঙ্গল, তোঙানবগী ফজবা, অমসুং মীওইবা খুন্নাইগী চাউখৎ থৌরাংদা কলচরনা পাংবা ঙম্বা তেংবাংগী অচৌবা মতিক অসিবু নীংশিংসি হায়না শ্রী প্রহলাদ জোশীনা মীফমদা শরুক য়ারিবশিংদা হয়াখি অমসুং অসুম্না মখা তাখি, “ঐখোয় খুদিংবু চপ মান্নবা মঙলান্না অমত্তা ওইহল্লি, চপ মান্নবা অপাম্বনা শাফু পীরি অমসুং চপ মান্নবা থাজবনা ইথিল পীরি”।
মহাক্না মখা তাখি, “কলচরনা ঐখোয়গী শক্তাক্কী শরুক অমখক ওইদবা, অদুবু সস্তেনেবল দিভেলপমেন্ত, সোসিএল ইনক্লুজন অমসুং গ্লোবেল হার্মোনীগী শাফু অমসু ওইবা তুংগী মতম অমগী লম্বী য়াৎনবা ঐখোয়না হোৎনরসি”।
CWGনা লম্বানী ইম্ব্রোইদরী পেৎচ খ্বাইদগী চাউবা অমা শেমদুনা উত্তুনা গিনেজ বুক ওফ ৱর্ল্দ রেকোর্দতা চনবগী পান্দম থম্লি। থৌওং অসিদা G20 থৌরমগীদমক্তা লম্বানী ইম্ব্রোইদরী পেৎচ 1300 শাদুনা উৎখিবী সন্দুর কুশালা কলা কেন্দ্রগা নক্নবা মরী লৈনবা লম্বানী খুন্নাইগী নুপী আর্তিসান 450 হেনবনা শরুক য়ারি।
বিজয়া বিত্তলা লাইশঙ, রোয়ল ইনক্লোজর অমসুং UNESCO ৱর্ল্দ হেরিতেজ সাইত ওইরিবা হাম্পী গ্রুপ ওফ মোন্যুমেন্তকী য়েদুরা বসাভান্না কমপ্লেক্সকুম্বা হেরিতেজ সাইতশিং য়েংহন্নবগীদমক্তা দেলিগেতশিংবু পুখি। দেলিগেতশিংবু তুঙ্গাভদ্রা তুরেলদা কোরেকল তোংহন্নবা পুখি। দেলিগেতশিংনা শ্রী পত্তাবিরাম স্বামী তেম্পলদা পাংথোকপা য়োগ সেসন্দা শরুক য়াগনি।
***
(Release ID: 1938424)
Visitor Counter : 113