চয়োল অসিদা স্রিহরিকোতাদগী থাগৎনবা থৌরাং তৌরিবা চন্দ্রয়ান-৩না ভারতপু থাগী লৈমায়দা স্পেসক্রাফ্ত তাহনবা ঙম্বা মরিসুবা লৈবাক ওইহল্লগনি‍।

ৱাফম অসি ঙসি পাউগী এজেন্সী অমদা পীবা অখন্নবা ইন্তরভিউ অমদা ফোঙদোক্লদুনা, সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), এঐম.ও.এস. পি.এম.ও., দিপার্তমেন্ত ওফ এতোমিক ইনর্জী, দিপার্তমেন্ত ওফ স্পেস, পর্সোনেল, পব্লিক গ্রিভান্সেস অমদি পেন্সন্স, দোক্তর জিতেন্দ্র সিংহনা, হন্দক প্রধান মন্ত্রী নরেন্দ্র মোদীগী য়ু.এস.এ. খোঙচত্তা স্পেসকা মরী লৈনবা মরুওইবা য়োনচেশিং ইনখিবদুনা ভারত্তগী মতম শাংনা স্পেস খোঙচৎকী লমদা খুমাঙ চাওশিনখ্রবা লৈবাকশিংনা ঙসিদি ভারতপু থোং মান্নবা কোলাবোরেতর অমা ওইনা উনরক্লিবা অসিবু তাক্লি হায়খি‍।

প্রধান মন্ত্রী নরেন্দ্র মোদীগী লৈঙাক মখাদা ঐখোয়গী স্পেস এক্সপর্তাইজতা চাউনা হেনগৎলক্লবা মতুংদা, ভারতনা মখা তানা থা কাবগী খোঙচত্তা লৈথহৌদুনা লৈবা ঙম্লারোই, হায়না মন্ত্রীনা হায়খি‍।

দোক্তর জিতেন্দ্র সিংহনা চন্দ্রয়ান-৩ অসি চন্দ্রয়ান-২গী মতুং তারকপা মিসন অমনি, অদুগা মসিনা থাগী লৈমায় নৎত্রগা লুনার সর্ফেসতা তপ্না তাবা অমদি কোয়না চৎনবগী ভারতকী লৈরিবা মতিং উত্থোক্নবা পান্দম থম্লি হায়খি‍। স্পেসক্রাফ্ত অসিনা থাগী ওর্বিত্তা চঙবদা মথৌ তারিবা অরুবা মিসন প্রোফাইল য়াম্না পরম চুম্না পাঙথোকখ্রে‍। থাগী লৈমায়দা চন্দ্রয়ান-৩না মায় পাক্না তারবা মতুংদা, কাংখোঙ তরুক পানবা রোভর অসিনা থোরক্তুনা থাদা নুমিৎ ১৪নি থবক পাঙথোক্কনি হায়না থাজরি‍। রোভর অসিদা য়াওরিবা মশিং য়াম্লবা কেমেরাশিংগী মতেঙনা ঐখোয়না মমিশিং ফংবা ঙমগনি হায়না মহাক্না হায়খি‍।

স্পেস ৱর্করশিংগী মতিং ফুদোকপা ঙমহনগদবা এনভাইরনমেন্ত অমা পীবদা অমদি স্পেস সেক্তরবু পব্লিক প্রাইভেৎ পার্ত্নরসিপ (পি.পি.পি.)গীদমক থোঙ হাংদোকপগী ক্রেদিৎ পুম্নমক প্রধান মন্ত্রী নরেন্দ্র মোদীদা পীরদুনা, হৌজিক লৈরিবা গ্রোথকী পরিংদা য়ুম্ফম ওইরগা ভারতনা লাক্কদৌরিবা চহিশিংদা ভারতকী স্পেস সেক্তরনা য়ু.এস. দোলর ত্রিলিয়ন ১গী শেন্মিৎলোন ওইবা ঙম্লক্কনি হায়না দোক্তর জিতেন্দ্র সিংহনা হায়খি‍।

মখা তানা শুগায়না তাক্লদুনা, চন্দ্রয়ান-৩গী মরুওইবা পান্দম অসি মরোল ৩ লৈ, ক) থাগী লৈমায়দা সোফ্ত অমদি সেফ লেন্দিং উৎপা, খ) রোভরনা থাদা কোয়না চৎপগী থৌওং উৎপা অমদি গ) ইন-সিতু সাইন্তিফিক এক্সপরিমেন্ত পাঙথোকপনি হায়না দোক্তর জিতেন্দ্র সিংহনা হায়খি‍।

চন্দ্রয়ানগী পরিংদা অহানবা, চন্দ্রয়ান-১ অসিনা থাগী লৈমায়দা ঈশিং লৈ হায়বা পুথোকপগী ক্রেদিৎ লৈখি, অমদি মদুনা মালেমগী অনৌবা ৱাফম ওইদুনা য়ু.এস.এ.গী নাসা (নেস্নেল এরোনোতিক্স এন্দ স্পেস এদমিনিস্ত্রেসন)গুম্বা খ্বায়দগী মাঙজিল থাবা স্পেস এজেন্সীশিংনা ফাওবা পুথোরক্লিবা অসিনা শুমহৎখি অমদি ইনপুৎ অসিবু মখোয়গী থিজিন হুমজিনবগী থবক্তা শীজিন্নখি হায়না মন্ত্রীনা নৌহৌননা নীংশিংখি‍। চন্দ্রয়ান-৩না তোপ তোপ্পা থাক অমদা থবক তৌগনি‍। স্পেসক্রাফ্ত অসি থাগৎপদা ইস্রোনা পুথোকপা লোঞ্চ ভেহিকল মার্ক-৩ শীজিন্নগনি, হায়না মহাক্না মখা তানা ফোঙদোকখি‍।

মরুওইনা চন্দ্রয়ান-২ মিসন অসি স্পেসক্রাফ্ত অসিনা সেপ্তেম্বর ৬, ২০১৯দা পাইথরকপা হৌরক্লবা মতুং মিনৎ ১৩রোম লাপ্স লৈখিবনা মরম ওইরগা পামখিবা মহৈ ফংবা ঙমখিদবনা, চন্দ্রয়ান-৩ থাগৎপগী মতাঙদা লৈবাক পুম্বদা চাউনা মথুম মরাং হৌনরি হায়না দোক্তর জিতেন্দ্র সিংহনা হায়খি‍। থৌরম অদু হকথেংননা মীৎয়েঙ তানবগীদমক প্রধান মন্ত্রী নরেন্দ্র মোদী মশামক স্রিহরিকোতাদা চৎখিবনি‍।

চন্দ্রয়ান-২গী মতুং তারকপা ওইনা, চন্দ্রয়ান-৩দা মাগী লেন্দরগী চাউ শাংবা হেনগৎহন্নবা অহোংবা খরা পুরকখ্রে হায়না মন্ত্রীনা হায়খি‍। শেমদোক্লিবা পুম্নমকসি গ্রাউন্দ তেস্ত অমদি তেস্ত বেদশিংগী খুত্থাঙদা সাইমলেসন মশিং খঙদনা তৌরবা মতুংদা পায়খৎখিবনি হায়না মহাক্না মখা তাখি‍।

চন্দ্রয়ান-৩গী লেন্দর অমদি রোভর মোদ্যুল অসিসু থাগী লৈবাক অমদি নুংগী তোঙান তোঙানবা প্রোপর্তীশিং অমদি মখোয়গী কেমিকেল অমদি ইলিমেন্তেল কম্পোজিসনশিংগী দেতা সাইন্তিফিক কম্ম্যুনিতীদা থারক্কদবা পেলোদশিং হাপ্তুনা কনফিগরসু তৌররে, হায়না দোক্তর জিতেন্দ্র সিংহনা হায়খি‍।

<><><><><>