সিভিল এভিয়েসন সেক্তরদা ভারত শিংথানিংঙাই ওইনা থাক হেনগৎলে, মদুনা মসি মালেম পুম্বদা অহুমশুবা খ্বাইদগী চাউবা মার্কেৎ ওইরে। গ্রীনফিল্দ পোলিসীগী মখাদা অনৌবা এয়রপোর্তশিং লৈরকপা অমসুং রিজনেল কনেক্তিবিতী স্কিম – উরে দেশ কা আম নাগরিক (উরান)গী মখাদা অহেনবা হান্না লৈরবা অনসর্ব/অন্দরসর্ব এয়রপোর্তশিং মথৌ তৌবা অমসুং এয়রলাইন ওপরেতরশিংনা এয়রক্রাফ মশিং য়াম্না হাপচিল্লকপগা লোয়ননা সেক্তর অসি হৌখিবা চহি ৯দা খোংজেল য়াংনা পাকথোক চাউথোক্লে। 

মসিনা ইন্দস্ত্রীগী হেনগৎলক্লিবা দিমান্দশিং ইফেক্তিব ওইনা রেস্পোন্দ তৌবা অমসুং ইন্সতিত্যুস্নেল ইনফ্রাস্ত্রকচর হেনগৎপদা অহেনবা হ্যুমেন রিসোর্সকী অথুবগী ওইবা মথৌতাবশিং পোকহল্লে।

মথৌতাবা অসি খংলদুনা সিভিল এভ্য়েসন মন্ত্রালয়না মশকনায়বা খোংথাংশিং লৌখৎলে অমসুং ৱার্কফোর্স হেনগৎহন্নবগীদমক মতিকচাবা রিসোর্সশিং শেমগৎলে।

দাইরেক্তোরেত জেনরেল ওফ সিভিল এভিয়েসন (দি.জি.সি.এ.):

দি.জি.সি.এ. অসি এভিয়েসন সেফতী রেগুলেতর ওইনা মথৌ তৌরি, মসিদা ভারত্তগী মপান লমদা, মপান লমদগী ভারত্তা অমসুং ভারত মনুংদা এয়র ত্রান্সপোর্ত সর্বিসশিং রেগুলেত তৌবগী থৌদাং লৌরি। দি.জি.সি.এ.বু সিভিল এয়র রেগুলেসনশিং চৎনহনবা, এয়র সেফতী অমসুং এয়রৱোর্থিনেস স্তেন্দর্দশিং ঙাক্তুনা থম্বগা লোয়ননা এভিয়েসন পর্সনেলশিংগী লাইসেন্সিং অমসুং ত্রেনিং য়েংশিনবগী থবক শিন্নরি। দি.জি.সি.এ.দা মসিগী রেগুলেতরী অমসুং য়েংশিনবগী থবকশিং পাংথোক্নবগীদমক মতিক চারবা অমসুং হৈথোই শিংথোইরবা এয়রক্রাফ/ এরোনোতিকেল ইঞ্জিনীয়রশিং, পাইলোতশিং, অমসুং এয়র ত্রাফিক কন্ত্রোলরশিংগী তিম অমা মথৌ তৌরি। হোৎনরিবশিং অসিগী খুদম ওইনা দি.জি.সি.এ.দা অনৌবা পোজিসন ৪১৬ শেমগৎলে, মদুনা এভিয়েসন য়েংশিল্লিবশিংবু সেক্তর অসিদা সেফ এনভাইরনমেন্ত অমা ফংহন্নবদা মতেং পাংগনি।

এয়রপোর্তস ইকোনোমিক রেগুলেতরী ওথোরিতী (এ.ই.আর.এ.):

এ.ই.আর.এ. অসি ভারত্তা এয়রপোর্তশিংগী ইকোনোমিক রেগুলেসন য়েংশিনবগী থবক শিন্নরিবা মনিংতম্বা রেগুলেতরী বোদী অমনি। মসিগী মরুওইবা পান্দমশিংদা লেবেল প্লেয়িং ফিল্দ অমা শেমগৎপা, মরুওইবা এয়রপোর্তশিংগী মরক্তা অফবা কম্পিতিসন থৌগৎপা, এয়রপোর্ত ফেসিলিতীশিংদা ইনভেস্তমেন্ত প্রমোত তৌবা, অমসুং এরোনোতিকেল সর্বিসশিংগীদমক তারিফশিং রেগুলেত তৌবা য়াওরি। এ.ই.আর.এ.না ফঙ্কসনশিং খোংলৈ থুনা দিসচার্জ তৌনবগীদমক সিভিল এভিয়েসন মন্ত্রালয়গী অনিংবা অপাম্বগা লোয়ননা অনৌবা পোস্ত ১০ শেমগৎলে।

এসরপোর্তস ওথোরিতী ওফ ইন্দিয়া (এ.এ.আই.)

এ.এ.আই. অসি লৈবাক পুম্বদা এয়রপোর্তশিংগী মেনেজমেন্ত, দিবলপমেন্ত, অমসুং ওপরেসনগীদমক রেস্পোন্সিবল ওইবা স্তেত্যুতোরী ওথোরিতী অমনি। মসিনা ভারত পুম্বদা এয়রপোর্তশিংগী ইনফ্রাস্ত্রকচর দিবলপমেন্তদা অচৌবা থৌদাং অমা লৌরি অমদি এয়র নেভিগেসন সর্বিসশিংগী অমত্তা ঙায়রবা প্রোভাইদরনি মদু এ.এ.আই.দা শিন্নবা সোভরেন ফঙ্কসন অমনি। সিভিল এভিয়েসন সেক্তরগী মমাদা ওইখিদ্রিবা গ্রোথকী মনুংদা এয়র ত্রাফিক কন্ত্রোল ওফিসর্স (এ.তি.সি.ও.)গী মতিকচাবা মশিং অসি  সিভিল এভিয়েসন মন্ত্রালয়গী প্রায়োরিতী ওইরি। এ.তি.সি.ও.গী মতিকচাবা মশিং ৱাৎপনা ইন্তরনেস্নেল সিভিল এভিয়েসন ওর্গনাইজেসন (আই.সি.এ.ও.)দগী রিমার্ক তৌরকপা য়াই অমসুং ভারতকী গ্লোবেল রেঙ্কিং অমসুং পেসেঞ্জর সেফতীদা শাফু পীরকপা য়াই। লৈবাক অসিদা সিভিল এভিয়েসন সেক্তরগীদমক মতিকচাবা আই.সি.এ.ও.শিং লৈবগী মরুওইবা অদু খংলদুনা ২০২১গী জুলাইদগী এ.এ.আই.দা আই.সি.এ.ও.গী পোজিসন ৭৯৬ শেমগৎলে, মদুনা লৈবাক অসিদা সেফ নেভিগেসন সর্বিসশিং ফংহল্লগনি।

অপুনবা পোস্ত শেমগৎপগী শমলপ্পা:

এভিয়েসন ইকোসিস্তেমদা মেনপাৱর হেনগৎহন্দুনা মন্ত্রালয়না ইন্দস্ত্রীগী মথৌতাবশিং ইফেক্তিব ওইনা ফংহন্নবা পান্দম থম্লি। পর্সনেল হেনগৎপগী স্ত্রেতেজিক অসিনা তোঙান তোঙানবা ইন্দস্ত্রী স্তেকহোল্দরশিংনা সেফতী স্তেন্দর্দশিং অমসুং ভারত্তা এয়র ত্রাভেলগী সেফতী মেন্তেন তৌবদা মরুওইবা থৌদাং লৌগনি।

*****