এক্সেলেন্সীশিং,
নমস্কার!
ঙসিগী 23শুবা SCO সম্মিত অসিদা অদোম পুম্নমকপু তরাম্না ওকচরি। মমাংগী দিকেদ অনিসিদা SCOনা এসিয়াগী লমদমদা শান্তি, নুংঙাই য়াইফবা অমসুং চাউখৎ থৌরাংগী মশক থোকপা ফম্বাক অমা ওইনা থোক্লক্লি। ভারত অমসুং লমদম অসিগী মরক্কী নাৎ অমসুং মীওইশিংগী মরক্তা লৈনরিবা মরীনা ঐখোয়গী শেয়র তৌনরিবা হেরিতেজকী অচঙবা খুদম অমা ওইরি। ঐখোয়না লমদম অসিবু ঐখোয়গী “য়ুম্লোন্নবা” হায়না উদে, লমদমসিবু ঐখোয়না “ইমুংগী শরুক অমা” হায়না উই। 

এক্সেলেন্সীশিং,
ভারতনা SCOগী চেয়রপর্সন অমা ওইনা ঐখোয়গী হীরম য়াম্বা তেংবাংনবগী থৌওংবু অনৌবা অৱাংবা থাক্তা পুখৎনবা লেপ্তনা হোৎনদুনা লাক্লি। ঐখোয়না হোৎনরিবা খুদিংমক তঙাই ফদবা ৱাখল্লোন অনিদা য়ুম্ফম ওইবনি। অহানবা, মালেম পুম্ববু ইমুং অমনি খনবনি হায়রিবা “বাসুদৈবা কুতুম্বাকম”। ৱাখল্লোন অসিনা অরিবা মতমদগী হৌনা ঐখোয়গী খুন্নাইগী লিচৎ-শাজৎকী তৎন-থানবা য়াদ্রবা শরুক অমা ওইদুনা লাক্লি। মসিনা ঐখোয়গী পাঙ্গল অমসুং ইথিলগী হৌরকফম অমা ওইনা হৌজিক্কী মতম অসিদসু অদুমক তেংবাংলি। অনিশুবা ৱাখল্লোন অসিনা SECURE হায়বা অসিনি। মসিনা হায়বদি, সেক্যুরিতী, ইকোনোমিক দিভেলপমেন্ত, কন্নেক্তিবিতী, য়ুনিতী, রেস্পেক্ত ফোর সোভরেনিতী অমসুং তেরিতোরিএল ইন্তিগ্রিতী, অমসুং ইনভাইরনমেন্তেল প্রোতেক্সন হায়বনি। মসিনা ঐখোয়গী চেয়রমেনশিপকী থীম অমসুং ঐখোয়গী SCOগী পান্দমগী মশক তাক্লি।

মিৎয়েং অসিগা লোয়ননা, ভারতনা SCOগী মনুংদা তেংবাংনবগী য়ুম্বী মঙা শেম্লেঃ

◦ স্তার্তঅপ অমসুং ইন্নোভেসন

◦ নাৎকী ওইবা হিদাক লাংথক

◦ নহাশিংগী মপাঙ্গল হাপ্পা

◦ দিজিতেল ইনক্লুজন অমসুং

◦ শেয়র্দ বুদ্ধিস্ত হেরিতেজ

এক্সেলেন্সীশিং,

ভারতকী লুচিং মখাদা, ঐখোয়না SCOগী মনুংদা থৌরম, কনফরেন্স অমসুং মীফম চাম্মগা নিফু হেন্না পাংথোকখ্রে। ঐখোয়না SCOগী ওবজর্বর অমসুং দাইলোগ পার্ত্নর খুদিংবু তোঙান-তোঙানবা থৌরম তরামরিদা থৱাই য়াওনা শরুক য়াহনখি। SCOগী মন্ত্রীশিংগী থাক্তা ফমখিবা মীফম তরামরিদা, ঐখোয়না মরু ওইবা চে চাং কয়া পুন্না তাশিন-খোমজিমিন্নখি। থৌওংশিং অসিগা লোয়ননা, ঐখোয়না ঐখোয়গী তেংবাংনবগী থৌওংশিং অসিদা মখাদা পীরিবশিং অসিগুম্বা অনৌবা অমসুং মতমগা চুনবা হীরম কয়া অমা হাপচিনখিঃ

• ইমর্জিং ফুএলগী মতাংদা ইনর্জী সেক্তরগী মনুংদা তেংবাংনবা।

• ত্রান্সপোর্তেসন সেক্তরদা দিকর্বোনাইজেসন তৌনবা অমসুং দিজিতেল ত্রান্সফোর্মেসন পুরক্নবা তেংবাংনবা।

• দিজিতেল পব্লিক ইনফ্রাস্ত্রকচরগী লমদা তেংবাংনবা।

SCOগী মনুংদা তেংবাংনবা খুদিংমক সরকারগী থাক খক্তদা অকক্নবা লৈহন্দনবা ভারতনা হোৎনরি। ভারতকী লুচিং মখাদা, মীয়ামগী মরক্তা পাউ ফাওনবা অমসুং তেংবাংনবা হেনগৎহন্নবা অনৌবা খোঙথাং কয়া পায়খৎখি। SCO মিল্লেত ফুদ ফেস্তিবেল, ফিল্ম ফেস্তিবেল, SCO সুরজকুন্দ ক্রাফ মেলা, থিঙ্ক তেঙ্ক কনফরেন্স অমসুং শেয়র্দ বুদ্ধিস্ত হেরিতেজকী লমদা মালেমগী কনফরেন্সশিং অহানবা ওইনা শিনখি।

SCOগী অহানবা তুরিজম অমসুং কলচরেল কেপিতেল ওইরিবা লাইওইরবা ভরানসীগী শহরনা তোঙান-তোঙানবা থৌরমশিংগী মীয়ামগী পুক্নিং চীংশিনফম ওইখি। SCO লৈবাকশিংগী নহাশিংগী শক্তি অমসুং হৈ-শিংবগী খুদোংচাবা লৌনবগীদমক্তা, ঐখোয়না নহা ওইরিবা সাইন্তিস্তশিংগী মীফম, নহা ওইরিবা অইবশিংগী মীফম, নহা ওইরিবা রেসিদেন্ত স্কোলরশিংগী থৌরম, স্তার্তঅপ ফোরম অমসুং নহাশিংগী কাউন্সিলগুম্বা অনৌবা ফোরম কয়া শিনখি।

এক্সেলেন্সীশিং,
হৌজিক্কী মতম অসি মালেমগী থৌদোক-ৱাথোক কয়াগী য়াম্না লুবা মতম অমা ওইরি।

খৎন-চৈনবা, অৱাবা অমসুং লাইচৎনা থল্লবা মালেম অসিদা চিঞ্জাক, ফুএল অমসুং হারগী ইরাংশিং অসিনা লৈবাক খুদিংগী অচৌবা শিংনবা অমা ওইরি।

মীয়ামগী অনিংবা অপাম্বশিংগী মনিং থুংহনবা ঙম্বগী মতিক অসি ঐখোয়দা লুপ অমা ওইনা লৈবরা হায়বসি ঐখোয় পুন্না অমুক্তং খন্থমিন্নবা ফৈ।

মসিগুম্বা মতমগী শিংনবা কয়া অসিগা মাইয়োক্নবা ঙম্বগী মতিক ঐখোয়দা লৈবরা?

SCO অসি তুংগী মতমগী শিংনবা থেংনবা ঙম্বগী মতিক লৈবা লুপ অমা ওইরক্লিবরা?

হীরম অসিগা মরী লৈননা, ভারতনা SCO মনুংদা রিফোর্ম অমসুং মোদর্নাইজেসন তৌবগী ৱাহৌদোক খুদিংমক্তা শৌগৎলি।

SCOশিংগী মরক্তা লৈরিবা লোলগী পন লৌথোক্নবগীদমক্তা ভারতকী AI-দা য়ুম্ফম ওইবা লোলগী প্লেতফোর্ম, ভাশিনী অসি পুম্নমক্কা য়াম্না হরাওনা শেয়র তৌবা পাম্মি। মসিনা ইনক্লুসিভ গ্রোথ পুরক্নবা দিজিতেল তেক্নোলোজীনা তেংবাংবগী খুদম অমা ওইবা য়াগনি।

SCOনা UN য়াওনা মালেমগী ইন্সতিত্যুসন কয়াদা রিফোর্ম পুরকপগী মরু ওইবা খোঞ্জেল অমা ওইবা ঙমগনি।

ইরান্না ঙসি SCOগী অনৌবা মেম্বর অমা ওইনা য়াওগদৌরিবা অসিদা ঐহাক্না য়াম্না নুংঙাইবা ফাওই।

ঐহাক্না ইরানগী রাস্ত্রপতি রাইসী অমসুং মীয়াম্বু মসিগীদমক্তা থাগৎচরি।

ঐখোয়না বেলারুস SCO মেম্বরশিপকী মেমোরেন্দম ওফ ওব্লিগেসনগী খুৎয়েক পীনরিবা অসিবুসু তরাম্না ওক্লি।

অতোপ্পা লৈবাকশিংনা SCOগী শরুক ওইনিংদুনা মসিদা য়াওবা পাম্নরিবা অসিনা ঐখোয়গী লুপ অসিগী মরু ওইবগী খুদম অমা ওইরি।

হায়রিবা থবকশিং অসিদা, SCOনা সেন্ত্রেল এসিয়াগী লৈবাকশিংগী অপাম্বশিংদা মিৎয়েং চঙলিবা অসিবু ঙাক্তুনা থম্বা হায়বসি য়াম্না তঙাই ফদবা থৌওং অমা ওইরি।

এক্সেলেন্সীশিং,

তেরোরিজম্না রিজনেল অমসুং মালেমগী শান্তিগী মফমদা য়াম্না চাউবা শিংনবা অমা ওইরক্লি। শিংনবা অসিগা মাইয়োক্নগে হায়বরদি ৱারেপ চেৎনা পাংথোকপা থবকশিংগী মথৌ তাই। মসিগী মওং-মতৌ করিনো হায়বা খন্থবা তৌদনা, ঐখোয়না মসিগী মাইয়োক্তা লান্থেংননবগীদমক্তা অমত্তা ওইফম থোকই। লৈবাক খরনা ক্রোস-বোর্দর তেরোরিজম্বু মখোয়গী পোলিসীগী খুৎলায় ওইনা শিজিন্নৈ, তেরোরিস্তশিংগী চঙজফম পীরি। SCOনা মসিগুম্বা লৈবাকশিংবু য়ানিংদে হায়না ফোংদোকপদা মনিং হল্লোইদবনি। মসিগুম্বা অরুবা হীরম অসিদা অনিথোকপা ৱাখল্লোন লৈবা য়াদে। তেরর ফাইনান্সিংগী মাইয়োক্তা লান্থেংনবা মতমদা ঐখোয়না অমনা অমগী মতেং পাংনগদবনি। SCOগী RATS মেকানিজম অসিনা হীরম অসিদা মরু ওইবা থৌদাং য়ারি। ঐখোয়গী নহাশিংবু লান্না লমজিংলিবা অসিবু থিংনবা ঐখোয়না অহকপা থবক পায়খৎপগী মথৌ তাই। রেদিকেলাইজেসনগী মতাংদা ঙসি থোকখিবা অপুনবা ৱারোল অসিনা ঐখোয়না অমত্তা ওইনা য়ানরিবা ৱাফমগী খুদম অমনি।  

এক্সেলেন্সীশিং,

অফঘানিস্তান্দা থোক্লিবা থৌদোকশিং অসিনা ঐখোয় পুম্নমক্কী সেক্যিরিতীদা হকথেংননা শোকহল্লি। ভারতনা অফঘানিস্তানগী মতাংদা খল্লিবা অমসুং লৈরিবা থাজবা অসি SCO লৈবাক অয়াম্বনা লৈরিবা অসিগা মান্নৈ। অফঘানিস্তানগী নুংঙাই য়াফবগীদমক্তা ঐখোয়না পুন্না হোৎনমিন্নগদবনি। অফঘানগী মীয়ামদা তেংবাং পীবা, ইনক্লুসিব ওইবা সরকার অমা শেম্বা, তেরোরিজম অমসুং নিশা য়োনবগী মাইয়োক্তা লান্থেংনবা অমসুং নুপী অমদি অঙাংশিংগা লোয়ননা মাইনোরিতীশিংগী হক ফংহনবা হায়বসি ঐখোয় পুম্নমক্কী অপুনবা প্রাইওরিতী ওইগদবনি। ভারত অমসুং অফঘানিস্তানগী মীয়ামগী মরক্তা চহি চা কয়াদগী লৈনরক্লবা মরী লৈরি। মমাংগী দিকেদ অনিদা, ঐখোয়না অফঘানিস্তানগী শেন্মিৎলোন অমসুং খুন্নাইগী চাউখৎ থৌরাংদা মশক থোক্না তেংবাংখি। ইং 2021গী থৌদোক্কী মতুংদা ফাওবা, ঐখোয়না হ্যুমেনিতরিয়ন এসিস্তেন্স পীবা লেপ্ত্রি। অফঘানিস্তানগী লমদম অসি য়ুম্লোন্নবা লৈবাকশিংগী তংদু লৈতাবা ফিভমদা অকায়বা পীহন্দনবা অমসুং এক্সত্রিমিস্ত ওইবা ৱাখল্লোন শন্দোকহন্দনবা হোৎনবা হায়বসি য়াম্না মরু ওই।

এক্সেলেন্সীশিং,

মফম অমা হেক্তগী চাউখৎ থৌরাংদা মপাঙ্গল লৈবা কন্নেক্তিবিতীগী য়াম্না মরু ওই। অফবা কন্নেক্তিবিতীনা ঐখোয় মশেলগী লল্লোন-ইতিক হেনগৎহনবতা নত্তনা অমনা অমদা থাজবগী চাংসু য়াম্না হেনগৎহল্লি। অদুবু, পুম্নমক অসিগীদমক্তা হোৎনরিবা অসিদা SCO চার্তরগী বেসিক প্রিন্সিপল ইন্দুনা চৎপা হায়বসি য়াম্না তঙাই ফদে, অখন্নবা ওইনা, মেম্বর রাজ্যশিংগী সোভরেনিতী অমসুং রিজনেল ইন্তিগ্রিতীবু ইকায় খুম্নবা। ইরান্না SCOগী মেম্বর ওইরকপা অসিগা লোয়ননা, ঐখোয়না চবাহর হিথাংফম্বু মপুং ফানা শিজিন্নবগী মাইকৈদা থবক পায়খৎপা য়ারগনি। ইন্তর্নেস্নেল নোর্থ-সাউথ ত্রান্সপোর্ত কোরিদোর অসিনা সেন্ত্রেল এসিয়াগী কংফালনা কোইশিনবা লৈবাকশিংনা ইন্দিয়ন ওসীনগী কান্নবা লৌহন্নবা তেক্ত কায়দবা অমসুং অফবা লম্বী অমা ওইবা য়াগনি। ঐখোয়না মসিগী কান্নবা মপুং ফানা লৌবা ঙম্নবা হোৎনগদবনি।

এক্সেলেন্সীশিং,

SCOনা মালেমগী অপুনবা মীশিংগী চাদা 40 অমসুং মালেমগী শেন্মিৎলোনগী শরুক অহুম থোকপগী অমগী মীহুৎ ওইরি। মরম অদুনা, ঐখোয় মশেলগী তঙাই ফদবা অমসুং অপাম-পামদ খঙবা হায়বসি ঐখোয়গী অপুনবা থৌদাং ওইগনি। তেংবাংনবগী খুত্থাংদা শিংনবা খুদিংগী ৱারোইশিন পুরক্কদবনি অমসুং ঐখোয়গী মীয়ামগী নুংঙাই য়াইফনা লৈবগী ফিভম অমা ঐখোয়না লৈহনগদবনি। ভারতকী চেয়রমেনশিপ অসিবু মায় পাকহনবদা ঐখোয়না অদোম খুদিংগী তেংবাং ফংখি। মসিগীদমক্তা ঐহাক্না পুম্নমকপু থম্মোই শেংনা থাগৎচরি। অপুনবা ভারতকী মাইকৈদগী, ঐহাক্না SCOগী মথংগী চেয়রমেন, ঐহাক্কী মরুপ অমসুং কাজাখস্তানগী রাস্ত্রপতি, তোকায়েবকী মফমদা য়াইফ পাউজেল পীজরি। 

ভারতনা SCOগী মায় পাকপগীদমক্তা মীপুম খুদিংগা লোয়ননা অমত্তা ওইনা থৱাই য়াওনা তেংবাংলি।

পুম্নমকপু থাগৎচরি।

***