অরুনাচল প্রদেশ অমদি অসামদা লৈবা অমদি এন.ঐচ.পি.সি. লিমিতেদনা পায়খৎপা মেগাৱাত ২০০০গী সুবান্সিরি লৱর হায়দ্রোইলেকত্রিক প্রোজেক্ত লোইশিনবগী মায়কৈদা মশক থোকপা পন্দোল অমা ওইনা, দাম অসিগী শাবগী থবক ইলেবেসন লেভেল (ই.এল.) ২১০ মিতরগী মথক থংবা থাক ফাওবা ব্লোক খুদিংদা জুন ২৯, ২০২৩দা লোইশিল্লে‍। মতাঙসিদা পল্লিবা ইলেবেসন লেভেল অসি মীন সী লেভেলদগী লৈরিবা অৱাংবদুনি‍।) পৱার অমদি নিউ এন্দ রিনিউএবল ইনর্জীগী কেন্দ্র মন্ত্রী শ্রী আর.কে. সিংহনা প্রোজেক্ত অদুগী লৈরিবা ফীভম মে ৩১, ২০২৩দা, দামগী কনক্রিৎ হৈবদা মশক থোকপা প্রোগ্রেস লৈবগা লোয়ননা মিতর ২১০গী মথক থংবা থাক ফাওবদা ব্লোক ১৪ লোইশিন্দুনা জুন ২০২৩ ফাওবগী মনুংদা লেমহৌরিবা ব্লোক অনিসু লোইশিল্লগনি হায়রকপা মতমদুদা, য়েংশিনখি‍।

প্রোজেক্ত অসিগী অপুনবা থবক্কী ৯০% হেন্না হান্না লোইদুনা লৈরবনি‍। দাম, পৱার হাউস অমদি হায়দ্রোমেকানিকেল ৱর্কশিং য়াওনা অচৌবা কম্পোনেন্ত পুম্নমক শাগৎপগী থবক থুনা য়াঙনা লোইশিল্লক্লি হায়না এন.ঐচ.পি.সি.না পাউদম্লকখি‍।

রেদিএল গেৎকী লেমহৌরিবা থবকশিং নোংজুথা মতুংদা লোইশিল্লগনি অমদি মৈ পুথোকপগী থবক শেনবা চহি ২০২৩-২৪ লোইশিল্লকপা ফাওবদা হৌরবা য়াই হায়না পানরি‍।

লোইশিল্লকপদা, সুবান্সিরি লৱর হায়দ্রোইলেক্ত্রিক প্রোজেক্তনা ৯০%/- দিপেন্দেবল ইয়রদা চহিগী ওইনা মৈ কিলোৱাৎ-অৱার মিলিয়ন ৭,৫০০ রোম পুথোক্কনি‍।

এন.ঐচ.পি.সি. লিমিতেদনা ওক্তোবর ১২, ২০০৪দা ফোরেস্ত ক্লিয়রেন্স ফংলগা সুবান্সিরি লৱর হায়দ্রোইলেকত্রিক প্রোজেক্ত শাবগী থবক জনুৱারী ২০০৫তগী হৌখিবনি‍। অদুম ওইনমক, লমদমদুগী স্তেকহোল্দরশিংনা ইহৌ তৌরকপনা মরম ওইরগা, প্রোজেক্ত অসি শেমগৎ শাগৎপগী থবক দিসেম্বর ২০১১ দগী ওক্তোবর ২০১৯ ফাওবা লেপ্তুনা লৈখি‍। প্রোজেক্ত অসি শেমগৎ শাগৎপগী থবক নেস্নেল গ্রীন ত্রাইব্যুনেলদগী ক্লিয়রেন্স ফংলবা মতুংদা ওক্তোবর ১৫, ২০১৯দগী মখা চত্থখিবনি‍।

***