اروناچل پردیش اور آسام میں 2000 میگاواٹ والے سبانسری  لوور ہائیڈرو الیکٹرک پروجیکٹ   کی تکمیل کی جانب  ایک اور سنگ میل  طے کرتے ہوئے  ،جسے این ایچ  پی ایس  لمٹیڈ تعمیر کررہا ہے ، ایلی ویشن سطح ( ای ایل ) 210 میٹر  کی اونچائی تک   باندھ کی تعمیر  سبھی بلاکوں  29 جون  2023 کو مکمل کرلی گئی ہے۔ ( یہاں ایلی ویشن  لیول  کا مطلب  سمندر کی اوسط سطح ہے) بجلی  ، نئی وقابل تجدید توانائی کے وزیر جناب آر کے سنگھ نے  31  مئی  2023  کو  پروجیکٹ کی پیش رفت کا جائزہ لیا تھا۔اس وقت  یہ بتایا گیا تھا کہ اس پروجیکٹ نے  باندھ  کی تعمیر میں اہم  پیش رفت ہوئی ہے کہ 14  بلاکوںمیں  210 میٹر کی سب سے اونچی سطح پر یہ تعمیر کردی گئی ہے اور بقیہ دو  بلاکوں میں  اس  سطح میں کمی کرکے  جون  2023  تک  باندھ کو  مکمل کردیا جائے گا۔  

این ایچ پی سی  نے بتایا ہے کہ پروجیکٹ کے کل کام کا 90فیصد سے زیادہ حصہ  پایہ تکمیل کو پہنچ چکا ہے ۔ باندھ  ، پاور ہاؤس اور ہائیڈرو میکنیکل  ورکس سمیت  سبھی بڑے  حصوں کی تعمیر  تیزی سے تکمیل کی  طرف بڑھ رہی ہے ۔

ریڈئل  دروازوں کا بقیہ کام مانسون کے بعد مکمل ہوجائے گا اور  بجلی  تیاری  کا کام  مالی سال  24-2023 کے اختتا م تک  شروع ہوجانے کی امید ہے۔

سبانسری  لوور  ہائیڈرو الیکٹر ک پروجیکٹ   کی تکمیل کے بعد  کسی  ایک 90 فیصد  قابل انحصار سال میں   تقریباََ  7500 ملین  کلوواٹ   گھنٹے  کی بجلی  تیارکی جاسکے گی۔

این ایچ  پی سی لمٹیڈ نے سبانسری  لوور  ہائیڈرو الیکٹرک پروجیکٹ کی تعمیر کا کام جنوری  2005  میں  شروع  کیا تھا ۔یہ کام   12 اکتوبر 2004  کو جنگلات کے محکمے سے اجازت حاصل کرنے کے بعد  شروع کیا گیا تھا البتہ  مقامی متعلقہ فریقوں    کی  طرف سے  مظاہروں  اور احتجاج کی وجہ سے  پروجیکٹ  کی تعمیر کا کام  دسمبر  2011سے  اکتوبر  2019 تک  رکا رہا ۔ پروجیکٹ کی تعمیر کا یہ کام   نیشنل گرین  ٹرائبیونل کی اجازت کے بعد 15  اکتوبر  2019  کو دوبارہ شروع کیا گیا۔

*************

ش ح۔اس ۔ رم

U-6736