প্রধানমন্ত্রীগী লোইশঙ
দিল্লি য়ুনিভর্সিতি চহি ১০০ শুবগী থৌরমশিং লোইনশিনবগী থৌরমদা প্রধান মন্ত্রী ৱা ঙাংখ্রে
ফেকলতি ওফ তেক্নোলোজি, কম্পুতর সেন্তর অমসুং য়ুনিভর্সিতিগী একাদেমিক ব্লোক শানবা উরেপ-উয়ুং তমখ্রে
সেন্তিনরি থৌরমশিংগী খোমজিনবা লাইরিক-কম্মেমোরেতিপ সেন্তিনারি ভোলুম; দিল্লি য়ুনিভর্সিতি অমসুং মসিগী কলেজশিংগী লোগো-লোগো বুক; অমসুং ঔরা- চহি ১০০ শুরবা দিল্লি য়ুনিভর্সিতি ফোঙখ্রে
দিল্লি য়ুনিভর্সিতি য়ৌনবা মেত্রো তোংখি
“দিল্লি য়ুনিভর্সিতি অসি শুপ্নগী য়ুনিভর্সিতি অমা নত্তে, মসি খোঙজং অমনি”
“করিগুম্বা চহি ১০০ অসিদা, দিল্লি য়ুনিভর্সিতিনা মসিগী ইহুল হিংদুনা লৈহল্লবদি, য়ুনিভর্সিতি অসিনা মসিগী গুনশিংগী ফজনা ঙাক্কদবনি”
“ভারতকী ইনাকখুল্লবা লাইরিক-লাইশু তাকপী তম্বীগী থবক্না ভারতকী নুংঙাই-য়াইফবা শেমগৎলি”
“ হৈথোই-শিংথোইরবা নহারোলশিং শেমগৎপদা দিল্লি য়ুনিভর্সিতিনা মরুওইবা থৌদাং অমা লৌরি”
“করিগুম্বা লনা মীওই অমা নত্ত্রগা মহৈলোয়শঙ অমনা লৈবাক্কী ৱারেপ লৌবদা মতমদা, মখোয়না মাইপাকপা অদুগা লৈবাক্কী মাইপাকপগা মান্নৈ”
“ হৌখিবা চহিচাগী অহুমশুবা দিকেত্তা ভারতকী নিংতম ইহৌদা অনৌবা ইনোৎ অমা পীখি, হৌজিক অনৌবা চহিচাগী অহুমশুবা দিকেত্তা ভারত চাউখৎপগী খোঙচত্তা অনৌবা ইনোৎ অমা পীরগনি”
“গনতন্ত্র,
Posted On:
30 JUN 2023 1:29PM by PIB Imphal
ঙসি দিল্লি য়ুনিভর্সিতি স্পোর্তস কমপ্লেক্সকী মল্তিপর্পজ হোলদা দিল্লি য়ুনিভর্সিতি চহি ১০০ শুবগী থৌরমশিং লোইনশিনবগী থৌরমদা প্রধান মন্ত্রী শ্রী নরেন্দ্র মোদী ৱা ঙাংখ্রে। মহাক্না য়ুনিভর্সিতি অসিগী নোর্থ কেম্পসতা শাগদবা ফেকলতি ওফ তেক্নোলোজি বিল্দিং, কম্পুতর সেন্তর অমসুং য়ুনিভর্সিতিগী একাদেমিক ব্লোক শানবা উরেপ-উয়ুং তমখ্রে। প্রধান মন্ত্রীনা সেন্তিনরি থৌরমশিংগী খোমজিনবা লাইরিক-কম্মেমোরেতিপ সেন্তিনারি ভোলুম; দিল্লি য়ুনিভর্সিতি অমসুং মসিগী কলেজশিংগী লোগো-লোগো বুক; অমসুং ঔরা- চহি ১০০ শুরবা দিল্লি য়ুনিভর্সিতি ফোঙখ্রে।
দিল্লি য়ুনিভর্সিতি য়ৌনবা প্রধান মন্ত্রী মেত্রো তোংখি। খোঙচৎ মনুংদা মহাক্না মহৈরোয়শিংগা ৱারি শানখি। মফম অদুদা থুংলবগা, প্রধান মন্ত্রীনা য়ুনিভর্সিতি অসিগী চহি ১০০গী খোঙচৎকী একজিবিসন অমা য়েংখি। ঈশৈ অমসুং ফাইন আর্তসকী ফেকলতিনা লান্থোকপা য়ুনিভর্সিতি কুলগীত অমসুং সরশ্বাতী বন্দনা প্রধান মন্ত্রীনা য়েংখি।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি দিল্লি য়ুনিভর্সিতিগ চহি ১০০ শুবগী থৌরমশিং লোইশিনবগী থৌরম শরুক য়ানবা মহাক্না অচেৎপা ফিরেপ লৌখি। মসি য়ুমদা লাকপগুম ফাওখি। ৱা ঙাংদ্রিঙৈ মমাংদা উৎখিবা অতেন ফিল্মগী ৱাফম পল্লদুনা, প্রধান মন্ত্রীনা হায়খি য়ুনিভর্সিতি অসিদগী থোরকপা মীওইশিংনা পাংথোকখিবা থবকশিংনা দিল্লি য়ুনিভর্সিতিগী পুন্সিগী মশক অমা তাক্লে। নুংঙাইবা থৌরম অমদা দিল্লি য়ুনিভর্সিতিদা লাকপা অসিদা মহাক হরাওই। থৌরম পাংথোকফম অসি য়ৌনবা মেত্রো তোংদুনা লাকপদা মহাক হরাওই।
প্রধান মন্ত্রীনা হায়খি লৈবাক অসিনা নিংতম্বা চহি ৭৫ শুরকপগী ভারতনা অজাদি কা অমৃত মহোৎসব পাংথোকপা মতমদা দিল্লি য়ুনিভর্সিতি চহি ১০০ শুরকপগী থৌরমশিং পাংথোক্লি। লৈবাক অমগী য়ুনিভর্সিতিশিং অমসুং মহৈলোয়শঙশিংগী মমি অদু লৈবাক অদুগী মাইপাকপশিংদা তারি। দিল্লি য়ুনিভর্সিতিগী চহি ১০০শুরবা খোঙচৎ অসিদা, মহৈরোয়শিং, ওজাশিং অমসুং অতোপ্পা কয়াগী পুন্সিদা অচৌবা পুৱারিগা শাগোন্নবা মাইপাকপা কয়া পুরকখ্রে। দিল্লি য়ুনিভর্সিতি অসি শুপ্নগী য়ুনিভর্সিতি অমা নত্তে, মসি খোঙজং অমনি, আমসু মসিগী পুন্সিগী মিকুপ খুদিংমক মপুংফাহল্লে। দিল্লি য়ুনিভর্সিতিগা মরী লৈনবা মহৈরোয় অমসুং ওজা খুদিংমক থৌরম অসিদা প্রধান মন্ত্রীনা থাগৎপা ফোঙদোকখি।
অরিবা অমসুং অনৌবা এলুম্নাই পুনবা অসিগী মতাংদা, প্রধান মন্ত্রীনা হায়খি, মসি উনবগী থৌরম অমনি। করিগুম্বা চহি ১০০ অসিদা, দিল্লি য়ুনিভর্সিতিনা মসিগী ইহুল হিংদুনা লৈহল্লবদি, য়ুনিভর্সিতি অসিনা মসিগী গুনশিংগী ফজনা ঙাক্কদবনি। ভারত্তা অফবা য়ুনিভর্সিতিশিং হায়বদি নালান্দা অমসুং তকসিলা লৈবা মতমদা, লৈবাক অসি খম থেংনা নুংঙাইখি। ভারতকী ইনাকখুল্লবা লাইরিক-লাইশু তাকপী তম্বীগী থবক্না ভারতকী নুংঙাই-য়াইফবা শেমগৎলি। মতম অদুদা মালেমগী জি.দি.পিদা ভারতনা য়াম্না চাউনা শরুক য়াখি। মীনাই ওইরিঙৈ মনুংদা হায়রিবা মহৈলোয়শঙশিং অসি লেপ্তনা মাংহন-তাকহনবদগী ভারতকী লাইরিক-লাইশু তম্বদা অপনবা পীখি অমসুং চাউখৎপা থিন্থহনখি।
মহাক্না হায়খি নিংতম্লবা মতুংদা হৈথোই-শিংথোইরবা নহারোলশিং অকনবা মীরোল অমা শেম্বদা নিংতম্লবা ভারত্তা য়ুনিভর্সিতিশিংনা মরুওইবা থৌদাং অমা লৌখি। মসিদা দিল্লি য়ুনিভর্সিতিনা মরুওইবা থৌদাং অমা লৌখি। হৌখিবা মতম খঙবা অসিনা ঐখোয়গী হিংবা, ঐখোয়গী অচুম্বা ফিদমশিং অমসুং তুংগী মীৎয়েং পাকথোক-চাউথোকপদা থৌদাং লৌগনি।
প্রধান মন্ত্রীনা হায়খি করিগুম্বা লনাই মীওই অমা নত্ত্রগা মহৈলোয়শঙ অমনা লৈবাক্কী ৱারেপ লৌবদা মতমদা, মখোয়না মাইপাকপা অদুগা লৈবাক্কী মাইপাকপগা মান্নৈ। য়ুনিভর্সিতি অসি হৌরকপা মতমদা দিল্লি য়ুনিভর্সিতিগী মখাদা শুপ্নগী কলেজ অমহু খক্তা লৈখি,অদুবু ঙসিদি মসিগী মখাদা কলেজ ৯০ হেন্না লৈরে। মতম অদুদা শেন-থুমগী ফিবম ফত্তবগী মমিং লৈরম্বা লৈবাক অসি ঙসিদি মালেমদা মকোক থোংবা ইকোনোমি ৫গী মনুংদা য়াওরে। দিল্লি য়ুনিভর্সিতিদা তম্লিবা নুপী মশিংনা নুপা মশিংদগী হেল্লে। লৈবাক অসিদা জেন্দর রেসিও অসি য়াম্না ফগৎলে।
মহাক্না হায়খি য়ুনিভর্সিতি অমা অমসুং লৈবাক অমগী ৱারেপশিং অমগা অমগা মরী লৈনবা য়াম্না মরুওই অমসুং মহৈলোয়শঙশিং হেন্না ফরিবমখৈ লৈবাক অদু হেন্না চাউখৎকনি। য়ুনিভর্সিতি অসি অহানবা হৌরকপদা ভারতকী নিংতম্বা অসি দিল্লি য়ুনিভর্সিতিগী পান্দম্নি। অদুবু ঙসিদি ভারতনা নিংতম্বা চহি ১০০ শুরকপা মতমদা দিল্লি য়ুনিভর্সিতি চহি ১২৫ মপুং ফারগনি। দিল্লি য়ুনিভর্সিতিগী পান্দমদি চাউখৎলবা ভারত অমা শেম্বা ওইগদবনি। হৌখিবা চহিচাগী অহুমশুবা দিকেত্তা ভারতকী নিংতম ইহৌদা অনৌবা ইনোৎ অমা পীখি, হৌজিক অনৌবা চহিচাগী অহুমশুবা দিকেত্তা ভারত চাউখৎপগী খোঙচত্তা অনৌবা ইনোৎ অমা পীরগনি। মশিং য়াম্লবা নৌনা লিংখৎলক্লিবা য়ুনিভর্সিতিশিং, কলেজশিং, আই.আই.তিশিং, আই.আই.এমশিং অমসুং এ.আই.আই.এমশিং অসি অনৌবা ভারত শেমগৎনবা মচাকশিং ওইরগনি।
প্রধান মন্ত্রীনা হায়খি লাইরিক তম্বা অসি ইচম চম্বা তাকপীবগী থবক অমা নত্তে, মসি তম্বগী লম্বী অমসুনি। মতম কয়াগী তুংদা, মহৈরোয়শিংনা করি তম্বা পাম্লিবগে হায়বদা মীৎয়েং চঙলে। সবজেকশিং খনবগী মতাংদা অনৌবা ইজুকেসন পোলিসিদা কোমথোকপা লৈরে। মহৈলোয়শঙশিংগী মরক্তা চাংদম্নবা হেনগৎহন্নবা, নেসনেল ইন্সিতিতুসনেল রেঙ্কিং ফ্রেমৱার্কনা মহৈলোয়শঙশিং পুক্নিং থৌগৎলে। মহৈলোয়শঙশিংগী ওতোনোমিগা মগুন লৈবা ইজুকেসনগা মরী লৈনহন্নবা থবক পায়খৎলে।
প্রধান মন্ত্রীনা হায়খি তুংগী য়েংলগা শেম্বা থৌশিলশিং অমসুং ৱারেপশিংনা ভারতকী য়ুনিভর্সিতিশিং মশক খঙবা হেনগৎলক্লি। ২০১৪দা ক্বিউ.এস ৱার্ল্দ রেঙ্কিংদা শুপ্নগী ভারতকী য়ুনিভর্সিতি ১২ য়াওখি, ঙসি য়ুনিভর্সিতি ৪৫ য়ৌরে। মসিগী অওনবা অসি পুরকপদা ভারতকী নহারোলশিংগী থৌননা ওইহনখিবনি। লাইরিক তম্বা অসি থবক অমসুং দিগ্রি ফংনবা খক্তা নত্তে হায়বা ৱাখল্লোন অদু ঙসিগী নহারোলশিংনা হোঙদোকহল্লে অমসুং ২০১৪-১৫গা চাংদম্নবদা পেতেন্ত ফাইল তৌবা চাদা ৪০ হেল্লে অমসুং স্তার্দঅপ লাখ ১ হেন্না লৈরে অমসুং মসিগী ৱাখল্লোন অসিগী খুদম ওইনা গ্লোবেল ইন্নোবেসন ইন্দেক্সতা ফিবম ফগৎলে।
প্রধান মন্ত্রীনা হায়খি মহাক্কী হন্দক্কী য়ু.এস খোঙচৎ মনুংদা ক্রিতিকেল এন্দ ইমর্জিং তেক্নোলোজি নত্ত্রগা আইসেতকী য়ানবা পুরক্লে অমসুং মসিনা এ.আইদগী হৌরগা সেমিকন্দক্তর ফাওবদা হিরম কয়াদা ভারতকী নহারোলশিংদা অনৌবা খুদোংচাবা কয়া পীরগনি। মসিনা মতম অমদা ঐখোয়গী নহারোলশিংনা ফংবা ঙম্লমদবা তেক্নোলোজিশিং ফংবা ঙম্লগনি অমসুং স্কিল হেনগৎহল্লগনি। মাইক্রোন, গুগল, এপ্লাইদ মেতরিএল য়াওনা কম্পেনি কয়া ভারত্তা শেন থাদনবা ৱারেপ লৌরে অমসুং মসিনা নহারোলশিংগী তুংগী অফবা অমা পীবা ঙম্লগনি।
প্রধান মন্ত্রীনা হায়খি ইন্দস্ত্রি ৪.০ রিভোলুসন ভারতকী থোঙজিলদা থিল্লরে। সেনিমা খক্তদা উরম্বা এ.আই, এ.আর অমসুং ভি.আরগুম্বা তেক্নোলোজিশিং ঙসিদি ঐখোয়গী পুন্সিগী শরুক অমা ওইরে। গারি থৌবগী হৌরগা সর্জরি ফাওবদা রোবোতিক্স অসি অনৌবা চৎনবী অমা ওইরে অমসুং হায়রিবা হিরমশিং অসি ভারতকী অনৌবা মীরোলগী অনৌবা খুদোংচাবশিং শেম্লে। হৌখিবা চহিশিংদগী, ভারতনা লৈবাক অসিগী স্পেস অমসুং দিফেন্স সেক্তর হাংদোক্লে অমসুং নহারোলশিং চাউখৎনবা খুদোংচাবা অমা পীরিবা দ্রোনশিংগী থৌশিলশিংদা অচৌবা অহোংবশিং পুরক্লে।
প্রধান মন্ত্রীনা হায়খি হৌজিক মীয়াম্না ভারতকী মরমদা খঙনিংলে। কোরোনা মনুংদা ভারতনা মালেমগী মতেং পাংখি। মসিনা মরম ওইদুনা মালেম্না ভারতকী মরমদা হেন্না খঙনিংবা হেনগৎহল্লে। জি-২০গী প্রসিদেন্ত ওইবগী থৌরমশিংগী খুৎথাংদা ভারত মশক খঙবা হেনগৎহল্লে অমসুং য়োগ, সাইন্স, নাৎ, কুহ্মৈশিং, খোরিলোল, পুৱারি, হেরিতেচ অমসুং ইন্সাং মথেলশিংদা মহৈরোয়শিংগী অনৌবা খুদোংচাবা শেমগৎলে। মালেমদা ভারতকী মরমদা হায়বা ঙম্বা অমসুং ঐখোয়গী পোৎলমশিং মালেমদা য়ৌহনবা ঙমবা ভারতকী নহারোলশিংগী দরকার ওইবা হেনগৎলক্লে।
প্রধান মন্ত্রীনা হায়খি গনতন্ত্র, মান্নবা অমসুং অমনা অমবু ইকায়খুম্নবগুম্বা ভারতকী গুনশিং মীওইবগী গুনশিং ওইরে, সরকার অমসুং দিপ্লোমেসিগী লমদা ভারতকী নহারোলশিংগী অনৌবা খুদোংচাবশিং শেম্লে। পুৱারি, নাৎ অমসুং হেরিতেচদা মীৎয়েং চঙলে অমসুং নহারোলশিংগী অনৌবা খুদোংচাবশিংসু শেম্লি। লৈবাক অসিগী তোঙান-তোঙানবা রাজ্যশিংদা ত্রাইবেল মিউজমশিং শেমগৎলে অমসুং পি.এম মিউজমগী খুৎথাংদা নিংতম্লবা ভারতকী চাউখৎপগী খোঙচৎ উৎলে। মালেমদা খ্বাইদগী চাউবা হেরিতেচ মিউজম- ‘য়ুগে য়ুগিন ভারত’ দিল্লিগা শারগনি।
প্রধান মন্ত্রীনা হায়খি ভারতকী ওজাশিং মশক খঙবা হেনগৎলক্লে অমসুং মালেমগী লুচিংবশিংনা মখোয়গী ভারতকী ওজাশিংগী মরমদা মঙোন্দা য়াম্না তোইনা পল্লকখি। মসিগী ভারতকী ৱা ঙাংবা হৈবগী শক্তি অসি ভারতকী নহারোলশিং মাইপাকপগী ৱারি অমা ওইরে। মসিগী চাউখৎপা অসিগীদমক য়ুনিভর্সিতিশিংনা থৌরাং তৌগদবনি। মসিগীদমক লম্বী অমা শেমগদবনি অমসুং দিল্লি য়ুনিভর্সিতিনা মখোয়গী চহি ১২৫ শুবা থৌরম পাংথোকপা মতমদা মালেমগী মকোক থোঙবা য়ুনিভর্সিতিশিংগী মনুংদা য়াওহনগদবনি। মফম অসিদগী থোকখিবা মালেমগী খ্বাইদগী ফবা অনৌবা ৱাখলশিং অমসুং লুচিংবশিং, লেপ্তনা থবক তৌগদবনি।
লোইশিল্লকপগী ৱারোলদা, প্রধান মন্ত্রীনা হায়খি পুন্সিদা ঐখোয়না থমখিবা পান্দমশিং ফংনবা ঐখোয়না থৱায়-হকচাং য়াওনা হোৎনবা দরকার ওই। লৈবাক অসিগী থৱায় অমসুং হকচাংগী থৌরাং তৌবা অসি লৈবাক অদুগী মহৈলোয়শঙশিংনা মপুং ফাহনগদবনি। হায়রিবা ৱারেপশিং অসি দিল্লি য়ুনিভর্সিতিনা মপুং ফাহনগনি। ঐখোয়গী অনৌবা মীরোলগী তুংগী শেম-শাগদবনি, শিংনবা মায়োক্নবগী থৌনা লৈগদবনি, মসি মহৈলোয়শঙগী পান্দমগী খুৎথাং খক্তদা পাংথোকপা ঙমগনি।
থৌরম অদুদা য়ুনিয়ন ইজুকেসন মিনিস্তর শ্রী ধর্মেন্দ্র প্রধান অমসুং দিল্লি য়ুনিভর্সিতিগী ভি.সি শ্রী য়োগেস সিংহ শরুক য়াখি।
নুঙগীৱারোল
মে ১, ১৯২২ দিল্লি য়ুনিভর্সিতি লিংখৎখি। হৌখিবা চহি ১০০দা, য়ুনিভর্সিতি অসি পাকথোক-চাউথোক্লে অমসুং হৌজিক দিপার্তমেন্ত ৮৬, কলেজ ৯০ অমসুং মহৈরোয় লাখ ৬ হেন্না লৈরে অমসুং লৈবাক শেমগৎপগী মাইকৈদা অচৌবা থৌদাং লৌরে।
********
(Release ID: 1936853)
Visitor Counter : 100
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam